နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Monday, December 29, 2008

နိဿယသုတ်- (မှီခိုအားထားရာ)

နိဿယသုတ်- (မှီခိုအားထားရာ)

ထိုအခါ ရဟန်းတစ်ပါးသည် မြတ်စွာဘုရားထံသို့ ချဉ်းကပ်ပြီးလျှင်။ပ။
တစ်ခုသော နေရာ၌ ထိုင်ပြီးသော် -

''အသျှင်ဘုရား မှီရာနှင့် ပြည့်စုံသူ မှီရာနှင့် ပြည့်စုံသူ ဟု ဆိုအပ်၏၊ အသျှင်ဘုရား အဘယ်မျှလောက်ဖြင့် ရဟန်းသည် မှီရာနှင့် ပြည့်စုံသူ ဖြစ်ပါသနည်း'' ဟု လျှောက်၏။

၁။ အကယ်၍ ရဟန်းသည် သဒ္ဓါတရားကို မှီ၍ အကုသိုလ်ကို စွန့်ကာ ကုသိုလ်ကို ပွါးများပါမူ ထိုရဟန်းအား ထိုအကုသိုလ်သည် ပယ်ပြီးသာ ဖြစ်၏။

၂။ အကယ်၍ ရဟန်းသည် ဟိရီကို မှီ၍ အကုသိုလ်ကို စွန့်ကာ ကုသိုလ်ကို ပွါးများပါမူ ထိုရဟန်းအား ထိုအကုသိုလ်သည် ပယ်ပြီးသာ ဖြစ်၏။

၃။ အကယ်၍ ရဟန်းသည် သြတ္တပ္ပကို မှီ၍ အကုသိုလ်ကို စွန့်ကာ ကုသိုလ်ကို ပွါးများပါမူ ထိုရဟန်းအား ထိုအကုသိုလ်သည် ပယ်ပြီးသာ ဖြစ်၏။

၎။ အကယ်၍ ရဟန်းသည် ဝီရိယကို မှီ၍ အကုသိုလ်ကို စွန့်ကာ ကုသိုလ်ကို ပွါးများပါမူ ထိုရဟန်းအား ထိုအကုသိုလ်သည် ပယ်ပြီးသာ ဖြစ်၏။

၅။ အကယ်၍ ရဟန်းသည် ပညာကိုမှီ၍ အကုသိုလ်ကိုစွန့်ကာ ကုသိုလ်ကို ပွါးများပါမူ ထိုရဟန်းအား ထိုအကုသိုလ်သည် ပယ်ပြီးသာ ဖြစ်၏။ မှန်၏၊ မြတ်သော ပညာဖြင့် ရှု၍ ပယ်အပ်သော ထိုရဟန်း၏ အကုသိုလ်သည် ပယ်ပြီး ဖြစ်၏၊ ကောင်းစွာ ပယ်ပြီး ဖြစ်၏။

ရဟန်း ထိုရဟန်းသည်ကား -
ဤတရား ငါးမျိုးတို့၌ တည်ပြီးလျှင် လေးမျိုးတို့ကို မှီ၍ နေရမည်။

အဘယ်လေးမျိုးတို့နည်းဟူမူ -
ရဟန်း ဤသာသနာတော်၌ ရဟန်းသည်...

၁။ ဆင်ခြင်၍ အချို့ (မှီဝဲသင့်သည်)ကို မှီဝဲ၏၊
၂။ ဆင်ခြင်၍ အချို့ (သည်းခံသင့်သည်)ကို သည်းခံ၏၊
၃။ ဆင်ခြင်၍ အချို့ (ကြဉ်သင့်သည်)ကို ကြဉ်၏၊
၎။ ဆင်ခြင်၍ အချို့ (ပယ်ဖျောက်သင့်သည်)ကို ပယ်ဖျောက်၏။

ရဟန်း ဤနည်းဖြင့် ရဟန်းသည် မှီရာနှင့် ပြည့်စုံသူဖြစ်၏ဟု (မိန့်တော်မူ၏)။

၂ - နိဿယသုတ်၊ သမ္ဘောဓိဝဂ်၊ နဝကနိပါတ်၊ အင်္ဂုတ္တိုရ်ပါဠိတော်။