နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Saturday, April 19, 2008

ဆင်းတုတော်များကို ကိုးကွယ်ထားခြင်းဖြင့်-

မိမိတို့ အိမ်ဂေဟာတွင် ဗုဒ္ဓရုပ်ပွား ဆင်းတုတော်များကို ဘုရားစင်နှင့် ကိုးကွယ်ထားခြင်းဖြင့် အကျိုးကျေးဇူး ၉-မျိုးကိုရရှိပါသည်-

ကိုး
မိမိတို့ အိမ်ဂေဟာတွင် ဗုဒ္ဓရုပ်ပွား ဆင်းတုတော်များကို
ဘုရားစင်နှင့် ကိုးကွယ်ထားခြင်းဖြင့်
အကျိုးကျေးဇူး ၉-မျိုးကိုရရှိပါသည်။

၁။ ဘုရားစင်ရှိသည့်အတွက် ဘုရားကို မြင်နေရခြင်း၊ ဘုရားဝေယျာဝစ္စ ပြုနေရခြင်း၊ ဘုရားကို ကိုင်းညွတ်သည့်စိတ်ဖြင့် မမေ့ခြင်း၊ ဘုရားတရားနှင့် ကင်းကွာမနေခြင်း။

၂။ မြတ်စွာဘုရားကို ဖူးတွေ့ရခြင်းဖြင့် ဗုဒ္ဓဘာသာအပေါ် ပို၍ ယုံကြည်မှု လေးနက်လာပေသည်။

၃။ အိမ်တွင်ဘုရားစင်ရှိလျှင် စနစ်တကျ ဆည်းကပ်ကိုးကွယ်မှု ပြုခြင်းဖြင့် သတိမြဲခြင်းနှင့် ပညာဉာဏ် ထက်မြက်ခြင်းများရှိလာသည်။

၎။ ကုသိုလ်တရားများ တိုးပွားလာသည်။

၅။ စိတ်ညစ်ညူးမှုရှိလာလျှင် ဘုရားစင် ဘုရားရှင်ရှေ့တော်သို့ သွားပြီး ဘုရားပန်းလဲခြင်း၊ မြတ်စွာဘုရားကို အသေအချာကြည့် အာရုံပြုလိုက်ခြင်းဖြင့် စိတ်ညစ်ညူးမှုများ ပပျောက်လာမည်။ အမှားအယွင်းများ မပြုလုပ်မိတော့ဘဲ ရပ်တန်းမှရပ်ပြီး စိတ်ကြည်နူးမှု ချက်ခြင်းရရှိလာပါသည်။

၆။ အိမ်တွင် ဘုရားစင်ရှိသဖြင့် မကောင်းဆိုးဝါး သရဲများ၏ အနှောက် အယှက်များမှကင်းပြီး မကြောက်မရွံ့ နေနိုင်ပါသည်။

၇။ ဆင်းရဲဒုက္ခကို သည်းခံလာနိုင်သည်။

၈။ ဘုရားစင်ကို ပိုးမျှင် ဖုန်များ ကင်းစင်အောင် လှည်းကျင်းသုတ်သင်ပြီး ကျကျ နနထားလျှင် အိမ့်ကျက်သရေ၊ လူ့ကျက်သရေတိုးပြီး ဂုဏ်သိက္ခာများ တက်ပါမည်။

၉။ ဘုရားစင်ရှိသဖြင့် မြတ်စွာဘုရားနှင့် အတူနေရသကဲ့သို့ဖြစ်ပြီး သူတစ်ပါး၏ ချီးမြှောက် ပူဇော်မှုကို ခံယူရရှိနိုင်ပါသည်။

အားလုံး စိတ်ချမ်းသာကြပါစေ ဒုက္ခဆင်းရဲကင်းကြပါစေ။

No comments: