ဝိသာခါသုတ်- အချစ်တစ်ခုသည် ဒုက္ခတစ်ခု-

ချစ်အပ်သော အရာဝတ္ထု တစ်ခုရှိသူအား တစ်ခုသော ဆင်းရဲသည် ဖြစ်၏။

ချစ်အပ်သော အရာဝတ္ထု မရှိကြသူတို့အား ဆင်းရဲမရှိ၊
{{ထိုသူတို့သည် စိုးရိမ်ခြင်း မရှိကုန်။ ကိလေသာမြူ မရှိကုန်။ ပင်ပန်းမှု မရှိကုန်}}


ဝိသာခါသုတ်-

အကျွန်ုပ်သည် ဤသို့ ကြားနာခဲ့ရပါသည်- အခါတစ်ပါး၌ မြတ်စွာဘုရားသည် သာဝတ္ထိပြည် ပုဗ္ဗာရုံကျောင်း မိဂါရမာတာဝိသာခါ၏ ပြာသာဒ်၌ သီတင်းသုံးနေ တော်မူ၏။ ထိုအခါ မိဂါရမာတာ ၀ိသာခါ ချစ်နှစ်သက်အပ်သော မြေးမသည် ကွယ်လွန်လေ၏။ ထို့နောက် မိဂါရမာတာ ၀ိသာခါသည် စိုစွတ်သော အ၀တ် စိုစွတ်သော ဆံပင်ရှိသည်ဖြစ်၍ နေ့ခင်း အချိန်၌ မြတ်စွာဘုရားထံသို့ ချဉ်းကပ်၍ မြတ်စွာဘုရားကို ရှိခိုးလျက် တစ်ခုသောအရပ်၌ ထိုင်နေ၏။

တစ်ခုသောအရပ်၌ ထိုင်နေသော မိဂါရမာတာဝိသာခါကို -

ဝိသာခါ စိုစွတ်သော အ၀တ် စိုစွတ်သော ဆံပင်ရှိလျက် နေ့ခင်းချည်း အချိန်ဝယ် အဘယ်အရပ်မှလာ၍ ငါဘုရားထံသို့ ချဉ်းကပ်သနည်းဟု (မိန့်တော်မူ၏)။ အသျှင် ဘုရား တပည့်တော်မ ချစ်နှစ်သက်အပ်သော မြေးမသည် ကွယ်လွန်ခဲ့ပါ၏။ ထို့ကြောင့် တပည့်တော်မသည် စိုစွတ်သော အ၀တ် စိုစွတ်သော ဆံပင်ရှိလျက် နေ့ခင်းချည်း အချိန်ဝယ် အသျှင် ဘုရားထံသို့ ချဉ်းကပ်ပါ၏ဟု လျှောက်၏။

ဝိသာခါ...သင်သည် သာဝတ္ထိပြည်၌ ရှိကြသည့် လူတို့လောက်သော သားတို့ကို လည်းကောင်း၊ မြေးတို့ကို လည်းကောင်း အလိုရှိသလောဟု (မိန့်တော်မူ၏)။

မြတ်စွာဘုရား တပည့်တော်သည် သာဝတ္ထိပြည်၌ ရှိကြသည့် လူတို့လောက်သော သားတို့ကို လည်းကောင်း၊ မြေးတို့ကို လည်းကောင်း အလိုရှိပါသည်ဟု လျှောက်၏။

ဝိသာခါ သာဝတ္ထိပြည်သူ ပြည်သားတို့သည် နေ့တိုင်း အဘယ်မျှလောက် များပြားစွာ ကွယ်လွန်ကုန် သနည်း ဟု (မိန့်တော်မူ၏)။

အသျှင်ဘုရား နေ့တိုင်း သာဝတ္ထိပြည်သားတို့သည် ဆယ်ယောက်တို့လည်း ကွယ်လွန်ပါကုန်၏။ အသျှင်ဘုရား သာဝတ္ထိပြည်သားတို့သည် ကိုးယောက် ရှစ် ယောက် ခုနစ်ယောက် ခြောက်ယောက် ငါးယောက် လေးယောက် သုံးယောက် နှစ်ယောက်တို့လည်း ကွယ်လွန်ပါကုန်၏။ အသျှင်ဘုရား နေ့တိုင်း သာဝတ္ထိပြည် သား တစ်ယောက်သော်လည်း ကွယ်လွန်ပါ၏။

အသျှင်ဘုရား သာဝတ္ထိပြည်သည် သေသော လူတို့ဖြင့် မဆိတ်ပါဟု လျှောက်၏။

ဝိသာခါ ထိုအရာကို အဘယ်သို့ မှတ်ထင်သနည်း။ သင်သည် တစ်ခါတစ်ရံမျှ မစိုသော အ၀တ် မစိုသော ဆံပင် ရှိသည် ဖြစ်နိုင်ပါတော့ မည်လောဟု (မိန့်တော်မူ၏)။ အသျှင်ဘုရား ဤသို့ မဖြစ်နိုင်ပါ၊
အသျှင်ဘုရား ထိုမျှလောက် များပြားသော သားတို့ဖြင့် လည်းကောင်း မြေးတို့ဖြင့် လည်းကောင်း တပည့်တော်မအား အကျိုး မရှိတော့ပါဟု (လျှောက်၏)။

ဝိသာခါ ...
တစ်ရာမျှလောက် ချစ်အပ်သော အရာဝတ္ထုရှိကြသူတို့အား
တစ်ရာမျှလောက်သော ဆင်းရဲတို့သည် ဖြစ်ကုန်၏။
ကိုးဆယ်မျှလောက် ချစ်အပ်သော အရာဝတ္ထု ရှိကြသူတို့အား
ကိုးဆယ်မျှ လောက်သော ဆင်းရဲတို့သည် ဖြစ်ကုန်၏။
ရှစ်ဆယ်မျှလောက် ချစ်အပ်သော အရာဝတ္ထု ရှိကြသူတို့အား
ရှစ်ဆယ်မျှလောက်သော ဆင်းရဲတို့သည် ဖြစ်ကုန်၏။
ခုနစ်ဆယ်မျှလောက် ချစ်အပ်သော အရာဝတ္ထု ရှိကြသူတို့အား
ခုနစ်ဆယ်မျှလောက်သော ဆင်းရဲတို့သည် ဖြစ်ကုန်၏။
ခြောက်ဆယ်မျှလောက် ချစ်အပ်သော အရာဝတ္ထု ရှိကြသူတို့အား
ခြောက်ဆယ်မျှလောက်သော ဆင်းရဲတို့သည် ဖြစ်ကုန် ၏။
ငါးဆယ်မျှလောက် ချစ်အပ်သော အရာဝတ္ထု ရှိကြသူတို့အား
ငါးဆယ်မျှလောက်သော ဆင်းရဲတို့သည် ဖြစ်ကုန်၏။
လေးဆယ်မျှလောက် ချစ်အပ်သော အရာဝတ္ထု ရှိကြသူတို့အား
လေးဆယ်မျှလောက်သော ဆင်းရဲတို့သည် ဖြစ်ကုန်၏။
သုံးဆယ်မျှလောက် ချစ်အပ်သော အရာဝတ္ထု ရှိကြသူတို့အား
သုံးဆယ်မျှလောက်သော ဆင်းရဲတို့သည် ဖြစ်ကုန်၏။
နှစ်ဆယ်မျှလောက် ချစ်အပ်သော အရာဝတ္ထု ရှိကြသူတို့အား
နှစ်ဆယ်မျှလောက်သော ဆင်းရဲတို့သည် ဖြစ်ကုန်၏။
တစ်ဆယ်မျှလောက် ချစ်အပ်သော အရာဝတ္ထု ရှိကြသူတို့အား
တစ်ဆယ်မျှလောက်သော ဆင်းရဲတို့သည် ဖြစ်ကုန်၏။
ချစ်အပ်သော အရာဝတ္ထု ကိုးခုလောက် ရှိကြသူတို့အား
ကိုးခုသော ဆင်းရဲတို့သည် ဖြစ်ကုန်၏။
ချစ်အပ်သော အရာဝတ္ထု ရှစ်ခုလောက် ရှိကြသူတို့အား
ရှစ်ခုသော ဆင်းရဲတို့သည် ဖြစ်ကုန်၏။
ချစ်အပ်သော အရာဝတ္ထု ခုနစ်ခုလောက် ရှိကြသူတို့အား
ခုနစ်ခုသော ဆင်းရဲတို့သည် ဖြစ်ကုန်၏။
ချစ်အပ်သော အရာဝတ္ထု ခြောက်ခုလောက် ရှိကြသူတို့အား
ခြောက်ခုသော ဆင်းရဲတို့သည် ဖြစ်ကုန်၏။
ချစ်အပ်သော အရာဝတ္ထု ငါးခုလောက် ရှိကြသူတို့အား
ငါးခုသော ဆင်းရဲတို့ သည် ဖြစ်ကုန်၏။
ချစ်အပ်သော အရာဝတ္ထု လေးခုလောက် ရှိကြသူတို့အား
လေးခုသော ဆင်းရဲတို့သည် ဖြစ်ကုန်၏။
ချစ်အပ်သော အရာဝတ္ထု သုံးခုလောက် ရှိကြသူတို့အား
သုံးခုသော ဆင်းရဲတို့သည် ဖြစ်ကုန်၏။
ချစ်အပ်သော အရာဝတ္ထု နှစ်ခုလောက် ရှိကြသူတို့အား
နှစ်ခုသော ဆင်းရဲတို့သည် ဖြစ်ကုန်၏။
ချစ်အပ်သော အရာဝတ္ထု တစ်ခုရှိသူအား
တစ်ခုသော ဆင်းရဲသည် ဖြစ်၏။

ချစ်အပ်သော အရာဝတ္ထု မရှိကြသူတို့အား ဆင်းရဲမရှိ၊
{{ထိုသူတို့သည် စိုးရိမ်ခြင်း မရှိကုန်။ ကိလေသာမြူ မရှိကုန်။ ပင်ပန်းမှု မရှိကုန်}}
ဟု ငါဟောဆို၏ဟု (မိန့်တော်မူ၏)။

ထို့နောက် ...
မြတ်စွာဘုရားသည် ဤအကြောင်းအရာကို သိတော်မူ၍ ထိုသိသော အချိန်၌-

{{လောက၌ များသော သဘောရှိကုန်သော အလုံးစုံသော စိုးရိမ်ခြင်းတို့သည် လည်းကောင်း၊ ငိုကြွေးခြင်းတို့သည် လည်းကောင်း၊ ဆင်းရဲခြင်းတို့သည် လည်း ကောင်း ထင်ကုန်၏။ ထိုအလုံးစုံတို့သည် ချစ်အပ်သော အရာဝတ္ထုကို စွဲ၍ ဖြစ်ပေါ်ကုန်၏။ ချစ်အပ်သော အရာဝထ္ထု မရှိမူ ထိုအလုံးစုံတို့သည် မဖြစ်နိုင်ကုန်။ ထို့ကြောင့် လောက၌ အကြင်သူတို့အား ချစ်အပ်သော အရာဝတ္ထုသည် တစ်စုံ တစ်ခုမျှ မရှိ၊ ထိုသူတို့သည် ချမ်းသာ ကုန်၏။ စိုးရိမ်မှု ကင်းကုန်၏။ ထို့ကြောင့် စိုးရိမ်ကင်းမှု ကိလေသာမြူ ကင်းမှုကို တောင့်တသူတို့သည် လောက၌ တစ်စုံ တစ်ခုသော ချစ်ခင်မှုကိုမျှ မပြုကြကုန်ရာ}} ဟု ဤဥဒါန်းကို ကျူးရင့်တော်မူ၏။

၈ - ၀ိသာခါသုတ်၊ ပါဋလိဂါမိယ၀ဂ်၊ ဥဒါန်းပါဠိတော်။

ခိုးသူကြီးငါးယောက်-

ခိုးသူကြီးငါးယောက်

ဝဂ္ဂုမုဒါ မြစ်ကမ်းနေ ရဟန်းများ ဝတ္ထု မှ...

ရဟန်းတို့......
လောက၌ ဤခိုးသူကြီး ငါးယောက်တို့သည် ထင်ရှားရှိကုန်၏၊

ပထမ သူခိုး ...
ရဟန်းတို့ ဤလောက၌ အချို့သောခိုးသူကြီးအား''ငါသည် ဘယ်အခါ၌ (တပည့်) အရာအထောင်ခြံရံ၍ သတ်လျက် သတ်စေလျက် ဖြတ်လျက် ဖြတ်စေလျက် ချက်ပြုတ်လျက် ချက်ပြုတ်စေလျက် ရွာနိဂုံး မင်းနေပြည်တို့၌ လှည့်လည် ကျက် စားရပါအံ့နည်း''ဟု အကြံအစည်ဖြစ်၏၊ အခါတစ်ပါး၌ ထိုခိုးသူကြီးသည် (တပည့်) အရာ အထောင်ခြံရံ၍ သတ်လျက် သတ်စေလျက် ဖြတ်လျက် ဖြတ်စေလျက် ချက်ပြုတ်လျက် ချက်ပြုတ်စေလျက် ရွာ နိဂုံး မင်းနေပြည်တို့၌ လှည့်လည် ကျက် စားရ၏။

ရဟန်းတို့ .....
ဤအတူပင် ဤသာသနာတော်၌ အချို့သော ရဟန်းယုတ်အား.....
''ငါသည် အဘယ်အခါ၌ (တပည့်) အရာအထောင် ခြံရံ၍ လူရှင် ရဟန်းတို့၏ ကောင်းသော အပြုအစုခံလျက် အလေးပြုခံလျက် အမြတ်နိုးခံလျက် အပူဇော်ခံ လျက် အရိုအသေခံလျက် သင်္ကန်းဆွမ်း ကျောင်း ဆေး ပစ္စည်းလေးပါးတို့ကို ရသည်ဖြစ်၍ ရွာ နိဂုံး မင်းနေပြည်တို့၌ ဒေသစာရီ လှည့်လည်ရပါအံ့နည်း''ဟု အကြံ ဖြစ်၏။

အခါတစ်ပါး၌ ထိုရဟန်းယုတ်သည် (တပည့်) အရာအထောင် ခြံရံ၍ လူရှင်ရဟန်း တို့၏ ကောင်းသောအပြုအစုခံလျက် အလေးပြုခံလျက် အမြတ်နိုးခံလျက် အပူ ဇော်ခံလျက် အရိုအသေခံလျက် သင်္ကန်းဆွမ်း ကျောင်း ဆေး ပစ္စည်းလေးပါး တို့ကို ရသည်ဖြစ်၍ ရွာ နိဂုံး မင်းနေပြည်တို့၌ ဒေသစာရီ လှည့်လည်ရ၏။

ရဟန်းတို့ ....
ဤသည်ကားလောက၌ ထင်ရှားရှိသော ပဌမ ခိုးသူကြီးပေတည်း။

ဒုတိယ သူခိုး .....
ရဟန်းတို့ ထို့ပြင်လည်း ဤသာသနာတော်၌ အချို့သော ရဟန်းယုတ်သည် မြတ်စွာဘုရားဟောတော်မူသော သုတ် အဘိဓမ္မာ ဝိနည်း ဒေသနာတော်ကို သင်ယူ၍ ကိုယ်ပိုင်ပြုထား၏ (ဆရာစားမထား)။ ရဟန်းတို့ ဤသည်ကားလောက ၌ ထင်ရှားရှိသော ဒုတိယ ခိုးသူကြီး ပေတည်း။

တတိယ သူခိုး .....
ရဟန်းတို့ ထို့ပြင်လည်း ဤသာသနာတော်၌ အချို့သော ရဟန်းယုတ်သည် စင်ကြယ်သော အကျင့်ရှိသော ထက်ဝန်းကျင်စင်ကြယ်သော အကျင့်ကို ကျင့် သော သီတင်းသုံးဘော်ကို အခြေအမြစ်မရှိသော မမြတ်သော အကျင့် (မေထုန် အကျင့်) ဖြင့် စွပ်စွဲ၏။

ရဟန်းတို့ .....
ဤသည်ကားလောက၌ ထင်ရှားရှိသော တတိယ ခိုးသူကြီးပေတည်း။

စတုတ္ထ သူခိုး .....
ရဟန်းတို့ ထို့ပြင်လည်း ဤသာသနာတော်၌ အချို့သော ရဟန်းယုတ်သည် သံဃာ၏ ဂရုဘဏ် ဂရုပရိက္ခရာဖြစ်ကုန်သော အရံ၊ အရံမြေရာ၊ ကျောင်း၊ ကျောင်းမြေရာ၊ ညောင်စောင်း 'ခုတင်'၊ အင်းပျဉ် 'ခုံရှည်'၊ ဘုံလျှို 'ဖုံ'၊ ခေါင်းအုံး၊ ကြေးအိုး - သံအိုး၊ ကြေးသံအိုးစရည်းကြီး၊ ကြေးသံအင်တွဲ 'အင်တုံ ဇလုံ'၊ ကြေးသံဖျဉ်းအိုး၊ ပဲခွပ်၊ ပုဆိန်၊ ဓားမ၊ ပေါက်တူး၊ ဆောက်၊ နွယ်၊ ဝါး၊ ဖြူဆံမြက်၊ ပြိတ်မြက်၊ (ကြွင်းသော) မြက်၊ မြေညက်၊ သစ်ဘဏ္ဍာ၊ မြေဘဏ္ဍာ (ဤနှစ်ဆယ့် ငါးမျိုး) တို့ဖြင့် လူကို ချီးမြှောက်၏၊ ဖြားယောင်း၏။

ရဟန်းတို့ .....
ဤသည်ကားလောက၌ ထင်ရှားရှိသော စတုတ္ထ ခိုးသူကြီးပေတည်း။

ပဉ္စမ သူခိုးကြီး .....
ရဟန်းတို့ အကြင်ရဟန်းသည် (မိမိသန္တာန်၌)ထင်ရှားမရှိသော မဟုတ်မမှန်သော လူတို့ ကုသိုလ်ကမ္မပထတရား ဆယ်ပါးထက် လွန်မြတ်သော ဈာန် မဂ်ဖိုလ် တရားကို ဝါကြွား ပြောဆို၏၊
ဤရဟန်းသည် နတ်နှင့်တကွသော မာရ်နတ်နှင့်တကွသော ဗြဟ္မာနှင့်တကွ သော ဤသြကာသလောက၌ လည်းကောင်း၊ ရဟန်း ပုဏ္ဏားနှင့်တကွသော မင်းများ လူများနှင့် တကွသော ဤသတ္တဝါ အပေါင်း၌ လည်းကောင်း အဆိုးဆုံး အကြီးဆုံး ခိုးသူကြီးပေတည်း၊

ထိုသို့ ဖြစ်ရခြင်းသည် အဘယ်ကြောင့်နည်း ဆိုလျှင် ရဟန်းတို့ တိုင်းသူပြည်သား တို့၏ ဆွမ်းကို ခိုး၍ စားသောကြောင့်ပေတည်း။

မိမိသန္တာန်မှာ မြင့်မြတ်သော တရားမရှိဘဲလျက် မြင့်မြတ်သော တရားရှိဟန် ပြောဆိုသောရဟန်းသည် စဉ်းလဲသော ကစားသမား (ငှက်မုဆိုး) ကဲ့သို့ ပြည်သူ တို့၏ ဆွမ်းကို ခိုးစားသည် မည်၏။

သင်္ကန်းကို လည်တွင် သိုင်း၍ ညစ်ညမ်းသော သဘောရှိကုန်သော စောင့်စည်းမှု ကင်းကွာ၍ ယုတ်မာကုန်သော များစွာသော ရဟန်းတို့သည် မကောင်းမှု အကု သိုလ် ကံကြောင့် ငရဲသို့ ကပ်ရောက် ကြရကုန်၏။

အကျင့်သီလမရှိဘဲစောင့်ထိန်းမှု 'သံဝရ' မရှိဘဲ တိုင်းသူပြည်သားတို့ လှူဒါန်း သော ဆွမ်းကို စားခြင်းထက် ရဲရဲညီး ဖုတ်ထားသော သံတွေခဲကို စားရခြင်းက မြတ်သေး၏။
ထို့နောက် မြတ်စွာဘုရားသည် ဝဂ္ဂုမုဒါမြစ်ကမ်းနေ ထိုရဟန်းတို့ကို များစွာသော အကြောင်းဖြင့် ကဲ့ရဲ့တော်မူပြီးလျှင် ကိုယ်တိုင် ပြုစုမွေးမြူရန် ခက်ခဲခြင်း သူတစ်ပါးတို့က ပြုစုမွေးမြူရန် ခက်ခဲခြင်း၏။ပ။

ရဟန်းတို့ ဤသို့လျှင် ဤသိက္ခာပုဒ်တော်ကို ပြကြကုန်လော့။

စတုတ္ထပါရာဇိက သိက္ခာပုဒ် မှ- ပါရာဇိကတ်ပါဠိတော်။

ဝတပဒသုတ်- (ကျင့်ဝတ်)

ဝတပဒသုတ်- (ကျင့်ဝတ်)

သာဝတ္ထိနိဒါန်း...
ရဟန်းတို့ နတ်တို့အရှင် သိကြားမင်းသည် ရှေးလူဖြစ်စဉ်က ခုနစ်ပါးကုန်သော ကျင့်ဝတ်အစုတို့ကို အပြည့်အစုံ ကောင်းစွာဆောက်တည်အပ်ကုန်ပြီ၊ ယင်းခုနစ်ပါး ကုန်သော ကျင့်ဝတ်အစုတို့ကို သိကြားမင်းသည် ကောင်းစွာ ဆောက်တည်သည် ၏ အဖြစ်ကြောင့် သိကြားမင်း၏ အဖြစ်ကို ရ၏၊

ခုနစ်ပါးကုန်သော ကျင့်ဝတ်အစုတို့ဟူသည် အဘယ်တို့နည်း-

(၁) အသက်ထက်ဆုံး အမိအဖကို လုပ်ကျွေးမွေးမြူသူ ဖြစ်ပါအံ့၊
(၂) အသက်ထက်ဆုံး အမျိုးထဲ၌ ကြီးသော သူတို့ကို အရိုအသေ ပြုလေ့ရှိသူ၊
(၃) အသက်ထက်ဆုံး သိမ်မွေ့သော စကားကို ဆိုလေ့ရှိသူ ဖြစ်ပါအံ့၊
(၄) အသက်ထက်ဆုံး ကုန်းစကားကို ဆိုလေ့ မရှိသူ ဖြစ်ပါအံ့၊
(၅) အသက်ထက်ဆုံး လွတ်လွတ် စွန့်ကြဲခြင်းရှိသူ၊ ပေးလှူရန် အခါခပ်သိမ်း စင်ကြယ်သောလက်ရှိသူ၊ စွန့်လှူခြင်း၌ မွေ့လျော်သူ၊ သူတစ်ပါးတို့ တောင်းခံခြင်း ငှါ ထိုက်သူ၊ ပေးကမ်းလှူဒါန်း ဝေဖန်ခြင်း၌ မွေ့လျော်သူဖြစ်၍ ၀န်တိုခြင်းကင်း သော စိတ်ဖြင့် အိမ်ကို အုပ်စိုးနေသူ ဖြစ်ပါအံ့၊
(၆) အသက်ထက်ဆုံး မှန်သော စကားကို ဆိုလေ့ရှိသူ ဖြစ်ပါအံ့၊
(၇) အသက်ထက်ဆုံး အမျက်ထွက်ခြင်း မရှိသူ {{အကယ်၍ ငါ့အား အမျက်ထွက် ခြင်း ဖြစ်စေကာမူ ထိုအမျက်ကို လျင်စွာသာလျှင် ပယ်ဖျောက်နိုင်သူ}} ဖြစ်ပါအံ့၊ ဤသည်တို့တည်း။

ရဟန်းတို့ နတ်တို့အရှင် သိကြားမင်းသည် ရှေးလူဖြစ်စဉ်က ခုနစ်ပါးကုန်သော ဤ ကျင့်ဝတ်အစုတို့ကို အပြည့်အစုံ ကောင်းစွာဆောက်တည်အပ်ကုန်ပြီ၊ ယင်းခုနစ်ပါး ကုန်သော ကျင့်ဝတ်အစုတို့ကို သိကြားမင်းသည် ကောင်းစွာ ဆောက်တည်သည် ၏ အဖြစ်ကြောင့် သိကြားမင်း၏ အဖြစ်ကို ရပြီဟု ဟောတော်မူ၏။

၁ - ၀တပဒသုတ်၊ ဒုတိယ၀ဂ်၊ သဂါထာဝဂ္ဂသံယုတ်ပါဠိတော်။

ပုနဗ္ဗသုသုတ်-

ဘီလူးမ မိသားစုတောင် တရားနာခဲ့ကြဘူးပြီ သင်တို့တတွေကော...

ပုနဗ္ဗသုသုတ်-

အခါတစ်ပါး၌ မြတ်စွာဘုရားသည် သာဝတ္ထိပြည် အနာထပိဏ်သူဌေး၏ အရံဖြစ် သော ဇေတ၀န်ကျောင်း၌ သီတင်းသုံး နေတော်မူ၏၊ ထိုအခါ မြတ်စွာဘုရားသည် ရဟန်းတို့ကို နိဗ္ဗာန်နှင့် စပ်သော တရားစကားဖြင့် အကျိုးစီးပွားကို ကောင်းစွာ ပြ လျက် တရားကို ဆောက်တည်စေကာ တရားကျင့်သုံးရန် ထက်သန်ရွှင်လန်း စေ၏၊
ထိုရဟန်းတို့သည်လည်း အရိုအသေပြုကာ နှလုံးသွင်းကုန်လျက် စိတ်ဖြင့် အလုံးစုံ တရားစကားကို ကောင်းစွာ မှတ်သားပြီးလျှင် နားစိုက်ထောင်ကုန်၍ တရားနာ ကုန်၏၊

ထိုအခါ၌ ပုနဗ္ဗသုမာတာ ဘီလူးမသည် သားငယ်ကို ဤသို့ နှစ်သိမ့်စေ၏-

{{ချစ်သမီး ဥတ္တရိကာ ငါသည် နတ်လူတို့ကို ဆုံးမတော်မူတတ်သော ဘုရားမြတ် ၏ တရားကို နာနေသမျှအတွင်း ဆိတ်ဆိတ် နေပါလော့၊ ချစ်သား ပုနဗ္ဗသု ဆိတ်ဆိတ်နေ ပါလော့။ မြတ်စွာဘုရားသည် အလုံးစုံသော အထုံးအဖွဲ့ (ဂန္ထ)မှ လွတ်မြောက်စေသော နိဗ္ဗာန်နှင့်စပ်သော တရားစကားကို ဟောတော်မူ၏၊ ဤ တရားတော်၌ မြတ်နိုးခြင်းသည် ငါ့အား ကြာမြင့်မှသာလျှင် ဖြစ်ရာ၏။ လောက၌ မိမိ၏ သားသမီးကို ချစ်အပ်၏၊ လောက၌ မိမိ၏ ခင်ပွန်းကို ချစ်အပ်၏၊ ငါ့အား သားသမီး ခင်ပွန်းလင်ကို ချစ်သည်ထက် ဤတရားကို တောင့်တ ရှာမှီးမှုကို ပိုလွန်၍ ချစ်မြတ်နိုးပါ၏။

သူတော်ကောင်းတို့၏ တရားကို နာကြားခြင်းသည် သတ္တ၀ါတို့အား ဆင်းရဲမှ လွတ်စေသကဲ့သို့ ချစ်ခင်အပ်သော သားသမီးသည်လည်းကောင်း၊ ခင်ပွန်းလင် သည် လည်းကောင်း ဆင်းရဲမှ မလွတ်စေနိုင်။

ဆင်းရဲဖြင့် နှိပ်စက်အပ်သော အိုခြင်း သေခြင်းနှင့် စပ်သော လောက၌ အိုခြင်း သေခြင်းမှ လွတ်ခြင်းငှါ (မြတ်စွာဘုရား) ထိုးထွင်း၍ သိတော်မူသော တရားကို နာခြင်းငှါ ငါသည် အလိုရှိပါ၏၊ ချစ်သား ပုနဗ္ဗသု ဆိတ်ဆိတ် နေပါလော့}} ဟု နှစ်သိမ့်စေ၏။

{{မိခင် ငါသည် စကားမပြော ဆိတ်ဆိတ် နေအံ့၊ ဤဥတ္တရာသည်လည်း ဆိတ် ဆိတ် နေပါ၏၊ တရားကိုသာလျှင် နှလုံးသွင်းပါလော့၊ သူတော်ကောင်းတို့၏တရား ကို နာကြားရခြင်းသည် ချမ်းသာပါ၏။ မိခင် သူတော်ကောင်းတို့၏ တရားကို မသိ သောကြောင့် ဆင်းရဲငြိုငြင်စွာ လှည့်လည်နေရကုန်၏၊ ပြင်းစွာ တွေဝေကုန်သော နတ်လူတို့အား အရောင်ကိုပြုတတ်သော၊ အဆုံးစွန်သော ကိုယ်တော်နှင့်လည်း ယှဉ်တော်မူသော၊ စက္ခုငါးပါးနှင့် ပြည့်စုံတော်မူသော ဤမြတ်စွာဘုရားသည် တရားကို ဟောတော်မူ၏}} ဟု (ဆို၏)။

{{ရင်၌ဖြစ်သော သားသည် ပညာရှိဖြစ်၍ ကောင်း၏၊ ငါ့သားသည် ဘုရားမြတ်၏ စင်ကြယ်စွာသော တရားကို ချစ်မြတ်နိုး၏။ ချစ်သား ပုနဗ္ဗသု ယခု ငါသည် ၀ဋ်မှ ထွက်မြောက်ပြီ၊ သင်ချစ်သားသည်လည်း ချမ်းသာခြင်းရှိသည် ဖြစ်လော့၊ အရိယာ သစ္စာတို့ကို (ငါတို့ သားသမီးတစ်စုတို့သည်) မြင်အပ်ကုန်ပြီ၊ ငါ၏ ဥတ္တရာ မည် သော ချစ်သမီးသည်လည်း (တရားကို) နာပါလော့}} ဟု (နှစ်သိမ့်စေ၏)။

၇ - ပုနဗ္ဗသုသုတ်၊ ယက္ခသံယုတ်၊ သဂါထာဝဂ္ဂသံယုတ်ပါဠိတော်။

ဓမ္မဒေ၀ပုတ္တစရိ- (ဓမ္မနတ်သားအကျင့်)

ဓမ္မဒေ၀ပုတ္တစရိ- (ဓမ္မနတ်သားအကျင့်)

ငါသည် များစွာသော အသင်းအပင်းရှိသော တန်ခိုးကြီးသော အလုံးစုံသော လောကကို စောင့်ရှောက်တတ်သော {{ဓမ္မ}} မည်သော မြတ်သော နတ်ဖြစ်၏။

ထိုအခါ ငါသည် များစွာသော လူအပေါင်းကို ကုသိုလ် ကမ္မပထတရား ဆယ်ပါး တို့ကို ဆောက်တည်စေလျက် အဆွေခင်ပွန်းနှင့်တကွ အခြံအရံ ပရိသတ်နှင့်တကွ ရွာနိဂုံးသို့ လှည့်လည်၏။

ထိုအခါ ယုတ်မာစဉ်းလဲသော (အဓမ္မ) နတ်သည် ရှိ၏၊ ထိုနတ်သည်လည်း ဤ ဇမ္ဗူဒိပ်ကျွန်း မြေအပြင်၌ အကုသိုလ် ကမ္မပထ တရားဆယ်ပါးတို့ကိုပြလျက် အဆွေခင်ပွန်း အခြံအရံ ပရိသတ်နှင့်တကွ လှည့်လည်၏။

ဓမ္မ၀ါဒီနတ်သည် လည်းကောင်း၊ အဓမ္မနတ်သည် လည်းကောင်း ငါတို့နှစ်ဦးတို့ သည် ဆန့်ကျင်ကုန်၏။ ရထားဦးဖြင့် ရထားဦးကို ထိခိုက်ကုန်လျက် ငါတို့နှစ်ဦးတို့ သည် ခရီးရင် ဆိုင်တွေ့ဆုံမိကုန်၏။

ထိုအခါ ကောင်းသောဓမ္မနတ်နှင့် ယုတ်မာသော အဓမ္မနတ်အား ကြောက်မက်ဖွယ် ခိုက်ရန် ဖြစ်လေ၏၊ လမ်းခရီးမှ လွှဲဖယ်ခြင်း အကျိုးငှါ ကြီးစွာသော စစ်ထိုးခြင်း သည် ရှေးရှု ထင်လေ၏။

ငါသည် ထိုအဓမ္မနတ်အား အကယ်၍ အမျက်ထွက်ငြားအံ့၊ ခြိုးခြံသော အကျင့်ဂုဏ်ကို အကယ်၍ ဖျက်ဆီးငြားအံ့၊ ငါသည် ထိုအဓမ္မနတ်အား အခြံအရံ ပရိသတ်နှင့်တကွ မြူမှုန့်ဖြစ်အောင် ပြုနိုင်ရာ၏။

သို့သော်လည်း ငါသည် သီလ စောင့်ရှောက်ခြင်းဖြင့် စိတ်ကို ငြိမ်းအေးစေ၍ မိမိပရိသတ်နှင့်တကွ လမ်းမှ သက်ဆင်းလွှဲဖယ်လျက် အဓမ္မနတ်အား လမ်းခရီးကို ပေးခဲ့၏။

ငါသည် စိတ်၏ ငြိမ်းအေးခြင်းကို ပြု၍ လမ်းခရီးမှ သက်ဆင်းသည်နှင့် တစ်ပြိုင် နက် ထိုခဏ၀ယ် မြေကြီးသည် အဓမ္မနတ်အား ဟင်းလင်းပေါက်ကို ပေးလေ၏။ ။

၈-ဓမ္မဒေ၀ပုတ္တစရိယ၊ ဟတ္ထိနာဂ၀ဂ်၊ စရိယာပိဋကပါဠိတော်။

ကုဟကသုတ်- (လူလိမ်)

ကုဟကသုတ်- (လူလိမ်)

ရဟန်းတို့ တရားငါးမျိုးတို့နှင့် ပြည့်စုံသော မထေရ်ရဟန်းသည် သီတင်းသုံးဖော်တို့ ၏ မချစ်အပ်သူ မမြတ်နိုးအပ်သူ အလေးအမြတ်မပြုအပ်သူ နှလုံးကို မပွါးစေတတ် သူ ဖြစ်၏။

အဘယ်ငါးမျိုးတို့နည်းဟူမူ -

၁။ အံ့သြဖွယ်ကိုလည်း ပြုတတ်၏။
၂။ လာဘ်ရရန်လည်း ဖြားယောင်းတတ်၏။
၃။ အရိပ်နိမိတ်ကိုလည်း ပြုတတ်၏။
၎။ ဖိနှိပ်၍လည်း ဆိုတတ်၏။
၅။ (ရပြီး) လာဘ်ဖြင့် (မရသေးသော) လာဘ်ကိုလည်း ရှာမှီးတတ်၏။

ရဟန်းတို့ တရားငါးမျိုးတို့နှင့် ပြည့်စုံသော မထေရ်ရဟန်းသည် သီတင်းသုံးဖော်တို့ ၏ မချစ်အပ်သူ မမြတ်နိုးအပ်သူ အလေးအမြတ်မပြုအပ်သူ နှလုံးကို မပွါးစေတတ် သူ ဖြစ်၏။

ရဟန်းတို့ တရားငါးမျိုးတို့နှင့် ပြည့်စုံသော မထေရ်ရဟန်းသည် သီတင်းသုံးဖော်တို့ ၏ ချစ်အပ်သူ မြတ်နိုးအပ်သူ အလေးအမြတ် ပြုအပ်သူ (နှလုံးကို) ပွါးစေတတ်သူ ဖြစ်၏။

အဘယ်ငါးမျိုးတို့နည်းဟူမူ -

၁။ အံ့သြဖွယ်ကိုလည်း မပြုတတ်။
၂။ လာဘ်ရရန်လည်း မဖြားယောင်းတတ်။
၃။ အရိပ်နိမိတ်ကိုလည်း မပြုတတ်။
၎။ ဖိနှိပ်၍လည်း မဆိုတတ်။
၅။ (ရပြီး) လာဘ်ဖြင့် (မရသေးသော) လာဘ်ကိုလည်း မရှာမှီးတတ်။

ရဟန်းတို့ တရားငါးမျိုးတို့နှင့် ပြည့်စုံသော မထေရ်ရဟန်းသည် သီတင်းသုံးဖော်တို့ ၏ ချစ်အပ်သူ မြတ်နိုးအပ်သူ အလေးအမြတ် ပြုအပ်သူ (နှလုံးကို) ပွါးစေတတ်သူ ဖြစ်၏။

၃ - ကုဟကသုတ်၊ ထေရ၀ဂ်၊ ပဉ္စကနိပါတ်၊ အင်္ဂုတ္တိုရ်ပါဠိတော်။

ဒေသနာကြား- အာပတ်ဖြေ

သံဃာချင်း ဒေသနာကြား (အာပတ်ဖြေ) ပုံ

''သင်တို့ ဘုရားမနှစ်သက်တာ လုပ်လျှင် ဆောင့်ကြောင့်ထိုင်ရမည်''

ရဟန်းငယ်က ရဟန်းကြီးထံ ဒေသနာကြားပုံ
((အာပတ်)) အပြစ်သို့ရောက်ခြင်း

အငယ်။ ။ အဟံ ဘန္တေ သဗ္ဗာ အာပတ္တိယော အာဝိကရောမိ။
အရှင်ဘုရား တပည့်တော်သင့်ရောက်သော အာပတ်အားလုံးကို ထင်စွာပြုပါ၏။

အကြီး။ ။ သာဓု သာဓု သာဓု။
ကောင်းပြီ ကောင်းပြီ ကောင်းပြီ။

အငယ်။ ။ အဟံ ဘန္တေ သမ္ဗဟုလာ နာနာဝတ္ထုကာ သဗ္ဗာ အာပတ္တိယော အာပဇ္ဇိံ၊ တာ တုမှမူလေ ပတိဒေသေမိ။
တပည့်တော်သည် အကြောင်းအမျိုးမျိုးရှိသော အာပတ်အားလုံးကို သင့်ရောက်ခဲ့ ပါပြီ၊ ထိုအာပတ်အားလုံးကို အရှင်ဘုရားထံ၌ ပြောကြားပါ၏။

အကြီး။ ။ ပဿသိ အာဝုသော တာ အာပတ္တိယော။
ငါ့ရှင် ထိုအာပတ်အားလုံးကို အပြစ်ဟုရှုပါ၏လော။

အငယ်။ ။ အာမ ဘန္တေ ပဿာမိ။
မှန်ပါ အပြစ်ဟုရှုပါသည်အရှင်ဘုရား။

အကြီး။ ။ အာယတိံ အာဝုသော သံဝရေယျာသိ။
ငါ့ရှင်နောင်ကို စောင့်ထိန်းပါလော့။

အငယ်။ ။ သာဓု သုဋ္ဌု ဘန္တေ သံဝရိဿာမိ။
ကောင်းပါပြီအရှင်ဘုရား နောင်ကိုစောင့်ထိန်းပါမည်။

အကြီး။ ။ သာဓု သာဓု သာဓု။
ကောင်းပြီ ကောင်းပြီ ကောင်းပြီ။

----------------------------------------------

ရဟန်းကြီးက ရဟန်းငယ်ထံ ဒေသနာကြားပုံ
((အာပတ်)) အပြစ်သို့ရောက်ခြင်း

အကြီး။ ။ အဟံ အာဝုသော သဗ္ဗာ အာပတ္တိယော အာဝိကရောမိ။
ငါ့ရှင် တပည့်တော်သင့်ရောက်သော အာပတ်အားလုံးကို ထင်စွာပြုပါ၏။

အငယ်။ ။ သာဓု ဘန္တေ သာဓု သာဓု။
ကောင်းပါပြီ အရှင်ဘုရား ကောင်းပါပြီ ကောင်းပါပြီ။

အကြီး။ ။ အဟံ အာဝုသော သမ္ဗဟုလာ နာနာဝတ္ထုကာ သဗ္ဗာ အာပတ္တိယော အာပဇ္ဇိံ၊ တာ တုယှမူလေ ပတိဒေသေမိ။
တပည့်တော်သည် အကြောင်းအမျိုးမျိုးရှိသော အားပတ်အားလုံးကို သင့်ရောက်ခဲ့ ပါပြီ၊ ထိုအာပတ်အားလုံးကို ငါ့ရှင်ထံ၌ ပြောကြားပါ၏။

အငယ်။ ။ ပဿထ ဘန္တေ တာ အာပတ္တိယော။
အရှင်ဘုရား ထိုအာပတ်အားလုံးကို အပြစ်ဟုရှုပါ၏လော။

အကြီး။ ။ အာမ အာဝုသော ပဿာမိ။
မှန်ပါ၏ငါ့ရှင် အပြစ်ဟုရှုပါသည်။

အငယ်။ ။ အာယတိံ ဘန္တေ သံဝရေယျာထ။
အရှင်ဘုရား နောင်ကို စောင့်ထိန်းပါဘုရား။

အကြီး။ ။ သာဓု သုဋ္ဌု အာဝုသော သံဝရိဿာမိ။
ကောင်းပါပြီငါ့ရှင် နောင်ကိုစောင့်ထိန်းပါမည်။

အငယ်။ ။ သာဓု ဘန္တေ သာဓု သာဓု။
ကောင်းပါပြီ အရှင်ဘုရား ကောင်းပါပြီ ကောင်းပါပြီ။

ပဌမ အာဃာတပဋိဝိနယသုတ်- (ရန်ငြိုးဖွဲ့ခြင်း)

ပဌမ အာဃာတပဋိဝိနယသုတ်

ရဟန်းတို့ ရန်ငြိုးဖွဲ့ခြင်း {အာဃာတ}ကို ပယ်ဖျောက်ကြောင်း တရားတို့သည် ဤ ငါးမျိုးတို့တည်း၊ ရဟန်းအား အာဃာတဖြစ်ပေါ်ရာ အာရုံ၌ (ဤတရားငါးမျိုးဖြင့်) အာဃာတကို အချင်းခပ်သိမ်း ပယ်ဖျောက်ရမည်။

အဘယ်ငါးမျိုးတို့နည်းဟူမူ -

၁...
ရန်ငြိုးဖွဲ့ခြင်း ဖြစ်ပေါ်လာရာ ပုဂ္ဂိုလ်၌ ချစ်ခြင်း {မေတ္တာ}ကို ပွါးများရမည်၊
ဤသို့အားဖြင့် ထိုပုဂ္ဂိုလ်၌ ရန်ငြိုးဖွဲ့ခြင်းကို ပယ်ဖျောက်ရမည်။

၂...
ရန်ငြိုးဖွဲ့ခြင်း ဖြစ်ပေါ်လာရာ ပုဂ္ဂိုလ်၌ သနားခြင်း {ကရုဏာ}ကို ပွါးများရမည်၊
ဤသို့အားဖြင့် ထိုပုဂ္ဂိုလ်၌ ရန်ငြိုးဖွဲ့ခြင်းကို ပယ်ဖျောက်ရမည်။

၃...
ရန်ငြိုးဖွဲ့ခြင်း ဖြစ်ပေါ်လာရာ ပုဂ္ဂိုလ်၌ လျစ်လျူရှုခြင်း {ဥပေက္ခာ} ကို ပွါးများရမည်၊
ဤသို့အားဖြင့် ထိုပုဂ္ဂိုလ်၌ ရန်ငြိုးဖွဲ့ခြင်းကို ပယ်ဖျောက်ရမည်။

၎...
ရန်ငြိုးဖွဲ့ခြင်း ဖြစ်ပေါ်လာရာ ပုဂ္ဂိုလ်၌ သတိမထားခြင်း နှလုံးမသွင်းခြင်းသို့ ရောက် စေရမည်၊
ဤသို့အားဖြင့် ထိုပုဂ္ဂိုလ်၌ ရန်ငြိုးဖွဲ့ခြင်းကို ပယ်ဖျောက်ရမည်။

၅...
ရန်ငြိုးဖွဲ့ခြင်း ဖြစ်ပေါ်လာရာ ပုဂ္ဂိုလ်၌ ကံသာလျှင် မိမိဥစ္စာရှိသော အဖြစ်ကို ဆောက်တည်ရမည်။
ဤအသျှင်သည် ကံသာလျှင် မိမိဥစ္စာရှိ၏၊
ကံ၏ အမွေခံဖြစ်၏၊
ကံသာလျှင် အကြောင်းရှိ၏၊
ကံသာလျှင် အဆွေအမျိုးရှိ၏၊
ကံသာလျှင် လဲလျောင်းရာရှိ၏၊
မိမိ ပြုလုပ်မည့် ကောင်းသောကံ မကောင်းသောကံ သာလျှင် အမွေခံ ဖြစ်ပေလိမ့် မည် ဟု (ဆောက်တည်ရမည်)။

ဤသို့အားဖြင့် ထိုပုဂ္ဂိုလ်၌ ရန်ငြိုးဖွဲ့ခြင်းကို ပယ်ဖျောက်ရမည်။
ရဟန်းတို့ ရန်ငြိုးဖွဲ့ခြင်းကို ပယ်ဖျောက်ကြောင်း တရားတို့သည် ဤငါးမျိုးတို့တည်း၊ ရဟန်းအား အာဃာတ ဖြစ်ပေါ်ရာ အာရုံ၌ (ဤတရားငါးမျိုးတို့ဖြင့်) အာဃာတကို အချင်းခပ်သိမ်း ပယ်ဖျောက်ရမည် ဟု (မိန့်တော်မူ၏)။

၁ - ပဌမ အာဃာတပဋိဝိနယသုတ်၊ အာဃာတ၀ဂ်၊ ပဉ္စကနိပါတ်၊ အင်္ဂုတ္တိုရ်ပါဠိတော်။

ရုဏ္ဏသုတ်- (ငိုကြွေးခြင်း)

ရုဏ္ဏသုတ်- (ငိုကြွေးခြင်း)

ရဟန်းတို့ သီချင်းဆိုခြင်းသည် အရိယာ၏ အဆုံးအမ၌ ငိုသည် မည်၏၊
ရဟန်းတို့ ကခြင်းသည် အရိယာ၏ အဆုံးအမ၌ ရူးသွပ်သည် မည်၏၊
ရဟန်းတို့ အပိုင်းအခြားကို လွန်၍ သွားပေါ်အောင် ပြင်းစွာရယ်ခြင်းသည်
အရိယာ၏ အဆုံးအမ၌ ကလေးသူငယ်တို့ ပြုအပ်သော အလုပ်မည်၏။

ရဟန်းတို့ ထို့ကြောင့် ဤသာသနာတော်ဝယ်
သီချင်းဆိုခြင်း၌ အကြောင်းကို ပယ်သတ်ရမည်၊
ကခြင်း၌ အကြောင်းကို ပယ်သတ်ရမည်၊
တရားနှင့်စပ်သော အကြောင်းဖြင့် ၀မ်းမြောက်သော
သူတော်ကောင်း ဖြစ်သော သင်တို့အား ပြုံးရုံမျှ ပြုံးခြင်းသည် သင့်လျော်၏ ဟု (မိန့်တော်မူ၏)။

၅- ရုဏ္ဏသုတ်၊ သမ္ဗောဓ၀ဂ်၊ တိကနိပါတ်၊ အင်္ဂုတ္တိုရ်။