ဝမ်းတွင်းကန်းသော ယောက်ျား ဥပမာ

ပါယာသိသုတ် (အပိုင်း-၇)

ဝမ်းတွင်းကန်းသော ယောက်ျား ဥပမာ၊

မြို့စား ဥပမာသော်ကား ဝမ်းတွင်းကန်းသော ယောက်ျားသည် မည်းသော အဆင်း, ဖြူသော အဆင်းတို့ကို မမြင်ရာ၊ ညိုသော အဆင်းတို့ကို မမြင်ရာ၊ ရွှေသော အဆင်းတို့ကို မမြင်ရာ၊ နီသော အဆင်းတို့ကို မမြင်ရာ၊ မောင်းသော အဆင်းတို့ကို မမြင်ရာ၊ ညီညွတ်သော အရာ, မညီညွတ်သော အရာကို မမြင်ရာ၊ ကြယ်တာရာ အရောင်တို့ကို မမြင်ရာ၊ လ နေတို့ကို မမြင်ရာ၊ ထိုဝမ်းတွင်းကန်း သည် ဤသို့ ပြောဆိုရာ၏-

''မည်းသောအဆင်း ဖြူသောအဆင်းတို့သည် မရှိကုန်၊
မည်းသော အဆင်း, ဖြူသော အဆင်းတို့ကို မြင်သော သူတို့သည် မရှိကုန်၊
ညိုသော အဆင်းတို့သည် မရှိကုန်၊
ညိုသော အဆင်းတို့ကို မြင်သော သူတို့သည် မရှိကုန်၊
ရွှေသော အဆင်းတို့သည် မရှိကုန်၊
ရွှေသော အဆင်းတို့ကို မြင်သော သူတို့သည် မရှိကုန်၊
နီိသော အဆင်းတို့သည် မရှိကုန်၊
နီသော အဆင်းတို့ကို မြင်သောသူတို့သည် မရှိကုန်၊
မောင်းသော အဆင်းတို့သည် မရှိကုန်၊
မောင်းသော အဆင်းတို့ကို မြင် သောသူတို့သည် မရှိကုန်၊
ညီညွတ်သောအရာ, မညီညွတ်သောအရာသည် မရှိ၊
ညီညွတ်သော အရာ, မညီညွတ်သော အရာကို မြင်သော သူတို့သည် မရှိကုန်၊
ကြယ်တာရာအရောင်တို့သည် မရှိ ကုန်၊
ကြယ်တာရာ အရောင်တို့ကို မြင်သော သူတို့သည် မရှိကုန်၊
လ နေတို့သည် မရှိကုန်၊
လ နေ တို့ကိုမြင်သော သူတို့သည် မရှိကုန်၊

ငါသည် ဤ (အမည်း အဖြူစသည်) ကို မသိ၊
ငါသည် ဤ (အမည်းအဖြူစသည်) ကို မမြင်၊
ထို့ကြောင့် ထို (အမည်းအဖြူစသည်) သည် မရှိ'' ဟု (ပြောဆို ရာ၏)။
မြို့စား ထိုသို့ဆိုသော် ထိုဝမ်းတွင်းကန်းသည် မှန်စွာ ဆိုသည် မည်ရာသလောဟု (မေး၏)။

အသျှင်ကဿပ မှန်စွာ ဆိုသည် မမည်ရာပါ၊
အသျှင်ကဿပ မည်းသော အဆင်း, ဖြူသောအဆင်းတို့သည် ရှိပါကုန်၏၊
မည်းသော အဆင်း ဖြူသော အဆင်းတို့ကို မြင်သော သူတို့သည် ရှိပါကုန်၏၊
ညိုသော အဆင်းတို့သည် ရှိပါကုန်၏၊
ညိုသော အဆင်းတို့ကို မြင်သော သူတို့သည် ရှိပါကုန်၏။ပ။
ညီညွတ်သောအရာ, မညီညွတ်သောအရာသည် ရှိပါ၏၊
ညီညွတ်သောအရာ, မညီညွတ်သော အရာကို မြင်သောသူတို့သည် ရှိပါကုန်၏၊
ကြယ်တာရာအရောင်တို့သည် ရှိပါကုန်၏၊
ကြယ်တာရာ အရောင်တို့ ကို မြင်သော သူတို့သည် ရှိပါကုန်၏၊
လ နေတို့သည် ရှိပါကုန်၏၊ လနေတို့ကို မြင်သောသူတို့သည် ရှိပါကုန်၏၊
(ထိုသုိ့ ရှိကုန်လျက်) ''ငါသည် ဤ (အမည်း အဖြူစသည်)ကို မသိ၊
ငါသည်ဤ (အမည်း အဖြူစသည်) ကို မမြင်၊
ထို့ကြောင့် ထို (အမည်းအဖြူ စသည်) သည်မရှိ'' ဟု ဆိုအံ့၊ ယင်းသို့ဆိုသော်
ထိုဝမ်းတွင်းကန်းသည် မှန်စွာဆိုသည် မမည်ရာပါဟု လျှောက်၏။

မြို့စား ဤအတူပင်ငါ့အား သင်ပြောသော စကားကြောင့် သင်သည် ဝမ်းတွင်း ကန်းကဲ့သို့ ဖြစ်မည်မှာ ထင်ရှား၏။

''တာဝတိံသာနတ်တို့သည် ရှိကုန်၏'' ဟူ၍ လည်းကောင်း ''တာဝတိံသာနတ် တို့သည် ဤသို့ အသက်ရှည်ကုန်၏'' ဟူ၍လည်းကောင်း ဤအကြောင်းကို အသျှင်ကဿပအား အဘယ်သူသည် ပြောကြား ပါသနည်း၊ ''တာဝတိံသာနတ်တို့ သည် ရှိကုန်၏'' ဟူ၍ လည်းကောင်း ''တာဝတိံသာနတ်တို့သည် ဤသို့ အသက် ရှည်ကုန်၏'' ဟူ၍ လည်းကောင်း (ဆိုသော) အသျှင်ကဿပ၏စကားကို အကျွန်ုပ်တို့ မယုံကြည်ပါ ကုန်ဟု သင် ဆို၏။

မြို့စား သင် ထင်သကဲ့သို့ ဤမံသစက္ခုဖြင့် တစ်ပါးသော လောကကို မြင်အပ် သည်ဟု မမှတ်အပ်။ မြို့စား အကြင် သမဏဗြာဟ္မဏတို့သည် ရွာမှဝေးကွာသော
ဆိတ်ငြိမ်ရာ တောကျောင်းတို့ကို မှီဝဲနေကုန်၏၊ မမေ့မလျော့ကုန် သည်ဖြစ်၍ ပြင်းထန်သော လုံ့လ ရှိကုန်သည်ဖြစ်၍ တည်ကြည်သော စိတ်ရှိကုန်သည်ဖြစ်၍ ထိုတောကျောင်းတို့၌နေကုန်သော ထိုသမဏ ဗြာဟ္မဏတို့သည် ဒိဗ္ဗစက္ခု အဘိညာဉ်ကို ကြည်လင် စေကုန်၏၊ ထိုသမဏဗြာဟ္မဏတို့သည် အထူးသဖြင့် ကြည်လင်သော လူတို့၏ မျက်စိ အမြင်ထက် သာလွန်သော နတ်မျက်စိ နှင့် တူသော 'ဒိဗ္ဗစက္ခု' အဘိညာဉ်ဖြင့် ဤလောကကို လည်းကောင်း တစ်ပါးသော လောကကို လည်းကောင်း သေ၍ တစ်ဖန် ဖြစ်ပေါ်သော သတ္တဝါတို့ကို လည်းကောင်း မြင်ကုန်၏၊ မြို့စား ဤသို့လျှင် တစ်ပါးသော လောကကို မှတ်အပ် ၏၊ သင် ထင်သကဲ့သို့ ဤမံသစက္ခုဖြင့် မြင်အပ်သည် ဟု မမှတ်အပ်။

မြို့စား ဤအကြောင်းဖြင့်လည်း သင်၏ အယူသည် ဤသို့ဖြစ်ပါလော့-

''ဤအကြောင်းကြောင့်လည်း တစ်ပါးသော လောကသည် ရှိ၏၊ (သေ၍) တစ်ဖန် ဖြစ်ပေါ်သော သတ္တဝါတို့သည် ရှိကုန်၏၊ ကောင်းမှုကံ, မကောင်းမှုကံတို့၏ အကျိုးဝိပါက်သည် ရှိ၏'' ဟု (ဖြစ်ပါလော့ဟု မိန့်ဆို၏)။

အသျှင်ကဿပသည် ဤသို့ ဆိုသော်လည်း ဤအရာ၌ အကျွန်ုပ်၏အယူသည် ဤသို့ပင် ဖြစ်ပါ၏-

''ဤအကြောင်းကြောင့်လည်း တစ်ပါးသော လောကသည် မရှိ၊ (သေ၍) တစ်ဖန် ဖြစ်ပေါ်သော သတ္တဝါတို့သည် မရှိကုန်၊ ကောင်းမှုကံ, မကောင်းမှုကံတို့၏ အကျိုးဝိပါက်သည် မရှိ'' ဟု (ဖြစ်ပါ၏ ဟု လျှောက်၏)။

မြို့စား သင်၏ အယူဖြစ်ခြင်း၏ အကြောင်းသည် ရှိသေးသလော။ပ။

အသျှင်ကဿပ အကျွန်ုပ်၏ အယူဖြစ်ခြင်း၏ အကြောင်းသည် ရှိပါသေး၏။ပ။

မြို့စား (ထိုအကြောင်းကား) အဘယ်နည်းဟု (မေး၏)။

အသျှင်ကဿပ ဤလောက၌ သီလရှိကုန်သော ကောင်းသောအကျင့်ရှိကုန်သော အသက်ရှည်ခြင်းငှါ အလိုရှိကုန်သော မသေခြင်းငှါ အလိုရှိကုန်သော ချမ်းသာကို အလိုရှိကုန်သော ဆင်းရဲကို စက်ဆုပ်ကုန်သော သမဏဗြာဟ္မဏတို့ကို အကျွန်ုပ် တွေ့မြင်ရပါ၏၊ အသျှင်ကဿပ (ထိုသို့တွေ့မြင်သော အခါ) ထိုအကျွန်ုပ်အား ဤသို့ အကြံဖြစ်ပါ၏-

သီလရှိကုန်သော ကောင်းသော အကျင့်ရှိကုန်သော ဤသမဏဗြာဟ္မဏတို့သည် ''ငါတို့ သေကုန်သော် ဤလောကထက် မွန်မြတ်သည် ဖြစ်လတ္တံ့'' ဟု သိကုန် ငြားအံ့။ သီလရှိကုန်သော ကောင်းသောအကျင့် ရှိကုန်သော ဤအသျှင် သမဏဗြာဟ္မဏတို့သည် ယခုချက်ခြင်း အဆိပ်ကိုမူလည်း စား၍ သေကုန်ရာ၏၊ ဓားလက်နက်ကိုမူလည်း ဆောင်ယူ၍ သတ်သေကုန်ရာ၏၊ ကြိုးဆွဲချ၍မူ လည်း သေကုန်ရာ၏၊ ကမ်းပါးပြတ်၌မူလည်း ခုန်ချ၍ သေကုန်ရာ၏၊ သီလရှိကုန်သော ကောင်းသောအကျင့် ရှိကုန်သော ဤအသျှင်သမဏဗြာဟ္မဏတို့သည် ''ငါတို့ သေကုန်သော် ဤလောက ထက်မွန်မြတ်သည် ဖြစ်လတ္တံ့'' ဟု မသိကုန်သော ကြောင့် သီလရှိကုန်သော ကောင်းသော အကျင့် ရှိကုန်သော ဤ သမဏ ဗြာဟ္မဏတို့သည် အသက်ရှည်ခြင်းငှါ အလိုရှိကုန်၏၊ မသေခြင်းငှါ အလိုရှိ ကုန်၏၊ ချမ်းသာကို အလိုရှိကုန်၏၊ ဆင်းရဲကို စက်ဆုပ်ကုန်၏၊ ''မိမိကိုယ်ကို မသတ်ကုန်'' ဟု (အကြံဖြစ်ပါ၏)။

အသျှင်ကဿပ ယင်း (ဆိုခဲ့သည့်ပုံသက်သေ) အကြောင်းအားဖြင့် အကျွန်ုပ်၏ အယူသည် ဤသို့ ဖြစ်ပါ၏-

''ဤအကြောင်းကြောင့်လည်း တစ်ပါးသောလောကသည် မရှိ၊ (သေ၍) တစ်ဖန် ဖြစ်ပေါ်သော သတ္တဝါတို့သည် မရှိကုန်၊ ကောင်းမှုကံ, မကောင်းမှုကံတို့၏ အကျိုးဝိပါတ်သည် မရှိ'' ဟု (ဖြစ်ပါ၏)။

ဤ (ဆိုခဲ့သည့်ပုံသက်သေ)သည်လည်း
(အကျွန်ုပ်၏ အယူဖြစ်ခြင်း၏) အကြောင်းပါတည်း ဟု (လျှောက်၏)။

ပါယာသိသုတ်၊ မဟာဝဂ်ပါဠိတော်၊ ဒီဃနိကာယ်။

ဆက်မည်- ကိုယ်ဝန်ဆောင်ပုဏ္ဏေးမ ဥပမာ --->