နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Sunday, March 22, 2009

သုခပတ္ထနာသုတ်... ချမ်းသာကိုအလိုရှိသူ...

သုခပတ္ထနာသုတ် ... (သုခ=ချမ်းသာခြင်း၊ ပတ္ထနာ=တောင့်တခြင်း)

ဤဒေသနာကို ဘုန်းတော်ကြီးသော မြတ်စွာဘုရားသည် ဟောတော်မူ၏၊ ပူဇော် အထူးကို ခံတော်မူထိုက်သော မြတ်စွာဘုရား ဟောတော်မူ၏ဟု အကျွန်ုပ် ကြား နာခဲ့ရပါသည်-

ရဟန်းတို့ ...
ဤချမ်းသာသုံးပါးကို တောင့်တသော ပညာရှိသည် သီလကို စောင့်ရှောက်ရာ၏၊

အဘယ်သုံးပါးတို့နည်း-

၁...
ကျော်စောသတင်း ချီးမွမ်းခြင်းသည် ငါ့ထံသို့ ရောက်ပါစေဟု အလိုရှိသူ ပညာရှိ သည် သီလကို စောင့်ရှောက်ရာ၏၊
၂...
စည်းစိမ်ချမ်းသာတို့သည် ငါ့အား ဖြစ်ပေါ်ပါစေကုန်သတည်းဟု အလိုရှိသူ ပညာရှိ သည် သီလကို စောင့်ရှောက်ရာ၏၊
၃...
ခန္ဓာကိုယ်ပျက်စီး၍ သေသည်မှ နောက်၌ နတ်ပြည် လောက၌ ဖြစ်ရလိမ့်မည်ဟု အလိုရှိသူ ပညာရှိသည် သီလကို စောင့်ရှောက်ရာ၏၊

ရဟန်းတို့...
ဤချမ်းသာသုံးပါးတို့ကို တောင့်တသော ပညာရှိသည် သီလကိုစောင့်ရှောက်ရာ၏၊ ဤအနက် သဘောကို မြတ်စွာဘုရား ဟောတော်မူ၏၊

ထိုသုတ်၌ ဤအနက်သဘောကို -

ချီးမွမ်းခြင်းကို လည်းကောင်း၊ စည်းစိမ်ဥစ္စာရခြင်းကို လည်းကောင်း၊ တမလွန်ဘဝ ဝယ် နတ်ပြည်၌ ဝမ်းမြောက်ဝမ်းသာ လားရောက်ရခြင်းကိုလည်းကောင်း ဤချမ်း သာ သုံးပါးတို့ကို တောင့်တသော ပညာရှိသည် သီလကို စောင့်ရှောက်ရာ၏။

မကောင်းမှုကို (မိမိ)မပြုသော်လည်း မကောင်းမှုပြုသူကို မှီဝဲဆည်းကပ်မူ
မကောင်းမှု၌ ပြုလေသလော မပြုလေသလောဟု တွေးတောယုံမှားခံရ၏၊
မကောင်းသတင်း ကျော်စောခြင်းသည်လည်း ထိုသူ့အပေါ်သို့ ရောက်၏။

အကြင်သူသည် အကြင် ကောင်းမကောင်း သဘောရှိသော သူကို အဆွေခင်ပွန်း ပြု၍ မှီဝဲဆည်းကပ်၏၊ ထိုသူသည် ထိုကောင်းမကောင်း ရှိသူသာ ဖြစ်၏၊ မှန်၏၊ အတူတကွ ပေါင်းဖော် နေထိုင်သူသည် ထိုအတူတကွ နေထိုင်သူနှင့် တူသော သဘောရှိသည်သာ ဖြစ်၏။

အဆိပ်လူးမြားသည် အဆိပ် မလိမ်းကျံသေးသော မြားစည်းကို မိမိအဆိပ်ဖြင့် လိမ်းကျံ ကူးစက်သကဲ့သို့ မှီဝဲဆည်းကပ်ခံရသူ သူယုတ်မာသည် မိမိသို့ မှီဝဲဆည်း ကပ်လာသူ သူတော်ကောင်းကို မိမိ၏ ယုတ်မာမှုဖြင့် လိမ်းကျံ ကူးစက်၏၊

အတူတကွ ပေါင်းသင်း ဆက်ဆံ လက်ခံသူ သူယုတ်မာသည် မိမိသို့ ပေါင်းသင်း ဆက်ဆံလာသူ သူတော်ကောင်းကို မိမိယုတ်မာမှုဖြင့် လိမ်းကျံ ကူးစက်၏၊ ပညာ ရှိသည် ဤသို့ ယုတ်မာမှုဖြင့် လိမ်းကျံ ကူးစက်ခြင်းမှ ကြောက်သောကြောင့် ယုတ်မာသော အဆွေခင်ပွန်း ရှိသူမဖြစ်ရာ။

အကြင်သူသည် ...
ငါးပုပ်ကို သမန်းမြက်ဖြင့် ထုပ်၏၊ ထိုသူ၏ သမန်းမြက်တို့သည်လည်း အပုပ်နံ့ လှိုင် ကုန်သကဲ့သို့ သူမိုက်ကို မှီဝဲသူတို့သည် ဤအတူ အပုပ်နံ့ လှိုင်ကုန်၏၊

အကြင်သူသည် ..
ပေါက်ရွက်ဖြင့် တောင်ဇလပ်ပန်းကို ထုပ်၏၊ ထိုသူ၏ ပေါက်ရွက်တို့သည်လည်း အမွှေးနံ့ လှိုင်ကုန်သကဲ့သို့ ပညာရှိကို မှီဝဲသူတို့သည် ဤအတူ အမွှေးနံ့ လှိုင်ကုန် ၏။

ထို့ကြောင့် ဖက်ရွက်ထုပ်ကဲ့သို့ မိမိကောင်းကျိုး မကောင်းကျိုးကို သိ၍ ပညာရှိ သည် သူယုတ်မာတို့ကို မမှီဝဲရာ၊ သူတော်ကောင်းတို့ကိုသာ မှီဝဲရာ၏၊

သူယုတ်မာတို့သည် ငရဲသို့ ဆောင်တတ်ကုန်၏၊
သူတော်ကောင်းတို့သည် နတ်ပြည်သို့ ရောက်စေတတ်ကုန်၏၊
ဟု ဤဂါထာဖြင့် ဆိုအပ်၏။

ဤအနက်သဘောကိုလည်း မြတ်စွာဘုရား ဟောအပ်၏ဟု အကျွန်ုပ် ကြားနာ ခဲ့ရပါသည်။ ၇၆

၇ - သုခပတ္ထနာသုတ်၊ တတိယ၀ဂ်၊ ဣတိဝုတ်ပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။