သုဝိဒူရသုတ်- (အလွန်ဝေးသည်)

သုဝိဒူရသုတ်- (အလွန်ဝေးသည်)

ရဟန်းတို့ ...
အလွန့်အလွန် ဝေးကွာသော အရာတို့သည် ဤလေးမျိုးတို့တည်း။
အဘယ် လေးမျိုးတို့နည်း ဟူမူ-

ရဟန်းတို့ ...
ကောင်းကင်နှင့် မြေကြီးသည် ဝေး၏၊
ဤကား ပဌမဖြစ်သော အလွန့်အလွန် ဝေးကွာသော အရာတည်း။

ရဟန်းတို့ ...
သမုဒ္ဒရာ၏ ဤမှာဘက်ကမ်းနှင့် ထိုမှာဘက် ကမ်းသည် ဝေး၏၊
ဤကား ဒုတိယဖြစ်သော အလွန့်အလွန် ဝေးကွာသော အရာတည်း။

ရဟန်းတို့ ...
နေထွက်ရာအရပ်နှင့် နေဝင်ရာ အရပ်သည် ဝေး၏၊
ဤကား တတိယဖြစ်သော အလွန့်အလွန် ဝေးကွာသော အရာတည်း။

ရဟန်းတို့ ...
သူတော်ကောင်းတို့၏ တရားနှင့် သူယုတ်မာတို့၏တရားသည် ဝေး၏၊
ဤကား စတုတ္ထဖြစ်သော အလွန့်အလွန် ဝေးကွာသော အရာတည်း။

ရဟန်းတို့ အလွန့်အလွန် ဝေးကွာသော အရာတို့သည် ဤလေးမျိုးတို့တည်းဟု (မိန့်တော်မူ၏)။

ကောင်းကင်သည်လည်း (မြေကြီးမှ) ဝေး၏၊ မြေကြီး သည်လည်း (ကောင်းကင်မှ) ဝေး၏၊ သမုဒ္ဒရာ၏ ကမ်းတစ်ဖက်နှင့် တစ်ဖက်ကိုလည်း ဝေး၏ဟု ဆိုကုန်၏၊ အရောင်ကို ပြုတတ်သော နေ၏ ထွက်ရာအရပ်နှင့် ဝင်ရာအရပ် သည်လည်း ဝေး၏။ သူတော်ကောင်းတရားကို လည်းကောင်း၊ သူယုတ်မာတရားကို လည်း ကောင်း ထို ဝေးခြင်းတို့ထက် စင်စစ် အလွန်ဝေး၏ဟု ဆိုကုန်၏၊ သူတော်ကောင်း တို့နှင့် ပေါင်းဖော်ခြင်းသည် မပျက်စီးသော သဘောရှိ၏၊ သူတော်ကောင်းတရား တည်သမျှ အတိုင်း (မပျက်စီးသည်)သာ ဖြစ်၏။

သူယုတ်မာတို့နှင့် ပေါင်းဖော်ခြင်းသည် လျင်စွာ ပျက်စီး၏၊
ထို့ကြောင့် သူတော်ကောင်းတို့၏တရားသည် သူယုတ်မာတို့မှ ဝေး၏။

၇ - သုဝိဒူရသုတ်၊ ရောဟိတဿဝဂ်၊ စတုက္ကနိပါတ်၊ အင်္ဂုတ္တိုရ်။

လောကသုတ်-

လောကသုတ်၊

ရဟန်းတို့ ...
မြတ်စွာဘုရားသည် ...

လောကကို ထိုးထွင်း၍ သိတော်မူ၏၊
လောကမှ ကင်းတော်မူ၏၊
လောက၏ ဖြစ်ကြောင်းကို ထိုးထွင်း၍ သိတော်မူ၏၊
လောက၏ ဖြစ်ကြောင်းကို ပယ်တော်မူ၏။
လောက၏ ချုပ်ငြိမ်းရာ (နိဗ္ဗာန်)ကို ထိုးထွင်း၍ သိတော်မူ၏၊
လောက၏ ချုပ်ငြိမ်းရာ (နိဗ္ဗာန်)ကို မျက်မှောက်ပြုတော်မူ၏၊
လောက၏ ချုပ်ငြိမ်းရာ (နိဗ္ဗာန်)သို့ရောက်ကြောင်း အကျင့်ကို ထိုးထွင်း၍ သိ၏၊
လောက၏ ချုပ်ငြိမ်းရာ(နိဗ္ဗာန်)သို့ ရောက်ကြောင်း အကျင့်ကို ပွါးများတော်မူ၏။

ရဟန်းတို့ မြတ်စွာဘုရားသည် နတ် မာရ်နတ် ဗြဟ္မာတို့နှင့် တကွသော နတ် လောကနှင့် သမဏ ဗြာဟ္မဏ မင်းများ လူများနှင့် တကွသော လူ့လောကသည် မြင်အပ် ကြားအပ် တွေ့အပ် သိအပ် ရအပ် ရှာမှီးအပ် စိတ်ဖြင့် အဖန်ဖန် ကျက်စားအပ်သော အာရုံ အလုံးစုံကို ထိုးထွင်း၍ သိတော်မူ၏၊ ထို့ကြောင့် ''တထာဂတ'' ဟု ဆိုအပ်၏။

ရဟန်းတို့ မြတ်စွာဘုရားသည် အတုမရှိသော အရဟတ္တမဂ်ဉာဏ်ကို ထိုးထွင်း၍ သိတော်မူသော ညဥ့်နှင့် ဝိပါက် ကမ္မဇရုပ် အကြွင်းမရှိသော နိဗ္ဗာနဓာတ်ဖြင့် ပရိနိဗ္ဗာန်စံတော်မူသော ညဥ့်တို့၏ အကြား၌ ဟောပြော မြွက်ဟ ညွှန်ပြတော် မူအပ်သော တရားအလုံးစုံသည် ဟောပြော မြွက်ဟ ညွှန်ပြတိုင်းသာ ဖြစ်၏၊ တစ်ပါးသော အခြင်းအရာအားဖြင့် မဖြစ်၊ ထို့ကြောင့် ''တထာဂတ'' ဟု ဆိုအပ်၏။

ရဟန်းတို့ မြတ်စွာဘုရားသည် အကြင် သို့သော အခြင်းအရာအားဖြင့် ပြောဆိုလေ့ ရှိ၏၊ ထိုသို့သော အခြင်းအရာအားဖြင့် ပြုလေ့ရှိ၏။ အကြင်သို့သော အခြင်းအရာ အားဖြင့် ပြုလေ့ရှိ၏၊ ထိုသို့သော အခြင်းအရာအားဖြင့် ပြောဆိုလေ့ရှိ၏။ ဤသို့ လျှင် ပြောဆိုလေ့ရှိသည့်အတိုင်း ပြုလေ့ရှိ၏၊ ပြုလေ့ရှိသည့် အတိုင်း ပြောဆိုလေ့ ရှိ၏၊ ထို့ကြောင့် ''တထာဂတ''ဟု ဆိုအပ်၏။

ရဟန်းတို့ နတ် မာရ်နတ် ဗြဟ္မာတို့နှင့်တကွသော နတ်လောကနှင့် သမဏ ဗြာဟ္မဏ မင်းများ လူများနှင့်တကွသော လူ့လောက၌ မြတ်စွာဘုရားသည် (သူတစ်ပါးတို့ကို) လွှမ်းမိုးတော်မူနိုင်၏၊ (သူတစ်ပါးတို့က) မလွှမ်းမိုးနိုင်၊ စင်စစ် အားဖြင့် မြင်တတ်၏၊ မိမိအလိုသို့ လိုက်စေနိုင်၏၊ ထို့ကြောင့် ''တထာဂတ'' ဟု ဆိုအပ်၏။

(ထို မြတ်စွာဘုရားသည်) လောကအားလုံးကို ထူးသောဉာဏ်ဖြင့် သိ၍ လောက၌ (သိအပ်သော တရား) အားလုံးကိုဟုတ်တိုင်းမှန်စွာ သိသောကြောင့် လောက အားလုံးမှ ကင်းတော်မူ၏၊ လောကအားလုံး၌ ငြိကပ်ခြင်း (တဏှာ, ဒိဋ္ဌိ) ဥပယ ရှိတော် မမူ။ ထို မြတ်စွာဘုရားသည် စင်စစ်အားဖြင့် အာရုံ အားလုံး တို့ကို လွှမ်းမိုးတော်မူနိုင်၏၊ ပညာနှင့် ပြည့်စုံတော်မူ၏၊ အလုံးစုံသော အထုံးအဖွဲ့တို့မှ လွတ်မြောက်တော်မူ၏၊ ထို မြတ်စွာဘုရားသည် အလွန်ငြိမ်းချမ်းစွာသော တစ်စုံ တစ်ခုသော ဘေးရန် အနှောင့်အယှက် မရှိသော နိဗ္ဗာန်ကို တွေ့ထိဆိုက်ရောက် တော်မူ၏။

အာသဝေါကုန်ပြီးသော ထို မြတ်စွာဘုရားသည် ဆင်းရဲကင်းတော်မူ၏၊ ယုံမှားခြင်း ကို ပယ်ဖြတ်တော်မူပြီး ဖြစ်၏၊ အလုံးစုံသော ကံတို့၏ ကုန်ခြင်းသို့ ရောက်တော်မူ ၏၊ ဥပဓိ လေးပါးတို့ကုန်ရာ နိဗ္ဗာန်သို့ လွတ်လွတ် ဝင်တော်မူ၏။ ထို မြတ်စွာ ဘုရားသည် သစ္စာလေးပါးကို သိတော်မူ၏၊ ထို မြတ်စွာဘုရားသည် အတုမရှိ သော ခြင်္သေ့မင်း ဖြစ်တော်မူ၍ နတ်နှင့် တကွသော သတ္တလောကအား မြတ်သော တရားစကြာကို လည်စေတော်မူ၏။

ဤသို့လျှင် အကြင်နတ်တို့သည် လည်းကောင်း၊ အကြင်လူတို့သည် လည်း ကောင်း၊ မြတ်စွာဘုရားကို ကိုးကွယ်ရာဟု ဆည်းကပ်ကုန်၏၊ ထို နတ်လူတို့သည်
ကြီးမြတ်၍ ကြောက်ရွံ့ခြင်း ကင်းတော်မူသော ထို မြတ်စွာဘုရားကို ချဉ်းကပ်၍ ရှိခိုးကြကုန်၏။

ယဉ်ကျေးပြီးသော မြတ်စွာဘုရားသည် ယဉ်ကျေးသူ တို့ထက် မြတ်တော်မူ၏၊ ငြိမ်းအေးပြီးသော မြတ်စွာဘုရားသည် ငြိမ်းအေးသူတို့ထက် မြတ်တော်မူ၏၊ လွတ်မြောက်ပြီးသော မြတ်စွာဘုရားသည် လွတ်မြောက်ပြီး သူတို့ထက် မြတ် တော်မူ၏၊ ကူးမြောက်တော်မူပြီးသော မြတ်စွာဘုရားသည် ကူးမြောက်ပြီးသူ တို့ထက် မြတ်တော်မူ၏။ ဤသို့လျှင် ကြီးမြတ်၍ ကြောက်ရွံ့ခြင်း ကင်းတော်မူ သော ထို မြတ်စွာဘုရားကို ရှိခိုးကြကုန်၏၊ နတ်နှင့် တကွသော လောက၌ ငါနှင့် ပြိုင်ဘက် ပုဂ္ဂိုလ် မရှိ။

၃ - လောကသုတ်၊ ဥရုဝေလဝဂ်၊ စတုက္ကနိပါတ်၊ အင်္ဂုတ္တိုရ်။

နိဒါနသုတ်- (အကြောင်းရင်း)

မူရင်းအတိုင်း ဖတ်ပါဦးလား

နိဒါနသုတ်- (အကြောင်းရင်း)

ရဟန်းတို့ ...
ဝဋ်ဆင်းရဲသို့ ရောက်စေတတ်ကုန်သော ကံတို့ ဖြစ်ပေါ်ရန်
အကြောင်းတို့သည် ဤသုံးမျိုးတို့နည်း။

အဘယ်သုံးမျိုးတို့နည်းဟူမူ-
လိုချင်မှု {လောဘ} သည် ကံတို့ ဖြစ်ပေါ်ရန် အကြောင်းတည်း။
အမျက်ထွက်မှု {ဒေါသ} သည် ကံတို့ ဖြစ်ပေါ်ရန် အကြောင်းတည်း။
တွေဝေမှု {မောဟ} သည် ကံတို့ ဖြစ်ပေါ်ရန် အကြောင်းတည်း။

ရဟန်းတို့ ...
လိုချင်မှု {လောဘ} ကြောင့် မလိုချင်မှု {အလောဘ} မဖြစ်၊
စင်စစ်သော်ကား-
လိုချင်မှု {လောဘ} ကြောင့် လိုချင်မှု {လောဘ} သာလျှင် ဖြစ်၏။

ရဟန်းတို့ ...
အမျက်ထွက်မှု {ဒေါသ} ကြောင့် အမျက်မထွက်မှု {အဒေါသ} မဖြစ်၊
စင်စစ်သော်ကား-
အမျက်ထွက်မှု {ဒေါသ} ကြောင့် အမျက်ထွက်မှု {ဒေါသ} သာလျှင် ဖြစ်၏။

ရဟန်းတို့ ...
တွေဝေမှု {မောဟ} ကြောင့် မတွေဝေမှု {အမောဟ} မဖြစ်၊
စင်စစ်သော်ကား-
တွေဝေမှု {မောဟ} ကြောင့် တွေဝေမှု {မောဟ} သာလျှင် ဖြစ်၏။

ရဟန်းတို့ ...
လိုချင်မှု {လောဘ} ကြောင့် ဖြစ်သော ကံ၊
အမျက်ထွက်မှု {ဒေါသ} ကြောင့် ဖြစ်သော ကံ၊
တွေဝေမှု {မောဟ} ကြောင့် ဖြစ်သော ကံတို့ကြောင့်
နတ်တို့ကို မတွေ့မြင်ရကုန်၊
လူတို့ကို မတွေ့မြင်ရကုန်၊
အခြား တစ်စုံတစ်ခုသော သုဂတိဘုံတို့ကိုလည်း မတွေ့မြင်ရကုန်။

ရဟန်းတို့ စင်စစ်သော်ကား
လိုချင်မှု {လောဘ} ကြောင့် ဖြစ်သော ကံ၊
အမျက်ထွက်မှု {ဒေါသ} ကြောင့် ဖြစ်သော ကံ၊
တွေဝေမှု {မောဟ} ကြောင့် ဖြစ်သော ကံတို့ကြောင့်
ငရဲဘုံကို တွေ့မြင်ရ၏၊
တိရစ္ဆာန်ဘုံကို တွေ့မြင်ရ၏၊
ပြိတ္တာဘုံကို တွေ့မြင်ရ၏၊
အခြား တစ်စုံတစ်ခုသော ဒုဂ္ဂတိဘုံတို့ကိုလည်း တွေ့မြင်ရကုန်၏။

ရဟန်းတို့ ...
ဝဋ်ဆင်းရဲသို့ ရောက်စေတတ်ကုန်သော ကံတို့ ဖြစ်ပေါ်ရန်
အကြောင်းတို့သည် ဤသုံးမျိုးတို့တည်း။

ရဟန်းတို့ ...
ဝဋ်ကင်းရာ နိဗ္ဗာန်သို့ ရောက်စေတတ်ကုန်သော ကံတို့ ဖြစ်ပေါ်ရန်
အကြောင်းတို့သည် ဤသုံးမျိုးတို့တည်း။

အဘယ်သုံး မျိုးတို့နည်းဟူမူ-
မလိုချင်မှု {အလောဘ} သည် ကံတို့ ဖြစ်ပေါ်ရန် အကြောင်းတည်း။
အမျက်မထွက်မှု {အဒေါသ} သည် ကံတို့ ဖြစ်ပေါ်ရန် အကြောင်းတည်း။
မတွေဝေမှု {အမောဟ} သည် ကံတို့ ဖြစ်ပေါ်ရန် အကြောင်းတည်း။

ရဟန်းတို့ ...
မလိုချင်မှု {အလောဘ} ကြောင့် လိုချင်မှု {လောဘ} မဖြစ်၊
စင်စစ်သော်ကား-
မလိုချင်မှု {အလောဘ} ကြောင့် မလိုချင်မှု {အလောဘ} သာလျှင် ဖြစ်၏။

ရဟန်းတို့ ...
အမျက်မထွက်မှု {အဒေါသ} ကြောင့် အမျက်ထွက်မှု {ဒေါသ} မဖြစ်၊
စင်စစ်သော်ကား-
အမျက်မထွက်မှု{အဒေါသ}ကြောင့် အမျက်မထွက်မှု{အဒေါသ}သာလျှင် ဖြစ်၏။

ရဟန်းတို့ ...
မတွေဝေမှု {အမောဟ} ကြောင့် တွေဝေမှု {မောဟ} မဖြစ်၊
စင်စစ်သော်ကား-
မတွေဝေမှု {အမောဟ} ကြောင့် မတွေဝေမှု {အမောဟ} သာလျှင် ဖြစ်၏။

ရဟန်းတို့ ...
မလိုချင်မှု {အလောဘ} ကြောင့် ဖြစ်သော ကံ၊
အမျက်မထွက်မှု {အဒေါသ} ကြောင့် ဖြစ်သော ကံ၊
မတွေဝေမှု {အမောဟ} ကြောင့် ဖြစ်သော ကံတို့ကြောင့်
ငရဲဘုံကို မတွေ့မြင်ရ၊
တိရစ္ဆာန်ဘုံကို မတွေ့မြင်ရ၊
ပြိတ္တာဘုံကို မတွေ့မြင်ရ၊
အခြား တစ်စုံတစ်ခုသော ဒုဂ္ဂတိဘုံတို့ကိုလည်း မတွေ့မြင်ရကုန်။

ရဟန်းတို့ ...
စင်စစ်သော်ကား မလိုချင်မှု {အလောဘ} ကြောင့် ဖြစ်သော ကံ၊
အမျက်မထွက်မှု {အဒေါသ} ကြောင့် ဖြစ်သော ကံ၊
မတွေဝေမှု {အမောဟ} ကြောင့် ဖြစ်သော ကံတို့ကြောင့်
နတ်တို့ကို တွေ့မြင် ရကုန်၏၊
လူတို့ကို တွေ့မြင်ရကုန်၏၊
အခြား တစ်စုံတစ်ခုသော သုဂတိ ဘုံဘ၀တို့ကိုလည်း တွေ့မြင်ရကုန်၏။

ရဟန်းတို့ ...
ဝဋ်ကင်းရာ နိဗ္ဗာန်သို့ ရောက်စေတတ်ကုန်သော ကံတို့ ဖြစ်ပေါ်ရန်
အကြောင်းတို့သည် ဤသုံးမျိုးတို့တည်း ဟု (မိန့်တော်မူ၏)။

၉ - နိဒါနသုတ်၊ ဒေ၀တာဝဂ်၊ ဆက္ကနိပါတ်၊ အင်္ဂုတ္တိုရ်ပါဠိတော်။

အနုတ္တရိယသုတ်- (အမြတ်ဆုံးတရား)

အနုတ္တရိယသုတ်- (အမြတ်ဆုံးတရား)

ရဟန်းတို့ အမြတ်ဆုံး တရားတို့သည် ဤခြောက်မျိုးတို့တည်း။

အဘယ်ခြောက်မျိုးတို့နည်းဟူမူ -

၁။ အမြတ်ဆုံး အမြင်။ ?
၂။ အမြတ်ဆုံး အကြား။ ?
၃။ အမြတ်ဆုံး လာဘ်။ ?
၎။ အမြတ်ဆုံး သိက္ခာ။ ?
၅။ အမြတ်ဆုံး လုပ်ကျွေးမှု။ ?
၆။ အမြတ်ဆုံး အောက်မေ့မှုတို့တည်း။ ?

၁...
ရဟန်းတို့ အမြတ်ဆုံး အမြင်မျိုးဟူသည် အဘယ်သို့ ဖြစ်သနည်း -

ရဟန်းတို့ ဤလောက၌ အချို့သော သူသည် ဆင်ရတနာကိုလည်း ကြည့်ရှုရန် သွား၏၊ မြင်းရတနာကိုလည်း ကြည့်ရှုရန် သွား၏၊ ပတ္တမြားရတနာကိုလည်း ကြည့်ရှုရန် သွား၏၊ အမြတ် အယုတ်ကိုမူလည်း ကြည့်ရှုရန် သွား၏၊ မှားသော အယူ မှားသော အကျင့်ရှိသော သမဏကိုဖြစ်စေ ဗြာဟ္မဏကိုဖြစ်စေ ကြည့်ရှုရန် သွား၏၊
ရဟန်းတို့ ဤအမြင်သည် ရှိ၏၊ ဤအမြင်မျိုးကို မရှိ ဟူ၍ ငါမဆို။

ရဟန်းတို့ ထို ဆင်ရတနာစသည်ကို မြင်ရခြင်းသည် ယုတ်သော အမြင်ပင်တည်း၊ ရွာနေသူတို့၏ အမြင်ပင်တည်း၊ ပုထုဇဉ်တို့၏ အမြင်ပင်တည်း၊ အရိယာ မဟုတ်သူ တို့၏ အမြင်ပင်တည်း၊ အကျိုးစီးပွါးနှင့် မစပ်၊ (၀ဋ်ဒုက္ခ၌ ) ငြီးငွေ့ရန် မဖြစ်၊ ရာဂ ကင်းရန် မဖြစ်၊ ရာဂစသည် ချုပ်ရန် မဖြစ်၊ ငြိမ်းချမ်းရန် မဖြစ်၊ ထူးသော ဉာဏ်ဖြင့် သိရန် မဖြစ်၊ (သစ္စာလေးပါး တရားကို) ထိုးထွင်း၍ သိရန်မဖြစ်၊ နိဗ္ဗာန် အကျိုးငှါ မဖြစ်။

ရဟန်းတို့ အကြင်သူသည်ကား သက်ဝင်သော သဒ္ဓါ သက်ဝင်သော ချစ်ခြင်းရှိ သည် ဖြစ်၍ စင်စစ် မတုန်မလှုပ်ခြင်းသို့ရောက်ကာ အလွန်ကြည်ညိုလျက် မြတ်စွာ ဘုရားကိုဖြစ်စေ မြတ်စွာဘုရား၏ တပည့်သာဝကကို ဖြစ်စေ ဖူးမြော်ရန် သွား၏။ (ထိုသူ၏) ဤဖူးမြော်ရခြင်းမျိုးသည် သတ္တ၀ါတို့၏ ကိလေသာမှ စင်ကြယ်ရန်၊ ပူဆွေးမှု ငိုကြွေးမှုတို့ကို လွန်မြောက်ရန်၊ ဆင်းရဲခြင်း နှလုံးမသာခြင်းတို့၏ ချုပ်ရန်၊ မဂ်ဉာဏ်ကိုရရန်၊ နိဗ္ဗာန်ကို မျက်မှောက်ပြုရန် အမြတ်ဆုံး အမြင်ဖြစ်၏။

ရဟန်းတို့ ဤအမြင်ကို အမြတ်ဆုံး အမြင်ဟူ၍ ဆိုအပ်၏၊
ဤသည်ကား အမြတ်ဆုံး အမြင်တည်း။

၂...
အမြတ်ဆုံး အကြားမျိုးဟူသည် အဘယ်သို့ ဖြစ်သနည်း -

ရဟန်းတို့ ဤလောက၌ အချို့သော သူသည် စည်တီးသံကိုလည်း ကြားရန် သွား၏၊ စောင်းသံကိုလည်း ကြားရန် သွား၏၊ သီချင်း ဆိုသံကိုလည်း ကြားရန် သွား၏၊ မြတ်သောအသံ ယုတ်သောအသံတို့ကိုလည်း ကြားရန် သွား၏၊ မှားသော အယူ မှားသော အကျင့်ရှိသော သမဏ၏ လည်းကောင်း၊ ဗြာဟ္မဏ၏ လည်း ကောင်း တရားကိုလည်း ကြားရန် သွား၏၊
ရဟန်းတို့ ဤကြားခြင်းမျိုးသည် ရှိ၏၊ ဤသို့ ကြားခြင်းမျိုးကို မရှိဟူ၍ ငါ မဆို၊

ရဟန်းတို့ ထိုသို့သော ကြားခြင်းမျိုးသည် ယုတ်သော အကြားတည်း၊ ရွာနေသူတို့ ၏ အကြားပင်တည်း၊ ပုထုဇဉ်တို့၏ အကြားပင်တည်း၊ အရိယာမဟုတ် သူတို့၏ အကြားပင်တည်း၊ အကျိုးစီးပွါးနှင့် မစပ်၊ ၀ဋ်ဒုက္ခ၌ ငြီးငွေ့ရန်မဖြစ်၊ ရာဂကင်းရန် မဖြစ်၊ ရာဂ စသည် ချုပ်ရန် မဖြစ်၊ ငြိမ်းချမ်းရန် မဖြစ်၊ ထူးသော ဉာဏ်ဖြင့် သိရန် မဖြစ်၊ (သစ္စာလေးပါး တရားကို) ထိုးထွင်း၍ သိရန် မဖြစ်၊ နိဗ္ဗာန် အကျိုးငှါ မဖြစ်။
ရဟန်းတို့ အကြင်သူသည်ကား သက်ဝင်သော ယုံကြည်မှု {သဒ္ဓါ} သက်ဝင်သော ချစ်ခြင်းရှိသည် ဖြစ်၍ စင်စစ် မတုန်မလှုပ်ခြင်းသို့ ရောက်ကာ အလွန် ကြည်ညို လျက် မြတ်စွာဘုရား၏ လည်းကောင်း၊ မြတ်စွာဘုရား တပည့်သာဝက၏ လည်း ကောင်း တရားတော်ကို ကြားနာရန် သွား၏။ ရဟန်းတို့ သက်ဝင်သော ယုံကြည်မှု {သဒ္ဓါ}သက်ဝင်သော ချစ်ခြင်းရှိသည်ဖြစ်၍ စင်စစ် မတုန်မလှုပ်ခြင်းသို့ရောက်ကာ အလွန် ကြည်ညိုလျက် မြတ်စွာဘုရား၏ လည်းကောင်း၊ မြတ်စွာဘုရား တပည့် သာဝက၏ လည်းကောင်း တရားတော်ကို အကြင် ကြားနာရန် သွား၏၊ (ထိုသူ၏) ဤအကြားမျိုးသည် သတ္တ၀ါတို့၏ ကိလေသာမှ စင်ကြယ်ရန်၊ ပူဆွေးမှု ငိုကြွေးမှု တို့ကို လွန်မြောက်ရန်၊ ဆင်းရဲခြင်း နှလုံး မသာခြင်းတို့၏ ချုပ်ရန်၊ မဂ်ဉာဏ်ကို ရရန်၊ နိဗ္ဗာန်ကို မျက်မှောက်ပြုရန် အမြတ်ဆုံး အကြားဖြစ်၏။

ရဟန်းတို့ ဤအကြားကို အမြတ်ဆုံး အကြားဟူ၍ ဆိုအပ်၏၊
ဤသည်ကား အမြတ်ဆုံး အမြင် အမြတ်ဆုံး အကြားပေတည်း။

၃...
အမြတ်ဆုံး လာဘ် ဟူသည် အဘယ်သို့ ဖြစ်သနည်း -

ရဟန်းတို့ ဤလောက၌ အချို့သောသူသည် သား လာဘ်ကိုလည်း ရ၏၊ မယား လာဘ်ကိုလည်း ရ၏၊ ဥစ္စာ လာဘ်ကိုလည်း ရ၏၊ မြတ်သောလာဘ် ယုတ်သော လာဘ်ကိုလည်း ရ၏၊ မှားသော အယူ မှားသော အကျင့်ရှိသော သမဏ၌ ဖြစ်စေ ဗြာဟ္မဏ၌ ဖြစ်စေ ယုံကြည်မှု {သဒ္ဓါ}ကို ရ၏၊ ရဟန်းတို့ ဤလာဘ်မျိုးသည် ရှိ၏၊ ဤလာဘ်မျိုးကို မရှိဟူ၍ ငါ မဆို၊ ရဟန်းတို့ ဤလာဘ်မျိုးသည် ယုတ်သော လာဘ်တည်း၊ ရွာနေသူတို့၏ လာဘ်ပင်တည်း၊ ပုထုဇဉ်တို့၏ လာဘ်ပင်တည်း၊ အရိယာမဟုတ်သူတို့၏ လာဘ်ပင်တည်း၊ အကျိုးစီးပွါးနှင့် မစပ်၊ (၀ဋ်ဒုက္ခ၌ ) ငြီးငွေ့ရန် မဖြစ်၊ ရာဂ ကင်းရန် မဖြစ်၊ ရာဂစသည် ချုပ်ရန် မဖြစ်၊ ငြိမ်းချမ်းရန် မဖြစ်၊ ထူးသောဉာဏ်ဖြင့် သိရန် မဖြစ်၊ (သစ္စာလေးပါး တရားကို) ထိုးထွင်း၍ သိရန် မဖြစ်၊ နိဗ္ဗာန်အကျိုးငှါ မဖြစ်။

ရဟန်းတို့ အကြင်သူသည်ကား သက်ဝင်သော ယုံကြည်မှု {သဒ္ဓါ} သက်ဝင်သော ချစ်ခြင်းရှိသည်ဖြစ်၍ စင်စစ် မတုန်မလှုပ်ခြင်းသို့ ရောက်ကာ အလွန် ကြည်ညို လျက် မြတ်စွာဘုရား၌ ဖြစ်စေ မြတ်စွာဘုရား၏ တပည့်သာဝက၌ ဖြစ်စေ ယုံကြည်မှု {သဒ္ဓါ} တရားကို ရ၏။ ရဟန်းတို့ သက်ဝင်သော ယုံကြည်မှု {သဒ္ဓါ} သက်ဝင်သော ချစ်ခြင်းရှိသည် ဖြစ်၍ စင်စစ် မတုန်မလှုပ်ခြင်းသို့ ရောက်ကာ အလွန် ကြည်ညိုလျက် မြတ်စွာဘုရား၌ဖြစ်စေ မြတ်စွာဘုရား၏ တပည့်သာဝက၌ ဖြစ်စေ အကြင် ယုံကြည်မှု {သဒ္ဓါ} တရားကို ရ၏။ (ထိုသူ၏) ဤလာဘ်မျိုးသည် သတ္တ၀ါတို့၏ ကိလေသာမှ စင်ကြယ်ရန်၊ ပူဆွေးမှု ငိုကြွေးမှုတို့ကို လွန်မြောက်ရန်၊ ဆင်းရဲခြင်း နှလုံးမသာခြင်းတို့၏ ချုပ်ရန်၊ မဂ်ဉာဏ်ကို ရရန်၊ နိဗ္ဗာန်ကို မျက်မှောက် ပြုရန် အမြတ်ဆုံး လာဘ်ဖြစ်၏။

ရဟန်းတို့ ဤလာဘ်ကို အမြတ်ဆုံး လာဘ် ဟူ၍ ဆိုအပ်၏။
ဤသည်ကား အမြတ်ဆုံးအမြင် အမြတ်ဆုံးအကြား အမြတ်ဆုံးလာဘ်ပေတည်း။

၎...
အမြတ်ဆုံး သိက္ခာဟူသည် အဘယ်သို့ ဖြစ်သနည်း -

ရဟန်းတို့ ဤလောက၌ အချို့သောသူသည် ဆင်စီးအတတ်ကိုလည်း သင်ယူ၏၊ မြင်းစီးအတတ်ကိုလည်း သင်ယူ၏၊ ရထားစီးအတတ်ကိုလည်း သင်ယူ၏၊ လေးပစ် အတတ်ကိုလည်း သင်ယူ၏၊ မြတ်သော အတတ် ယုတ်သော အတတ်ကိုလည်း သင်ယူ၏၊ မှားသောအယူ မှားသောအကျင့်ရှိသော သမဏ၏ လည်းကောင်း၊ ဗြာဟ္မဏ၏ လည်းကောင်း မှားသော အကျင့်ကို သင်ယူ၏။
ရဟန်းတို့ ဤသင်ယူမှုမျိုးသည် ရှိ၏၊ ဤသင်ယူမှုမျိုးကို မရှိဟူ၍ ငါမဆို။

ရဟန်းတို့ ဤသို့ သဘောရှိသော သင်ယူမှုမျိုးသည် ယုတ်သော သင်ယူမှုပင် တည်း၊ ရွာသူတို့၏ သင်ယူမှုပင်တည်း၊ ပုထုဇဉ်တို့၏ သင်ယူမှုပင်တည်း၊ အရိယာ မဟုတ် သူတို့၏ သင်ယူမှုပင်တည်း၊ အကျိုးစီးပွါးနှင့် မစပ်၊ (၀ဋ်ဒုက္ခ၌ ) ငြီးငွေ့ရန် မဖြစ်၊ ရာဂကင်းရန် မဖြစ်၊ ရာဂစသည် ချုပ်ရန် မဖြစ်၊ ငြိမ်းချမ်းရန် မဖြစ်၊ ထူးသော ဉာဏ်ဖြင့် သိရန် မဖြစ်၊ (သစ္စာလေးပါး တရားကို) ထိုးထွင်း၍ သိရန်မဖြစ်၊ နိဗ္ဗာန် အကျိုးငှါ မဖြစ်။

ရဟန်းတို့ အကြင်သူသည်ကား သက်ဝင်သော ယုံကြည်မှု {သဒ္ဓါ} သက်ဝင်သော ချစ်ခြင်းရှိသည်ဖြစ်၍ စင်စစ် မတုန်မလှုပ်ခြင်းသို့ ရောက်ကာ အလွန် ကြည်ညို လျက် မြတ်စွာဘုရား ဟောကြားတော် မူအပ်သော ဓမ္မ၀ိနယ {သာသနာ}၌ လွန်ကဲသော သီလကိုလည်း သင်ယူ၏၊ လွန်ကဲသော သမာဓိကိုလည်း သင်ယူ၏၊ လွန်ကဲသော ပညာကိုလည်း သင်ယူ၏။ ရဟန်းတို့ သက်ဝင်သော ယုံကြည်မှု {သဒ္ဓါ} သက်ဝင်သော ချစ်ခြင်းရှိသည် ဖြစ်၍ စင်စစ် မတုန်မလှုပ်ခြင်းသို့ ရောက်ကာ အလွန် ကြည်ညိုလျက် မြတ်စွာဘုရား ဟောကြားတော် မူအပ်သော ဓမ္မ၀ိနယ {သာသနာ} ၌ လွန်ကဲသော သီလကိုလည်း အကြင်သင်ယူ၏၊ လွန်ကဲသော သမာဓိကိုလည်း အကြင် သင်ယူ၏၊ လွန်ကဲသော ပညာကိုလည်း အကြင် သင်ယူ၏၊ (ထိုသူ၏) ဤသင်ယူမှုမျိုးသည် သတ္တ၀ါတို့၏ ကိလေသာမှ စင်ကြယ်ရန်၊ ပူဆွေးမှု ငိုကြွေးမှုတို့ကို လွန်မြောက်ရန်၊ ဆင်းရဲခြင်း နှလုံးမသာခြင်း တို့၏ ချုပ်ရန်၊ မဂဉာဏ်ကို ရရန်၊ နိဗ္ဗာန်ကို မျက်မှောက်ပြုရန် အမြတ်ဆုံး သင်ယူ မှုဖြစ်၏။
ရဟန်းတို့ ဤသင်ယူမှုကို အမြတ်ဆုံးသိက္ခာဟူ၍ ဆိုအပ်၏။
ဤသည်ကား အမြတ်ဆုံးအမြင် အမြတ်ဆုံးအကြား အမြတ်ဆုံးလာဘ် အမြတ်ဆုံး သိက္ခာပင်တည်း။

၅...
အမြတ်ဆုံး လုပ်ကျွေးမှုမျိုးသည် အဘယ်သို့ ဖြစ်သနည်း -

ရဟန်းတို့ ဤလောက၌ အချို့သောသူသည် မင်းကိုလည်း လုပ်ကျွေး၏၊ ပုဏ္ဏား ကိုလည်း လုပ်ကျွေး၏၊ သူဌေး သူကြွယ်ကိုလည်း လုပ်ကျွေး၏၊ မြတ်သောသူ ယုတ်သော သူကိုလည်း လုပ်ကျွေး၏၊ မှားသောအယူ မှားသောအကျင့်ရှိသော သမဏကိုဖြစ်စေ ဗြာဟ္မဏကိုဖြစ်စေ လုပ်ကျွေး၏၊
ရဟန်းတို့ ဤလုပ်ကျွေးမှုမျိုးသည် ရှိ၏၊ ဤလုပ်ကျွေးမှုမျိုးကို မရှိဟူ၍ ငါမဆို။

ရဟန်းတို့ ဤသို့ သဘောရှိသော လုပ်ကျွေးမှုသည် ယုတ်ညံ့သော လုပ်ကျွေးမှုပင် တည်း၊ ရွာသူတို့၏ လုပ်ကျွေးမှုပင်တည်း၊ ပုထုဇဉ်တို့၏ လုပ်ကျွေးမှုပင်တည်း၊ အရိယာ မဟုတ်သူတို့၏ လုပ်ကျွေးမှုပင်တည်း၊ အကျိုးစီးပွါးနှင့် မစပ်၊ (၀ဋ်ဒုက္ခ၌ ) ငြီးငွေ့ရန် မဖြစ်။ပ။ နိဗ္ဗာန် အကျိုးငှါ မဖြစ်။

ရဟန်းတို့ အကြင်သူသည်ကား သက်ဝင်သော ယုံကြည်မှု {သဒ္ဓါ} သက်ဝင်သော ချစ်ခြင်းရှိသည်ဖြစ်၍ စင်စစ် မတုန်မလှုပ်ခြင်းသို့ ရောက်ကာ အလွန် ကြည်ညို လျက် မြတ်စွာဘုရားကို ဖြစ်စေ မြတ်စွာဘုရား၏ တပည့်သာဝကကို ဖြစ်စေ လုပ်ကျွေး၏။ ရဟန်းတို့ သက်ဝင်သော ယုံကြည်မှု{သဒ္ဓါ} သက်ဝင်သော ချစ်ခြင်း ရှိသည် ဖြစ်၍ စင်စစ် မတုန်မလှုပ်ခြင်းသို့ ရောက်ကာ အလွန် ကြည်ညိုလျက် မြတ်စွာဘုရားကိုဖြစ်စေ မြတ်စွာဘုရား၏ တပည့်သာဝကကို ဖြစ်စေ အကြင် လုပ်ကျွေး၏။ ထိုသူ၏ ဤလုပ်ကျွေးမှုမျိုးသည် သတ္တ၀ါတို့၏ ကိလေသာမှ စင်ကြယ်ရန်၊ ပူဆွေးမှု ငိုကြွေးမှုတို့ကို လွန်မြောက်ရန်၊ ဆင်းရဲခြင်း နှလုံးမသာ ခြင်းတို့၏ ချုပ်ရန်၊ မဂ်ဉာဏ်ကို ရရန်၊ နိဗ္ဗာန်ကို မျက်မှောက်ပြုရန် အမြတ်ဆုံး လုပ်ကျွေးမှုဖြစ်၏။
ရဟန်းတို့ ဤလုပ်ကျွေးမှုကို အမြတ်ဆုံး လုပ်ကျွေးမှု ဟူ၍ ဆိုအပ်၏။
ဤသည်ကား အမြတ်ဆုံးအမြင် အမြတ်ဆုံးအကြား အမြတ်ဆုံးလာဘ် အမြတ်ဆုံး သိက္ခာ အမြတ်ဆုံးလုပ်ကျွေးမှု ပင်တည်း။

၆...
အမြတ်ဆုံး အောက်မေ့မှုသည် အဘယ်သို့ ဖြစ်သနည်း -

ရဟန်းတို့ ဤလောက၌ အချို့သောသူသည် သားသမီးရမှုကိုလည်း အဖန်ဖန် အောက်မေ့၏၊ မယားရမှုကိုလည်း အဖန်ဖန် အောက်မေ့၏၊ ဥစ္စာရမှုကိုလည်း အဖန်ဖန် အောက်မေ့၏၊ မြတ်သောလာဘ် ယုတ်သော လာဘ်ကိုလည်း အဖန်ဖန် အောက်မေ့၏၊ မှားသောအယူ မှားသောအကျင့်ရှိသော သမဏကိုဖြစ်စေ ဗြာဟ္မဏကိုဖြစ်စေ အဖန်ဖန် အောက်မေ့၏။
ရဟန်းတို့ ဤသို့သော အဖန်ဖန် အောက်မေ့မှု မျိုးသည် ရှိ၏၊
ဤအောက်မေ့မှုမျိုးကို မရှိဟူ၍ ငါမဆို။

ရဟန်းတို့ ဤသို့ သဘောရှိသော အောက်မေ့မှုမျိုးသည် ယုတ်သော အောက်မေ့ မှုပင်တည်း၊ ရွာသူတို့၏ အောက်မေ့မှုပင်တည်း၊ ပုထုဇဉ်တို့၏ အောက်မေ့မှုပင် တည်း၊ အရိယာ မဟုတ်သူတို့၏ အောက်မေ့မှုပင်တည်း၊ အကျိုးစီးပွါးနှင့် မစပ်၊ (၀ဋ်ဒုက္ခ၌ ) ငြီးငွေ့ရန် မဖြစ်၊ ရာဂ ကင်းရန် မဖြစ်၊ ရာဂစသည် ချုပ်ရန် မဖြစ်၊ ငြိမ်းချမ်းရန် မဖြစ်၊ ထူးသော ဉာဏ်ဖြင့် သိရန် မဖြစ်၊ (သစ္စာလေးပါးတရားကို) ထိုးထွင်း၍ သိရန် မဖြစ်၊ နိဗ္ဗာန်အကျိုးငှါ မဖြစ်။

ရဟန်းတို့ အကြင်သူသည်ကား သက်ဝင်သော ယုံကြည်မှု {သဒ္ဓါ} သက်ဝင်သော ချစ်ခြင်းရှိသည်ဖြစ်၍ စင်စစ် မတုန်မလှုပ်ခြင်းသို့ ရောက်ကာ အလွန် ကြည်ညို လျက် မြတ်စွာဘုရားကို ဖြစ်စေ မြတ်စွာဘုရား၏ တပည့်သာဝကကို ဖြစ်စေ အဖန်ဖန် အောက်မေ့၏။ ရဟန်းတို့ သက်ဝင်သော ယုံကြည်မှု {သဒ္ဓါ} သက်ဝင် သော ချစ်ခြင်းရှိသည် ဖြစ်၍ စင်စစ်မတုန်မလှုပ်ခြင်းသို့ ရောက်ကာ အလွန် ကြည်ညိုလျက် မြတ်စွာဘုရားကို ဖြစ်စေ မြတ်စွာဘုရား၏တပည့်သာဝကကို ဖြစ်စေ အကြင် အဖန်တလဲလဲ အောက်မေ့၏၊ (ထိုသူ၏) ဤအောက်မေ့မှုမျိုး သည်သတ္တ၀ါတို့၏ ကိလေသာမှ စင်ကြယ်ရန်၊ ပူဆွေးမှု ငိုကြွေးမှုတို့ကို လွန်မြောက်ရန်၊ ဆင်းရဲခြင်းနှလုံးမသာခြင်းတို့၏ ချုပ်ရန်၊ မဂ်ဉာဏ်ကို ရရန်၊ နိဗ္ဗာန်ကို မျက်မှောက်ပြုရန် အမြတ်ဆုံး အောက်မေ့မှုဖြစ်၏။
ရဟန်းတို့ ဤအောက်မေ့မှုကို အမြတ်ဆုံး အောက်မေ့မှု ဟူ၍ ဆိုအပ်၏။

ရဟန်းတို့ ...
ဤသည်တို့ကား အမြတ်ဆုံး တရားခြောက်မျိုးတို့တည်း ဟု (မိန့်တော်မူ၏)။

အကြင်သူတို့သည် အမြတ်ဆုံးအမြင် အမြတ်ဆုံးအကြား အမြတ်ဆုံးလာဘ်ကို ရသည် ဖြစ်၍ အမြတ်ဆုံး သင်ယူမှု၌ မွေ့လျော်ပြီးလျှင် အမြတ်ဆုံး လုပ်ကျွေးမှု၌ တည်လျက် ဆိတ်ငြိမ်ခြင်း {၀ိဝေက}နှင့် ယှဉ်သော ဘေးကင်း၍ မသေရာ (နိဗ္ဗာန်)သို့ ရောက်စေတတ်သည့် အမြတ်ဆုံး အောက်မေ့မှုကို ပွါးများကုန်၏။ ထိုသူတို့သည် မမေ့မလျော့မှု၌ ၀မ်းမြောက်ကုန် ရင့်ကျက်သော ပညာရှိကုန် သီလ ကို စောင့်ရှောက်ကုန်သည် ဖြစ်၍ စင်စစ် ဆင်းရဲဒုက္ခ ချုပ်ရာ နိဗ္ဗာန်ကို လျောက် ပတ်သော အခါ၌ သိကြလေကုန်သတည်း။

၁၀ - အနုတ္တရိယသုတ်၊ အနုတ္တရိယ၀ဂ်၊ ဆက္ကနိပါတ်၊ အင်္ဂုတ္တိုရ်ပါဠိတော်။

သမဏသုတ်- ရဟန်းတို့၏ဥစ္စာ...

သမဏသုတ်

သမဏသုတ်၊ သမဏ၀ဂ်၊ တိကနိပါတ်၊ အင်္ဂုတ္တိုရ်ပါဠိတော်။

သမဏသုတ်

ရဟန်း၏ ဥစ္စာ
ရဟန်းတို့ ပြုရမည့် ကိစ္စ ၃-မျိုး

၁။ အဓိသီလသိက္ခာကို ဆောက်တည်ခြင်း၊
၂။ အဓိစိတ္တသိက္ခာကို ဆောက်တည်ခြင်း၊
၃။ အဓိပညာသိက္ခာကို ဆောက်တည်ခြင်းတို့တည်း။

ရဟန်းတို့ ထို့ကြောင့် ဤသာသနာတော်၌-
''အဓိသီလသိက္ခာကို ဆောက်တည်ရာ၌ ငါတို့အား
ထက်သန်သော ဆန္ဒဖြစ်လတ္တံ့၊
အဓိစိတ္တသိက္ခာကို ဆောက်တည်ရာ၌ ငါတို့အား ထက်သန်သော
ဆန္ဒဖြစ် လတ္တံ့၊
အဓိပညာသိက္ခာကို ဆောက်တည်ရာ၌ ငါတို့အား ထက်သန် သော ဆန္ဒဖြစ်လတ္တံ့'' ဟု
ဤအတိုင်းသာ သင်တို့ ကျင့်ကြရမည်။
ရဟန်းတို့ ဤသို့လျှင် သင်တို့ ကျင့်ရမည် ဟု (မိန့်တော်မူ၏)။
ပဌမသုတ်။

သမဏသုတ်၊ သမဏဝဂ်၊ တိကနိပါတ်၊ အင်္ဂုတ္တိုရ်ပါဠိတော်။

ကမ္မနိဒါနသုတ်

ကမ္မနိဒါနသုတ်

ရဟန်းတို့ ...
လောဘ ဒေါသ မောဟအကြောင်းခံရှိ၍

သူ့အသက်သတ်ခြင်းကို လည်းကောင်း-
ကာမတို့၌ မှားယွင်းစွာကျင့်ခြင်းကို လည်းကောင်း-
မဟုတ်မမှန် ပြောခြင်းကို လည်းကောင်း-
ကုန်းစကားကို လည်းကောင်း-
ရုန့်ရင်းကြမ်းတမ်းသော စကားကို လည်းကောင်း-
ပြိန်ဖျင်းသော စကားကိုလည်း လည်းကောင်း-
ရှေးရှုကြံစည်မှု {အဘိဇ္ဈာ}ကို လည်းကောင်း-
ပျက်စီးစေလိုမှု {ဗျာပါဒ}ကို လည်းကောင်း-
မှားယွင်းသော အယူ {မိစ္ဆာဒဋ္ဌိ} တို့ကို ဖြစ်စေ၏။

ရဟန်းတို့ ဤသို့လျှင် ...
လောဘသည် ကံအကြောင်း ဖြစ်၏၊
ဒေါသသည် ကံအကြောင်း ဖြစ်၏၊
မောဟသည် ကံအကြောင်း ဖြစ်၏၊

လောဘကုန်ခြင်းကြောင့် ကံအကြောင်းကုန်၏၊
ဒေါသကုန်ခြင်းကြောင့် ကံအကြောင်းကုန်၏၊
မောဟကုန်ခြင်းကြောင့် ကံအကြောင်းကုန်၏ဟု (မိန့်တော်မူ၏)။

၈ - ကမ္မနိဒါနသုတ်၊ ဇာဏုေဿာဏိဝဂ်၊ ဒသကနိပါတ်၊ အင်္ဂုတ္တိုရ်ပါဠိတော်။

ဗဟုကာရသုတ်- ကျေးဇူးကြီးမားသူသုံးဦး

ဗဟုကာရသုတ်- (ကျေးဇူးများသည်)

ရဟန်းတို့ ဤပုဂ္ဂိုလ်သုံးမျိုးတို့သည် အခြားပုဂ္ဂိုလ်အား များစွာ ကျေးဇူးရှိကုန်၏။

အဘယ် သုံးမျိုးတို့နည်း ဟူမူ-

၁...
ရဟန်းတို့ အကြင် ပုဂ္ဂိုလ်ကို အကြောင်းပြု၍ အခြားပုဂ္ဂိုလ်သည်
မြတ်စွာဘုရားကို ကိုးကွယ်ရာဟု ဆည်းကပ်၏၊
တရားတော်ကို ကိုးကွယ်ရာဟု ဆည်းကပ်၏၊
သံဃာတော်ကို ကိုးကွယ်ရာဟူ၍ ဆည်းကပ်၏။
ရဟန်းတို့ ဤပုဂ္ဂိုလ်သည် အခြားပုဂ္ဂိုလ်အား များစွာ ကျေးဇူးရှိ၏။

၂...
ရဟန်းတို့ အကြင် ပုဂ္ဂိုလ်ကို အကြောင်းပြု၍ အခြားပုဂ္ဂိုလ်သည်
{{ဤကား ဆင်းရဲတည်း}} ဟု ဟုတ်မှန်သောအတိုင်း သိ၏၊
{{ဤကား ဆင်းရဲဖြစ်ကြောင်းတည်း}} ဟု ဟုတ်မှန်သော အတိုင်း သိ၏၊
{{ဤကား ဆင်းရဲချုပ်ရာ {နိဗ္ဗာန်} တည်း}} ဟု ဟုတ်မှန်သော အတိုင်း သိ၏၊
{{ဤကား ဆင်းရဲချုပ်ရာ {နိဗ္ဗာန်} သို့ ရောက်ကြောင်း အကျင့်တည်း}} ဟု
ဟုတ်မှန်သောအတိုင်း သိ၏။
ရဟန်းတို့ ဤပုဂ္ဂိုလ်သည် အခြားပုဂ္ဂိုလ်အား များစွာ ကျေးဇူးရှိ၏။

၃...
ရဟန်းတို့ နောက်တစ်မျိုးကား အကြင် ပုဂ္ဂိုလ်ကို အကြောင်းပြု၍ အခြားပုဂ္ဂိုလ် သည် အာသဝေါတရားတို့၏ ကုန်ခြင်းကြောင့် အာသဝေါကင်းသော၊ ကိလေသာမှ လွတ်မြောက်သော အရဟတ္တဖိုလ်စိတ်နှင့် ကိလေသာမှ လွတ်မြောက်သော အရဟတ္တဖိုလ်ပညာကို ထူးသော ဉာဏ်ဖြင့် သိ၍ မျက်မှောက် ပြုလျက် ရောက်၍ နေ၏။ ရဟန်းတို့ ဤပုဂ္ဂိုလ်သည် အခြားပုဂ္ဂိုလ်အား များစွာ ကျေးဇူးရှိ၏။

ရဟန်းတို့ ဤပုဂ္ဂိုလ် သုံးမျိုးသည် အခြားပုဂ္ဂိုလ်အား များစွာ ကျေးဇူး ရှိကုန်၏။
ရဟန်းတို့ ဤပုဂ္ဂိုလ်အား ဤပုဂ္ဂိုလ်သုံးမျိုးတို့မှ တစ်ပါး များစွာကျေးဇူးရှိသည့် အခြားပုဂ္ဂိုလ်ကား မရှိဟု ငါဆို၏၊ ရဟန်းတို့ ဤပုဂ္ဂိုလ်သုံးမျိုးတို့အား ဤအခြား ပုဂ္ဂိုလ်သည် ရှိခိုးခြင်း ခရီးဦး ကြိုဆိုခြင်း လက်အုပ်ချီခြင်း အရိုအသေပြုခြင်း သင်္ကန်း ဆွမ်း ကျောင်း သူနာ၏ အထောက်အပံ့ ဖြစ်သော ဆေးပစ္စည်းတို့ဖြင့် ချီးမြှောက်ခြင်းဖြင့် ကောင်းစွာ ကျေးဇူးတုံ့ပြန်ခြင်းငှါ မလွယ်ဟု ငါဆို၏။

၎ - ဗဟုကာရသုတ်၊ ပုဂ္ဂလ၀ဂ်၊ တိကနိပါတ်၊ အင်္ဂုတ္တိုရ်ပါဠိတော်။

သီလပျက်စီးသူ၏ အပြစ်-

သီလပျက်စီးသူ၏ အပြစ် ၅-ပါး-

မြတ်စွာဘုရားသည် နာဠန္ဒာမြို့၌ အလိုရှိသမျှနေတော်မူပြီးလျှင်
{{အာနန္ဒာ လာသွားကုန်အံ့၊ ပါဋလိရွာဆီသို့ ချဉ်းကပ်ကုန်အံ့}} ဟု
အသျှင်အာနန္ဒာအား မိန့်တော်မူ၏။

{{အသျှင်ဘုရား ကောင်းပါပြီ}} ဟု အသျှင်အာနန္ဒာသည်
မြတ်စွာဘုရားအား ၀န်ခံ၏။

ထိုအခါ မြတ်စွာဘုရားသည် များစွာသော ရဟန်းသံဃာတို့နှင့်အတူ ပါဋလိရွာသို့ ကြွရောက်တော်မူ၏။ ပါဋလိရွာသား ဥပါသကာတို့သည် {{မြတ်စွာဘုရား ပါဋလိ ရွာသို့ ရောက်တော်မူ၏}} ဟု ကြားကုန်၏၊ ထိုအခါ ပါဋလိရွာသား ဥပါသကာတို့ သည် မြတ်စွာဘုရားထံသို့ ချဉ်းကပ်၍ မြတ်စွာဘုရားကို ရှိခိုးပြီးလျှင် တစ်ခုသော နေရာ၌ ထိုင်ကုန်ပြီးသော် {{မြတ်စွာဘုရားသည် အကျွန်ုပ်တို့၏ ဧည့်တည်းခိုရာ ဇရပ်ကို လက်ခံတော်မူပါ မြတ်စွာဘုရား}} ဟု မြတ်စွာဘုရားအား လျှောက်ကုန် ၏။
မြတ်စွာဘုရားသည် ဆိတ်ဆိတ်နေသဖြင့် လက်ခံတော်မူ၏။

ထိုအခါ ပါဋလိရွာသား ဥပါသကာတို့သည် မြတ်စွာဘုရား လက်ခံတော်မူသည်ကို သိသဖြင့် နေရာမှထကာ မြတ်စွာဘုရားကို ရှိခိုးလျက် အရိုအသေပြုပြီးလျှင် ဧည့်တည်းခိုရာဇရပ်သို့ ချဉ်းကပ်ကုန်၍၊ ထိုဧည့်တည်းခိုရာဇရပ်၌ ခင်းနှီးအပြည့် ခင်းခြင်း ထိုင်နေစရာတို့ကို ပြင်ထားခြင်း ရေပြည့်အိုးကြီးကို တည်ထားခြင်း ဆီမီးထွန်းထားခြင်းတို့ကို ပြုပြီးလျှင် မြတ်စွာဘုရားထံသို့ ချဉ်းကပ်ပြန်ကုန်၏၊ ချဉ်းကပ်ပြီး၍ မြတ်စွာဘုရားကို ရှိခိုးလျက် တစ်ခုသော နေရာ၌ ရပ်ပြီးသော် ပါဋ လိရွာသား ဥပါသကာတို့သည် မြတ်စွာဘုရားအား ဤစကားကို လျှောက်ကုန်၏-

{{အသျှင်ဘုရား ဧည့်တည်းခိုရာ ဇရပ်၌ ခင်းနှီးအပြည့် ခင်းပြီးပါပြီ၊ ထိုင်နေစရာ တို့ကိုလည်း ပြင်ထားပြီးပါပြီ၊ ရေပြည့်အိုးကြီးကိုလည်း တည်ထားပြီးပါပြီ၊ ဆီမီးကို လည်း ထွန်းထားပြီးပါပြီ။ အသျှင်ဘုရား ယခုအခါ၌ ကြွတော်မူရန် အချိန်ကို မြတ်စွာဘုရား သိတော်မူပါသည် (ကြွရန်မှာ မြတ်စွာဘုရား၏ အလိုတော်အတိုင်း ပင် ဖြစ်ပါသည်)}} ဟု (လျှောက်ကုန်၏)။

ထိုအခါ မြတ်စွာဘုရားသည် နံနက်အချိန်၌ သင်္ကန်းကို ပြင်ဝတ်တော်မူ၍ သပိတ်သင်္ကန်းကို ယူလျက် ရဟန်းသံဃာနှင့်အတူ ဧည့်တည်းခိုရာ ဇရပ်သို့ ချဉ်းကပ်တော်မူပြီးလျှင် ခြေဆေးတော်မူ၍ ဧည့်တည်းခိုရာ ဇရပ်သို့ ၀င်ပြီးသော် အလယ်တိုင်ကို မှီလျက် အရှေ့အရပ်သို့ မျက်နှာမူကာ ထိုင်နေတော်မူ၏။

ရဟန်းသံဃာသည်လည်း ခြေဆေး၍ ဧည့်တည်းခိုရာ ဇရပ်သို့ ၀င်ပြီးသော် အနောက်ဘက် နံရံကိုမှီလျက် အရှေ့အရပ်သို့ မျက်နှာမူကာ မြတ်စွာဘုရားကို သာလျှင် ရှေ့ထား၍ ထိုင်နေ၏။

ပါဋလိရွာသား ဥပါသကာတို့သည်လည်း ခြေဆေးကုန်၍ ဧည့်တည်းခိုရာ ဇရပ်သို့ ၀င်ကုန်ပြီးသော် အရှေ့ဘက် နံရံကို မှီလျက် အနောက်အရပ်သို့ မျက်နှာမူကာ မြတ်စွာဘုရားကိုသာလျှင် ရှေ့ထား၍ ထိုင်နေကုန်၏။

ထိုအခါ မြတ်စွာဘုရားသည် ပါဋလိရွာသား ဥပါသကာတို့ကို မိန့်တော်မူ၏-

ဥပါသကာတို့ ...
သီလမရှိသူ၏ သီလပျက်ခြင်း၌ ဤငါးပါးသော အပြစ်တို့သည် ရှိကုန်၏။

အဘယ့်ငါးပါးတို့နည်းဟူမူ...

၁...
ဥပါသကာတို့ ဤလောက၌ ...
သီလမရှိသော သီလပျက်သောသူသည် မေ့လျော့ခြင်းကြောင့် များစွာသော စည်းစိမ် ဆုံးရှုံးခြင်းသို့ ရောက်၏၊ ဤကား သီလမရှိသူ၏ သီလပျက်ခြင်း၌ ရှေးဦးစွာသော အပြစ်ပေတည်း။

၂...
ဥပါသကာတို့ တစ်ဖန် ထို့ပြင်လည်း ...
သီလမရှိသော သီလပျက်သောသူ၏ မကောင်းသော ကျော်စော သတင်းသည် ပျံ့နှံ့၍ထွက်၏၊ ဤကား သီလမရှိသူ၏ သီလပျက်ခြင်း၌ နှစ်ခုမြောက် အပြစ် ပေတည်း။

၃...
ဥပါသကာတို့ တစ်ဖန် ထို့ပြင်လည်း ...
သီလမရှိသော သီလပျက်သောသူသည် မင်းပရိသတ် ရဟန်းပရိသတ် ပုဏ္ဏား ပရိသတ် သူကြွယ်ပရိသတ်အလယ်သို့ ချဉ်းကပ်ခဲ့သော် ကြောက်ကြောက်ရွံ့ရွံ့ မျက်နှာ ညှိုးငယ်လျက် ချဉ်းကပ်ရ၏၊ ဤကား သီလမရှိသူ၏ သီလပျက်ခြင်း၌ သုံးခုမြောက် အပြစ်ပေတည်း။

၎...
ဥပါသကာတို့ တစ်ဖန် ထို့ပြင်လည်း ...
သီလမရှိသော သီလပျက်သောသူသည် တွေတွေဝေေ၀ ဖြစ်လျက် သေရ၏၊ ဤကား သီလမရှိသောသူ၏ သီလပျက်ခြင်း၌ လေးခုမြောက် အပြစ်ပေတည်း။

၅...
ဥပါသကာတို့ တစ်ဖန် ထို့ပြင်လည်း ...
သီလမရှိသော သီလပျက်သောသူသည် ခန္ဓာကိုယ် ပျက်စီး၍ သေပြီးသည်မှ နောက်၌ မကောင်းသောလားရာ ပျက်စီး၍ကျရောက်ရာ ငရဲ၌ ဖြစ်ရ၏၊ ဤကား သီလမရှိသော သူ၏ သီလပျက်ခြင်း၌ ငါးခုမြောက် အပြစ်ပေတည်း။

ဥပါသကာတို့
သီလမရှိသူ၏ သီလပျက်ခြင်း၌ အပြစ်တို့သည် ဤငါးပါးတို့ပေတည်း။

မဟာပရိနိဗ္ဗာနသုတ်၊ မဟာဝဂ်ပါဠိတော်၊ ဒီဃနိကာယ်။

ဒုဿီလသုတ် (သီလပျက်စီးသူ) သို့ ...

ဒါန၀တ္ထုသုတ်-

ဒါန၀တ္ထုသုတ်-

ရဟန်းတို့ ပေးလှူခြင်း၏ အကြောင်းတို့သည် ဤရှစ်မျိုးတို့တည်း။

အဘယ်ရှစ်မျိုးတို့နည်းဟူမူ -

၁။ ချစ်မြတ်နိုးသဖြင့် အလှူကို ပေးလှူ၏၊
၂။ အမျက်ထွက်သဖြင့် အလှူကို ပေးလှူ၏၊
၃။ မိုက်မဲတွေဝေသဖြင့် အလှူကို ပေးလှူ၏၊
၎။ ကြောက်သဖြင့် အလှူကို ပေးလှူ၏၊
၅။ အဖ အဘိုးတို့သည် လှူဖူး၏၊ ပြုဖူး၏၊
ရှေးလူကြီးတို့၏ အမျိုးအနွယ်ကို ယုတ်စေရန် မထိုက်ဟု အလှူကို ပေးလှူ၏၊
၆။ ငါသည် ဤအလှူကိုလှူ၍ ကိုယ်ခန္ဓာ ပျက်ကြွေသေသည်မှ နောက်၌ ကောင်းမှုပြုသော သူတို့၏လားရာဖြစ်သော နတ်ပြည် လောက၌ ဖြစ်ရပေလိမ့်မည် ဟု အလှူကို ပေးလှူ၏၊
၇။ ဤအလှူကို လှူသော ငါ့အား စိတ်ကြည်လင်၏၊ နှစ်သက်သော စိတ်ရှိသော အဖြစ် ၀မ်းမြောက်သော စိတ်ရှိသော အဖြစ်သည် ဖြစ်၏ဟု အလှူကို ပေးလှူ၏၊
၈။ (သမထ၀ိပဿနာ) စိတ်၏ အဆင်တန်ဆာ အခြံအရံ အလို့ငှါ အလှူကို ပေးလှူ ၏။

ရဟန်းတို့ ...
ပေးလှူခြင်း၏ အကြောင်းတို့သည် ဤရှစ်မျိုးတို့တည်း ဟု မိန့်တော်မူ၏။

၃ - ဒါန၀တ္ထုသုတ်၊ ဒါန၀ဂ်၊ အဋ္ဌကနိပါတ်၊ အင်္ဂုတ္တိုရ်။