နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Tuesday, April 22, 2008

မိမိကိုယ်ကို ချစ်သည်ဆိုပါလျှင်-

မိမိကိုယ်ကို အချစ်ဆုံး၊ မိမိကိုယ်ကို ချစ်သည်ဆိုပါလျှင်-

အ ချစ် ဆုံး

ပသေနဒီကောသလမင်းသည် မလ္လိကာမိဖုရားအား၊
မလ္လိကာ သင့်အား-
မိမိထက် ချစ်မြတ်နိုးသူ တစ်စုံတစ်ယောက် ရှိသေးသလောဟု ပြောဆို၏။
အရှင်မင်းကြီး-
ကျွန်တော်မအား မိမိထက် ချစ်မြတ်နိုးသူ တစ်စုံတစ်ယောက်မျှ မရှိပါ၊

အရှင်မင်းကြီးမှာကောဟုမေးလေသော်-
မလ္လိကာ-
ငါ့အားလည်း မိမိထက် ချစ်မြတ်နိုးသူ တစ်စုံတစ်ယောက်မျှ မရှိပါဟု ပြောဆို၏။

ထို့နောက် ပသေနဒီကောသလမင်းသည် ပြာသာဒ်မှ သက်ဆင်း၍ မြတ်စွာဘုရားထံသို့ ချဉ်းကပ်ပြီးလျှင် မြတ်စွာဘုရားကို ရှိခိုးလျက် တစ်ခုသော အရပ်၌ ထိုင်နေပြီးသော် မြတ်စွာဘုရားကိုအသျှင်ဘုရား ယနေ့ တပည့်တော်သည် မလ္လိကာမိဖုရားကြီးနှင့်အတူ မြတ်သော ပြာသာဒ်ထက်၌ တည်နေလျက် မလ္လိကာ မိဖုရားကြီးကို မလ္လိကာ သင့်အား မိမိထက် ချစ်မြတ်နိုးသူ တစ်စုံတစ်ယောက် ရှိသေးသလော ဟု ပြောဆိုပါ၏။ ဤသို့ဆိုသော် မလ္လိကာမိဖုရားသည် တပည့်တော်ကို မင်းကြီး ကျွန်တော်မအား မိမိထက် ချစ်မြတ်နိုးသူ တစ်စုံတစ်ယောက်မျှ မရှိပါ၊ အရှင်မင်းကြီးအားမူ မိမိထက် ချစ်မြတ်နိုးသူ တစ်စုံတစ်ယောက် ရှိပါသေးသလော ဟု မေးပါ၏။ ဤသို့မေးသော် အသျှင်ဘုရား တပည့်တော်သည် မလ္လိကာမိဖုရားကို မလ္လိကာ ငါ့အားလည်း မိမိ ထက် ချစ်မြတ်နိုးသူ တစ်စုံတစ်ယောက်မျှ မရှိဟု ဤသို့ ပြောဆိုပါသည်ဟု လျှောက်၏။

ထိုအခါ မြတ်စွာဘုရားသည် ဤအကြောင်းအရာကို သိတော်မူ၍ ထိုသိသော အချိန်၌ အလုံးစုံ အရပ်တို့သို့ စိတ်ဖြင့် အစဉ်လျှောက်၍ ရှာဖွေသော်လည်း မိမိထက် ချစ်မြတ်နိုးသူ တစ်စုံတစ်ယောက်ကိုမျှ မရနိုင်၊ ဤသို့ သူတစ်ပါးတို့ထက် မိမိကိုယ်ကို အသီးအခြား ချစ်၏။ ထို့ကြောင့် မိမိအကျိုးစီးပွါး လိုလားသူသည် သူတစ်ပါးကို မညှဉ်းဆဲရာ
ဟု ဤဥဒါန်းကို ကျူးရင့်တော်မူ၏။

ဥဒါန်းပါဠိတော်၊ သောဏ၀ဂ်၊ ပိယတရသုတ်။

No comments: