ဂေါဏပေတ၀တ္ထု- (ဂေါဏ=နွား)

ဂေါဏပေတ၀တ္ထု- (ဂေါဏ=နွား)

အဘိုးသေ၍ အဖ ငိုကြွေးနေသည်ကို သားဖြစ်သူက နွားသေကို ကြည့်ကာ ငိုကြွေးခြင်းဖြင့် သက်သေပြကာ သောကငြိမ်းကြောင်း နည်းလမ်းကောင်းပြသော ၀တ္တု-

{{ချစ်သား သင်သည် သူရူးကဲ့သို့ စိမ်းစိုသော မြက်ကို ရိတ်၍ အသက်ကင်းသော နွားအိုကြီးကို စားလော့ စားလော့}} ဟု အဘယ့်ကြောင့် ပြောဆိုမြည်တမ်း နေဘိ သနည်း။

သင်ပေးသော စိမ်းစိုသော မြက်ကြောင့်သော် လည်းကောင်း ရေကြောင့်သော် လည်းကောင်း သေသောနွားသည် (အသက်ရှင်၍) ထမလာနိုင်သည်သာတည်း၊ သင်သည် အခြား ပညာမဲ့သူကဲ့သို့ ပညာမဲ့၍ မိုက်သူသာ ဖြစ်၏ဟု (ဖခင် သူကြွယ် က မေး၏)။

(ဖခင်) ဤနွား၏ ဤခြေတို့သည်လည်းကောင်း၊ ဤဦးခေါင်းသည်လည်းကောင်း၊ အမြီးနှင့်တကွသော ဤကိုယ်သည် လည်းကောင်း၊ မျက်စိတို့သည် လည်းကောင်း ရှေးအတိုင်း တည်နေပါကုန်၏၊ ထို့ကြောင့် ဤနွားသည် (အသက်ရှင်၍) ထရာ ပါသေး၏။

(ဖခင်) အဘိုး၏ လက်ခြေတို့ကို လည်းကောင်း ကိုယ်ကို လည်းကောင်း ဦးခေါင်း ကို လည်းကောင်း မတွေ့မြင်ရတော့ပါ၊ မြေပုံစု၌ ငိုနေသော သင်(ဖခင်)သည် သာလျှင် ပညာမဲ့သည် မဟုတ်ပါလောဟု (သားက ပြန်၍ ဆို၏)။

ထောပတ်ဖြင့် သွန်းလောင်းထားသည်ဖြစ်၍ ရဲရဲညီးညီး တောက်နေသော မီးကို ရေဖြင့် သွန်းလောင်းလိုက်ဘိ သကဲ့သို့ ထို့အတူ ငါ၏ သားသည်သောကမီး တောက်လောင်နေသော ငါ၏ ပူပန်မှု အားလုံးကို ငြိမ်းအေးစေပြီတကား။

သင်သည် ပူဆွေးမှုသောက နှိပ်စက်နေသော ငါ့အား အဖကြောင့်ဖြစ်သော ပူဆွေး မှုသောကကို ပယ်ဖျောက်ပါပေ၏၊ သင်သည် ငါ၏ နှလုံး၌မှီသော ပူဆွေးမှု သောကတည်းဟူသော ငြောင့်ကို နုတ်ပေပြီတကား။

ငါသည် ပူဆွေးမှုသောကဟူသော ငြောင့်ကိုနုတ်ပယ်ပြီးသူ ငြိမ်းချမ်းပြီးသူ ငြိမ်း အေးပြီးသူ ဖြစ်ပေတော့၏၊ လုလင် သင်၏ တရားစကားကို ကြားနာရသော ကြောင့် ငါသည် မပူဆွေးတော့ပါ၊ မငိုကြွေးတော့ပါဟု (ဆို၏)။၏

သုဇာတသည် ဖခင်ကို ပူဆွေးခြင်းမှ ဆုတ်နစ်စေသကဲ့သို့ ဤအတူ သနား စောင့်ရှောက်တတ်သော ပညာရှိတို့သည် (အဖ၏ လည်းကောင်း တစ်ပါးသော သူတို့၏ လည်းကောင်း ပူဆွေးမှုသောကမှ ဆုတ်နစ်စေခြင်းကို) ပြုလုပ်ကြကုန် ၏ဟု (မြတ်စွာဘုရားဟောတော်မူ၏)။

၈ - ဂေါဏပေတ၀တ္ထု၊ ဥရဂ၀ဂ်၊ ပေတ၀တ္ထုပါဠိတော်။

ဓာတုဝိ၀ဏ္ဏပေတ၀တ္ထု-

ဓာတုဝိ၀ဏ္ဏပေတ၀တ္ထု-

ဓာတု= ဓာတ်တော်, တည်ရာ, သဘောတရား၊
ဝိ၀ဏ္ဏ= အဆင်းမလှသည်၊
ပေတ= ပြိတ္တာ။

ဓာတ်တော်ထားရာ စေတီပုထိုးကို ပူဇော်သူတို့အား အပြစ် ပြောပြ၍ ထားမြစ်ခဲ့ သောကြောင့် သေလွန်သောအခါ ရှစ်သောင်းခြောက်ထောင်မျှသော ဆွေမျိုးတို့ နှင့်တကွ အပုပ်နံ့လှိုင်သော ခံတွင်းပိုးလောက်တို့ စားခြင်းကို ခံနေကြရသော ပြိတ္တာများ ...

ကောင်းကင်၌ တည်နေသော သင်၏ (ကိုယ်၌) မကောင်းသော အပုပ်နံ့သည် လှိုင်၏၊ အပုပ်နံ့လှိုင်သော သင်၏ ခံတွင်းကိုလည်း ပိုးလောက်တို့သည် ခဲစား ကုန်၏၊ သင်သည် ရှေးဘ၀က အဘယ်ကံကို ပြုခဲ့သနည်း။

ထို့ထက်အလွန်မူကား (ကံနှိုးဆော်အပ်သောသူတို့က) လက်နက်ယူလျက် သင့်ကို အဖန်ဖန် လှီးဖြတ်ကုန်၏၊ ဆားငန်ရေဖြင့် လောင်းဆွတ်၍ အဖန်ဖန် လှီးဖြတ် ကုန်၏။

သင်သည် ကိုယ်ဖြင့် လည်းကောင်း၊ နှုတ်ဖြင့် လည်းကောင်း၊ စိတ်ဖြင့် လည်း ကောင်း အဘယ်မကောင်းမှုကို ပြုခဲ့ပါသနည်း၊ အဘယ်ကံ၏ အကျိုးကြောင့် ဤဆင်းရဲသို့ ရောက်ရပါသနည်းဟု (အသျှင်မဟာကဿပက မေး၏)။

အရှင်ဘုရား အကျွန်ုပ်သည် ပျော်မွေ့ဖွယ် ကောင်းသော နှလုံးမွေ့လျော်ဖွယ် ရှိသော တောင်တို့ဖြင့် ကာရံအပ်သော ရာဇဂြိုဟ်မြို့၌ အလွန်များသော ဥစ္စာ စပါးကို အစိုးရသူ ဖြစ်ခဲ့ပါ၏။

ထိုအကျွန်ုပ်၏ (ရှေးဘ၀က) ဤမယားသည် လည်းကောင်း၊ ဤသမီးသည် လည်းကောင်း၊ ဤချွေးမသည် လည်းကောင်း ထိုအိမ်သူ အိမ်သားတို့သည် ပန်းကို လည်းကောင်း၊ ကြာကို လည်းကောင်း၊ အသစ်ဖြစ်သော နံ့သာပျောင်းကို လည်း ကောင်း ပုထိုး(စေတီ)သို့ (ပူဇော်ရန်) ဆောင်ယူသည်တို့ကို တားမြစ်မိခဲ့ပါ၏၊ အကျွန်ုပ်သည် ထိုမကောင်းမှုကံကို ပြုခဲ့ပါ၏။

(အရှင်ဘုရား) အသီးအသီး ခံစားအပ်သော ဆင်းရဲသော ဝေဒနာရှိကုန်သော ရှစ်သောင်းခြောက်ထောင် အတိုင်းအရှည် ရှိကုန်သော အကျွန်ုပ်တို့သည် ဓာတ် တော်ထားရာ ပုထိုးကို ပူဇော်ခြင်းကို ကဲ့ရဲ့မိကြကုန်၍ ပြင်းစွာ ဆင်းရဲသည်၏ အဖြစ်ကြောင့် ငရဲနှင့်တူသော ပြိတ္တာဘုံ၌ ပြင်းထန်စွာ ခံနေရပါ ကုန်၏။

ပူဇော်အထူးကို ခံတော်မူထိုက်သော မြတ်စွာဘုရား၏ ဓာတ်တော်ထားရာ ပုထိုးကို (ရည်မှတ်၍) ပူဇော်ခြင်းငှါ ပွဲလမ်းသဘင် ဖြစ်သည်ရှိသော် (အကျွန်ုပ်ကဲ့သို့သော) အကြင် ပုဂ္ဂိုလ်တို့သည် ဓာတ်တော်ထားရာ ပုထိုးကို ပူဇော်ခြင်း၌ အပြစ်ဒေါသကို ပြကုန်၏၊ ထိုပုဂ္ဂိုလ်တို့ကို ထိုမကောင်းမှုမှ ရှောင်ကြဉ်ကြပါစေကုန်လော့။

နတ်ပန်းတို့ကို ပန်ဆင်ကုန်၍ နတ်ဝတ်တန်ဆာ ၀တ်ဆင်ကြကာ ပုထိုး၌ ပန်း ပူဇော် ၏သော ကံ၏အကျိုးကို ခံစားကြကုန်လျက် လာကြကုန်သော ဤနတ်သမီး တို့ကို ကြည့်ရှုတော်မူပါလော့၊ ထိုနတ်သမီးတို့သည် များသော အခြံအရံ အကျော် အစော ရှိကုန်လျက် နတ်စည်းစိမ်နှင့် ပြည့်စုံကြပါကုန်၏။

ပညာရှိကုန်သော အကျွန်ုပ်၏ မယား, သမီး, ချွေးမတို့သည် အံ့သြဖွယ်ဖြစ်သော မဖြစ်ဖူးမြဲဖြစ်သော ကြက်သီးမွေးညှင်း ထဖွယ်ဖြစ်သော ထိုအကျိုးထူးကို မြင်ကြ ကုန်သောကြောင့် ရှိခိုးခြင်းကို ပြုခဲ့ပါကုန်၏၊ ထိုမြတ်စွာဘုရား၏ ဓာတ်တော်ထား ရာ ပုထိုးကို ရှိခိုးခဲ့ကြပါကုန်၏။

ထိုအကျွန်ုပ်သည် စင်စစ် ဤပြိတ္တာဘုံမှ လွတ်သွား၍ လူအမျိုးဇာတ်ကို ရသည် ရှိသော် ပုထိုး(စေတီ)အား ပူဇော်ခြင်းကို မမေ့မလျော့မူ၍ အဖန်ဖန် ပြုပါတော့အံ့ ဟု ကြံစည် အောက်မေ့မိပါ၏ဟု (လျှောက်၏)။

၁၀ - ဓာတုဝိ၀ဏ္ဏပေတ၀တ္ထု၊ စူဠ၀ဂ်၊ ပေတ၀တ္ထုပါဠိတော်။

ဥရဂပေတ၀တ္ထု- (မြွေ)

ဥရဂပေတ၀တ္ထု- (မြွေ)

သင်တို့တတွေသည်ကား အိုခြင်း, နာခြင်း, သေခြင်း, ချစ်ခင်နှစ်သက်သူတို့နှင့် ကွဲကွာရခြင်း, မချစ်ခင် မနှစ်သက်သူတို့နှင့် ပေါင်းဖေါ်ရခြင်း, ဟူသော တရားတို့ နှင့် တွေ့ကြရလိမ့်ဦးမယ် သူတို့တတွေလို နှစ်လုံးသွင်းထားနိုင်ရင် ကောင်းတယ်။

ဥရဂပေတ၀တ္ထု- (မြွေ)

သားသေဆုံးလျက် မငိုကြွေးသော အဖ အမိ နှစ်မ မယား ကျွန်,ငါးဦးတို့ ပြောပုံနှင့် သေသူကို လွမ်းဆွတ်ငိုကြွေးခြင်း၏ အကျိုးမရှိပုံ ဥပမာ အစုံအလင်ပါသောဝတ္တု-

ဖခင်၏အဆို...
မြွေသည် အရေဟောင်းကို စွန့်၍ သွားသကဲ့သို့ ဤအတူ သံသရာ၌ ကျင်လည် ရသော သတ္တ၀ါသည် ခန္ဓာကိုယ်ကို အသုံးမပြုနိုင်ဘဲ အသက်ကင်း၍ သေသည် ရှိသော် မိမိ၏ ဆွေးမြေ့သော ကိုယ်ကို စွန့်၍ သွားရ၏။

ထိုသေသူသည် မိမိလားရောက်ရာ {ဂတိ}သို့ သွားသည်ဖြစ်၍ မီးလောင်ကျွမ်းနေ သော ကိုယ်သည် ဆွေမျိုးတို့၏ ငိုကြွေးခြင်းကို မသိ၊ ထို့ကြောင့် ဤငါ့သားကို အကြောင်းပြု၍ မငိုဟု သေသူ၏ (အဖဖြစ်သော ပုဏ္ဏားက ဆို၏။)

မိခင်၏အဆို...
ငါ့သား လာလှည့်ဟု မခေါ်ဘဲ ထိုတမလွန်လောကမှ လာ၏၊ ငါ့သား သွားတော့ဟု ခွင့်မပြုဘဲ ဤပစ္စုပ္ပန်လောကမှ သွား၏၊ အကြင်သို့သော အခြင်းအရာအားဖြင့် (မခေါ်ဘဲ)လာ၍ ထိုသို့သော အခြင်းအရာအားဖြင့် (ခွင့်မပြုဘဲ)သွား၏၊ ထိုအလို သို့ မလိုက်ဘဲ ကျင်လည်၍ ဖြစ်ရာ၌ ငိုကြွေးမြည်တမ်းခြင်းသည် အဘယ်အကျိုး ရှိအံ့နည်း။

ထိုသေသူသည် မိမိလားရောက်ရာ {ဂတိ}သို့ သွားသည်ဖြစ်၍ မီးလောင်ကျွမ်းနေ သော ကိုယ်သည် ဆွေမျိုးတို့၏ ငိုကြွေးခြင်းကို မသိ၊ ထို့ကြောင့် ဤငါ့သားကို အကြောင်းပြု၍ မငိုဟု (အမိပုဏ္ဏားမက ဆို၏)။

နှမ၏အဆို...
အကယ်၍ ငိုကြွေးခဲ့ပါမူ ပိန်ချုံးရုံမျှသာ ဖြစ်ရာ၏၊ ထိုငိုကြွေးရာ၌ ငါ့အား အဘယ်အကျိုးရှိရာအံ့နည်း၊ ငါတို့၏ ဆွေမျိုး မိတ်ဆွေ ချစ်ကျွမ်းဝင်သူတို့အား လွန်စွာ စိတ်မချမ်းသာမှုမျှသာ ဖြစ်ရာ၏။

ထိုသေသူသည် မိမိလားရောက်ရာ {ဂတိ}သို့ သွားသည်ဖြစ်၍ မီးလောင်ကျွမ်းနေ သော ကိုယ်သည် ဆွေမျိုးတို့၏ ငိုကြွေးခြင်းကို မသိ၊ ထို့ကြောင့် ဤငါ့မောင်ကို အကြောင်းပြု၍ မငိုဟု (နှမငယ်ကဆို၏)။

မယား၏အဆို...
သူငယ်သည် ကောင်းကင်၌ သွားသော လကို ငါ၏ ရထားဘီးကို ပေးဟု ဆို၍ ငိုသကဲ့သို့ ဤအတူ အကြင်သူသည် သေသူကို စိုးရိမ်၏၊ (ထိုသူ၏) ဤစိုးရိမ်ခြင်း သည် ဤသူငယ်၏အဖြစ်နှင့်တူသည်သာတည်း။

ထိုသေသူသည် မိမိလားရောက်ရာ {ဂတိ}သို့ သွားသည်ဖြစ်၍ မီးလောင်ကျွမ်းနေ သော ကိုယ်သည် ဆွေမျိုးတို့၏ ငိုကြွေးခြင်းကို မသိ၊ ထို့ကြောင့် ဤငါ့လင်ကို အကြောင်းပြု၍ မငိုဟု (မယားက ဆို၏)။

ကျွန်မ၏အဆို...
ပုဏ္ဏား ကွဲလေပြီးသော ရေအိုးသည် တစ်ဖန်စပ်၍ မရသကဲ့သို့ ဤအတူ အကြင်သူသည် သေသူကို စိုးရိမ်၏၊ (ထိုသူ၏) ဤစိုးရိမ်ခြင်းသည် ကွဲလေပြီး သော အိုးကို စပ်၍ မရသည်နှင့် တူသည်သာတည်း၏။

ထိုသေသူသည် မိမိလားရောက်ရာ {ဂတိ}သို့ သွားရောက်သည်ဖြစ်၍ မီးလောင် ကျွမ်းနေသော ကိုယ်ခန္ဓာသည် ဆွေမျိုးတို့၏ ငိုကြွေခြင်းကို မသိ၊ ထို့ကြောင့် ဤအရှင့်သားကို အကြောင်းပြု၍ မငိုဟု (ကျွန်မက ဆို၏)။

၁၂ - ဥရဂပေတ၀တ္ထု၊ ဥရဂ၀ဂ်၊ ပေတ၀တ္ထုပါဠိတော်။

အဘိဇ္ဇမာနပေတ၀တ္ထု- (နှမြောသောပြိတ္တာဝတ္ထု)

နှမြောသောကြောင့် ဖြစ်ကြရသော ပြိတ္တာတပိုင်း လူတပိုင်းဖြင့် အ၀တ်မပါ ဗလာကျင်းနေရသည့် အဖြစ်ဆိုး၌ ဖြစ်ကြရသော ပြိတ္တာများဝတ္ထု-

အဘိဇ္ဇမာနပေတ၀တ္ထု- (နှမြောသောပြိတ္တာအကြောင်း)

ရှေးဘ၀လူဖြစ်စဉ် အလှူဝတ္တု ရှိကုန်လျက် ကောင်းမှု မပြုခဲ့ကြ၊
လှူမည့်အစား စွန့်ပစ် လိုက်ကြသေး၏။
ဝန်တိုခြင်းများ၍ အလှူခံတို့ကို ဆဲရေးခဲ့သောကြောင့်
သေလွန်သောအခါ ပြိတ္တာတပိုင်း လူတပိုင်းဖြင့်
အ၀တ်မပါ ဗလာကျင်းနေရသည့် အဖြစ်ဆိုး၌ ဖြစ်ကြရသော ပြိတ္တာများဝတ္ထု။

၃၈၇။ ပြိတ္တာကြီး (ခြေချလိုက်ခြင်းကြောင့်) မပျက်စီး မပြိုကွဲသော ဤဂင်္ဂါမြစ်ရေ၌ အ၀တ်မပါဘဲ ကိုယ်ချည်းသာလျှင် ရှေ့ထက်ဝက်က ပြိတ္တာမဟုတ်သကဲ့သို့ ပန်း တို့ကို ပန်ဆင်ကာ အဆင်တန်ဆာတို့ကို ဆင်မြန်းလျက် သွားဘိ၏၊ သင်သည် အဘယ်အရပ်သို့ သွားမည်နည်း၊ သင်သည် အဘယ်အရပ်၌ နေရမည်နည်းဟု (ကောလိယအမတ်က မေး၏)။

၃၈၈။ ငါသည်ကား ၀ါသဘရွာနှင့် ဗာရာဏသီပြည်၏အကြား ဗာရာဏသီ၏ အနီး ၌ တည်သော စုန္ဒဋ္ဌိလရွာသို့ သွားပါအံ့ဟု ထိုပြိတ္တာက ပြောဆို၏။

၃၈၉။ ကောလိယဟု ကျော်ကြားသော အမတ်ကြီးသည် ထိုပြိတ္တာကို မြင်၍ ပြိတ္တာ အား မုန့်ကိုလည်းကောင်း ထမင်းကို လည်းကောင်း ရွှေသော အဆင်းရှိသော အ၀တ်ပုဆိုး အစုံကိုလည်းကောင်း ပေး၏။

၃၉၀။ လှေကို ရပ်တည်စေပြီးလျှင် ထိုလှေရှိ တစ်ယောက်သော ဆတ္တာသည်အား အ၀တ် ပုဆိုးအစုံကို ပေးလှူစေ၏၊ ဆတ္တာသည်အား ပေးလှူလိုက်သည်ရှိသော် တစ်ခဏချင်း ပြိတ္တာ၏ ကိုယ်၌ ပုဆိုးအစုံကို တွေ့မြင်ရလေတော့၏။

၃၉၁။ ထို့နောက် ထိုပြိတ္တာသည် ကောင်းသော အ၀တ်ကို ၀တ်ရုံပြီးလျှင် ပန်းတို့ကို ပန်ဆင်ကာ အဆင်တန်ဆာကို ဆင်မြန်းလျက် တည်နေ၏၊ (၀မ်းမြောက်နိုင် လောက်အောင် နီးကပ်ရာ အရပ်၌)တည်နေသော ပြိတ္တာအား မြတ်သော အလှူ၏ အကျိုးသည် ကပ်ရောက် ဖြစ်ပေါ်လာ၏၊ ထို့ကြောင့် ပြိတ္တာတို့အား အစဉ်သနား သဖြင့် (ပြိတ္တာတို့ကို ရည်ညွှန်း၍) အဖန်ဖန် အထပ်ထပ် မြတ်သော အလှူကို ပေးလှူရာ၏။

၃၉၂။ ပြိတ္တာ အချို့တို့သည် စုတ်ပြတ်သော အ၀တ်ကို ၀တ်ကြရကုန်၏၊ အချို့ ပြိတ္တာတို့သည်ကား ဆံပင်ဖြင့် ကိုယ်ကို ဖုံးလွှမ်းကုန်လျက် အစားအစာ အလို့ငှါ သွားကြရကုန်၏၊ တစ်ရပ်မှ တစ်ရပ်သို့ ရွှေ့ပြောင်းသွားလာ ကြရကုန်၏။

၃၉၃။ အချို့ ပြိတ္တာတို့သည် ဝေးသော အရပ်သို့ ပြေးသွားကြကုန်သော်လည်း (တစ်စုံတစ်ခုကိုမျှ) မရကြကုန်သောကြောင့် ပြန်လာကြရကုန်၏၊ ဆာလောင်ခြင်း ဖြင့် တွေဝေကုန်သည်ဖြစ်၍ တုန်လှုပ်ကုန်လျက် မြေ၌ လဲကျကြရကုန်၏။

၃၉၄။ ရှေးဘ၀၌ ကုသိုလ်ကောင်းမှု ကံကို မပြုခဲ့ကြရကုန်သော ထိုပြိတ္တာတို့သည် နွေအခါ နေပူရာ အရပ်၌ မီးလောင် ခံကြရသကဲ့သို့ ထိုရောက်ရာ အရပ်ဝယ် မြေ၌ ပုတ်ခတ်အပ်ကုန် သကဲ့သို့ လဲကျကြရကုန်၏။

၃၉၅။ ရှေးဘ၀က ယုတ်မာသော သဘောရှိကုန်သော ငါတို့သည် အမျိုးသူငယ်တို့ ၏ အမိ အိမ်ရှင်မတို့ပါတည်း၊ လှူဖွယ်ဝတ္ထုတို့ ရှိကုန်လျက် မိမိ၏ မှီခိုရာ ကျွန်းသဖွယ်ဖြစ်သော ကုသိုလ်ကောင်းမှုကို မပြုခဲ့မိကြကုန်။

၃၉၆။ ထမင်းအဖျော်သည် များပင်များသော်လည်း စင်စစ် စွန့်ပစ်လိုက်ပါ၏၊ ကောင်းစွာ ကျင့်သော အရှင်ရဟန်းတို့ ထင်စွာရှိကြပါကုန်လျက် ထိုရဟန်းတို့အား တစ်စုံတစ်ခုကို မျှ မပေးလှူခဲ့ ကြပါကုန်။

၃၉၇။ ငါတို့သည် သူတော်ကောင်းတို့ မပြုသင့် မပြုထိုက်သော အကုသိုလ်ကိုသာ ပြုလိုကြကုန်၏၊ ကုသိုလ်ပြုမှု၌ နှောင့်နှေး ပျင်းရိကြကုန်၏၊ ချိုမြိန် ကောင်းမြတ် သော ၀တ္ထုကိုသာ မြတ်နိုးကြကုန်၏၊ အစားကြီးကြပါကုန်၏၊ တစ်လုတ်စာမျှသော ဘောဇဉ်ကို ပေးလှူသူတို့ကို လည်းကောင်း၊ အလှူခံတို့ကို လည်းကောင်း ဆဲရေး ကြိမ်းမောင်း တတ်ကြကုန်၏။

၃၉၈။ (ငါတို့၏) ထိုအိမ်တို့သည် လည်းကောင်း၊ ထိုကျွန်မတို့သည် လည်းကောင်း၊ ထိုတန်ဆာတို့သည် လည်းကောင်း ငါတို့အား မကပ်ရောက်တော့ကုန်၊ အခြား သူတို့သည်သာ ထိုအိမ်စသည်တို့ကို သုံးဆောင်ကုန်၏၊ ငါတို့သည်ကား (ကုသိုလ်ပြုရမည်ကို မသိမူ၍ ယခုအခါ) ဆင်းရဲခြင်း၏ အဖို့ ရှိကုန်၏။

၃၉၉။ (ထိုပြိတ္တာတို့သည် လူဖြစ်လာကြကုန်သော်) အယုတ်အားဖြင့် သိမှတ်အပ် ကုန်သော နှီးရွေ ထရံရက်သမားတို့သည် လည်းကောင်း၊ သားရေနယ်သမားတို့ သည် လည်းကောင်း၊ အဆွေပြစ်မှား မိတ်ဖျက်သမားတို့သည် လည်းကောင်း၊ စဏ္ဍာလတို့သည် လည်းကောင်း၊ ဆင်းရဲနွမ်းပါး သူတောင်းစားတို့သည် လည်း ကောင်း၊ ဆတ္တာသည်တို့သည် လည်းကောင်း အဖန်တလဲလဲ ဖြစ်ကြရကုန်၏။

၄၀၀။ အကြင်အကြင် အမျိုးတို့သည် ယုတ်ညံ့ကုန်၏၊ ဆင်းရဲနွမ်းပါးကုန်၏၊ ထိုထို အမျိုးတို့၌သာလျှင် ဖြစ်ရကုန်၏၊ ဤသည်ကား ၀န်တိုမှု{မစ္ဆရိယ} ရှိသူ၏ လားရာ {ဂတိ} ပင်တည်း။

၄၀၁။ အကြင်သူတို့သည်ကား ရှေးဘ၀၌ ကုသိုလ်ကောင်းမှုကို ပြုကြဖူးကုန်၏၊ ပေးလှူ တတ်ကုန်၏၊ ၀န်တိုမှု {မစ္ဆရိယ} ကင်းကုန်၏၊ ထိုသူတို့သည် နတ်ပြည် လောကကို ပြည့်စေကုန်၏၊ နန္ဒ၀န်ဥယျာဉ်ကိုလည်း ထွန်းလင်းတောက်ပစေကုန် ၏။

၄၀၂။ အလိုရှိအပ်သော ကာမဂုဏ်တို့၌ အလိုရှိတိုင်း သုံးဆောင် ခံစားကြကုန် သော ထိုသူတို့သည် ဝေဇယန္တာပြာသာဒ်၌ ပျော်ပါးကြပြီး၍ ထိုနတ်ပြည်မှ စုတေ သော် စည်းစိမ်ဥစ္စာရှိသော မြင့်မြတ်သော အမျိုးတို့၌ ဖြစ်ကြရကုန်၏။

၄၀၃။ စုလစ်မွန်းချွန်း အထွတ်တပ်သော ပြာသာဒ်ဆောင်၌ လည်းကောင်း၊ မွေး ရှည် ကော်ဇောခင်းထားအပ်သော ပလ္လင်၌ လည်းကောင်း လက်၌ စွဲကိုင်သော ဥဒေါင်းမြီးစည်း ယပ်တို့ဖြင့် ယပ်လေခတ်ကုန်လျက် အခြံအရံ များသည်ဖြစ်၍ မြတ်သော အမျိုး၌ ဖြစ်ကြရကုန်၏။

၄၀၄။ သူငယ်ဘ၀၌လည်း ရင်ခွင်တစ်ခုမှ ရင်ခွင်တစ်ခုသို့ ရောက်ကုန်၏၊ ပန်းပန် လျက် အဆင်တန်ဆာ ဆင်မြန်းကုန်သော အထိန်းအယတို့သည် ညနံနက်တိုင်း ချမ်းသာကို ရှာမှီးကြကုန်လျက် ပြုစုလုပ် ကျွေးကြကုန်၏။

၄၀၅။ ပူဆွေးမှု {သောက} မရှိသော နှစ်သက်ဖွယ်ရှိသော မွေ့လျော်ဖွယ်ကောင်း သော တာဝတိံသာနတ်တို့၏ ဤဥယျာဉ်ကြီးသည် မကောင်းမှု ပြုသူတို့အတွက် ဖြစ်သည်မဟုတ်၊ ကောင်းမှု ပြုပြီးသူတို့ အတွက်သာလျှင် ဖြစ်၏။

၄၀၆။ မကောင်းမှုကို ပြုပြီးသူတို့အား ချမ်းသာသုခသည် ဤလောက၌လည်း မရှိ၊ တမလွန်လောက၌လည်း မရှိ၊ ကောင်းမှု ပြုပြီးသူတို့အားသာလျှင် ချမ်းသာသုခ သည် ဤလောက၌လည်း ဖြစ်၏၊ တမလွန် လောက၌လည်း ဖြစ်၏။

၄၀၇။ ထိုနတ်တို့၏ အပေါင်းအဖော် အသင်းဝင် ဖြစ်လိုသူတို့သည် ကုသိုလ် ကောင်းမှုကို များစွာပြုအပ်၏၊ ကောင်းမှု ပြုပြီးသူတို့သည်သာ နတ်ပြည်၌ စည်းစိမ်နှင့် ပြည့်စုံကုန်သည် ဖြစ်၍ ၀မ်းမြောက်ကြရကုန်၏။

ရှေးဦးစွာသော အဘိဇ္ဇမာနပေတ၀တ္ထု ပြီး၏။
အဘိဇ္ဇမာနပေတ၀တ္ထု၊ စူဠ၀ဂ်၊ ပေတ၀တ္ထုပါဠိတော်။

ပိဋ္ဌဓီတလိကပေတ၀တ္ထု-

ပိဋ္ဌဓီတလိကပေတ၀တ္ထု-

သေဆုံးသူအတွက် ကျန်ရစ်သူများ ဘာလုပ်ကြမည်။

သေပြီးသူကို ဖြစ်စေ၊
အိမ်စောင့်နတ်စသည်ကို အကြောင်းပြု၍ ဖြစ်စေ၊
နတ်မင်းကြီးလေးပါးကို အကြောင်းပြု၍ ဖြစ်စေ၊
လှူဒါန်းခဲ့လျှင်...
သေသူကို ပူဇော်သည်မည်ကြောင်း ကောင်းကျိုးခံစားရကြောင်း တရားတော်။

နှမြောဝန်တိုမှု မရှိသူသည် မင်္ဂလာစသည်တို့ကို အကြောင်းပြု၍ ဖြစ်စေ၊
သေပြီးသူတို့ကို အကြောင်းပြု၍ ဖြစ်စေ၊
ထိုမှတစ်ပါး အိမ်စောင့်နတ်စသည်တို့ကို အကြောင်းပြု၍ ဖြစ်စေ၊
ကုဝေရနတ် ဓတရဋ္ဌနတ် ၀ိရူပက္ခနတ် ၀ိရူဠကနတ်ဟူသော
လောကကို စောင့်ရှောက်ကုန်သော နတ်မင်းကြီးလေးယောက်တို့ကို
အကြောင်းပြု၍ဖြစ်စေ အလှူဒါနကိုပေးလှူရာ၏။

ဤသို့ ပေးလှူသည်ရှိသော် နတ်မင်းကြီး လေးယောက် အိမ်စောင့်နတ်စသည်နှင့်
သေလွန်ပြီးသူတို့ကိုလည်း ပူဇော်အပ်သည် မည်ကုန်၏၊
ပေးလှူသူ ဒါယကာတို့သည်လည်း အကျိုးကြီးကုန်၏။

ငိုကြွေးခြင်းသည် လည်းကောင်း၊
စိုးရိမ်ပူဆွေးခြင်းသည် လည်းကောင်း၊
ထိုမှတစ်ပါးသော အကြင် ပြောဆိုမြည်တမ်းခြင်းသည် လည်းကောင်း၊
ပြိတ္တာတို့၏ အကျိုးငှါ မဟုတ်ပေ၊
(သို့သော်- မသိနားမလည်သော )ဆွေမျိုးတို့သည်ကား ငိုကြွေးနေကြကုန်၏။

တမလွန်ဘ၀သို့ ပြောင်းသွားသူကို ရည်စူးလျက် ပေးလှူအပ်သော အလှူသည်
သံဃာ၌ ကောင်းစွာ တည်သည်ဖြစ်၍ ကာလရှည်မြင့်စွာ စီးပွားချမ်းသာဖြစ်ခြင်း
အကျိုးငှါ၊ ထိုပြိတ္တာထံသို့ တစ်ခဏချင်း ကပ်ရောက်အကျိုးရ၏ဟု
(မြတ်စွာဘုရား ဟောတော်မူ၏)။

လေးခုမြောက်သော ပိဋ္ဌဓီတလိကပေတ၀တ္ထု ပြီး၏။
ပိဋ္ဌဓီတလိကပေတ၀တ္ထု၊ ဥရဂ၀ဂ်၊ ပေတ၀တ္ထုပါဠိတော်။

ဘုသပေတ၀တ္ထု-

ဘုသပေတ၀တ္ထု- (စပါးဖျင်း+ပြိတ္တာ)

ရှေးဘ၀လူအဖြစ်၌ အိမ်ရှင်မဖြစ်စဉ် အမိကိုညှင်းဆဲ လင်ကိုဂရုမထား မုသားဆိုကာ တစ်စုံတစ်ခုကိုမျှ မလှူခဲ့သောကြောင့် ကွယ်လွန်သောအခါ သလေးစပါးကို ခေါင်းပေါ်၌ ကြဲဖြန့်သူ သံတင်းပုတ်ဖြင့် ရိုက်နှက်ခံရသူ မစင်ကို စားရသူ အသီးသီး ဖြစ်နေကြရသော ပြိတ္တာများအကြောင်း။

ပြိတ္တာတို့ သင်တို့လေးယောက်တို့တွင်....
တစ်ယောက်သည် ရဲရဲတောက်သော စပါးဖျင်းတို့ကို မိမိခေါင်းပေါ်၌ ကြဲဖြန့်နေ၏၊
တစ်ယောက်သောသူသည် သံတင်းပုတ်တို့ဖြင့် မိမိ ဦးခေါင်းကို ရိုက်နှက်ဖြတ်ခွဲ နေရ၏၊
ဤမိန်းမသည်ကား မိမိအသားအသွေးကို စားနေ၏၊
လင်သည်မူကား မစင်မကြယ် မနှစ်သက်ဖွယ်ရှိသော မစင်ကို စားရ၏၊

ဤအကျိုးသည် အဘယ်ကံ၏ အကျိုးနည်းဟု (အရှင်မဟာမောဂ္ဂလ္လာန်က မေး၏)။

သားဖြစ်သော ဤသူသည် ရှေးဘ၀က အမိကို ညှဉ်းဆဲခဲ့ပါ၏၊
လင်ဖြစ်သော ဤသူသည်ကား ကောက်ကျစ်စဉ်းလဲသော ကုန်သည်ပါတည်း၊
ချွေးမဖြစ်သူကား အသားကို စားပါလျက် မစားပါဟု မုသားဆိုခြင်းဖြင့် လှည့်ပတ်ခဲ့ပါ၏။
အကျွန်ုပ်သည် လူ့ဘ၀၌ လူဖြစ်ခဲ့စဉ်က တစ်အိမ်လုံးကို အစိုးရသူ အိမ်ရှင်မဖြစ်၍ စည်းစိမ်ဥစ္စာတို့ ရှိလျက်သာလျှင် လျှိုဝှက်ခဲ့ပါ၏၊ အကျွန်ုပ်၏ ပစ္စည်းဥစ္စာမှ တစ်စုံတစ်ခု ကိုမျှလည်း (သူတစ်ပါးအား) မပေးလှူခဲ့ပါ။

ဤဥစ္စာသည် ငါ၏ အိမ်၌ မရှိ၊ ရှိလျက် လျို့ဝှက်မိခဲ့ပါမူ ငါ၏ စားဖွယ်သည် မစင်ဖြစ်ပါစေသတည်းဟု မုသားစကားဖြင့် ဖုံးလွှမ်းပြောဆိုခဲ့ပါ၏။

ထိုမကောင်းမှုကံ၏ လည်းကောင်း၊ မုသားဆိုခြင်း၏ လည်းကောင်း နှစ်ပါးစုံသော ကံအကျိုးကြောင့် ကောင်းသော အနံ့ရှိသော သလေးထမင်းသည် အကျွန်ုပ်အတွက် မစင် အဖြစ်ဖြင့် ပြောင်းလဲနေပါ၏။

ကုသိုလ် အကုသိုလ်ကံတို့သည် အကျိုးမပြီး အချည်းနှီး မဖြစ်ကုန်၊ ဆည်းပူးထားသော ကံသည် (အကျိုးမပေးဘဲ) မပျက်စီးသည်သာတည်း၊ မကောင်းသော အနံ့ရှိသော ပိုးလောက်ရှိသော မစင်ကို စားလည်း စားရပါ၏၊ သောက်လည်း သောက်ရပါ၏ဟု (ကောက်ကျစ်သော ကုန်သည်မယား ပြိတ္တာမက လျှောက်၏)။

ဘုသပေတ၀တ္ထု၊ စူဠ၀ဂ်၊ ပေတ၀တ္ထု။

ဒု သ န သော အစရှိသော ဂါထာလေးပုဒ်-

သေဋ္ဌိပုတ္တပေတ၀တ္ထု

သူတပါး သားမယားတို့အား ပြစ်မှားခဲ့ကြသည့်
သူဌေးသားလေးဦးတို့....... လောဟကုမ္ဘီငရဲမှ ညည်းညူ ရွတ်ဆိုကြသော
ဒု သ န သော အစရှိသော ဂါထာလေးပုဒ်။

အချင်းတို့ အချင်းခပ်သိမ်း လောဟကုမ္ဘီငရဲ၌ ကျက်ကြကုန်သော ငါတို့အား အနှစ်ခြောက်သောင်းတို့ ပြည့်ခဲ့ကုန်ပြီ၊ ငါတို့အား ဘယ်အခါ ဤဆင်းရဲ၏ အဆုံးသည် ဖြစ်ပါလတ္တံ့နည်း။

အချင်းတို့ အကြင်သို့သော အပြားအားဖြင့် သင့်အားလည်းကောင်း၊ ငါ့အားလည်း ကောင်း ဤဆင်းရဲ၏ အဆုံးမရှိ၊ ဤဆင်းရဲ၏ အဆုံးသည် အဘယ်မှာ ရှိနိုင်ပါ တော့အံ့နည်း၊ ဤဆင်းရဲ၏ အဆုံးကို မတွေ့မမြင်နိုင်၊ ထိုသို့သော အပြားအားဖြင့် သင်သည်လည်းကောင်း ငါသည် လည်းကောင်း မကောင်းမှုကို ပြုအပ်ခဲ့ပြီ။

အကြင် ငါတို့သည် လှူဖွယ်ဝတ္ထုတို့ ထင်ရှားရှိပါကုန်လျက် မပေး မလှူခဲ့မိကြပါ ကုန်၊ မိမိ၏မှီခိုရာ ကိုင်းကျွန်းသဖွယ်ဖြစ်သော ကုသိုလ်ကောင်းမှုကို မပြုမိကြပါ ကုန်၊ ထိုငါတို့သည် ပညာရှိတို့ ကဲ့ရဲ့ထိုက်သော အသက်ရှည်ခြင်းဖြင့် အသက် ရှည်ခဲ့ကြရပါကုန်၏။

ထိုငါသည် ဤငရဲမှ သွား၍ လူ့ဘ၀ကို ရပါမူ အလှူခံပုဂ္ဂိုလ်တို့ ပြောဆိုသော စကားကိုသိတတ်သူ သီလနှင့် ပြည့်စုံသူဖြစ်၍ များစွာသော ကောင်းမှုကုသိုလ်ကို ပြုပါတော့အံ့၊ (ဤသို့ သူဌေးသားလေးယောက်တို့ ရွတ်ဆိုကြကုန်၏)။
တစ်ဆယ့်ငါးခုမြောက်သော သေဋ္ဌိပုတ္တပေတ၀တ္ထု ပြီး၏။

{{ယခုလူတို့ ဒု သ န သော ဟု သိနေကြသော သူဌေးသား ငရဲသတ္တ၀ါလေးဦးတို့ လောဟကုမ္ဘီငရဲမှ တစ်လုံးစီသာ ရွတ်ဆိုနိုင်သော ဂါထာလေးပုဒ်ဖြစ်သည်။}}

သေဋ္ဌိပုတ္တပေတ၀တ္ထု၊ မဟာဝဂ်၊ ပေတ၀တ္ထု။

သင်၏ အဝတ်တို့သည် သံပြားနှင့်အတူဖြစ်ပါစေ-

မဟာပေသကာရပေတဝတ္ထု-

လင်အလှူပေးသည်ကို မယားဖြစ်သူက အမျိုးမျိုးကျိန်ဆဲရာတွင်
''သင်၏ အဝတ်တို့သည် သံပြားနှင့်အတူဖြစ်ပါစေ'' ဟု
ဆဲရေးခဲ့သောကြောင့် သေသောအခါ သွေးပြည် အညစ်အကြေးကိုစား
သံပြားအဝတ်ကို ဝတ်နေရသူ ပြိတ္တာမ

ဤမိန်းမသည် ကျင်ကြီးကို လည်းကောင်း, ကျင်ငယ်ကို လည်းကောင်း,
သွေးကို လည်းကောင်း, ပြည်ကို လည်းကောင်း စားနေရ၏၊
ဤအကျိုးသည် အဘယ်ကံ၏ အကျိုးနည်း၊
အခါခပ်သိမ်း သွေးပြည်ကို စားနေသော ဤမိန်းမသည်
ရှေးဘဝက အဘယ်အမှုကို ပြုခဲ့ဖူးသနည်း။

အသစ်ဖြစ်၍ ကောင်းကုန် နူးညံ့ကုန် စင်ကြယ်သော အဆင်း
နူးညံ့သည့် အမွေးရှိကုန်သောအဝတ်တို့ကို
ဤမိန်းမအား ပေးလိုက်ကုန်သည်ရှိသော်
ယင်းအဝတ်တို့သည် သံပြားကဲ့သို့ ဖြစ်ကုန်၏၊
ဤမိန်းမသည် အဘယ်အမှုကို ပြုခဲ့သနည်းဟု ရဟန်းက မေး၏။

အရှင်ဘုရား -
ဤမိန်းမသည် ယခင်ဘ၀ဟောင်းက အကျွန်ုပ်၏မယား ဖြစ်ခဲ့ဖူးပါ၏၊

ပေးလှူလေ့ မရှိပါ၊
ဝန်တိုလေ့ရှိပါ၏၊
စဉ်းလဲ ကောက်ကျစ်တတ်ပါ၏၊
ထိုမိန်းမသည် သမဏဗြာဟ္မဏတို့အား ပေးလှူသော အကျွန်ုပ်ကို-

''သင်သည် အခါခပ်သိမ်း မစင်ကြယ်သော ကျင်ကြီးကို လည်းကောင်း,
ကျင်ငယ်ကို လည်းကောင်း, သွေးကို လည်းကောင်း, ပြည်ကို လည်းကောင်း စားလော့၊
ဤကျင်ကြီး, ကျင်ငယ်, သွေးပြည်သည် သင့်အား တမလွန်ဘဝ၌ ဖြစ်စေသတည်း၊
သင်၏ အဝတ်တို့သည် လည်း သံပြားနှင့်အတူ ဖြစ်စေ ကုန်သတည်း'' ဟု

ဆဲရေးလည်း ဆဲရေးပါ၏၊
ခြိမ်းခြောက်လည်း ခြိမ်းခြောက်ပါ၏၊
ထိုမိန်းမသည် ဤသို့သဘောရှိသော မကောင်းမှု ဒုစရိုက်ကို
ပြုကျင့်ခဲ့သောကြောင့် ဤပြိတ္တာဘုံသို့ ရောက်လာ၍
ကြာမြင့်စွာ ဤကျင်ကြီး စသည်ကို စားရ၏ဟု လျှောက်၏။

မဟာပေသကာရ၊ ဥရဂ၀ဂ်၊ ပေတ၀တ္ထု။