နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Saturday, September 26, 2009

သာသနာ အရှည်တည်ကြောင်း မတည်ကြောင်း...

ကိမိလသုတ်

သာသနာ အရှည်တည်ကြောင်း မတည်ကြောင်း...

အကျွန်ုပ်သည် ဤသို့ ကြားနာခဲ့ရပါသည် -

အခါတစ်ပါး၌ မြတ်စွာဘုရားသည် ကိမိလမြို့ ဝါးတော၌ (သီတင်းသုံး) နေတော်မူ၏။ ထိုအခါ အသျှင်ကိမိလမထေရ်သည် မြတ်စွာဘုရားထံသို့ ချဉ်းကပ်၍ ရှိခိုးပြီးလျှင် တစ်ခုသော နေရာ၌ ထိုင်နေပြီးလျက် မြတ်စွာဘုရားအား-

''အသျှင်ဘုရား မြတ်စွာဘုရား ပရိနိဗ္ဗာန် စံတော်မူသည် ရှိသော် သာသနာတော် ကြာရှည်စွာ မတည်နိုင်ခြင်း၏ အကြောင်းကား အဘယ်ပါနည်း၊ အထောက်အပံ့ ကား အဘယ်ပါနည်း'' ဟု လျှောက်၏။

ကိမိလ ဤသာသနာတော်၌ မြတ်စွာဘုရားသည် ပရိနိဗ္ဗာန် စံတော်မူသည် ရှိသော် ရဟန်း ရဟန်းမိန်းမ ဥပါသကာ ဥပါသိကာမတုိ့သည် -

မြတ်စွာဘုရား၌ မရိုမသေ မတုပ်မဝပ် နေကုန်၏။
တရားတော်၌ မရိုမသေ မတုပ်မဝပ် နေကုန်၏။
သံဃာတော်၌ မရိုမသေ မတုပ်မဝပ် နေကုန်၏။
အကျင့် 'သိက္ခာ' ၌ မရိုမသေ မတုပ်မဝပ် နေကုန်၏။
မမေ့မလျော့ခြင်း 'အပ္ပမာဒ' ၌ မရိုမသေ မတုပ်မဝပ် နေကုန်၏။
အစေ့အစပ် ပြုမှု 'ပဋိသန္ထာရ' ၌ မရိုမသေ မတုပ်မဝပ် နေကုန်၏။

ကိမိလ မြတ်စွာဘုရား ပရိနိဗ္ဗာန် စံတော်မူသည် ရှိသော်...
သာသနာတော် ကြာမြင့်စွာ မတည်နိုင်ခြင်း၏ အကြောင်းကား ဤသည်ပင်တည်း၊
အထောက်အပံ့ကား ဤသည်ပင်တည်း ဟု မိန့်တော်မူ၏။

အသျှင်ဘုရား မြတ်စွာဘုရား ပရိနိဗ္ဗာန် စံတော်မူသည် ရှိသော် သာသနာတော် ကြာမြင့်စွာတည်နိုင်ခြင်း၏ အကြောင်းကား အဘယ်ပါနည်း၊ အထောက်အပံ့ကား အဘယ်ပါနည်း ဟု (လျှောက်၏)။

ကိမိလ ဤသာသနာတော်၌ မြတ်စွာဘုရား ပရိနိဗ္ဗာန် စံတော်မူသည် ရှိသော် ရဟန်း ရဟန်းမိန်းမ ဥပါသကာ ဥပါသိကာမတုိ့သည် -

မြတ်စွာဘုရား၌ ရိုသေမှု တုပ်ဝပ်မှု ရှိလျက် နေကုန်၏။
တရားတော်၌ ရိုသေမှု တုပ်ဝပ်မှု ရှိလျက် နေကုန်၏။
သံဃာတော်၌ ရိုသေမှု တုပ်ဝပ်မှု ရှိလျက် နေကုန်၏။
အကျင့် 'သိက္ခာ' ၌ ရိုသေမှု တုပ်ဝပ်မှု ရှိလျက် နေကုန်၏။
မမေ့မလျော့ခြင်း 'အပ္ပမာဒ' ၌ ရိုသေမှု တုပ်ဝပ်မှု ရှိလျက် နေကုန်၏။
အစေ့အစပ် ပြုမှု 'ပဋိသန္ထာရ' ၌ ရိုသေမှု တုပ်ဝပ်မှု ရှိလျက် နေကုန်၏။

ကိမိလ မြတ်စွာဘုရား ပရိနိဗ္ဗာန် စံတော်မူသည် ရှိသော်...
သာသနာတော် ကြာမြင့်စွာ တည်နိုင်ခြင်း၏ အကြောင်းကား ဤသည်ပင်တည်း၊
အထောက်အပံ့ကား ဤသည်ပင်တည်း ဟု မိန့်တော်မူ၏။ 40

၁ဝ - ကိမိလသုတ်၊ ဒေဝတာဝဂ်၊ ဆက္ကနိပါတ်၊ အင်္ဂုတ္တိုရ်ပါဠိတော်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

No comments: