သညာဆယ်ပါး နာနာပွား…
ဂိရိမာနန္ဒသုတ်
အခါတစ်ပါး၌ မြတ်စွာဘုရားသည် သာဝတ္ထိပြည် အနာထပိဏ်သူဌေး၏ အရံဖြစ်သော ဇေတဝန်ကျောင်း၌ (သီတင်းသုံး) နေတော်မူ၏။ ထိုအခါ အသျှင်ဂိရိမာနန္ဒသည် အနာရောဂါရှိ၏၊ ဆင်းရဲခြင်းသို့ ရောက်၏၊ ပြင်းစွာ မကျန်းမမာ ဖြစ်၏။ ထိုအခါ အသျှင်အာနန္ဒာသည် မြတ်စွာဘုရား အထံသို့ ချဉ်းကပ်၍ ရှိခိုးပြီးလျှင် တစ်ခုသော နေရာ၌ ထိုင်လျက် မြတ်စွာဘုရားအား -
''အသျှင်ဘုရား အသျှင်ဂိရိမာနန္ဒသည် အနာရောဂါ ရှိပါ၏၊ ဆင်းရဲခြင်းသို့ ရောက်နေပါ၏၊ ပြင်းစွာ မကျန်းမမာ ဖြစ်နေပါ၏။ အသျှင်ဘုရား တောင်းပန်ပါ၏၊ အသျှင်ဂိရိမာနန္ဒ အထံသို့ သနားသဖြင့် ချဉ်းကပ်တော်မူပါ'' ဟုလျှောက်၏။
အာနန္ဒာ အကယ်၍ သင်သည် ဂိရိမာနန္ဒရဟန်းအား သညာ ဆယ်မျိုးတို့ကို ဟောလျှင် သညာ ဆယ်မျိုးတို့ကို ကြားနာရသည်ရှိသော် ဂိရိမာနန္ဒရဟန်းအား ထိုအနာရောဂါသည် ခဏချင်း ငြိမ်းရာသော အကြောင်းသည် ရှိသည်သာတည်း။
အဘယ်ဆယ်မျိုးတို့နည်းဟူမူ –
အနိစ္စသညာ၊ အနတ္တသညာ၊ အသုဘသညာ၊ အာဒီနဝသညာ၊ ပဟာနသညာ၊ ဝိရာဂသညာ၊ နိရောဓသညာ၊ သဗ္ဗလောကေ အနဘိရတိသညာ၊ သဗ္ဗသင်္ခါရေသု အနိစ္ဆာသညာ 'သင်္ခါရအားလုံး၌ အလိုမရှိအပ် ဟူသော အမှတ်'၊ အာနာပါန ဿတိတို့တည်း။
အနိစ္စသညာ ဟူသည်မှာ…
အာနန္ဒာ အနိစ္စသညာ ဟူသည် အဘယ်နည်း၊ အာနန္ဒာ ဤသာသနာတော်၌ ရဟန်းသည် တောသို့ ကပ်ရောက်၍သော် လည်းကောင်း၊ သစ်ပင်ရင်းသို့ ကပ်ရောက်၍သော် လည်းကောင်း၊ ဆိတ်ငြိမ်ရာ အရပ်သို့ ကပ်ရောက်၍သော် လည်းကောင်း ''ရုပ်သည် မမြဲ၊ ဝေဒနာသည် မမြဲ၊ သညာသည် မမြဲ၊ သင်္ခါရတို့သည် မမြဲကုန်၊ ဝိညာဏ်သည် မမြဲ'' ဟု ဆင်ခြင်၏။ ဤသို့လျှင် ဤဥပါဒါန က္ခန္ဓာငါးပါးတို့၌ အနိစ္စ 'မမြဲ' ဟု ရှုလေ့ရှိကာ နေ၏။ အာနန္ဒာ ဤတရားကို အနိစ္စသညာ ဟု ဆိုအပ်၏။
အနတ္တသညာ ဟူသည်မှာ…
အာနန္ဒာ အနတ္တသညာ ဟူသည် အဘယ်နည်း၊ အာနန္ဒာ ဤသာသနာတော်၌ ရဟန်းသည် တောသို့ ကပ်ရောက်၍သော် လည်းကောင်း၊ သစ်ပင်ရင်းသို့ ကပ်ရောက်၍သော် လည်းကောင်း ဆိတ်ငြိမ်ရာ အရပ်သို့ ကပ်ရောက်၍သော် လည်းကောင်း ''မျက်စိသည် အတ္တမဟုတ်၊ အဆင်း 'ရူပါရုံ'တို့သည် အတ္တ မဟုတ်ကုန်၊ နားသည် အတ္တမဟုတ်၊ အသံ 'သဒ္ဒါရုံ'တို့သည် အတ္တ မဟုတ်ကုန်၊ နှာခေါင်းသည် အတ္တ မဟုတ်၊ အနံ့'ဂန္ဓာရုံ'တို့သည် အတ္တမဟုတ်ကုန်။ လျှာသည် အတ္တမဟုတ်၊ အရသာ 'ရသာရုံ'တို့သည် အတ္တ မဟုတ်ကုန်၊ ကိုယ်သည် အတ္တ မဟုတ်၊ အတွေ့ 'ဖောဋ္ဌဗ္ဗာရုံ'တို့သည် အတ္တ မဟုတ်ကုန်၊ စိတ်သည် အတ္တ မဟုတ်၊ သဘောတရား 'ဓမ္မာရုံ'တို့သည် အတ္တ မဟုတ်ကုန်'' ဟု ဆင်ခြင်၏။ ဤသို့လျှင် ဤအတွင်းအပ တည်ရာ 'အာယတန' ခြောက်ပါးတို့၌ အစိုးမရ 'အနတ္တ' ဟု ရှုလေ့ရှိကာ နေ၏။ အာနန္ဒာ ဤတရားကို အနတ္တသညာဟု ဆိုအပ်၏။
အသုဘသညာ ဟူသည်မှာ…
အာနန္ဒာ အသုဘသညာ ဟူသည် အဘယ်နည်း၊ အာနန္ဒာ ဤသာသနာတော်၌ ရဟန်းသည် ခြေဖဝါး အပြင်မှ အထက်၌ ဆံပင်ဖျားမှ အောက်၌ အရေအပိုင်းအခြား ရှိသော အထူးထူး အပြားပြားသော မစင်ကြယ်သော ဝတ္ထုဖြင့် ပြည့်သော ဤကိုယ် 'ခန္ဓာ'ကိုသာလျှင် ဆင်ခြင်၏။ ''ဤကိုယ်'ခန္ဓာ'၌ ဆံပင်၊ အမွေး၊ လက်သည်း ခြေသည်း၊ သွား၊ အရေ + အသား၊ အကြော၊ အရိုး၊ ရိုးတွင်းခြင်ဆီ၊ အညှို့+ နှလုံး၊ အသည်း၊ အမြှေး၊ အဖျဉ်း၊ အဆုတ် + အူမ၊ အူသိမ်၊ အစာသစ်၊ အစာဟောင်း၊ ဦးနှောက် + သည်းခြေ၊ သလိပ်၊ ပြည်၊ သွေး၊ ချွေး၊ အဆီခဲ + မျက်ရည်၊ ဆီကြည်၊ တံတွေး၊ နှပ်၊ အစေး၊ ကျင်ငယ်တို့သည် ရှိကြကုန်၏'' ဟု ဆင်ခြင်၏။ ဤသို့လျှင် ဤကိုယ်၌ မတင့်တယ် 'အသုဘ' ဟု ရှုလေ့ ရှိကာနေ၏။ အာနန္ဒာ ဤတရားကို အသုဘသညာ ဟု ဆိုအပ်၏။
အာဒီနဝသညာ ဟူသည်မှာ…
အာနန္ဒာ အာဒီနဝသညာ ဟူသည် အဘယ်နည်း၊ အာနန္ဒာ ဤသာသနာတော်၌ ရဟန်းသည် တောသို့ ကပ်ရောက်၍သော် လည်းကောင်း၊ သစ်ပင်ရင်းသို့ ကပ်ရောက်၍သော် လည်းကောင်း၊ ဆိတ်ငြိမ်ရာ အရပ်သို့ ကပ်ရောက်၍သော် လည်းကောင်း ''ဤကိုယ်သည် ဆင်းရဲများ၏၊ အပြစ်များ၏၊ ဤသို့လျှင် ဤကိုယ်၌ အထူးထူး အပြားပြားသော အနာ (ရောဂါ)တို့သည် ဖြစ်ကုန်၏။
ယင်းအနာတို့ ဟူသည်ကား-
မျက်စိရောဂါ၊ နားရောဂါ၊ နှာခေါင်းရောဂါ၊ လျှာရောဂါ၊ ကိုယ်၌ဖြစ်သော အနာ၊ ဦးခေါင်း၌ဖြစ်သော အနာ၊ နားရွက်နာ၊ ခံတွင်းနာ၊ သွားရောဂါ၊ နှုတ်ခမ်းရောဂါ၊ ချောင်းဆိုးနာ၊ ကုတ်ဟီးနာ၊ ဖွတ်စအိုနာ၊ ကိုယ်ပူနာ၊ ဖျားနာ၊ ဝမ်း၌ဖြစ်သော ရောဂါ၊ မိန်းမောသော အနာ၊ မြင်းသရိုက်နာ၊ လေထိုးနာ၊ ဝမ်းလျှောနာ၊ နူနာ၊ အိုင်းနာ၊ ညှင်းနာ၊ ခယရုတ်နာ၊ ဝက်ရူးနာ၊ ပွေးနာ၊ ဝဲနာ၊ ယားနာ၊ လက်သည်း ခြေသည်း ခြစ်မိသော အနာ၊ လက်ဖဝါး ခြေဖဝါး၌ ပေါက်သောအနာ၊ ရတ္တပိတ်နာ၊ ဆီးချိုနာ၊ ဒူလာလိပ်ခေါင်းနာ၊ ထွတ်မြင်းနာ၊ ဘဂန္ဒိုလ်နာ၊ သည်းခြေကြောင့် ဖြစ်သော အနာ၊ သလိပ်ကြောင့် ဖြစ်သော အနာ၊ လေကြောင့်ဖြစ်သော အနာ၊ သည်းခြေ သလိပ် လေပေါင်းစု၍ ဖြစ်သော 'သန္နိပါတ်' အနာ၊ ဥတု ဖောက်ပြန်ခြင်းကြောင့် ဖြစ်သော အနာ၊ ဣရိယာပုထ် မညီညွတ်မှုကြောင့် ဖြစ်သော အနာ၊ သူတစ်ပါး လုံ့လကြောင့် ဖြစ်သော အနာ၊ ကံအကျိုးကြောင့် ဖြစ်သော အနာ၊ အေးခြင်း၊ ပူခြင်း၊ ဆာလောင်ခြင်း၊ မွတ်သိပ်ခြင်း၊ ကျင်ကြီးစွန့်လိုခြင်း၊ ကျင်ငယ်စွန့်လိုခြင်းတို့တည်း'' ဟု ဆင်ခြင်၏။ ဤသို့လျှင် ဤကိုယ်၌ အပြစ်ကို ရှုလေ့ရှိကာ နေ၏။ အာနန္ဒာ ဤတရားကို အာဒီနဝသညာ ဟု ဆိုအပ်၏။
ပဟာနသညာ ဟူသည်မှာ…
အာနန္ဒာ ပဟာနသညာ ဟူသည် အဘယ်နည်း၊ အာနန္ဒာ ဤသာသနာတော်၌ ရဟန်းသည် ဖြစ်ပေါ်လာသော 'ကာမဝိတက်' ကို လက်မခံ၊ စွန့်၏၊ ပယ်ဖျောက်၏၊ ကင်းအောင်ပြု၏၊ နောင်တစ်ဖန် မဖြစ်ခြင်းသို့ ရောက်စေ၏။ ဖြစ်ပေါ်လာသော 'ဗျာပါဒဝိတက်'ကို လက်မခံ၊ စွန့်၏၊ ပယ်ဖျောက်၏၊ ကင်းအောင်ပြု၏၊ နောင်တစ်ဖန် မဖြစ်ခြင်းသို့ ရောက်စေ၏။ ဖြစ်ပေါ်လာသော 'ဝိဟိံသာဝိတက်'ကို လက်မခံ၊ စွန့်၏၊ ပယ်ဖျောက်၏၊ ကင်းအောင်ပြု၏၊ နောင်တစ်ဖန် မဖြစ်ခြင်းသို့ ရောက်စေ၏၊ ဖြစ်တိုင်း ဖြစ်တိုင်းသော ယုတ်ညံ့သော အကုသိုလ်တရားတို့ကို လက်မခံ၊ စွန့်၏၊ ပယ်ဖျောက်၏၊ ကင်းအောင် ပြု၏၊ နောင်တစ်ဖန် မဖြစ်ခြင်းသို့ ရောက်စေ၏။ အာနန္ဒာ ဤတရားကို ပဟာနသညာ ဟု ဆိုအပ်၏။
ဝိရာဂသညာ ဟူသည်မှာ…
အာနန္ဒာ ဝိရာဂသညာ ဟူသည် အဘယ်နည်း၊ အာနန္ဒာ ဤသာသနာတော်၌ ရဟန်းသည် တောသို့ ကပ်ရောက်၍ သော်လည်းကောင်း၊ သစ်ပင်ရင်းသို့ ကပ်ရောက်၍သော် လည်းကောင်း၊ ဆိတ်ငြိမ်ရာ အရပ်သို့ ကပ်ရောက်၍သော် လည်းကောင်း ''သင်္ခါရအားလုံး ငြိမ်းရာ ဥပဓိ အားလုံးကို စွန့်ရာ တဏှာ ကုန်ရာ ရာဂ ကင်းပြတ်ရာဖြစ်သော ထိုနိဗ္ဗာန်သည် ငြိမ်သက်၏၊ ထိုနိဗ္ဗာန်သည် မွန်မြတ်၏'' ဟု ဆင်ခြင်၏။ အာနန္ဒာ ဤတရားကို ဝိရာဂသညာဟု ဆိုအပ်၏။ (၆)
နိရောဓသညာ ဟူသည်မှာ…
အာနန္ဒာ နိရောဓသညာ ဟူသည် အဘယ်နည်း၊ အာနန္ဒာ ဤသာသနာတော်၌ ရဟန်းသည် တောသို့ ကပ်ရောက်၍သော် လည်းကောင်း၊ သစ်ပင်ရင်းသို့ ကပ်ရောက်၍သော် လည်းကောင်း၊ ဆိတ်ငြိမ်ရာ အရပ်သို့ ကပ်ရောက်၍သော် လည်းကောင်း ''သင်္ခါရ အားလုံးငြိမ်းရာ ဥပဓိအားလုံးကို စွန့်ရာ တဏှာ ကုန်ရာ ချုပ်ရာဖြစ်သော ထိုနိဗ္ဗာန်သည် ငြိမ်သက်၏၊ ထိုနိဗ္ဗာန်သည် မွန်မြတ်၏'' ဟု ဆင်ခြင်၏။ အာနန္ဒာ ဤတရားကို နိရောဓသညာ ဟု ဆိုအပ်၏။
သဗ္ဗလောကေ အနဘိရတိသညာ ဟူသည်မှာ…
အာနန္ဒာ သဗ္ဗလောကေ အနဘိရတိသညာ ဟူသည် အဘယ်နည်း။ အာနန္ဒာ ဤသာသနာတော်၌ ရဟန်းသည် လောက၌ စိတ်၏ တည်ခြင်း အမှားနှလုံးသွင်းခြင်း ကိန်းခြင်းဟူ ကုန်သော ဥပါဒါန်တို့ကို စွန့်လျက် မစွဲလမ်းဘဲ နေ၏။ အာနန္ဒာ ဤတရားကို သဗ္ဗလောကေ အနဘိရတိသညာ ဟု ဆိုအပ်၏။
သဗ္ဗသင်္ခါရေသု အနိစ္ဆာသညာ ဟူသည်မှာ…
အာနန္ဒာ သဗ္ဗသင်္ခါရေသု အနိစ္ဆာသညာ ဟူသည် အဘယ်နည်း၊ အာနန္ဒာ ဤသာသနာတော်၌ ရဟန်းသည် သင်္ခါရအားလုံးတို့၌ ငြီးငွေ့၏၊ ရှက်နိုး၏၊ စက်ဆုပ်၏။ အာနန္ဒာ ဤတရားကို သဗ္ဗသင်္ခါရေသု အနိစ္ဆသညာ ဟု ဆိုအပ်၏။
အာနာပါနဿတိ ဟူသည်မှာ…
အာနန္ဒာ အာနာပါနဿတိ ဟူသည် အဘယ်နည်း၊ အာနန္ဒာ ဤသာသနာတော်၌ ရဟန်းသည် တောသို့ ကပ်ရောက်၍သော် လည်းကောင်း၊ သစ်ပင်ရင်းသို့ ကပ်ရောက်၍သော် လည်းကောင်း၊ ဆိတ်ငြိမ်ရာ အရပ်သို့ ကပ်ရောက်၍သော် လည်းကောင်း ထက်ဝယ်ဖွဲ့ခွေ၍ ကိုယ်ကို ဖြောင့်စွာ ထားပြီးလျှင် (ကမ္မဋ္ဌာန်းသို့) ရှေးရှု သတိကို ဖြစ်စေလျက် ထိုင်နေ၏။ ရဟန်းသည် သတိရှိ၍သာလျှင် ဝင်သက်ကို ရှူ၏၊ သတိရှိ၍သာလျှင် ထွက်သက်ကို ထုတ်၏။ ရှည်စွာ ဝင်သက် ရှူသော် ''ရှည်စွာ ဝင်သက်ရှူ၏'' ဟု သိ၏၊ ရှည်စွာ ထွက်သက် ထုတ်သော် ''ရှည်စွာ ထွက်သက် ထုတ်၏'' ဟု သိ၏။ တိုစွာ ဝင်သက်ရှူသော် ''တိုစွာ ဝင်သက် ရှူ၏'' ဟု သိ၏၊ တိုစွာ ထွက်သက် ထုတ်သော် ''တိုစွာ ထွက်သက် ထုတ်၏'' ဟု သိ၏။ ''(ဝင်သက်၏) အစ အလယ် အဆုံး အားလုံး အပေါင်းကို ထင်ရှား စေလျက် ဝင်သက်ရှူအံ့'' ဟု ကျင့်၏၊ ''(ထွက်သက်၏) အစ အလယ် အဆုံး အားလုံး အပေါင်းကို ထင်ရှားစေလျက် ထွက်သက် ထုတ်အံ့'' ဟု ကျင့်၏။ ''ကာယသင်္ခါရ (ရုန့်ရင်းသောဝင်သက်လေ)ကို ငြိမ်းစေလျက် ဝင်သက်ရှူအံ့'' ဟု ကျင့်၏၊ ''ကာယသင်္ခါရ (ရုန့်ရင်းသောထွက်သက်လေ)ကို ငြိမ်းစေလျက် ထွက်သက် ထုတ်အံ့'' ဟု ကျင့်၏။ ''ပီတိကို ထင်ရှားစေလျက် ဝင်သက်ရှူအံ့'' ဟု ကျင့်၏၊ ''ပီတိကို ထင်ရှားစေလျက် ထွက်သက် ထုတ်အံ့'' ဟု ကျင့်၏။ ''သုခကို ထင်ရှားစေလျက် ဝင်သက်ရှူအံ့'' ဟု ကျင့်၏၊ ''သုခကို ထင်ရှားစေလျက် ထွက်သက် ထုတ်အံ့'' ဟု ကျင့်၏။ ''စိတ္တသင်္ခါရ(ဝေဒနာ,သညာ) ကို ထင်ရှားစေလျက် ထွက်သက်ရှူအံ့'' ဟု ကျင့်၏၊ ''စိတ္တသင်္ခါရ(ဝေဒနာသညာ) ကို ထင်ရှားစေလျက် ဝင်သက်ထုတ်အံ့'' ဟု ကျင့်၏။ (ရုန့်ရင်းသည့် ဝေဒနာ,သညာ ဟူသော) ''စိတ္တသင်္ခါရကို ငြိမ်းစေလျက် ဝင်သက်ရှူအံ့'' ဟု ကျင့်၏။ (ရုန့်ရင်းသည့် ဝေဒနာ,သညာဟူသော) ''စိတ္တသင်္ခါရကို ငြိမ်းစေလျက် ထွက်သက် ထုတ်အံ့'' ဟု ကျင့်၏၊ ''စိတ်ကို ထင်ရှားစေလျက် ဝင်သက်ရှူအံ့'' ဟု ကျင့်၏၊ ''စိတ်ကို ထင်ရှားစေလျက် ထွက်သက် ထုတ်အံ့'' ဟု ကျင့်၏၊ ''စိတ်ကို အလွန် ဝမ်းမြောက်စေလျက်။ပ။ စိတ်ကို ကောင်းစွာ ထားလျက်။ပ။ စိတ်ကို လွတ်စေလျက်။ပ။ အနိစ္စဟု ရှုလျက်။ပ။ ဝိရာဂ ဟု ရှုလျက်။ပ။ နိရောဓဟု ရှုလျက်။ပ။ ''စွန့်ရာဟု ရှုလျက် ဝင်သက် ရှူအံ့'' ဟု ကျင့်၏။ ''စွန့်ရာဟု ရှုလျက် ထွက်သက် ထုတ်အံ့'' ဟု ကျင့်၏။ အာနန္ဒာ ဤတရားကို အာနာပါနဿတိ ဟု ဆိုအပ်၏။
အာနန္ဒာ သင်သည် အကယ်၍ ဂိရိမာနန္ဒရဟန်းအား ဤသညာဆယ်မျိုးတို့ကို ဟောလျှင် ဂိရိမာနန္ဒ ရဟန်းသည် ဤသညာဆယ်မျိုးတို့ကို ကြားနာရ၍ တစ်ခဏချင်း ထိုအနာသည် ငြိမ်းအေးရာသော အကြောင်း ရှိသည်သာတည်း ဟု မိန့်တော်မူ၏။
ထိုအခါ အသျှင်အာနန္ဒာသည် မြတ်စွာဘုရားအထံမှ သညာ ဆယ်မျိုးတို့ကို သင်ယူ၍ အသျှင်ဂိရိမာနန္ဒ အထံသို့ ချဉ်းကပ်ပြီးနောက် အသျှင်ဂိရိမာနန္ဒအား ဤသညာ ဆယ်မျိုးတို့ကို ဟော၏။
ထိုအခါ အသျှင်ဂိရိမာနန္ဒသည် ဤသညာ ဆယ်မျိုးတို့ကို ကြားနာရ၍ သူ၏ ထိုအနာသည် တစ်ခဏချင်း ငြိမ်းအေးလေ၏၊ အသျှင်ဂိရိမာနန္ဒသည်လည်း ထိုအနာမှ ထမြောက်၏၊ အသျှင်ဂိရိမာနန္ဒ၏ ထိုအနာသည်လည်း အချင်းခပ်သိမ်း ပယ်အပ်ပြီး ဖြစ်၏။ ၆ဝ 60
၁ဝ - ဂိရိမာနန္ဒသုတ်၊ ၆-၁ သစိတ္တဝဂ်၊ အဂုင်္တ္တိုရ်ပါဠိတော်။
No comments:
Post a Comment