နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Saturday, December 31, 2011

ကျဆုံးလေသူအတွက်


ပြောရင်းဆိုရင်း ရှေ့တန်းတိုက်ပွဲ တစ်နေရာမှာ ညီလေးကျဆုံးရလေပြီ... 
ညီလေးအတွက် ဖြစ်မဲ့ဘေးတွေ သိနေရက်နဲ့ 
အကိုကြီးတို့ မကာကွယ်လိုက်နိုင်တာ စိတ်မကောင်းပါဘူးကွာ... 

ဘာဘဲဖြစ်ဖြစ် ရောက်ရာဘဝမှာ အကောင်းဆုံးဖြစ်အောင် ကြိုးစားပါညီလေး... 
အဖေ့အဆုံးအမတွေက နေရာတကာမှာ အသုံးချရင်ရပါတယ်... 
 
သာသနာတော်မှ ကျဆုံးသွားပြီဖြစ်တဲ့ညီလေးရဲ့ 


Tuesday, December 27, 2011

ဒကာကြီး နောက်ဘဝ ဒကာမကြီးနဲ့ ဆုံချင်သေးလား...


မနက်က ဆွမ်းလာကပ်ရင်းနဲ့ ပြောဖြစ်ကြတာလေးပါ...
ယူတုန်းကတော့ ကြိုက်လို့ယူကြ အတွေးအခေါ်မတူတော့ စိတ်ဆင်းရဲကြနဲ့...
တော်ကြားပေါင်းမယ် တော်ကြာကွဲမယ်...

ဒကာကြီး နောက်ဘဝ ဒကာမကြီးနဲ့ ဆုံချင်သေးလား...
ဟီးးး မဆုံချင်တော့ပါဘူးဘုရား...

ဒကာကြီး နောင်ဘဝမှာ မပေါင်းချင်တော့ဘူးဆို လွယ်လွယ်လေးပဲ...
အတွဲလေးမျိုး ဘုရားဟောထားတာရှိတယ်...

ဒကာကြီးက နောင်ဘဝ မတွေ့ချင်တော့ဘူးဆိုရင်
သူအမြဲလုပ်နေတဲ့ ကုသိုလ်တွေကို အတူတူမလုပ်နဲ့တော့...
ဒကာမကြီးက ကုသိုလ်ကောင်းမှုလုပ်တာများတော့ သူကနတ်ပြည်သွား...
ဒီတော့ ဒကာကြီးက မတွေ့ချင်ဘူးဆိုရင်တော့ အပါယ်သွားပေါ့...
ဒါတော့ မဖြစ်ဘူးဘုရား သူ့သွားခိုင်းရမယ်...
အော်... ချစ်တာချစ်တာ သံယောဇဉ်တွေ ရှိတုန်းကလည်းလွန်လွန်ကဲကဲ...
ပါးသွားပြီဆိုတော့လည်း ဖွဲနဲ့ဆန်ကွဲ တန်ဖိုးမထား မမြင်ကြတော့ဘူး...

အရှင်ဘုရား လေးမျိုးဆိုတာ ပြောပြပါဦးဘုရား...

ဒီလိုဒကာကြီးရဲ့...
ဒီဘဝမှာ ကောင်းမှုကုသိုလ်တွေကို သဒ္ဓါတရားတူမျှစွာ အတူပြုကြရင်...
နတ်သမီးနတ်သားစုံတွဲတဲ့...
ဒီဘဝလည်းကောင်း သံသရာမှာလည်း အတူတူပျော်ပျော်ပါးပါးပေါ့...

ဒီဘဝမှာ အမျိုးသားကကုသိုလ်တွေပြု အမျိုးသမီးကမပြုဘူးဆိုရင်တော့...
အမျိုးသားကနတ်သားနဲ့တူ အမျိုးသမီးကငရဲသူတဲ့...
ဒီဘဝမှာလည်း အဆင်မပြေ နောင်ဘဝကျရင်လည်း မတွေ့ရတော့ဘူးပေါ့...

ဒီဘဝမှာ အမျိုးသားကကုသိုလ်မပြု အမျိုးသမီးကကုသိုလ်တွေပြုဆိုရင်တော့...
အမျိုးသားကငရဲသားနဲ့တူ အမျိုးသမီးကနတ်သမီးနဲ့တူတယ်တဲ့...
အသွင်မတူတော့အဆင်မပြေ နောင်ဘဝကျရင်လည်း မတွေ့နိုင်တော့ပါဘူး...

ဒီဘဝမှာ နှစ်ဦးလုံး အကုသိုလ်တွေ အတူတူပြုကြရင်တော့...
ငရဲသူ ငရဲသားစုံတွဲတဲ့...
နောင်ဘဝ ငရဲဘုံမှာ တူတူတွေ့ဆုံကြပြီး ပင်ပန်းကြတော့မှာပေါ့...

ဒီတော့ တွေ့လည်းမတွေ့ချင် အပါယ်လည်းမသွားချင် ဘယ်လိုလုပ်မလဲ...

ဘုန်းကြီးတို့ ၃၁-ဘုံကို ခြုံလိုက်ရင် သုနဲ့ဒုဆိုပြီး...
သုဆိုတာ သုဂတိ ကောင်းသောဘုံ...
ဒုဆိုတာ ဒုဂ္ဂတိ မကောင်းသောဘုံဆိုပြီး နှစ်မျိုးခွဲလိုက်ရင်...
သုဂတိဘုံမှာ လူ-၁ နတ်-၆ ဗြဟ္မာ-၂ဝ ပေါင်း၂၇-ဘုံ ရှိပါတယ်...
ဒုဂ္ဂတိဘုံခေါ်တာကတော့ ငရဲ တိရစ္ဆာန် ပြိတ္တာ အသူရကာယ် အပါယ်-၄ ဘုံပေါ့...

ကိုယ်ကအပါယ်မသွားချင်ဘူးဆိုရင် ကောင်းမှုကုသိုလ်ပဲ ပြုရတော့မယ်...
ဒီဘဝမှာက လင်ရယ်မယားရယ်ဖြစ်နေတော့ အကြောင်းအမျိုးမျိုးနဲ့
ကုသိုလ်တွေက အတူတူ ပြုနေကြရဦးမှာ...
ကိုယ်က သူ့ထက်ပိုပြီး ကုသိုလ်တွေပြုနိုင်မယ် တရားတွေ ကျင့်နိုင်မယ်ဆိုရင်တော့
သူနဲ့မတွေ့နိုင်တဲ့ မတူညီသော သုဂတိဘုံကို ဒကာကြီးရောက်နိုင်ပါတယ်...

ဥပမာ...
သူက ဒါနကုသိုလ် သီလကုသိုလ်ပဲရှိတယ်ထားလိုက်...
ကိုယ်က ဈာန်ကုသိုလ် အဘိညာဏ်ရအောင်လုပ် ဒါဆို သူနဲ့မတွေ့နိုင်တော့ပါဘူး...
ဟိုရောက်မှ တွေ့ချင်သေးတယ်ဆိုပြီး
အဘိညာဏ်နဲ့ ခဏခဏ ခြောင်းကြည့်မနေနဲ့တော့ပေါ့လေ...

နောက်တစ်ခုက ဒီလိုရှိပါသေးတယ်ဒကာကြီးရယ်...
ဘုန်းကြီးတို့ ဘုရားအလောင်းတော်ဘဝတွေကို ပြန်ကြည့်ရင်...
ဘုရားအလောင်းတော်နဲ့ ယသောဓရာအလောင်း ဘဝမျိုးစုံ တွေ့ဆုံကြရတာပါ...
သူကနိမ့်လိုက် ကိုယ်ကနိမ့်ကျလိုက်နဲ့ပေါ့...
တစ်ချို့ဘဝတွေမှာ မတွေ့ချင် မမြင်ချင် ငြင်းခုံ ရန်ဖြစ်မှုတွေ ရှိခဲ့ကြတာပါပဲ...
ဘဝမျိုးစုံ ခန္တီတရား ကရုဏာတရား မေတ္တာတရားတွေ ဖြည့်ခဲ့ကြရပါတယ်...

ဒကာကြီးထက် သူကနိမ့်နေရင် ကရုဏာ မေတ္တာ ခန္တီ တရားတွေနဲ့နေပါ...
ဒကာကြီးထက် သူကမြင့်သွားရင် မုဒိတာ မေတ္တာ ခန္တီ တရားတွေနဲ့နေပေါ့...
ဒီလိုနေသွားနိုင်ရင် ဒီဘဝကော နောင်တမလွန်ပါ ကောင်းသွားမှာပါ...

သူပြင်တာကို ကိုယ်ကမစောင့်ပါနဲ့...
ကိုယ်ကပြင်လိုက်ပါ...
နှစ်ဦးလုံးအတွက် အကျိုးကြီးပါတယ်...

လင်ခန်းမယားခန်း အိမ်ထောင်ရေးမို့ ပေါင်းပါလို့ မပြောလိုပေမဲ့
သူတော်ကောင်းတရားတွေ ကျင့်ကြပါလို့ ပြောချင်ပါတယ်...

မိသားစု ဥမကွဲ သိုက်မပျက် ပျော်ရွင်ချမ်းမြေ့ကြပါစေ...
လိမ်လိမ်မာမာနေ...

ဦးလောကနာထ
၁၂.၂၆.၂ဝ၁၁

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တစ်ခုဖြစ်ပေ၏။
သာဓု... သာဓု... သာဓု...။

Friday, December 23, 2011

လောကဓံတရားတွေ ကောင်းမွေဆိုးမွေ ကိုယ်ပြုခဲ့ပေ...


ငယ်ငယ်ကဆိုရင် အိမ်နားမှာ တွေ့ကရာအပင် အဖျားထိတက်နေကြပဲ ...
ယောက်ကျားလေးအတော်များများ ကလေးဘဝက သစ်ပင်တက်ဖူးကြလိမ့်မယ်...
တစ်ချို့ ကလေးမတွေလည်း အကိုတွေနဲ့ရောပြီး တက်ဖူးကြမှာပါ...
ကလေးတို့ဘာဝ အတော်ပျော်စရာကောင်းပါတယ်...
သစ်ပင်ပေါ် စတက်ခါစတော့ နိမ့်နိမ့်လေးပေါ့...
အနိမ့်လေးတက်တတ်တာကိုဘဲ အချင်းချင်း လက်ခုတ်တီးကြ မြှောက်ပေးကြနဲ့...
တက်လိုက် ဘေးပတ်ဝန်းကျင်ကြည့်လိုက် အရသာအသစ်လေးခံစား ဆက်တက်...
စကားပြောလိုက် အော်လိုက် သီချင်းလေးဆိုလိုက်နဲ့ ပျော်စရာပါ...

ဒီလိုနဲ့ ကျင့်သားရလာတော့ စိတ်ကလည်းရဲလာပြီ ထိပ်ဖျားထိတက်ကြတာပေါ့...
အမြင့်ရောက်လေ ရှုခင်းကကြည့်လို့ကောင်း ပတ်ဝန်းကျင်ကလည်းအားပေး...
ထိပ်ဖျားထိတက်နိုင်တာ... ငါကွ...
အားရပါးရအော်ကြည့်တယ် အသံက အဝေးကြီးထိရောက်တယ်...
ပဲ့တင်သံလေးနဲ့ မိမိအသံကို အဝေးကလူတွေကလည်း ကြားရပြီ...
လက်ခုတ်တီးပြီး အားပေးတဲ့သူတွေက အားပေးကြနဲ့ပေါ့...

ဒါဘေမဲ့ အမြင့်ရောက်လေ လေတိုက်ခံရလေ...
အဖျားရောက်လေ သစ်ပင်က ခါချလေပါပဲ...
မိမိကထိပ်ဖျားရောက်လို့ ပါတ်ဝန်းကျင်ကို မြင်ရသလိုပဲ...
အနီးအဝေးက လူတွေကလည်း မိမိကိုမြင်လာပြီ...
ဒီလုပ်ရပ်ကို သဘောကျတဲ့သူရှိတယ် သဘောမကျတဲ့သူရှိတယ်...
မှန်တယ်ထင်သူရှိမယ် မှားတယ်ထင်တဲ့သူရှိမယ်...
သူတို့ဘယ်လိုပဲထင်ထင် သစ်ပင်ပေါ်ကလူ ခြေမချော်နဲ့ မမှားနဲ့...
မိမိ ခြေချော်လက်ချော်လို့ မှားရင်တော့ အောက်ကိုကျမယ်...
ခပ်မြင့်မြင့်ကကျလေ အထိနာလေ ဖြစ်ဖို့များပါတယ်...
အခန့်မသင့်ရင် ခြေကျိုးလက်ကျိုးနဲ့ အသက်သေသည်ထိ ဖြစ်သွားနိုင်တယ်...

...ကောင်းဆိုးအမွေ လောကဓံတရားတွေ...

ဘုန်းကြီးတို့တွေ ရဟန်းဖြစ်လာပြီးတဲ့နောက် ရဟန်းအလုပ်ကိုလုပ်ကြရတော့မယ်...
ရဟန်းသမဏတို့ရဲ့အလုပ်က ဓူရနှစ်ဖြာဆိုတဲ့ ပရိယတ်နဲ့ ပဋိပတ်...
သင်ကြမယ် ကျင့်ကြမယ်ပေါ့...
သင်ကြမယ်ဆိုတာက မိမိက သူတစ်ပါးဆီမှသင် သူတစ်ပါးကို မိမိကသင်...
မိမိက သင်ယူတာသော် လည်းကောင်း
သူတစ်ပါးကို သင်ပေးတာသော် လည်းကောင်း မှားပြီဆိုရင်တော့...
မိမိအတွက်လည်းမကောင်း အများနဲ့သာသနာအတွက်လည်း မကောင်းတော့ဘူး...

မြတ်ဗုဒ္ဓသာသနာ နှစ်ပေါင်းနှစ်ထောင်ကျော်အတွင်းမှာ
ဘုရားရှင်ရှိကတည်းက အယူမှားသူ အပြောမှားခဲ့ကြသူတွေ မနည်းပါဘူး...
ဘုရားရှင်ကိုယ်တော်တိုင်လည်း အယူမှား အပြောမှားတွေကို ဖြေရှင်းခဲ့ရတယ်...
ဘုရားရှင်ပရိနိဗ္ဗာန်စံပြီးတော့လည်း သူတော်ကောင်းတွေ ခေတ်အဆက်ဆက်
ထိမ်းသိမ်းစောင့်ရှောက်လာခဲ့တာ ခုဆို သင်္ဂါယနာ ခြောက်ကြိမ်ရှိသွားပါပြီ...
ခြောက်ကြိမ်ရှိတော့ ပြီးပလားဆို အယူမှားမှုတွေကတော့ လာနေတုန်းပါပဲ...
ဆရာတော်တို့ နိုင်နိုင်နင်းနင်းထိမ်းနိုင်သေးတော့ တော်သေးတယ်ပြောရမှာပါ...

ခုနောက်ပိုင်းမှာဆိုရင် ဦးဉာဏရဲ့ ပစ္စုပ္ပန်ကမ္မဝါဒ
မိုးညှင်းမြို့ ဦးခေမိန္ဒတို့ မြစ်ကြီးနား ဦးဝိစိတ္တသာရာဘိဝံသတို့...ရဲ့
အဓမ္မဝါဒ အယူမှားမှုများကို သံဃာ့မဟာနာယကမှ ဖေါ်ထုတ်ခဲ့ကြပြီ...

အပြစ်ပေးခံ ဆရာတော်တွေ စိတ်ဆင်းရဲကိုယ်ဆင်းရဲ ဖြစ်ကြမှာ အမှန်ပါပဲ...
သည့်အတွက် စိတ်မကောင်းပါဘူး...
ဒါပေမဲ့ သာသနာအတွက်ကောင်းတယ်...ဝမ်းသာမိတယ်...
အယူမှားတွေကို ဖေါ်ထုတ်နိုင်မှသာ သာသနာအဓွန့်ရှည်မှာပါ...
အဓမ္မဝါဒဖေါ်ထုတ်ခြင်းသည် သူတစ်ပါးကိုဖျက်ဆီးတာ မဟုတ်ပါဘူး...
ထေရဝါဒ ဗုဒ္ဓသာသနာကို ကာကွယ်ရုံပါ...
ဝိနိစ္ဆယဆရာတော်များဟာ ဒီဘုန်းကြီးတွေ ပျက်စီးပါစေဆိုတဲ့စိတ် မရှိနိုင်ပါဘူး...

ဆရာတော်တစ်ပါးပြောသံ ကြားဘူးခဲ့တယ်...
ငါ့ကိုမှားတယ်ပြောရင် ငါ့နောက်မှာ မှားနေတာတွေ အများကြီးတဲ့...
ခုထပ်ကြားလာရပြန်ပြီ ဓမ္မစေတီ...
ဆရာတော် ဦးကောသလ္လတရားတွေလည်း မှားတယ်ဆိုပြီး ကြားလာရတယ်...
ပြီးတော့ ဆူနာမီဆရာတော်...
နောက် မထင်မှတ်ဘဲ မေတ္တာရှင် အရှင်ဇဝန မှားပြန်ပြီတဲ့
လက်မှတ်တောင်ထိုးလိုက်ရတယ်ဆိုပြီး တွေ့ရပါတယ်...ဒီမှာ.../
ခုနောက်ဆုံးကြားရတာကတော့ ဒယ်အိုးဆရာတော် ဦးသုမင်္ဂလ...ဒီမှာ.../ ဒီမှာ.../

ဆရာတော်တွေဟာ တရားဟောကောင်းတဲ့သူတွေအမှန်ပါ ကောင်းတာတွေရှိပေမဲ့...
မှားတာတွေ ပါလာပြန်တော့ ပြင်ကြရမှာပါဘဲ...ပြင်နိုင်ကြပါစေ
နီးစပ်ရာရာ ကြည်ညိုသူ ဒကာဒကာမတွေကလည်း အမှန်တွေကိုအမှန်အတိုင်း...
အမှားကိုအမှားအနေနဲ့ လက်ခံနိုင်ကြရမယ် ဒါမှ သာသနာတည်မယ်...
အကောင်းတွေ ဘယ်လောက်များများ အမှားဆိုရင်တော့ ပြင်ကြရမှာပါဘဲ...
ဒါမှ မိမိနဲ့အများအတွက် သာသနာပါ အကျိုးရှိမယ်...
ငါ့်ဆရာငါ့ဒကာမို့ အမှန်ဆိုရင်တော့ ကြာလေလွဲလေ လွဲကြတော့မယ်...
အမှားတွေများလို့ အမှန်ထင် ကြာလာရင်တော့
ဘုန်းကြီးတို့ ထေရဝါဒသာသနာ လုံးပါးပါးသွားနိုင်ပါတယ်...
ထေရဝါဒသာသနာကွယ်ရင်တော့ အရည်းကြီးတွေ ခေတ်စားလာတော့မယ်...

တစ်ချို့ဆရာတော်များက စာတတ်ပေမဲ့ အယူအဆလေးတွေလွဲကြတယ်...
တစ်ချို့ဆရာတော်များကတော့ စာသေချာမသင်ကြရဘူး...
လေ့လာရင်းကျင့်ရင်းနဲ့ အပြောကောင်းတော့ နာမည်ရလာကြပါတယ်...
ဒီတော့ ပင်မြင့်ဖျားမှာ ပျော်စရာပါ...
ဒါပေမဲ့ အဖျားရောက်တော့ လေကတိုက်တယ် ခြေမခိုင်လက်မခိုင်ရင်တော့...
ပင်ပန်းဆင်းရဲကြရမယ်...

အမှားတွေပြင် အမှန်ရောက်ဖို့ ရဟန်းဝတ်ကြတာမို့
ဘာကြောင့်ဘဲမှားမှား မှားရင် ပြင်ကြရမှာပါဘဲ...

ဆရာတော်ဘုရားများ စိတ်ချမ်းသာကြပါစေ...
အမှန်ကိုမြင်လို့ အမှားတွေ ပြင်နိုင်ကြပါစေ...
ထေရဝါဒသာသနာ အရှည်တည်ပါစေ...
အမှန်တရားများဖေါ်ထုတ်ကြတဲ့ ဆရာတော်တွေ ဘေးကင်းကြပါစေ...

ဦးလောကနာထ
၁၂.၂၃.၂ဝ၁၁






ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တစ်ခုဖြစ်ပေ၏။
သာဓု... သာဓု... သာဓု...။

Thursday, December 22, 2011

အပါယ်ငရဲကို ရောက်ဖူးခဲ့တာ သူ့ကြောင့်ပါ...




 

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တစ်ခုဖြစ်ပေ၏။
သာဓု... သာဓု... သာဓု...။

Monday, December 19, 2011

မြင်ရခဲ ကြားရခဲ့သည်...





မြန်မာပြည်မှာတော့ ဆွမ်းခံကြွရင်း ခဏခဏကြားရတဲ့အသံလေးတွေပါ...
ဒီမှာရောက်တော့ ဒီအသံမျိုး မကြားရတော့ပါဘူး...
ဒီတိုင်းပြည် ရေမြေရာသီ အခြေအနေအရ ဆွမ်းခံထွက်တာကလည်း မရှိ...
ဒကာဒကာမများက ကျောင်းမှာပဲ လာကပ်ကြတယ်...
ခု နေရာသစ်မှာတော့ ဆွမ်းခံထွက်ဖြစ်တာ တစ်နှစ်ကျော်သွားပါပြီ...

ရပ်တော်မူပါဦးဘုရား...ဒီအသံ...
မြန်မာပြည်မှာ ဆွမ်းခံရင်း ရပ်တော်မူပါဦးဘုရားဆို ရပ်ပေးလိုက်တာပါပဲ...
သူတို့ လှူစရာရှိတာလှူ ပြီးရင် မေတ္တာပို့ရင်း ဆက်ကြွသွား...
သိပ်ပြီး ထူးခြားတဲ့ခံစားချက် မရှိပါဘူး...
ဒီနေ့တော့ ထူးထူးခြားခြား ကြားရခဲတဲ့အသံ ကြားရတာက...
ရပ်တော်မူပါဦးဘုရား တဲ့...
ဒီအသံကြားတဲ့အခါ ဟိုး မြန်မာပြည်ကို သတိရတယ်...

---------------------------------

ဒီကလူတွေ ဘုန်းကြီးတွေနဲ့ စကားပြောတဲ့အခါ အဆီအငေါ်မတဲ့တာများတယ်...
ဆွမ်းလာကပ်တဲ့သူတွေထဲက ဆွမ်းပြင်ပြီးရင် ပြောကြတာက...
အရှင်ဘုရား ဆွမ်းဘုဉ်းပေးရန် အဆင့်သင့်ဖြစ်ပါပြီ... ဆိုတဲ့
မှန်မှန်ကန်ကန် အပြောမျိုးက ခပ်ရှားရှား ကြားရမယ်...
အရှင်ဘုရားပြီးပြီ...
ရပြီဘုရား...
ဆွမ်းစားလို့ရပြီ...
ပြင်ပြီးပြီဘုရား...
တစ်ချို့ကဆို အရှင်ဘုရား စားရအောင်...တဲ့...
ကြုံရင် ကြုံသလိုသင်ပေးလို့ သိတဲ့သူလည်း သိသွားလို့ ပြင်ကြပါပြီ...
တစ်ချို့လည်း ယခင်အတိုင်းပါပဲ...
မပြောတတ်ကြလို့ တစ်ချို့ကတော့ ဘုန်းကြီးတွေကို ရှောင်ကြပြန်တယ်...
အမှန်ကတော့ ရှောင်ရမှာမဟုတ်ပါဘူး လေ့လာပြီးသင်သွားပြင်သွားရင် ခဏပါ...

---------------------------------

အပြန်လမ်းမှာ တရုတ်ဒကာမကြီးတစ်ယောက်က ရပ်ပြီးလက်အုပ်ချီပြန်တယ်...
ဒါလည်း တွေ့ရခဲတာဘဲ...
ဘုန်းကြီးကို တစ်ချို့က အမြင်ဆန်းလို့ကြည့်ကြတယ်...
တွေ့ပါ မြင်ပါများလို့ အာရှကလူတွေ လမ်းတွေ့ရင် လက်အုပ်ချီလာကြပြီ...သာဓု
ဒါကတော့ တစ်ချို့ပေါ့...
တစ်ချို့ကတော့ လက်မြှောက်ပြနှုတ်ဆက်ရုံ ဒါမျိုးလည်း တွေ့ရပါတယ်...
ဘာဘဲဖြစ်ဖြစ် ဒီမှာဆွမ်းခံစားခွင့်ရတာ ဝမ်းသာစရာပါဘဲ...
ဆန်ဖရန်မှာ ထေရဝါဒဘုန်းကြီး သင်္ကန်းရုံပြီး ဆွမ်းခံခဲ့တဲ့ ပုံရိပ်တစ်ခုပေါ့...

---------------------------------

ဟိုးမှာ လှမ်းမြင်လိုက်ရတာကတော့...
လူတစ်ယောက် အိမ်အပေါ်ထပ် ပြူတင်းပေါက်ကနေ ဖိနပ်တိုက်နေတဲ့ပုံ...
ပြူတင်းပေါက်အပြင်ဘက် ဖိနပ်ကိုထုတ်ပြီး တိုက်နေတာပါ...
အမှုံအမွှားတွေ ငါ့အိမ်ထဲမကျနဲ့ လမ်းပေါ်ကျဆိုတဲ့သဘောဖြစ်သွားတယ်...
အောက်မှာက လူတွေ ဖြတ်သွားမဲ့လမ်း...
ဒါလေးမြင်ပြီးတဲ့နောက်...
ဘယ်သူကျင့်ကျင့် မကျင့်ကျင့် ကိုယ်ကျင့်ရမဲ့ ကိုယ်ကျင့်တရားပါလား...
ငါ့ကြောင့် သူတစ်ပါး မထိခိုက်မနစ်နာအောင်နေတော့မယ်လို့ စိတ်ထဲဖြစ်မိတယ်...
သတိရမိလိုက်တာ နောက်တစ်ခုကတော့...
လွတ်လပ်ရေးရပြီဆိုပြီး လမ်းပေါ်တက် ဆေးရိုးမလှမ်းနဲ့ဆိုတာကို သတိရမိတယ်...
ဒီမိုကရေစီဆိုတာ ဒါမျိုးမဟုတ်ဖူးထင်တာပဲ...

---------------------------------

ကျောင်းရောက်လို့ ဒကာတစ်ယောက်နဲ့ ပြောဖြစ်တဲ့စကားက...
မဟာယာနဘုန်းတော်ကြီး ဒလိုင်းလားမားကို မြန်မာပြည်ခေါ်ပြီး
ထေရဝါဒဘုန်းကြီးဖြစ်အောင် လုပ်နိုင်မယ်ဆိုရင် သိပ်ကောင်းမယ်လို့...
တကယ်ဝမ်းသာစရာသတင်း ဖြစ်သွားမှာပါဘဲ...
သူ့ကိုသာ ထေရဝါဒဘုန်းကြီးဖြစ်အောင်လုပ်လိုက်ရင် ထေရဝါဒကမ္ဘာကျော်သွားမယ်...
သူတို့အတွက်လည်း အကျိုးကြီးမယ် ထင်ပါတယ်...
တစ်ချိန်က အိန္ဒိယမှာ လူတစ်ယောက်ကို သာသနာပြုနိုင်ခဲ့လို့
လူပေါင်း သိန်းချီပြီး ဗုဒ္ဓဘာသာဝင်ပွဲတွေ ဖြစ်ခဲ့ဖူးတယ်မဟုတ်လား...
ခုလည်း မဖြစ်ဖူး မပြောနိုင်ဘူးလေ...
စွမ်းရည်ရှိတဲ့ဆရာတော်တွေ သာသနာပြုနိုင်ကြပါစေ...

---------------------------------

ဒီစာရေးနေရင် ဒကာမကြီးတစ်ဦး ဖုံးဆက်လာတယ်...
ပြောစရာရှိတာ ပြောဆိုပြီးသည်နောက်...
မိသားစု စိတ်ချမ်းသာကြပါစေ ဒုက္ခဆင်းရဲကင်းဝေးကြပါစေလို့ပြောလိုက်တော့...
ဒကာမကြီးက အရှင်ဘုရားလည်း ကျန်းမာပါစေတဲ့...
သိပ်ကောင်းတဲ့ တုန့်ပြန်မှု... သာဓု... သာဓု... သာဓု...

သတ္တဝါအားလုံး ကိုယ်စိတ်နှစ်ပါး ငြိမ်းချမ်းကြပါစေ...
ဦးလောကနာထ
၁၂.၁၉.၂ဝ၁၁




ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တစ်ခုဖြစ်ပေ၏။
သာဓု... သာဓု... သာဓု...။

Friday, December 16, 2011

ဘုန်းကြီးတွေကို အသုံးချမယ်...

၁၂.၁၅.၂ဝ၁၁ 


ဘယ်လိုအသုံးချမှာလဲ...

တိန်တောင်...တိန်တောင်...တိန်တောင်...ဒါကတယ်လီဖုံးမည်သံပါ...
လောကနာထကျောင်းက ဘုန်းကြီးစကားပြောနေပါတယ် ပြောနိုင်ပါပြီ...
အရှင်ဘုရားလား... ဟုတ်ပါတယ်ဒကာမကြီး...
တပည့်တော်မ မွေးနေ့မှာ ဆွမ်းကပ်ချင်လို့ပါ...
အရှင်ဘုရား မှတ်မိလားတော့မသိဘူး မနှစ်ကလည်း ကပ်ဖူးပါတယ်...
ဒီလထဲမှာပဲ တပည့်တော်တို့ အိမ်ကိုပင့်ပြီး ဆွမ်းကပ်ခဲ့တာပါ...

သူက တစ်နှစ်တစ်ခါ သာရေးအတွက် ဘုန်းကြီးကို သုံးတဲ့သူ...

တီးတော်... .. ...လူခေါ်ဘဲလ်အသံကြားလို့ တံခါးသွားဖွင့်ပေးလိုက်တော့...
လူနှစ်ယောက် မျက်နှာကတော့ သိပ်မကောင်း...
လာ ဒကာကြီးဆိုပြီး ကျောင်းထဲခေါ်လာ ထိုင်ကြပြီးနောက် စကားပြောဖြစ်တယ်...
ငါတို့ ဘုန်းကြီးနဲ့ စကားမပြောတတ်ဘူး...
ရပါတယ် အဆင်ပြေသလို ပြောတတ်သလိုသာပြောပါ ဆိုတော့...
ကလေးဘက် မေးငေါ့ပြပြီး သူ့အမေသေလို့ ဘုန်းကြီးကိုလာခေါ်တာလေ တဲ့...
တစ်ခါမှ မတွေ့ဘူးလို့ ဘယ်မှာနေလဲမေးကြည့်တော့...
ကျောင်းနဲ့တော့ သိပ်မဝေးဘူး ဘုရားနဲ့ဝေးတော့ ကျောင်းမရောက်သူ...

သူတို့ကတော့ လူသေ နာရေးကြမှ ဘုန်းကြီးကို သတိတရသုံးတဲ့သူ...

ဘုန်းဘုန်းဘုရား မီးမီးရဲ့လက္ခဏာလေးကြည့်ပြီး ဟောပေးပါဦး...
အလုပ်ပြုတ်တာ သုံးလရှိပြီ...
မနက်ဖြန် အင်တာဗြူးသွားရမှာမို့ပါ ပြီးရင် အဆောင်လေးကောနော် ဘုန်းဘုန်း...

သူကတော့ ဗေဒင်ဆရာနေရာမှာထားပြီး ဘုန်းကြီးတွေကို သုံးချင်တဲ့သူ...

အရှင်ဘုရား ညနေ ကျောင်းမှာရှိမှာလားဘုရား တပည့်တော်တို့ လာချင်လို့ပါ...
ရှိပါတယ်ဒကာမကြီး အလာကျဲကျဲနဲ့ ဘာကိစ္စအထူး ရှိပါသလဲ...
မှန်ပါ့ဘုရား တပည့်တော်သူငယ်ချင်း သူ့ကျန်းမာရေးမကောင်းလို့တဲ့...
အဲဒါ သူ့သူငယ်ချင်းက အိမ်မှာရှိတဲ့မြဘုရားက ခိုက်တယ်ဆိုလို့...
ကျောင်းကို ဘုရားလာလှူမလို့ပါဘုရား...
သူငယ်ချင်းနှယ်ညံ့လိုက်တာ စိန်လက်စွပ်က ခိုက်တယ်ပြောလိုက်ပြီးတာပဲ...
အရှင်ဘုရားကတော့လုပ်ပြီ... ညနေမှာလာမယ်ဘုရား...

သူတို့ကလည်း အသိမကြွယ်တော့ တစ်မျိုး...
ကြည့်စမ်း ဘုရားခိုက်တယ်တဲ့ ခိုက်တဲ့ဘုရား ဘုန်းကြီးထံသွား...
ဘုန်းကြီးဘာဖြစ်ဖြစ်ပေါ့...

အရှင်ဘုရားလုပ်ပါဦး တပည့်တော်ဗိုက်အောင့်လာလို့ပါ...
ဘာဆေးရှိလဲဘုရား စွန့်ပါဦး လုပ်ပါဦး...

သူကတော့ အရေးပေါ် ဘုန်းကြီးကို ဆေးဆရာလုပ်ခိုင်းသူ...

ဟိုလိုဒီလို နည်းမျိုးစုံနဲ့ ဘုန်းကြီးတွေကို အသုံးချကြတယ်...

Sunday, December 11, 2011

သေသူအတွက် ရည်မှန်းကုသိုလ်...


၁၂.၁ဝ.၂ဝ၁၁


အသုဘဆွမ်း...



ကျန်ရစ်သူများက တာဝန်ကျေအောင်
သေဆုံးလေသူ ကျေးဇူးရှင်အတွက် ကျေးဇူးဆပ်တဲ့ပွဲ...
ဘုန်းကြီးကိုတော့ ဆွမ်း...
လူတွေအတွက်ကတော့ မြန်မာမုန့်ဟင်းခါး...

သီလပေး တရားနာ အမျှဝေ...ဆွမ်းကပ်...

အမျှဝေခြင်းအလုပ်ဆိုတာက ကိုယ့်ရှိတာကို မျှဝေရတာပါ...
ဒီတော့ ဒါနပြု သီလဆောက်တည် တရားနာ ဘာဝနာပွား အမျှဝေ...
ဒီလိုလာကြရမှာ...
ခုတော့ အခြေအနေအရ ဆွမ်းကပ်တဲ့ဒါနက နောက်ဆုံးဖြစ်သွားတယ်...
သိရှိနားလည်အောင်တော့ သင်ပြပြောပြပေးလိုက်ပါတယ်...

ဒီနေ့ ပြောပြလိုက်တာလေးကတော့...
သေဆုံးသွားသူများအတွက် ကျန်ရစ်သူများက ကုသိုလ်ပြု အမျှဝေကြတယ်...
ဒါကတော့ ဗုဒ္ဓဘာသာ ထုံးစံလေးပေါ့...
သေသူရမယ် မရဘူးဆိုတာကတော့ မသေချာပါဘူး...
ဒါကြောင့် မိမိတို့အလှည့်ကျရင် ကိုယ်တိုင် ကုသိုလ်ထုပ်ကိုယူသွားဖို့...
မီးလောင်တဲ့အိမ်ထဲကနေ ထုတ်ယူထားသမျှပစ္စည်းဟာ မိမိအတွက်ဖြစ်တယ်...
ထို့အတူ ဒီခန္ဓာကြီးဟာလည်း အို နာ သေ မီးတွေလောင်နေတယ်...
မီးလောင်နေတဲ့ ဒီခန္ဓာ အရင်းတည်ပြီး ကုသိုလ်နဲ့ထုတ်ယူထားရမယ်...
ပြုသမျှကုသိုလ်ဟာ မိမိအတွက် ကောင်းသောအထောက်အပံ့တွေ ဖြစ်လာမယ်...

ဆက်လက်ပြီး ပြောပြရမယ်ဆိုရင်တော့ အသုဘနဲ့ ပါတ်သက်တာ...
အသုဘဆိုတာ မတင့်တယ် ရွံရှာဖွယ်ရာကို ခေါ်ဆိုပါတယ်...
မတင့်တယ် ရွံရှာတဲ့အတွက်ကြောင့် သေဆုံးသူများကို စွန့်ပြစ်လိုက်ကြတယ်...
ဘယ်လောက်ပဲ ချစ်တယ်ပြောပြော ကြာကြာတောင်မထားကြဘူး မဟုတ်လား...
ကားစုတ်ကားဟောင်းတွေကမှ အသုံးချရသေးတဲ့အတွက် ယူမဲ့သူရှိသေးတယ်...
လူ့ခန္ဓာကိုယ်ကတော့ မပုပ်ခင် ချက်ခြင်းစွန့်ပြစ်ကြတယ် ယူမဲ့သူမရှိတော့ဘူး...
မိမိတို့တစ်တွေ ရရှိထားတာက ရွံရှာစက်စုတ်ဖွယ်ရာ ဤခန္ဓာ...
သူ့ကိုပဲအရင်းတည်လို့ ဒါနသီလ ဘာဝနာပြုလို့ အနှစ်ထုတ်ယူတတ်ကြရမယ်...

အသုဘကို အသုဘရှုလို့ အနှစ်ကိုထုတ်ယူကြ...
မြတ်ဗုဒ္ဓက အသုဘရှုနည်း ၁ဝ-မျိုး ပြောထားပါတယ်...

အသုဘတရား နေ့စဉ်ပွား...
၁- ဖူးဖူးရောင်သော သူသေကောင်...
၂- ညိုပုပ်နေသော သူသေကောင်...
၃- ပြည်ယိုနေသော သူသေကောင်...
၎- ထက်ပိုင်းပြတ်သော သူသေကောင်...
၅- ခွေးကိုက်ထားသော သူသေကောင်...
၆- ပိုင်းပိုင်းပြတ်သော သူသေကောင်...
၇- ဓားဖြင့်မွှမ်းသော သူသေကောင်...
၈- သွေးယိုစီးသော သူသေကောင်...
၉- ပိုးလောက်တက်သော သူသေကောင်...
၁ဝ- အရိုးသာကျန်သော သူသေကောင်...

ဒီလိုအသုဘတရားတွေကို ရှုမှတ်ပွားများကြရမယ်...
သမထနည်းနဲ့ပွားကြရင် ဈာန်တရားတွေရနိုင်တယ်...
ဝိပဿနာနည်းနဲ့ပွားများကြရင် မဂ်ဖိုလ်တရားတွေကို ရနိုင်ကြပါတယ်...

ကျင့်ကြံ ကြိုးကုတ် အားထုတ်နိုင်ကြပါစေ...

အရှင်သူမြတ်ဘုရား ဘုရားတပည့်တော်တို့သည် ကံကိုလည်းကောင်း ကံ၏အကျိုးကို လည်းကောင်း ယုံကြည်ကြပါကုန်သည်ဖြစ်၍ ယနေ့ယခု လောကနာထကျောင်းတိုက်သို့ လာရောက်ပြီးနောက် သေဆုံးလေသူ ကျေးဇူးရှင်အတွက်ရည်စူး၍ ဘုရားအမြတ်ဆုံးရတနာ တရားအမြတ်ဆုံးရတနာ သံဃာအမြတ်ဆုံးရတနာ ရတနာမြတ်သုံးပါးတို့အား အမှူးထား၍ ဆွမ်းခဲဖွယ် ချိုချင်ရသာ အဖြာဖြာတို့ကို လှူဒါန်းကြပါကုန်၏... ထိုမှတစ်ပါး သရဏဂုံသုံးပါးနှင့်တကွ အင်္ဂါငါးပါးပါရှိသော သီလတော်မြတ်ကို ခံယူဆောက်တည် ကျင့်သုံးကြပါကုန်၏... တရားတော်တို့ကို နာကြား ပွားများကြရပါကုန်၏... ဣဒံ မေ ပုညံ နိဗ္ဗာနဿ ပစ္စယော ဟောတု... ဤကောင်းမှုသည် ဆင်းရဲဒုက္ခ ချုပ်ငြိမ်းကြောင်း အထောက်အပံ့ကောင်း ဖြစ်ပါစေသတည်း... ဣမံ ပုညဘာဂံ သဗ္ဗသတ္တာနံ ဘာဇေမ... ဤကောင်းမှု၏ အဖို့ဘာဂကို သေဆုံးလေသူ ကျေးဇူးရှင်အတွက် ရည်စူး၍ အမျှပေးဝေပါ၏... အမိအဖ ဆရာသမား ဆွေမျိုးဉာတကာ ကြွလာသောပရိသတ် ကိုယ်စောင့်နတ် ကျောင်းစောင့်နတ် မြို့စောင့်နတ် သာသနာစောင့်နတ် ရုက္ခစိုး ဘုမ္မစိုး အာကာသစိုးနှင့်တကွ ယမမင်းအား အမျှပေးဝေပါ၏... အထူးအားဖြင့် သေဆုံးလေသူ ကျေးဇူးရှင်အတွက် ရည်စူး၍ အမျှပေးဝေပါ၏... ရောက်ရာအရပ်မှ ဤကောင်းမှု၏ အဖို့ဘာဂကို ဝမ်းမြောက်ဝမ်းသာ သာဓုသာဓု သာဓုဟူ၍ ခေါ်ဆိုနိုင်ပါစေသတည်း...


ကြားကြားသမျှ အမျှအမျှအမျှ ယူတော်မူကြပါကုန်လော့...
သာဓု... သာဓု... သာဓု...

သဗ္ဗေ သင်္ခါရ အနိစ္စာ...

ဦးလောကနာထ
၁၂.၁၁.၂ဝ၁၁




ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တစ်ခုဖြစ်ပေ၏။
သာဓု... သာဓု... သာဓု...။

Thursday, December 8, 2011

ကျေးဇူးရှင်မိခင်ကြီး သေဆုံးလေပြီ...



မိဘကျေးဇူး ကျေအောင်ဆပ်ဖို့ အလွယ်ပေဘူး...
မလွယ်ပေမဲ့ ကျေအောင်ဆပ်နိုင်သူတွေထဲမှာတော့...
ဘုရားရှင်ဟာ ထိပ်ဆုံးကပါပဲ...
မိမိအပေါ် ကျေးဇူးရှိခဲ့သူများကို ဆင်းရဲငြိမ်းအောင် လုပ်ပေးသွားပါတယ်...

မိခင်ဖခင်တို့ကို ဆင်းရဲဒုက္ခချုပ်ငြိမ်းအောင် ပြုလုပ်ပေးနိုင်ရင်...
ကျေးဇူးကျေတယ်လို့ ဆိုပါတယ်...
ဒါကြောင့် သားသမီးများက မိဘများကို ဆင်းရဲငြိမ်းအောင် လုပ်ပေးကြရမယ်...
မသိသေးသူ မိဘများကို သိအောင် လမ်းညွှန်ပေးကြရမယ်...
ဒါနမပြုတဲ့မိဘကို ဒါနပြုအောင်...
သီလမလုံတဲ့မိဘကို သီလစောင့်ထိန်းအောင်...
ဘာဝနာမရှိသေးတဲ့မိဘကို တရားအားထုတ်တတ်အောင် သင်ပြပေးကြရမယ်...

အိုမင်းလာတဲ့ မိဘများကို ကျွေးမွေးပြုစု စောင့်ရှောက်ကြရမယ်...
ကောင်းမှုနဲ့ပျော်မွေ့ပြီး စိတ်ချမ်းသာအောင် ထားပေးရမယ်..

ကျေးဇူးရှင်မိဘများ သေဆုံးကြပြီဆိုရင်လည်း ကျန်ရစ်သူ သားသမီးများက...
မိဘတွေထားခဲ့တဲ့ (လုပ်စေချင်တဲ့) ကောင်းမှုနဲ့ယှဉ်တဲ့အလုပ်တွေဆိုရင် လုပ်ကြရမယ်...

တစ်ရက်မှာတော့ ဒကာလေးက ဖုံးဆက်လာတယ်...
အရှင်ဘုရား ကျေးဇူးရှင်မိခင်ကြီး ဒီဘဝ ငြိမ်းချမ်းသွားပါပြီတဲ့...
ခုတော့ တစ်ဘဝတစ်ခန္ဓာ မိဘတာဝန်ကျေပွန်စွာနဲ့ ဘဝကူးသွားပြီပေါ့...
မိဘများဟာ သားသမီးတွေအတွက်ပဲ အချိန်တွေ ပေးသွားကြတယ်...
သားသမီးတွေကလည်း နိုင်သလောက်လေးကျေးဇူးဆပ်ကြရင်းနဲ့ ပြီးသွားပြန်ရော...

ဒီလိုနဲ့ပဲ...

ဒီနေ့ကတော့ ဒီဇင်ဘာ ၇-ရက် ဆရာမကြီးရဲ့ အသုဘအခမ်းအနား...


ညနေ ၄-နာရီမှာ ဆရာတော်နှစ်ပါးပင့်ပြီး ကုသိုလ်ပြု အမျှဝေကြမယ်...
အသုဘကတော့ ဒီနိုင်ငံထုံးစံပဲပြောရမလား မသိဘူး ငိုယိုသူမရှိပေါ့...
အားလုံးတည်တည်ငြိမ်ငြိမ်နဲ့ပဲ လုပ်စရာရှိတာ လုပ်သွားကြပါတယ်...
ဘုန်းကြီးတွေ အခမ်းအနား အရင်စပါတယ်...
ပြီးရင်တော့ သေဆုံးသူရဲ့ တစ်ဘဝအကြောင်းအရာ ဂုဏ်ပုဒ်တွေပြောကြပါတယ်...
တစ်ဦးပြီးတစ်ဦး ဂုဏ်ကြီးရင် ကြီးသလောက် ပြောကြတယ်...
မြန်မာပြည်မှာဆိုရင်တော့ ပွဲကြီးနိုင်တဲ့ အသုဘတစ်ခုပါ...
ဒီမှာတော့ သာမန်ပါပဲလေ...

ဆရာတော်က သီလပေး တရားဟော ရေစက်ချအမျှဝေပေးပါတယ်...
ဟောတဲ့တရားလေးကတော့ ပဋာစာရီတဲ့...
ဓမ္မကထိကဆရာတော်ဆိုတော့ အသံကောင်း အပြောကောင်းပါပဲ...
ကြာနီကန်ဆရာတော်တို့နဲ့ ခေတ်ပြိုင်လောက်ဆရာတော်ထင်ပါ့...

ဘုန်းကြီးသာ ပဋာစာရီဟောရင်တော့ အစအဆုံးဟောမိမယ်ထင်တယ်...
ဒီလိုဟောရင်လည်း ကမောက်ကမ ဖြစ်မှာ သေချာတယ်...
ဘာလို့ဆို ပဋာစာရီက မိဘသဘောမတူတဲ့ ကိုဒါသကို ခိုးယူတာကနေ စမိမှာ...
ခုတော့ဆရာတော်က ဒါတွေကိုကျော်ဖြတ်ပြီး...
ကိုဒါသသေဆုံးလို့ ကိုဒါသရဲ့ဆိုပြီး ငိုခြင်းချတာလေးက စပြီးဟောသွားတယ်...
ပြီး သားငယ်လေးစွန်ချီပြန်ရော သားငယ်လေးစွန်ချီလို့ငို...
သားကြီးကရေနစ်သေပြန် ငို ဒီလိုစိတ်မကောင်းစရာတွေဖြစ်နေချိန်...
မိခင်ဖခင်နဲ့ မောင်ဖြစ်သူက အိမ်ပြိုလို့သေပြန် ငိုစရာတွေများစွာနဲ့...
စိတ်ဖေါက်ပြန်ပြီး ဘုရားရှင်ဆီရောက်လို့ တရားရေအေးတိုက်ကျွေးတော့မှ...
ဒီဘဝရူးတဲ့အရူးရော သံသရာကပါလာတဲ့ ကိလေသာအရူးကော ရှင်းသွားတယ်...

ဝမ်းနည်းပူဆွေးစရာလေးတွေ ဟောပြီးနောက်...
ခန္ဓာမှန်သမျှမမြဲကြောင်း မမြဲတဲ့ခန္ဓာတွေပဲ မိမိတို့မှာ ရှိနေကြောင်း...
ခန္ဓာမှန်သမျှ ဆင်းရဲကြောင်း ဆင်းရဲတဲ့ခန္ဓာတွေပဲ မိမိတို့မှာ ရှိနေကြောင်း...
ခန္ဓာမှန်သမျှ အစိုးမရကြောင်း အစိုးမရတဲ့ခန္ဓာတွေပဲ မိမိတို့မှာ ရှိနေကြောင်း...
ပြီးတော့မှ သစ္စာလေးပါးနဲ့ အဆုံးသတ်ပြီး အမျှဝေရေစက်ချကြတယ်ပေါ့...
အမျှဝေပြီးနောက်...

အနိစ္စာဝတ သင်္ခါရာ စတဲ့ သုံးဂါထာကိုတိုင်ပေးကြပြီး လိုက်ဆိုခိုင်းပါတယ်...

နောက်ဆုံး အမိနဲ့သား ဆွေမျိုးများ တစ်ဦးနဲ့တစ်ဦး အပြစ်တွေရှိရင်
ခွင့်လွှတ်ကျေနပ်ကြဖို့ တောင်းပန်ကန်တော့ကြရင်း အခမ်းအနားပြီးပါတယ်...

ဟန္ဒဒါနိ ဘိက္ခဝေ၊ အာမန္တယာမိ ဝေါ။
ဝယဓမ္မာ သင်္ခါရာ၊ အပ္ပမာဒေန သမ္ပာဒေထ။


ဦးလောကနာထ
၁၂.၈.၂ဝ၁၁

အနိစ္စာဝတ သင်္ခါရာ ဂါထာ...






ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တစ်ခုဖြစ်ပေ၏။
သာဓု... သာဓု... သာဓု...။

Wednesday, December 7, 2011

တပည့်တော်မ သားလေး အရမ်းဒေါသကြီးတယ် တရားဟောပေးပါဘုရား...


အရှင်ဘုရား
တပည့်တော်မ သားလေး အရမ်းဒေါသကြီးတယ် တရားဟောပေးပါဘုရား...

ကျောင်းကိုလာရင်တော့ ဟောပြောပေးရတာပေါ့ ဒကာမကြီး...
ဒီလိုပြောဆိုပြီးနောက်...
ဗုဒ္ဓဘုရားရှင်(လောင်းလျာ) နုစဉ်တုန်းက ဇာတ်တော်လေးသတိရမိတယ်...

မိဖုရားကြီးကံတော်ကုန် နတ်ရွာစံလို့ ဘုရင်ကြီးမှာ မအိပ်နိုင်မစားနိုင်...
တိုင်းရေးပြည်ရာ ဘာမှတစ်ခုမျှမလုပ်နိုင် တမှိုင်မှိုင်တစ်ထွေထွေ နေတဲ့အချိန်...
ဘုရားလောင်းရသေ့က ဘုရင်ရဲ့ဥယျာဉ်တော်မှာ နေ့သန့်စင်နေတဲ့တစ်နေ့...
ဥယျာဉ်မှူးက ရသေ့ကိုမေးလျှောက်တယ်လေ...
အရှင်ဘုရား ရှင်ဘုရင်ကြီး ဒီလို ဒီလိုဖြစ်နေတယ် တရားဟောပေးပါဆိုတော့...
မင်းတို့ရှင်ဘုရင်ကြီး ငါ့ဆီလာရင်တော့ ဟောပေးရတာပေါ့ ဆိုတာကို သတိရမိတယ်...
ဒီလိုပဲ တိုက်ဆိုင်မှုတွေရှိရင် သတိရတတ်ပါတယ်...

မှန်ပါ့ဘုရား တပည့်တော်ခေါ်လာခဲ့ပါ့မယ်...တဲ့...
နောက်တစ်နေ့ ရောက်လာတော့ ဘုန်းကြီး ဒုက္ခရောက်တော့တာပဲ...ဘာလို့...
ဒေါသကြီးတယ်ဆိုတဲ့ သူ့သားလေးက ၂-နှစ်သားလောက်ပဲ ရှိဦးမယ်လေ...
ဒီတော့ ဘုန်းကြီးက ဘယ်လိုလုပ် တရားဟောပေးရမလဲ...

စိတ်ကလည်းအလွန်ကြီး ဒေါသလည်းအလွန်ကြီးပါတယ်တဲ့...

ကလေးကို ပြောတာထက် ဒကာမကြီးကို ပြောပြရမဲ့သဘောရှိတယ်...
ကလေးက ဒကာမကြီးနဲ့ အမြဲတွေ့ရမှာ...
ကလေးတွေကို အပေးအယူလုပ်ပြီး ဆုံးမသင့်ပါတယ်...
ဆုပေးဒဏ်ပေးပေါ့...
မိမိဘက်က ဒေါသမပါ မကြမ်းတမ်းတဲ့ ဆုံးမမှုမျိုး ဖြစ်ရမယ်...
ကလေးတွေရှေ့မှာ မိသားစု ရန်ပွဲတွေလည်း မဖြစ်သင့်ဘူး...
အမိဘက်က သို့ အဖဘက်ကနေ ဒီစရိုက်မျိုးက ပါလာတတ်ပါတယ်...
ဒီလိုပြောတော့ ဒကာမက ဒကာကြီးဘက်လှည့်ကြည့်တယ်...
အရှင်ဘုရား အဲဒါ သူ့ဘက်ကပါလာတဲ့ အကျင့်ဆိုးတဲ့...
ဒီတော့ မိမိတို့ကိုယ်တိုင်က စပြင်ရပါမယ်...
မိမိကမှ မပြင်ပဲနဲ့ ကလေးကို ပြင်ခိုင်းနိုင်ဖို့ဆိုတာ အတော်မလွယ်ပါ...

ဒေါသထွက်နေတဲ့မျက်နှာနဲ့ သာမန်မျက်နှာဘယ်ဟာက လှသလဲ...
သူဒေါသထွက်နေရင် ဘီလူးလေးလိုပဲဘုရား...တဲ့
အဲဒါကိုနားလည်အောင် သူစိတ်ပျော်နေချိန်မှာ ပြောပြပါ...
ဆုံးမစကားတွေကို ဒေါသဖြစ်နေချိန်မှာ မပြောပါနဲ့...
အဲဒီအချိန်မှာ သူ့ကိုဘေးမဖြစ်အောင်သာ စောင့်ရှောက်ပါ...
ဒေါသငြိမ်းချိန်ကျမှ နားလည်အောင် မေတ္တာစိတ်နဲ့ ပြောပေးပါ...
ဒေါသထွက်နေသူဟာ တစ်ခုခုလိုနေသူပါ...
ဖြည့်ဆည်းနိုင်တာဆို ဖြည့်ဆည်းပေးပါ...
ပြီးမှ အကြောင်းအကျိုးပြပြီးတော့မှ ဆုံးမပါ...

ဒေါသထွက်နေသူမှာ ချစ်ခင် နှစ်သက်စရာ ဘာတစ်ခုမှ မရှိတော့ပါဘူး...
ဒေါသထွက်နေသူဟာ အမိအဖ ဆရာသမားရယ်ဆိုတဲ့အသိလည်း မရှိတော့...
ထင်ရာပြော ထင်ရာလုပ်တတ်တဲ့အတွက် အရူးရှစ်မျိုးထဲက တစ်မျိုးပါ...
အရူးလို့အပြောခံရရင် မကောင်းကြောင်း သင့်သလို အကျယ်ပြောပြပေးပါ...

အပုပ်ရည်ဆိုတာဟာလည်း ကြာလေချဉ်လေ ချဉ်လေနံလေပါပဲ...
ဒေါသဆိုတာလည်း ဒီလိုပဲ အစိုင်အခဲတည်လာပြီးနောက် ပေါက်ကွဲမယ်..
ဒေါသအားကြီးပြီးနောက် ရန်ညှိုးတွေဖွဲ့တတ်ပြန်တယ်...
နောက်ဆက်တွဲ မကောင်းမှု မကောင်းကျိုးတွေပေါ့...

မီးဟာ လေအကူရလျှင် ပိုပြီးတောက်လောင်တတ်သလိုပဲ...
ဒေါသကလည်း မာနနဲ့တွဲမိရင် ပိုပြီးအားပြင်းသွားတယ်...ခက်ထန်တယ်...
ကလေးကတော့ ဒေါသတို့ မာနတို့ဆိုတာ သိမှာမဟုတ်ဖူးပေါ့...
သိသည်ဖြစ်စေ မသိသည်ဖြစ်စေ...
ကလေးဖြစ်စေ လူကြီးဖြစ်စေ...
လူဖြစ်စေ နတ်ဖြစ်စေ တိရစ္ဆာန်ဖြစ်စေ...
ဒေါသရဲ့သဘောကတော့ လူဖြူလူမဲ အတူတူပါပဲ...

ဒေါသဖြစ်လာလျှင် ဖြေဖျောက်ဖို့ရာ စာပေမှာ နည်း ၁၁-မျိုးရှိတယ်လေ...
၁...မေတ္တာပွားရမယ်...
၂...မြတ်ဗုဒ္ဓ၏ အဆုံးအမသြဝါဒတွေကို ဆင်ခြင်ပါ...
၃...သူများ၏ ကောင်းကွက်ကိုသာ ရှာ၍တွေး...
၎...သူဟာ ကိုယ်လောက်မှ မသိမတတ်ပါလားလို့ သနားစိတ်မွေး...
၅...မိမိကိုယ်ကို မပြတ်ဆုံးမပါ...
၆...ကံသာလျှင်အမိ ကံသာလျှင်အဖ ကိုယ်ပြုခဲ့သည့်ကံအတိုင်းပဲလို့ ဆင်ခြင်...
၇...ဇာတ်တော်တွေထဲက သူတော်ကောင်းတွေ သည်းခံပုံကိုတွေး...
၈...တစ်ချိန်တစ်ဘဝက သူဟာ ငါနဲ့ဆွေမျိုးတော်ခဲ့ဘူးမှာလို့တွေး...
၉...မေတ္တာ၏ အကျိုးတရားများကို ဆင်ခြင်...
၁ဝ...ဓာတ်ကြီးလေးပါးစသည်ခွဲ၍ ဖြေဖျောက်...
၁၁...ပစ္စည်းဥစ္စာ ပေးခြင်းလက်ခံခြင်းဖြင့် ဖြေဖျောက်ပါ...

ဒီလိုနည်းတွေနဲ့ ဒေါသကိုဖြေဖျောက်နိုင်ပါတယ်...

ဖြစ်နိုင်အောင်ကျိုးစားကြပြီး ဘုန်းကြီးကျောင်းကိုလာပါ...
လေ့လာပါ မှတ်သားပါ ကျင့်ကြပါ...

ဒေါသတရားတွေ ပြေပျောက်ကြပါစေ...
ဦးလောကနာထ
၁၂.၇.၂ဝ၁၁

ဒါကတော့ တည်တောဆရာတော်ရဲ့ ဒေါသဖြေဖျောက်နည်းပါ...
ဒါကတော့ အရူးရှစ်မျိုး




ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တစ်ခုဖြစ်ပေ၏။
သာဓု... သာဓု... သာဓု...။