နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Saturday, September 12, 2009

ဆွမ်းခဲဖွယ်ကို ပေးလှူသူသည်...

ဘောဇနသုတ်

ရဟန်းတို့ ဘောဇဉ်ကို ပေးလှူသူသည်
အလှူခံပုဂ္ဂိုလ်တို့အား ငါးမျိုးသော အရာဌာနတို့ကို ပေးလှူသည် မည်၏။

အဘယ်ငါးမျိုးတို့နည်းဟူမူ...

၁... အသက်ကို ပေးလှူသည် မည်၏။
၂... အဆင်းကို ပေးလှူသည် မည်၏။
၃... ချမ်းသာကို ပေးလှူသည် မည်၏။
၎... ခွန်အားကို ပေးလှူသည် မည်၏။
၅... ပညာကို ပေးလှူသည် မည်၏။

အသက်ကို ပေးလှူသည် မည်ခြင်းကြောင့်...
နတ်သက်သော် လည်းကောင်း၊ လူသက်သော် လည်းကောင်း ရှည်ရန်ဖြစ်၏၊

အဆင်းကို ပေးလှူသည် မည်ခြင်းကြောင့်...
နတ်အဆင်းသော် လည်းကောင်း၊ လူအဆင်းသော် လည်းကောင်း လှရန်ဖြစ်၏၊

ချမ်းသာကို ပေးလှူသည် မည်ခြင်းကြောင့်...
နတ်ချမ်းသာသော် လည်းကောင်း၊ လူချမ်းသာသော် လည်းကောင်း ရရန်ဖြစ်၏၊

ခွန်အားကို ပေးလှူသည် မည်ခြင်းကြောင့်...
နတ်ခွန်အားသော် လည်းကောင်း၊ လူခွန်အားသော် လည်းကောင်း ကြီးရန်ဖြစ်၏၊

ပညာကိုပေးလှူသည် မည်ခြင်းကြောင့်...
နတ်ပညာသော် လည်းကောင်း၊ လူပညာသော် လည်းကောင်း ရှိရန်ဖြစ်၏၊

ရဟန်းတို့ ဘောဇဉ်ကို ပေးလှူသူသည် အလှူခံပုဂ္ဂိုလ်တို့အား ဤငါးမျိုးသော အရာဌာနတို့ကို ပေးလှူသည် မည်၏ ဟု မိန့်တော်မူ၏။

ပညာရှိ ပုဂ္ဂိုလ်သည် အသက်အလှူကို ပေးလှူ၏၊ ခွန်အားအလှူကို ပေးလှူ၏၊ အဆင်းအလှူကို ပေးလှူ၏၊ ပညာအလှူကို ပေးလှူ၏၊ ထက်မြက်သော ပညာနှင့် ပြည့်စုံသော ပုဂ္ဂိုလ်သည် ချမ်းသာကို ပေးလှူ၏၊ ထိုပညာရှိသည် ချမ်းသာကို ရရှိ၏။ အသက်ကို လည်းကောင်း၊ ခွန်အားကို လည်းကောင်း၊ အဆင်းကို လည်းကောင်း၊ ချမ်းသာကို လည်းကောင်း၊ ပညာကို လည်းကောင်း ပေးလှူ သောကြောင့် ဖြစ်လေရာရာ ဘုံဘဝ၌ အသက်ရှည်ခြင်း အခြံအရံ ပေါများခြင်း ဖြစ်ရာသတည်း။ 37

၇ - ဘောဇနသုတ်၊ သုမနဝဂ်၊ ပဉ္စကနိပါတ်၊ အင်္ဂုတ္တိုရ်ပါဠိတော်။


ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

No comments: