သမထကမ္မဋ္ဌာန်း ၄၀-

သမထ ကမ္မဋ္ဌာန်း ၄၀

ကမ္မဋ္ဌာန်းဟူသည် သမထဘာဝနာကံ ၀ိပဿနာ ဘာဝနာကံ နှစ်ပါးတို့၏ ဖြစ်ရာဖြစ်ကြောင်း ဖြစ်သောကြောင့် ကသိုဏ်း ပညတ်စသော တေဘုမ္မက သင်္ခါရ တရားတို့ကို ခေါ်ဆိုပါသည်။
သမထ (စိတ်တည်ငြိမ်မှု)ကို ပေါက်မြောက် အောင်မြင်ရန် အလို့ငှာ ကမ္မဋ္ဌာန်း (စိတ်အာရုံစူးစိုက်ရာ ဌာနများ) လေးဆယ်အနက် တစ်ပါးပါးကို စူးစိုက် အားထုတ်ရပေသည်။

ကသိုဏ်း-----------၁၀-ပါး။
အသုဘ------------၁၀-ပါး။
အနုဿတိ---------၁၀-ပါး။
ဗြဟ္မ၀ိဟာရ----------၄-ပါး။
သညာ---------------၁-ပါး။
စတုဓာတု၀၀တ္ထာန်---၁-ပါး။
အာရုပ္ပ---------------၄-ပါး။
စုစုပေါင်း-----------၄၀-ဖြစ်ပါသည်။

ကသိုဏ်း ၁၀-ပါးမှာ-

၁။ ပထ၀ီကသိဏ၊ မြေ ကသိုဏ်း။
၂။ အာပေါကသိဏ၊ ရေ ကသိုဏ်း။
၃။ တေဇောကသိဏ၊ မီး ကသိုဏ်း။
၎။ ၀ါယောကသိဏ၊ လေ ကသိုဏ်း။
၅။ နီလကသိဏ၊ အညိုရောင် ကသိုဏ်း။
၆။ ပီတကသိဏ၊ အ၀ါရောင် ကသိုဏ်း။
၇။ လောဟိတကသိဏ၊ အနီရောင် ကသိုဏ်း။
၈။ သြဒါတကသိဏ၊ အဖြူရောင် ကသိုဏ်း။
၉။ အာကာသကသိဏ၊ ကောင်းကင် ကသိုဏ်း။
၁၀။ အာလောကကသိဏ၊ အလင်းရောင် ကသိုဏ်းတို့ဖြစ်ပါသည်။

အသုဘ ၁၀-ပါးမှာ-

၁။ ဥဒ္ဓုမာတက၊ ဖူးဖူးရောင်သော သူသေကောင်။
၂။ ၀ိနီလက၊ အညို အနီစသည် ရောယှက်လျက် အရောင် အဆင်းပျက်နေသော သူသေကောင်။
၃။ ၀ိပုဗ္ဗက၊ ပုပ်ရိပြီး သွေးပြည်တို့ဖြင့် ကွဲအက် ယိုကျနေသော သူသေကောင်။
၎။ ၀ိစ္ဆိဒ္ဒက၊ အရေပြားများ အပိုင်းပိုင်း ကွဲအက်နေသော သူသေကောင်။
၅။ ၀ိက္ခာယိတက၊ ခွေး ကျီး လင်းတ စသည်တို့ ထိုးဆွ ကိုက်ခဲ၍ မွမွကြဲနေသော သူသေကောင်။
၆။ ၀ိက္ခိတ္တက၊ ခြေတခြား လက်တခြား ခေါင်း ကိုယ်စသည်တို့ကို ကစဥ့်ကလျား ပစ်လွှင့်ထားအပ်သော သူသေကောင်။
၇။ ဟတ၀ိက္ခိတ္တက၊ ခြေ လက် ကိုယ် ခေါင်းစသည်ကို တခြားစီ ဖြတ်လျက် ဓားရာခြင်းယှက်နေအောင် မွှန်း၍ တကွဲတခြား ပစ်လွှင့်ထားအပ်သော သူသေကောင်။
၈။ လောဟိတက၊ ထိုမှဤမှ သွေးယိုထွက်၍ အနှံ့အပြား သွေးလိမ်းကျံနေသော သူသေကောင်။
၉။ ပုဠုဝက၊ ပိုးလောက်များ ကျိကျိတက် ပြည့်နေ သော သူသေကောင်။
၁၀။ အဋ္ဌိက၊ အရိုးစုသာကြွင်းကျန်သော သူသေကောင်တို့ဖြစ်ပါသည်။

အနုဿတိ ၁၀-ပါးမှာ-

၁။ ဗုဒ္ဓါနုဿတိ၊ အရဟံ အစရှိသော မြတ်စွာဘုရား၏ ဂုဏ်တော်ကိုးပါးကို အဖန်တလဲလဲ အောက်မေ့ခြင်း။
၂။ ဓမ္မာနုဿတိ၊ သွာက္ခာတတာ အစရှိသော တရားတော်၏ ဂုဏ်တော်ခြောက်ပါးကို အဖန်တလဲလဲ အောက်မေ့ခြင်း။
၃။ သံဃာနုဿတိ၊ သုပ္ပဋိပန္န အစရှိသော သံဃာတော်၏ ဂုဏ်တော်ကိုးပါးကို အဖန်တလဲလဲ အောက်မေ့ခြင်း။
၎။ သီလာနုဿတိ၊ မိမိ၏ သီလဂုဏ်ကို အဖန်တလဲလဲ အောက်မေ့ခြင်း။
၅။ စာဂါနုဿတိ၊ မိမိပြုခဲ့ဘူးသည့် ဒါန အစုစုကို အဖန်တလဲလဲ အောက်မေ့ခြင်း။
၆။ ဒေ၀တာနုဿတိ၊ သဒ္ဓါ အစရှိသောဂုဏ်နှင့် ပြည့်စုံသဖြင့် နတ်ဖြစ်လေကုန်သည် ငါလည်း သဒ္ဓါအစရှိသော ဂုဏ်တို့နှင့် ပြည့်စုံ၏ဟု နတ်တို့ကို သက်သေထား၍ အဖန်တလဲလဲ အောက်မေ့ခြင်း။
၇။ ဥပသမာနုဿတိ၊ နိဗ္ဗာန်၏ ဂုဏ်ကျေးဇူးကို အဖန်တလဲလဲ အောက်မေ့ခြင်း။
၈။ မရဏာနုဿတိ၊ သေခြင်းကို အဖန်တလဲလဲ အောက်မေ့ခြင်း။
၉။ ကာယဂတာသတိ၊ ဆံပင် အမွှေး လက်သည်း ခြေသည်း စသည့် ၃၂-ပါးသော ကောဋ္ဌာသကို အဖန် တလဲလဲ အောက်မေ့ခြင်း။
၁၀။ အာနာပါနဿတိ၊ နှာခေါင်းမှ ထွက်သက်ဝင်သက်ကို အဖန်တလဲလဲ အောက်မေ့ခြင်းတို့ဖြစ်ပါသည်။

ဗြဟ္မ၀ိဟာရ ၄-ပါးမှာ-

၁။ မေတ္တာ၊ ချစ်ခြင်းဖြင့် သတ္တ၀ါပညတ်အပေါ် ပွားများ စူးစိုက်ခြင်း။
၂။ ကရုဏာ၊ သနားကြင်နာစိတ်ဖြင့် သတ္တ၀ါတို့အပေါ် ပွားများစူးစိုက်ခြင်း။
၃။ မုဒိတာ၊ သူတစ်ပါးတို့ ကြီးပွားချမ်းသာခြင်း၌ ၀မ်းမြောက်သောစိတ်ဖြင့် သူတစ်ပါးတို့အပေါ် (၀ါ) သတ္တ၀ါ တို့အပေါ် ပွားများစူးစိုက်ခြင်း။
၎။ ဥပေက္ခာ၊ မုန်းခြင်း ချစ်ခြင်း မထားသောစိတ်ဖြင့် သတ္တ၀ါတို့အပေါ် ပွားများစူးစိုက်ခြင်းတို့ဖြစ်ပါသည်။

သညာ ၁-ပါးမှာ-

၁။ အာဟာရေ ပဋိကူလသညာ၊ စားသောက်သော အာဟာရတို့အပေါ် စက်ဆုတ်ဖွယ်အနေ ထင်မြင်လာအောင် စူးစိုက်ရှုပွားခြင်းတို့ဖြစ်ပါသည်။

စတုဓာတု၀၀တ္ထာန် ၁-ပါးမှာ-

၁။ စတုဓာတု၀၀တ္ထာန၊ မိမိခန္ဓာကိုယ်ကို ရေ မြေ လေ မီး စသော မဟာဘုတ်ကြီးလေးပါးအနေ ထင်မြင်အောင် စူးစိုက်ရှုပွားခြင်း ဖြစ်သည်။

အာရုပ္ပ ၄-ပါးမှာ-

၁။ အာကာသာနဉ္စာယတန၊ အစအဆုံးမရှိ အနန္တ ကောင်းကင်ပညတ်ကို စူးစိုက်ခြင်း။
၂။ ၀ိညာနဉ္စာယတန၊ အစအဆုံးမရှိ အနန္တ၀ိညာဏ ပညတ်ကို စူးစိုက်ခြင်း။
၃။ အာကိဉ္စညာယတန၊ ဘာမျှမရှိခြင်းသဘော နတ္ထိ သဘော ပညတ်ကို စူးစိုက်ခြင်း။
၎။ နေ၀သညာနာသညာယတန၊ သညာရှိသည်လည်း မဟုတ် မရှိသည်လည်း မဟုတ်သော ပညတ်၌ စူးစိုက်ခြင်းတို့ ဖြစ်ပါသည်။

သမထကမ္မဋ္ဌာန်း ၄၀-ပြီး၏။