နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Wednesday, February 4, 2009

ဣဏသုတ်- (အကြွေး ၊ ကြွေးမြီ)

ဣဏသုတ်- (အကြွေး ၊ ကြွေးမြီ)

ရဟန်းတို့ လောက၌ ကာမဂုဏ်ကို ခံစားသောသူအား လူမွဲဖြစ်မှုသည် ဆင်းရဲ သည် မဟုတ်လော ဟု (မေးတော်မူ၏)။

အသျှင်ဘုရား ဟုတ်ပါ၏။

ရဟန်းတို့ ကိုယ်ပိုင်ဥစ္စာ မဲ့သော မကြွယ်ဝသော လူမွဲသည် ကြွေးယူရ၏။ ရဟန်း တို့ လောက၌ ကာမဂုဏ်ကို ခံစားသောသူအား ကြွေးယူရခြင်းသည်လည်း ဆင်းရဲ သည် မဟုတ်လော ဟု (မေးတော်မူ၏)။

အသျှင်ဘုရား ဟုတ်ပါ၏။

ရဟန်းတို့ ကိုယ်ပိုင်ဥစ္စာ မဲ့သော မကြွယ်ဝသော လူမွဲသည် ကြွေးယူ၍ အတိုးကို (ပေးပါမည် ဟု) ဝန်ခံရ၏၊ ရဟန်းတို့ လောက၌ ကာမဂုဏ်ကို ခံစားသော သူအား အတိုးကို (ပေးပါမည် ဟု) ဝန်ခံရခြင်းသည်လည်း ဆင်းရဲသည် မဟုတ်လော ဟု (မေးတော်မူ၏)။

အသျှင်ဘုရား ဟုတ်ပါ၏။

ရဟန်းတို့ ကိုယ်ပိုင်ဥစ္စာ မဲ့သော မကြွယ်ဝသော လူမွဲသည် အတိုးကို (ပေးပါမည် ဟု) ဝန်ခံပြီး၍ အချိန်ဖြင့် ပေးဆပ်ရသော အတိုးကို မပေးဆပ်နိုင်၊ ထိုသူကို (ကြွေးရှင်တို့သည်) တောင်းဆို 'စောဒနာ'ကုန်၏၊ ရဟန်းတို့ လောက၌ ကာမဂုဏ် ကို ခံစားသောသူအား ကြွေးတောင်း ခံရခြင်းသည်လည်း ဆင်းရဲသည် မဟုတ် လော ဟု (မေးတော်မူ၏)။

အသျှင်ဘုရား ဟုတ်ပါ၏။

ရဟန်းတို့ ကိုယ်ပိုင်ဥစ္စာ မဲ့သော မကြွယ်ဝသော လူမွဲသည် တောင်းဆိုအပ်သည် ရှိသော် မပေးအပ်နိုင်၊ ထိုသူကို (ကြွေးရှင်တို့သည်) အစဉ် လိုက်ကုန်၏၊ ရဟန်းတို့ လောက၌ ကာမဂုဏ်ကို ခံစားသော သူအား ကြွေးရှင်တို့ အလိုက် ခံရခြင်း သည်လည်း ဆင်းရဲသည် မဟုတ်လော ဟု (မေးတော်မူ၏)။

အသျှင်ဘုရား ဟုတ်ပါ၏။

ရဟန်းတို့ ကိုယ်ပိုင်ဥစ္စာ မဲ့သော မကြွယ်ဝသော လူမွဲသည် အစဉ် လိုက်အပ်သော် မပေးဆပ်နိုင်၊ ထိုသူကို ချုပ်နှောင်ကြ ကုန်၏၊ ရဟန်းတို့ လောက၌ ကာမဂုဏ်ကို ခံစားသော သူအား ချုပ်နှောင် ခံရခြင်းသည်လည်း ဆင်းရဲသည် မဟုတ်လော ဟု (မေးတော်မူ၏)။

အသျှင်ဘုရား ဟုတ်ပါ၏။

ရဟန်းတို့ ဤသို့လျှင် လောက၌ ကာမဂုဏ် ခံစားသော သူအား လူမွဲဖြစ်မှုသည် လည်း ဆင်းရဲ၏၊ ကြွေးယူရခြင်းသည်လည်း ဆင်းရဲ၏၊ အတိုးကို (ပေးဆပ်ပါမည် ဟု) ဝန်ခံရခြင်းသည်လည်း ဆင်းရဲ၏၊ ကြွေးတောင်း ခံရခြင်းသည်လည်း ဆင်းရဲ၏၊ ကြွေးရှင်တို့ အလိုက် ခံရခြင်းသည်လည်း ဆင်းရဲ၏၊ အချုပ် အနှောင် ခံရခြင်းသည်လည်း ဆင်းရဲ၏။

ရဟန်းတို့ ဤအတူသာလျှင် တစ်စုံ တစ်ယောက်သော သူအား ကုသိုလ်တရားတို့ ၌ ယုံကြည်မှု 'သဒ္ဓါ' မရှိ၊ ရှက်မှု 'ဟိရီ' မရှိ၊ ထိတ်လန့်မှု 'သြတ္တပ္ပ' မရှိ၊ အားထုတ်မှု ဝီရိယမရှိ၊ သိမှု 'ပညာ' မရှိ။ ရဟန်းတို့ ဤပုဂ္ဂိုလ်ကို အရိယာတို့၏ အဆုံးအမ၌ ကိုယ်ပိုင်ဥစ္စာ မဲ့သူ၊ မကြွယ်ဝသူ၊ လူမွဲ ဟူ၍ ဆိုအပ်၏။

ရဟန်းတို့ ကိုယ်ပိုင်ဥစ္စာ မဲ့သော မကြွယ်ဝသော ထိုလူမွဲသည် ကုသိုလ် တရားတို့၌ သဒ္ဓါမျှ မရှိခဲ့သော်၊ ဟိရီမျှ မရှိခဲ့သော်၊ သြတ္တပ္ပမျှ မရှိခဲ့သော်၊ ဝီရိယမျှ မရှိခဲ့သော်၊ ပညာမျှ မရှိခဲ့သော် ကိုယ် နှုတ် စိတ်ဖြင့် ဒုစရိုက်ကို ပြုကျင့်၏၊ ဤသည်ကို ထိုသူ၏ ကြွေးယူမှု ဟူ၍ ငါဆို၏၊ ထိုသူသည် ထိုကာယ ဒုစရိုက် ဝစီဒုစရိုက် မနောဒုစရိုက်ကို ဖုံးလွှမ်းခြင်း ဟူသော အကြောင်းကြောင့် ယုတ်ညံ့ သော တောင့်တမှုကို အားထုတ်၏၊

''ငါ့ကို သူတစ်ပါးတို့ မသိပါစေလင့်'' ဟု အလိုရှိ၏၊
''ငါ့ကို သူတစ်ပါးတို့ မသိပါစေလင့်'' ဟု ကြံ၏၊
''ငါ့ကို သူတစ်ပါးတို့ မသိပါစေလင့်'' ဟု စကား ပြောဆို၏၊
''ငါ့ကို သူတစ်ပါးတို့ မသိပါစေလင့်'' ဟု ကိုယ်ဖြင့် လုံ့လပြု၏၊
ဤသည်ကို ထိုသူ၏ အတိုးတက်မှု ဟူ၍ ငါဆို၏။
ထိုပုဂ္ဂိုလ်ကို သီလကို ချစ်မြတ်နိုးသည့် သီတင်းသုံးဖော်တို့က
''ဤအသျှင်သည် ဤသို့ ပြုလေ့ ရှိ၏၊ ဤသို့ အကျင့်ရှိ၏'' ဟု ပြောဆိုကြကုန်၏။
ဤသည်ကို ထိုသူ၏ ကြွေးတောင်းခံရမှု ဟူ၍ ငါဆို၏။

တောအရပ်သို့ ဖြစ်စေ သစ်ပင်ရင်းသို့ ဖြစ်စေ ဆိတ်ငြိမ်ရာသို့ ဖြစ်စေ ကပ်သော ထိုသူကို နှလုံးမသာခြင်းနှင့်တကွ ဖြစ်ကုန်သော ယုတ်ညံ့သော အကုသလ ဝိတက်တို့သည် အစဉ် လိုက်ကုန်၏၊ ဤသည်ကို ထိုသူ၏ ကြွေးရှင်တို့ အလိုက်ခံ ရမှု ဟူ၍ ငါဆို၏။

ရဟန်းတို့ ကိုယ်ပိုင်ဥစ္စာ မဲ့သော မကြွယ်ဝသော ထိုလူမွဲသည် ကိုယ် နှုတ် စိတ်ဖြင့် မကောင်းမှုကို ပြုကျင့်၍ ခန္ဓာကိုယ် ပျက်စီး၍ သေပြီးသည်မှ နောက်၌ ငရဲဟူသော အနှောင်အဖွဲ့ဖြင့်လည်း နှောင်ဖွဲ့ ခံရ၏၊ တိရစ္ဆာန်ဘဝ၌ ဖြစ်ခြင်း ဟူသော အနှောင် အဖွဲ့ဖြင့်လည်း နှောင်ဖွဲ့ခံရ၏။ ရဟန်းတို့ ငရဲဘုံ၌ ဖြစ်သော နှောင်ဖွဲ့ခြင်း၊ တိရစ္ဆာန် ဘုံ၌ ဖြစ်သော နှောင်ဖွဲ့ခြင်း ကဲ့သို့ ထို့အတူ ဤသို့ ကြမ်းတမ်းသော၊ ဤသို့ စပ်ခါးသော၊ အတုမရှိသော ယောဂ လေးပါးကုန်ရာ (နိဗ္ဗာန်)ကို ရရန်အတွက် ဤကဲ့သို့ အန္တရာယ် ပြုတတ်သည့် အခြား တစ်စုံတစ်ခုသော အနှောင်အဖွဲ့ကိုမျှ လည်း ငါ မမြင် ဟု (မိန့်တော်မူ၏)။

လောက၌ လူမွဲ ဖြစ်ရခြင်းကို လည်းကောင်း၊ ကြွေးယူရခြင်းကို လည်းကောင်း ဆင်းရဲ၏ ဟူ၍ ဆိုအပ်၏။ လူမွဲသည် ကြွေးယူ၍ စားသောက်ရသောကြောင့် ပင်ပန်း၏။ ထို့ကြောင့် ထိုသူကို ကြွေးရှင်တို့ အစဉ်လိုက်ကုန်၏၊ (ထိုသူသည်) ချုပ်နှောင်ခံ ရခြင်းသို့လည်း ရောက်ရ၏၊ ကာမဂုဏ် ရမှုကို တောင့်တသူတို့အား ထိုနှောင်ဖွဲ့ခံ ရခြင်းသည် ဆင်းရဲသည်သာတည်း။ ထို့အတူသာလျှင် အရိယာ ပုဂ္ဂိုလ်တို့၏ အဆုံးအမ၌ သဒ္ဓါတရား မရှိသူ၊ မရှက်တတ်သူ၊ မထိတ်လန့်တတ်သူ၊ မကောင်းမှု ကံကို ဖြစ်ပွါးစေတတ်သူသည် ကာယ ဒုစရိုက် ဝစီဒုစရိုက် မနော ဒုစရိုက်ကို ပြု၍ ငါ့ကို မသိပါစေလင့် ဟု အလိုရှိ၏။ ကိုယ်နှုတ်စိတ်ဖြင့် မကောင်းမှု ကို ပွါးစေသူသည် ထိုမကောင်းမှု၌ အဖန်ဖန် ရွေ့ရှား တုန်လှုပ်၏။

မိမိ၏ မကောင်းသော အမူအရာကို သိသော၊ မကောင်းမှုရှိသော ပညာမဲ့သူ ထိုလူမွဲသည် ကြွေးယူ၍ စားသောက်ရသောကြောင့် ပင်ပန်းရ၏။ ထိုကြွေးယူ၍ စားသောက်ရခြင်းကြောင့် နှလုံး မသာယာမှုကြောင့် ဖြစ်ကုန်သော စိတ်ဆင်းရဲ ကြောင်း အကြံအစည်တို့သည် ရွာ၌ဖြစ်စေ တော၌ဖြစ်စေ ထိုသူသို့ အစဉ် လိုက် ကုန်၏။ မိမိ၏ မကောင်းသော အမူအရာကို သိသော၊ မကောင်းမှု ရှိသော ထိုပညာမဲ့သူသည် တိရစ္ဆာန်ဘုံ တစ်ခုခုသို့ ရောက်၍ ဖြစ်စေ ငရဲဘုံသို့ ရောက်၍ ဖြစ်စေ အနှောင်အဖွဲ့ ခံရ၏။

ဤသို့ နှောင်ဖွဲ့ခြင်းမျိုး ခံရခြင်းသည် ဆင်းရဲ၏၊ စိတ်ကို ကြည်လင်စေလျက် တရား သဖြင့် ရအပ်သော ဥစ္စာတို့ဖြင့် ပေးလှူသော ပညာရှိသည် ယင်းသို့သော နှောင်ဖွဲ့ မှုမှ လွတ်မြောက်၏။ အိမ်ထောင်ဝတ်ကို ရှာလေ့ရှိ၍ သဒ္ဓါတရား ရှိသူအား မျက် မှောက်၌ အစီးအပွါး အလို့ငှါ လည်းကောင်း၊ တမလွန်၌ ချမ်းသာခြင်းငှါ လည်း ကောင်း နှစ်ပါးစုံသော ဘဝ၌ အောင်ဆုကို ယူ၏။ ဤသို့ အိမ်ယာထောင်သော လူတို့အား စွန့်ကြဲမှု ဟူသော ထိုကောင်းမှုသည် တိုးပွါး၏။ ထို့အတူ သာလျှင် အရိယာတို့၏ အဆုံးအမ၌ 'သဒ္ဓါ' တရားရှိသူ၊ ရှက်မှုနှင့် ယှဉ်သော စိတ်ရှိသူ၊ မကောင်းမှုမှ လန့်မှုရှိသူ၊ ပညာရှိသူ၊ သီလဖြင့် ပိတ်ဆို့ 'စောင့်ရှောက်'မှု ရှိသူကို အရိယာတို့၏ အဆုံးအမ၌ ချမ်းသာစွာ အသက်မွေးခြင်း ရှိသူ ဟု ဆိုအပ်၏။

အမြဲမပြတ် ထက်သန်သော လုံ့လရှိသော၊ သမာဓိနှင့် ရင့်ကျက်မှု ပညာရှိသော၊ သတိနှင့် ပြည့်စုံသူသည် နီဝရဏ ငါးပါးတို့ကို ပယ်၍ ဈာန်လေးပါးတို့သို့ ရောက်ပြီး လျှင် အာမိသ ကင်းသော ဈာန်ချမ်းသာကို ရလျက် (စတုတ္ထဈာန်) ဥပေက္ခာကို စွဲမြဲ၍ တည်၏။ ဤသို့ ဟုတ်တိုင်းမှန်စွာ သိ၍ သံယောဇဉ် ဟူသမျှတို့၏ ကုန်ရာ နိဗ္ဗာန်၌ ခပ်သိမ်းသော အခြင်းအရာအားဖြင့် မစွဲလမ်းမူ၍ စိတ်သည် (ကိလေသာ မှ) ကောင်းစွာ လွတ်ကင်း၏။ သည်းခံခြင်းဂုဏ်နှင့် ပြည့်စုံသော (ကိလေသာမှ) ကောင်းစွာ လွတ်သော ထိုပုဂ္ဂိုလ်အား ငါ၏ (ကိလေသာမှ) လွတ်မြောက်မှု 'အရ-ဟတ္တဖိုလ်' သည် ပျက်စီးခြင်း မရှိတော့ပြီ ဟု (ပစ္စဝေက္ခဏာ) ဉာဏ်ဖြစ်ခဲ့မူ ဘဝ သံယောဇဉ်တို့၏ ကုန်ရာ နိဗ္ဗာန်၌ ဤဉာဏ်သည် လွန်မြတ်၏၊ ဤချမ်းသာသည် စိုးရိမ်ခြင်း မရှိ၊ ကိလေသာမြူ မရှိ၊ ဘေးမရှိ၊ အတုမရှိ မြတ်သောချမ်းသာ မည်၏၊ ဤဉာဏ်သည် ကိလေသာ ကြွေးမြီမှ ကင်း၍ လွန်မြတ်၏။

၃ - ဣဏသုတ်၊ ဓမ္မိက၀ဂ်၊ ဆက္ကနိပါတ်၊ အင်္ဂုတ္တိုရ်။


ကုသိုလ်ကောင်းမှု၌ သာဓုခေါ်ခြင်းသည် ကောင်းလှပေ၏။
သာဓု၊ သာဓု၊ သာဓု။...