သာမကသုတ်-

ရဟန်းတို့ ဆုတ်ယုတ်စေရာ ကြောင်းခြောက်ဖြာ...

၁။ အမှုသစ်၌ မွေ့လျော်ခြင်း။
၂။ စကားပြောမှု၌ မွေ့လျော်ခြင်း။
၃။ အိပ်မှု၌ မွေ့လျော်ခြင်း။
၎။ အပေါင်းအဖော်၌ မွေ့လျော်ခြင်း။
၅။ ဆုံးမခက်သော စကားရှိသူဖြစ်ခြင်း။
၆။ ယုတ်မာသော အဆွေခင်ပွန်းရှိခြင်းတို့တည်း။

သာမကသုတ်-

အခါတစ်ပါး၌ မြတ်စွာဘုရားသည် သက္ကတိုင်း သာမရွာ ပေါက္ခရဏိယမည်သော ကျောင်း၌ (သီတင်းသုံး) နေတော်မူ၏။

ထိုအခါ နတ်သား တစ်ယောက်သည် ညဥ့်ဦးယံ လွန်ပြီးသော (သန်းခေါင်ယံ) အခါ၌ အလွန်နှစ်သက်ဖွယ် အဆင်းရှိသည်ဖြစ်၍ ပေါက္ခရဏိယ တစ်ကျောင်းလုံး ကို ကိုယ်ရောင်ကိုယ်ဝါဖြင့် တောက်ပစေလျက် မြတ်စွာဘုရားထံသို့ ချဉ်းကပ်၍ ရှိခိုးပြီးလျှင် တစ်ခုသော နေရာ၌ ရပ်တည်လျက်-

မြတ်စွာဘုရားအား-
အသျှင်ဘုရား ဤတရားသုံးပါးတို့သည် ရဟန်းအား ဆုတ်ယုတ်ရန် ဖြစ်ပါကုန်၏။
အဘယ်သုံးပါးတို့နည်းဟူမူ...

အမှုသစ်၌ မွေ့လျော်ခြင်း။
စကားပြောမှု၌ မွေ့လျော်ခြင်း။
အိပ်မှု၌ မွေ့လျော်ခြင်းတို့ပါတည်း။
အသျှင်ဘုရား ဤတရားသုံးပါးတို့သည် ရဟန်းအား ဆုတ်ယုတ်ရန် ဖြစ်ပါကုန်၏ ဟု လျှောက်၏။

မြတ်စွာဘုရားသည် နှစ်သက် လိုက်လျောတော် မူ၏၊ ထိုအခါ ထိုနတ်သားသည် {{ငါ့အား မြတ်စွာဘုရားသည် နှစ်သက် မူ၏}} ဟု (သိ၍) မြတ်စွာဘုရားကို ရှိခိုးပြီးလျှင် အရိုအသေ ပြုကာ ထိုအရပ်၌ပင် ကွယ်ပျောက်လေ၏။

မြတ်စွာဘုရားသည် ထိုညဥ့်လွန်သောအခါ ရဟန်းတို့ကို-
ရဟန်းတို့ ဤညဥ့်၌ နတ်သားတစ်ဦးသည် ညဥ့်ဦးယံလွန်ပြီးသော (သန်းခေါင်ယံ) အခါ၌ အလွန် နှစ်သက်ဖွယ်အဆင်း ရှိသည်ဖြစ်၍ ပေါက္ခရဏိယ တစ်ကျောင်းလုံး ကို ကိုယ်ရောင် ကိုယ်ဝါဖြင့် တောက်ပစေလျက် ငါ့ထံသို့ ချဉ်းကပ်၍ ရှိခိုးပြီးလျှင် တစ်ခုသော နေရာ၌ ရပ်တည်လျက် ငါ့အား-

အသျှင်ဘုရား ဤတရားသုံးပါးတို့သည် ရဟန်းအား ဆုတ်ယုတ်ရန် ဖြစ်ပါကုန်၏။

အဘယ်သုံးပါးတို့နည်းဟူမူအမှုသစ်၌
မွေ့လျော်ခြင်း။
စကားပြောမှု၌ မွေ့လျော်ခြင်း။
အိပ်မှု၌ မွေ့လျော်ခြင်းတို့ပါတည်း။
အသျှင်ဘုရား ဤတရားသုံးပါးတို့သည် ရဟန်းအား ဆုတ်ယုတ်ရန် ဖြစ်ပါကုန်၏ ဟု လျှောက်၏။
ရဟန်းတို့ ထိုနတ်သားသည် ဤစကားကို လျှောက်ပြီးလျှင် ငါ့ကို ရှိခိုးလျက် အရိုအသေပြုကာ ထိုအရပ်၌ပင်လျှင် ကွယ်ပျောက်လေ၏။

ရဟန်းတို့ အကြင် ရဟန်းတို့အား ကုသိုလ်တရားတို့မှ ဆုတ်ယုတ်နေသည်တို့ကို နတ်တို့သော်မှလည်း သိကြကုန်၏၊ ထိုရဟန်းတို့သည် အရမတော်ကြကုန်စွ တကား၊ ထိုရဟန်းတို့သည် မကောင်းသဖြင့် ရကြလေကုန်စွ တကား။

ရဟန်းတို့ အခြား ဆုတ်ယုတ်ကြောင်း ပရိဟာနိယတရားတို့ကိုလည်း ဟောကြား ပေအံ့၊ ထိုတရားကို နာကြကုန်၊ ကောင်းစွာ နှလုံး သွင်းကြကုန်၊ ဟောကြားပေအံ့ ဟု မိန့်တော်မူ၏။
{{အသျှင်ဘုရား ကောင်းပါပြီ}}ဟု ပြန်ကြား လျှောက်ထား ကုန်၏။

မြတ်စွာဘုရားသည် ဤတရားတော်ကို ဟောကြားတော်မူ၏-
ရဟန်းတို့ ဆုတ်ယုတ်ကြောင်း ပရိဟာနိယ တရားသုံးမျိုးတို့မှာ-

အပေါင်းအဖော်၌ မွေ့လျော်ခြင်း။
ဆုံးမခက်သော စကားရှိသူဖြစ်ခြင်း။
ယုတ်မာသော အဆွေခင်ပွန်းရှိခြင်းတို့တည်း။

ရဟန်းတို့ ဆုတ်ယုတ်ကြောင်း တရားတို့သည် ဤသုံးမျိုးတို့ပင်တည်း။

ရဟန်းတို့ လွန်လေပြီးသောအခါ၌ ကုသိုလ် တရားတို့မှ ဆုတ်ယုတ်ခဲ့ကြသည့် ရဟန်းအားလုံးတို့သည် ဤတရား ခြောက်မျိုးတို့ကြောင့်သာလျှင် ကုသိုလ် တရားတို့မှ ဆုတ်ယုတ် ခဲ့ကြကုန်၏။

ရဟန်းတို့ နောင်အခါ၌ ကုသိုလ်တရားတို့မှ ဆုတ်ယုတ်ကြသည့် ရဟန်း အားလုံး တို့သည် ဤတရားခြောက်မျိုးတို့ကြောင့်သာလျှင် ကုသိုလ်တရားတို့မှ ဆုတ်ယုတ် ကြကုန်လိမ့်မည်။

ရဟန်းတို့ ယခုအခါ၌ ကုသိုလ် တရားတို့မှ ဆုတ်ယုတ်ကြသည့် ရဟန်း အားလုံး တို့သည် ဤတရား ခြောက်မျိုးတို့ကြောင့်သာလျှင် ကုသိုလ် တရားတို့မှ ဆုတ်ယုတ်ကြကုန်၏ ဟု (မိန့်တော်မူ၏)။

၁ - သာမကသုတ်၊ အနုတ္တရိယ၀ဂ်၊ ဆက္ကနိပါတ်၊ အင်္ဂုတ္တိုရ်ပါဠိတော်။