နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Monday, August 10, 2009

အကြောင်းငါးမျိုးတို့ဖြင့် ချီးမြှောက်အပ်သည်...

အနုဂ္ဂဟိတသုတ် - (ချီးမြှောက်အပ်သည်)

ရဟန်းတို့ အကြောင်းငါးမျိုးတို့ဖြင့် ချီးမြှောက်အပ်သည့် မှန်ကန်သော အယူ 'သမ္မာဒိဋ္ဌိ' သည် စိတ်၏ (ကိလေသာမှ) လွတ်မြောက်မှု (မဂ်ဖိုလ်သမာဓိ) အကျိုးလည်း ရှိ၏၊ စိတ်၏ (ကိလေသာမှ) လွတ်မြောက်မှု (မဂ်ဖိုလ်သမာဓိ) အကျိုးအာနိသင်လည်း ရှိ၏၊ ပညာ၏ (ကိလေသာမှ) လွတ်မြောက်မှု အကျိုးလည်း ရှိ၏။ ပညာ၏ (ကိလေသာမှ) လွတ်မြောက်မှု အကျိုး အာနိသင်လည်း ရှိ၏။

အဘယ်ငါးမျိုးတို့နည်းဟူမူ -

ရဟန်းတို့ ...
ဤသာသနာတော်၌ မှန်ကန်သော အယူ 'သမ္မာဒိဋ္ဌိ' ကို...

သီလဖြင့်လည်း ချီးမြှောက်အပ်၏။
အကြားအမြင်ဖြင့်လည်း ချီးမြှောက်အပ်၏။
ဆွေးနွေးမှုဖြင့်လည်း ချီးမြှောက်အပ်၏။
သမထဖြင့်လည်း ချီးမြှောက်အပ်၏။
ဝိပဿနာဖြင့်လည်း ချီးမြှောက်အပ်၏။

ရဟန်းတို့
ဤ အကြောင်းငါးမျိုးတို့ဖြင့်
ချီးမြှောက်အပ်သော မှန်ကန်သောအယူ 'သမ္မာဒိဋ္ဌိ' သည်

စိတ်၏ (ကိလေသာမှ) လွတ်မြောက်မှု အကျိုးလည်း ရှိ၏၊
စိတ်၏ (ကိလေသာမှ) လွတ်မြောက်မှု အကျိုး အာနိသင်လည်း ရှိ၏၊
ပညာ၏ (ကိလေသာမှ) လွတ်မြောက်မှု အကျိုးလည်း ရှိ၏။
ပညာ၏ (ကိလေသာမှ) လွတ်မြောက်မှု အကျိုး အာနိသင်လည်း ရှိ၏ ဟု မိန့်တော်မူ၏။ 25

၅ - အနုဂ္ဂဟိတသုတ်၊ ပဉ္စင်္ဂကဝဂ်၊ ပဉ္စကနိပါတ်၊ အင်္ဂုတ္တိုရ်ပါဠိတော်။



ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

No comments: