သံဃဘေဒသုတ်၊ ၈
ညီညွတ်သော သံဃာကို ကွဲအောင်ပြုခြင်းကြောင့်
သံဃာကို သင်းခွဲသူသည် အပါယ်၌ ဖြစ်ထိုက်၏။
သံဃာ ကွဲပြားမှု၌ မွေ့လျော်သူသည် နိဗ္ဗာန်မှ ဆုတ်ယုတ်၏။
(အဝီစိ) ငရဲ၌ ဖြစ်ရ၏။
(အန္တရ) ကပ်ပတ်လုံး ငရဲ၌ ကျက်ရ၏။
မူရင်းအတိုင်းဖတ်လိုပါလျှင်....
၈ - သံဃဘေဒသုတ်၊ ဒုတိယ၀ဂ်၊ ဣတိဝုတ်ပါဠိတော်။
၁၈။ ဤဒေသနာကို ဘုန်းတော်ကြီးသော မြတ်စွာဘုရားသည် ဟောတော်မူ၏။ ပူဇော်အထူးကို ခံတော်မူထိုက်သော မြတ်စွာဘုရား ဟောတော်မူ၏ဟု အကျွန်ုပ် ကြားနာခဲ့ရပါသည်-
ရဟန်းတို့ တစ်ခုသောတရားသည် လောက၌ ဖြစ်ပေါ်လာသည်ရှိသော် လူအများ စီးပွါးမဲ့ရန် လူအများ မချမ်းသာရန် လူအများ အကျိုးမဲ့ရန် နတ်လူတို့ အကျိုးစီးပွါး မရှိရန် ဆင်းရဲရန်သာဖြစ်၏။
တစ်ခုသော တရားဟူသည် အဘယ်နည်း။ ((သံဃာ ကွဲပြားမှုတည်း))
ရဟန်းတို့ သံဃာ ကွဲပြားသည်ရှိသော် သံဃာ ကွဲပြားခြင်းကြောင့်.....
အချင်းချင်း ငြင်းခုံမှုတို့သည်လည်း ဖြစ်ကုန်၏။
အချင်းချင်း ခြိမ်းခြောက်မှုတို့သည်လည်း ဖြစ်ကုန်၏။
အချင်းချင်း ရှုတ်ချ ပစ်ပယ်မှုတို့သည်လည်း ဖြစ်ကုန်၏။
အချင်းချင်း နှင်ထုတ် စွန့်လွှတ်မှုတို့သည်လည်း ဖြစ်ကုန်၏။
ထိုသံဃာ ကွဲပြားရာ၌ မကြည်ညိုသေးသော သူတို့လည်း မကြည်ညိုကုန်။
ကြည်ညိုပြီးသော အချို့သူတို့လည်း အကြည်ညို ပျက်ကုန်၏။
ဤအနက်သဘောကို မြတ်စွာဘုရား ဟောတော်မူ၏။
ထိုသုတ်၌ ဤအနက်သဘောကို -
''သံဃာကို သင်းခွဲသူသည် အပါယ်၌ ဖြစ်ထိုက်၏။ (အဝီစိ) ငရဲ၌ ဖြစ်ရ၏။ (အန္တရ) ကပ်ပတ်လုံးတည်၏။ သံဃာ ကွဲပြားမှု၌ မွေ့လျော်၍ မတရားမှု၌ တည်သူသည် ယောဂ လေးဖြာကုန်ရာ နိဗ္ဗာန်မှ ဆုတ်ယုတ်၏။ ညီညွတ်သော သံဃာကို သင်းခွဲသောကြောင့် (အန္တရ) ကပ်ပတ်လုံး ငရဲ၌ ကျက်ရ၏'' ဟု ဤဂါထာဖြင့် ဆိုအပ်၏။
ဤအနက်သဘောကိုလည်း
မြတ်စွာဘုရား ဟောအပ်၏ဟု အကျွန်ုပ် ကြားနာခဲ့ရပါသည်။
အဋ္ဌမသုတ်။
သံဃဘေဒသုတ်၊ ဒုတိယ၀ဂ်၊ ဣတိဝုတ်ပါဠိတော်။
