နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Tuesday, May 5, 2009

အနည်းငယ်သာ အိပ်သောသူ ၅-ဦး...

အပ္ပံသုပတိသုတ် -

ရဟန်းတို့ ဤသူငါးမျိုးတို့သည် ညဥ့်၌ အနည်းငယ် အိပ်ကုန်၏၊ များစွာ နိုးကြားကုန်၏။

အဘယ်ငါးမျိုးတို့နည်းဟူမူ -

ရဟန်းတို့ ...
မိန်းမသည် ယောက်ျား၌ အလိုရှိသည်ဖြစ်၍ ညဥ့်၌ အနည်းငယ်သာ အိပ်၏၊
များစွာ နိုးကြား၏။

ရဟန်းတို့ ...
ယောက်ျားသည် မိန်းမ၌ အလိုရှိသည် ဖြစ်၍ ညဥ့်၌ အနည်းငယ်သာ အိပ်၏၊
များစွာ နိုးကြား၏။

ရဟန်းတို့ ...
ခိုးသူသည် ခိုးယူခြင်း၌ အလိုရှိသည် ဖြစ်၍ ညဥ့်၌ အနည်းငယ်သာ အိပ်၏၊
များစွာ နိုးကြား၏။

ရဟန်းတို့ ...
မင်းသည် မင်းရေး ကိစ္စတို့၌ အားထုတ်ရှိသည် ဖြစ်၍ ညဥ့်၌ အနည်းငယ်သာ အိပ်၏၊
များစွာ နိုးကြား၏။

ရဟန်းတို့ ...
ရဟန်းသည် (ကိလေသာတို့နှင့်) မစပ်ယှဉ်ရာ (နိဗ္ဗာန်)၌ အလိုရှိသည် ဖြစ်၍ ညဥ့်၌
အနည်းငယ်သာ အိပ်၏၊ များစွာ နိုးကြား၏။

ရဟန်းတို့ ဤသူငါးမျိုးတို့သည် ညဥ့်၌ အနည်းငယ်သာ အိပ်ကုန်၏၊
များစွာ နိုးကြားကုန်၏ ဟု မိန့်တော်မူ၏။ 137

၇ - အပ္ပံသုပတိသုတ်၊ ရာဇ၀ဂ်၊ ပဉ္စကနိပါတ်၊ အင်္ဂုတ္တိုရ်။


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

Posted by U Lawkanartha at 5/05/2009 05:03:00 PM
Labels:

No comments:

Post a Comment

Subscribe to: Post Comments (Atom)