သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။
Wednesday, April 16, 2008
လူတိုင်းသွားရမည့်လမ်း-
လူတိုင်းသွားရမည့်လမ်း
သူသူငါငါ၊ သတ္တ၀ါမှန်သမျှ တစ်နေ့ကျ၊ သေရမှာချည်းပါတကား။
ဦးသူတွေမှာ၊ ခန္ဓာသဘာဝ၊ အချက်ရလျက်၊
ပျက်ရခုခါ တို့သူငါ၊ မှန်စွာဤနည်းပါတကား။
ဖြစ်ပြီးလျှင်အို၊ အိုပြီးလျှင်နာ၊ နာပြီးသေကြ မလွတ်ရ၊
ဝဋ်ကပေးသည့် ဒဏ်ပါတကား။
ခန္ဓာငါးရပ်၊ သူသတ်ငါးတန်၊ လက်ခံခဲ့ချေ၊ တို့တစ်တွေကား၊
မသေချင်ပါ၊ မနာချင်လို၊ မအိုချင်ကြ နေမရ၊ သေရ နာရ အိုရမည်။
ခန္ဓာငါးပါး၊ သူရဲများတို့၊ ခဲစားအပ်စွာ၊ ခန္ဓာရလေ၊ တို့တစ်တွေကား၊
မသေချင်ပါ၊ မနာချင်လို၊ မအိုချင်ကြ နေမရ၊ သေရ နာရ အိုရမည်။
မအိုချင်လို၊ ငါကဆိုလည်း၊ ဆိုတိုင်းမရ အိုကြရ၊ အနတ္တ ခန္ဓာကိုယ်။
မနာချင်လို၊ ငါကဆိုလည်း၊ ဆိုတိုင်းမရ နာကြရ၊ အနတ္တ ခန္ဓာကိုယ်။
မသေချင်လို၊ ငါကဆိုလည်း၊ ဆိုတိုင်းမရ သေကြရ၊ အနတ္တ ခန္ဓာကိုယ်။
Subscribe to:
Post Comments (Atom)
No comments:
Post a Comment