သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။
Friday, April 11, 2008
လောကီ လောကုတ္တရာ ဉာဏ်စဉ် ၁၆-ပါး-
ပဋိသမ္ဘိဒါမဂ်ပါဠိတော်လာ ဉာဏ်စဉ် ၁၆-ပါး-
၁။ နာမရူပ ပရိစ္ဆေဒဉာဏ်= ရုပ် နာမ် ခွဲခြားသိသောဉာဏ်။
၂။ ပစ္စယပရိဂ္ဂဟဉာဏ်= နာမ်ဖြစ်ပေါ်ခြင်း အကြောင်းတရား၊
ရုပ်ဖြစ်ပေါ်ခြင်း အကြောင်းတရားတို့ကို သိမ်းကျုံးစုစည်း သိမြင်နိုင်သောဉာဏ်။
၃။ သမ္မသနဉာဏ်= ရုပ်သဘော နာမ်သဘောတို့ကို လေ့လာသုံးသပ်သောဉာဏ်။
၎။ ဥဒယဗ္ဗယဉာဏ်= ရုပ်နာမ် အဖြစ်အပျက်တို့ကို သိမြင်သောဉာဏ်။
၅။ ဘင်္ဂဉာဏ်= ရုပ်နာမ်တို့၏ (အဖြစ်ကိုမမီလိုက်ဘဲ)
အပျက်ကိုသာမီလိုက်သဖြင့် သိမြင်လိုက်သောဉာဏ်။
၆။ ဘယဉာဏ်= ရုပ်နာမ်နှစ်ပါးတို့၏ အဖြစ်အပျက်ကို ဘေးဟူ၍ ရှုမြင်သောဉာဏ်။
၇။ အာဒီန၀ဉာဏ်= ထိုဘေးကို အပြစ်ဟူ၍ ရှုမြင်သောဉာဏ်။
၈။ နိဗ္ဗိန္ဒဉာဏ်= ရုပ်နာမ်နှစ်ပါးတို့၏ အဖြစ်အပျက်တွေအပေါ် ငြီးငွေ့လာသောဉာဏ်။ မလိုချင် မတွယ်တာ ဖြစ်လာသောဉာဏ်။
၉။ မုစ္စိတုကမျတာဉာဏ်= ဖြစ်ပျက် ဒုက္ခသစ္စာကြီးမှ လွတ်မြောက်လိုသောဉာဏ်။
၁၀။ ပဋိသင်္ခါဉာဏ်= ထိုဒုက္ခတို့မှ လွတ်မြောက်ရာ လွတ်မြောက်ကြောင်းကို ဆင်ခြင်သောဉာဏ်။
၁၁။ သင်္ခါရုပေက္ခာဉာဏ်= သင်္ခါရတရားတွေချည်း ရှုမြင်နေသောဉာဏ်။
၁၂။ အနုလောမဉာဏ်= မဂ်ဖိုလ် နိဗ္ဗာန်အား ရဖို့အလျော် ဖြစ်သောဉာဏ်။
၁၃။ ဂေါတြဘူဉာဏ်= ပုထုဇဉ် အနွယ်ကိုဖြတ်၍ အရိယာအနွယ်ကို ဖြစ်စေတတ်သောဉာဏ်။
၁၄။ မဂ်ဉာဏ်= နိဗ္ဗာန်ကို မြင်သောဉာဏ်။
၁၅။ ဖိုလ်ဉာဏ်= နိဗ္ဗာန်ကိုပင်မြင်သောဉာဏ်။
၁၆။ ပစ္စဝေက္ခဏာဉာဏ်= ရခဲ့ပြီးသော တရားတို့ကို ပြန်လည်ဆင်ခြင်သောဉာဏ်။
ဟူ၍ ဉာဏ်စဉ် ၁၆-ပါးရှိ၏။
၁-မှ ၁၂-ထိ လောကီပိုင်းဆိုင်ရာ။
၁၃-မှ ၁၆-ထိ လောကုတ္တရာပိုင်းဆိုင်ရာ။
၂-မှ ၁၂-ထိ ၀ိပဿနာဉာဏ်။
Subscribe to:
Post Comments (Atom)
No comments:
Post a Comment