တူမျှသူ၌ ဖြစ်သော
'သေယျမာန်'
ထိုတွင် အဘယ်သည် တူသောသူ၏
ငါ သူ့ထက်မြတ်၏ဟု မှတ်ထင်ထောင်လွှားမှု 'သေယျမာန်' မည်သနည်း။
ဤလောက၌ အချို့သူသည် တူ၏။
အမျိုးဖြင့် လည်းကောင်း၊
အနွယ်ဖြင့် လည်းကောင်း၊
အမျိုးကောင်းသားဖြစ်ခြင်းဖြင့် လည်းကောင်း၊
အလွန်အဆင်းလှခြင်းဖြင့် လည်းကောင်း၊
ဥစ္စာဖြင့် လည်းကောင်း၊
ရွတ်ဖတ် သရဇ္ဈာယ်ခြင်းဖြင့် လည်းကောင်း၊
အလုပ်အကိုင်ဖြင့် လည်းကောင်း၊
လက်မှုအတတ်ဖြင့် လည်းကောင်း၊
နှုတ်မှုအတတ်ဖြင့် လည်းကောင်း၊
အကြားအမြင်ဖြင့် လည်းကောင်း၊
ပညာဖြင့်လည်းကောင်း၊
အမှတ်မထား တစ်ပါးပါးသော အကြောင်းဖြင့်
မိမိကိုယ်ကို သူတစ်ပါးတို့ထက် အမြတ်ထား၏။
ထိုသူသည် ထိုကို မှီ၍ မှတ်ထင်ထောင်လွှား၏။
မာန်ထောင်၏
ဤသို့သဘောရှိသော အကြင်
မှတ်ထင်ထောင်လွှားမှု 'မာန'၊
မှတ်ထင် ထောင်လွှားသော အခြင်းအရာ 'မညနာ'၊
မှတ်ထင်ထောင်လွှားသည်၏ အဖြစ် 'မညိတတ္တ'၊
တက်ကြွမှု 'ဥန္နတိ'၊
မြှောက်၍ထားခြင်း သဘော 'ဥန္နာမ'၊
တံခွန်သဖွယ်ဖြစ်မှု 'ဓဇ'၊
ချီးမြှောက်မှု'သမ္ပဂ္ဂါဟ'၊
စိတ်၏ မှန်ကင်းသဖွယ်ပြုမှု 'ကေတုကမျတာ' သည် ရှိ၏။
ဤသဘောကို တူသောသူ၏ ငါ (သူ့ထက်) မြတ်၏ ဟူ၍ မှတ်ထင်ထောင်လွှားမှု 'သေယျမာန်'ဟု ဆိုအပ်၏။
ခုဒ္ဒကကဝတ္ထုဝိဘင်္ဂ၊ ၀ိဘင်္ဂပါဠိတော်၊ အဘိဓမ္မာပိဋက။ 872
သာဓု... သာဓု... သာဓု...။
No comments:
Post a Comment