နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Monday, October 6, 2008

စက္က၀တ္တိသုတ်မှ-

စက္က၀တ္တိသုတ်မှ-
အသက်အဆင်းစသည် ယုတ်လျော့ခြင်း အကြောင်း

၁၀၂။ ရဟန်းတို့ ဤသို့လျှင်...
ပစ္စည်းဥစ္စာမရှိသူတို့အား ပစ္စည်းဥစ္စာကို မပေးသော် ဆင်းရဲခြင်း ပွါးများလာ၏၊
ဆင်းရဲခြင်းပွါးများလာသော် သူတစ်ပါးတို့မပေးသော ဥစ္စာကို ခိုးယူမှုပွါးများလာ၏၊
ခိုးယူမှု ပွါးများလာသော် လက်နက်ပွါးများလာ၏၊
လက်နက်ပွါးများလာသော် အသက်သတ်မှု ပွါးများလာ၏၊
အသက်သတ်မှု ပွါးများလာသော် မဟုတ်မမှန်ပြောမှု ပွါးများလာ၏၊
မဟုတ်မမှန်ပြောမှု ပွါးများလာသော် ကုန်းချောမှု ပွါးများလာ၏၊
ကုန်းချောမှု ပွါးများလာသော် ကာမဂုဏ်တို့၌ မှားယွင်းစွာ ကျင့်မှု ပွါးများလာ၏၊
ကာမဂုဏ်တို့၌ မှားယွင်းစွာကျင့်မှု ပွါးများလာသော် -
ကြမ်းတမ်းသောစကား ပြိန်ဖျင်းသောစကား တရားနှစ်ပါးတို့ ပွါးများ လာကုန်၏၊
ထို တရားနှစ်ပါးတို့ ပွါးများလာကုန်သော် -
လိုချင်တပ်မက်ခြင်း{အဘိဇ္ဈာ} ပျက်စီးစေလိုခြင်း {ဗျာပါဒ}တို့ ပွါးများ လာကုန်၏၊
ထို တရားနှစ်ပါးတို့ ပွါးများလာကုန်သော် -
မှားသော အယူဝါဒ ပွါးများလာ၏၊
မှားသော အယူဝါဒ ပွါးများလာသော် ...

၁...
မတရားသော တပ်မက်ခြင်း {အဓမ္မရာဂ}၊
အမိ အဒေါ် အမ နှမ စသည်၌ တပ်မက်မှု။

၂...
အလွန်အကြူး တပ်မက်ခြင်း {၀ိသမလောဘ}၊
လောကထုံးတမ်းအားဖြင့် သုံးဆောင်မှီဝဲသင့်သော သူတို့၌ အလွန်အကြူး လိုက် စားမှု။

၃...
မှားသော အကျင့်တရား {မိစ္ဆာဓမ္မ} ၊
ယောက်ျားအချင်းချင်း မိန်းမအချင်းချင်း တပ်မက်မှု။
တရားသုံးပါးတို့ ပွါးများလာကုန်၏၊

တရားသုံးပါးတို့ ပွါးများလာ ကုန်သော် -
အမိ၌ ကောင်းစွာ ပြုသင့်သော ၀တ်ကို မပြုခြင်း၊
အဖ၌ ကောင်းစွာ ပြုသင့်သော ၀တ်ကို မပြုခြင်း၊
သမဏတို့၌ ကောင်းစွာ ပြုသင့်သော ၀တ်ကို မပြုခြင်း၊
ဗြာဟ္မဏတို့၌ ကောင်းစွာ ပြုသင့်သော ၀တ်ကို မပြုခြင်း၊
အမျိုး၌ ကြီးသောသူတို့ကို ရိုသေတုပ်ဝပ်မှု မပြုခြင်းဟူသော...
ဤတရားတို့သည် ပွါးများလာကုန်၏။

ဤတရားတို့ ပွါးများလာကုန်သော် ထိုလူတို့၏ အသက်သည်လည်း ဆုတ်ယုတ်၏၊ အဆင်းသည်လည်း ဆုတ်ယုတ်၏၊ အသက်အားဖြင့်လည်း ဆုတ်ယုတ်ကုန်သော အဆင်းအားဖြင့်လည်း ဆုတ်ယုတ်ကုန်သော အနှစ်နှစ်ရာ့ငါးဆယ် အသက်ရှည် ကုန်သော ထိုလူတို့၏ သားသမီးတို့သည် အနှစ်တစ်ရာ အသက်ရှည်ကုန်၏။

((ယခုသက်တမ်းဖြစ်ပါသည် နောက်ကို ၁၀-နှစ်တန်းထိ ဆုတ်ပါဦးမည်။))

စက္က၀တ္တိသုတ် (မှ)၊ ပါထိက၀ဂ်၊ ဒီဃနိကာယ်။