နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Thursday, August 13, 2009

မုယောမုံ့ကို လှူဒါန်း၍...


ဂေါပါလဝိမာနဝတ္ထု

ရှေးဘဝ သူတပါးနွားမတို့ကို စောင့်ရှောက်ရသော လူဆင်းရဲဖြစ်စဉ် အသျှင် မောဂ္ဂလ္လာန် ကြွလာတော်မူ၍ ကြည်ညိုသဖြင့် ပုဝါနွမ်းဖြင့် ထုပ်ထားသော မုယောမုံ့ကို လှူဒါန်းခဲ့ပြီးလျှင် ပဲခင်းကို နွားမစားရန် လျင်မြန်စွာ အပြေးတွင် မြွေခဲ၍ သေဆုံးရာ တာဝတိံသာနတ်ပြည်၌ ခြောက်ဆယ့်လေးယောက်သော နတ်ကချေသည်တို့၏ အဖျော်အဖြေကို ခံလျက် လဝန်းကဲ့သို့သော ဗိမ္မာန်တွင် ပျော်စံရသောနတ်သား...

လက်ကောက် လက်ကြပ်စသော လက်ဝတ်တန်ဆာတို့ကို ဝတ်ဆင်အပ်သော၊ များသော အခြံအရံရှိသော၊ ကြာမြင့်စွာတည်သော မြင့်သော ဗိမာန်၌ လမင်းကဲ့သို့ (တင့်တယ်စွာ ထိုင်နေသော) ဂေါပါလကနတ်သားကို ရဟန်းတော် (အသျှင် မဟာမောဂ္ဂလ္လာန်)သည် မြင်၍ မေး၏။ 1159

တန်ဆာဆင်ယင်ထားသော၊ ပန်းတို့ကို ပန်ဆင်သော၊ ကောင်းစွာ ဝတ်ရုံထားသော၊ ကောင်းသော နားတောင်းလည်း ရှိသော၊ ဆံမုတ်ဆိတ် ပြုပြင်ထားသော၊ လက်ဝတ် တန်ဆာတို့ကို ဝတ်ဆင်ထားသော သင် နတ်သားသည် များသော အခြံအရံရှိသည် ဖြစ်၍ နတ်၌ဖြစ်သော ဗိမာန်၌ လဝန်းကဲ့သို့ တင့်တယ်၏။ 1160

နတ်စောင်းတို့သည် သာယာစွာ မြည်ကုန်၏၊ သင်အပ်ပြီးသော အတတ် ရှိကုန်သော၊ ကောင်းသော သဘောရှိကုန်သော၊ များမြတ်သော စည်းစိမ် ရှိကုန်သော၊ တာဝတိံသာ နတ်ပြည်၌ နေလေ့ ရှိကုန်သော၊ ခြောက်ကျိပ် လေးယောက်သော နတ်သမီးတို့သည် ကလည်း ကကြကုန်၏၊ သီဆိုလည်း သီဆိုကြကုန်၏၊ သင့်ကို ဝမ်းမြောက်လည်း ဝမ်းမြောက် စေကြကုန်၏။ 1161

အာနုဘော်ကြီးသော နတ်တန်ခိုးနှင့် ပြည့်စုံခြင်းသို့ ရောက်သော သင် နတ်သားသည် လူဖြစ်ခဲ့စဉ်က အဘယ်ကုသိုလ်ထူးကို ပြုခဲ့ဖူးပါသနည်း၊ အဘယ်ကုသိုလ်ထူးကြောင့် ဤသို့ တောက်ပသော အာနုဘော် ရှိပါသနည်း၊ အဘယ်ကုသိုလ်ထူးကြောင့် သင်၏ အရောင်အဆင်းသည်လည်း အရပ်မျက်နှာ အားလုံးတို့၌ ထွန်းလင်းတောက်ပသနည်း ဟု (အသျှင်မဟာ မောဂ္ဂလ္လာန်က မေး၏)။ 1162

ထိုနတ်သားသည် (အသျှင်မဟာမောဂ္ဂလ္လာန် မေးအပ်သည်ဖြစ်၍) ဝမ်းမြောက် ဝမ်းသာ။ပ။ ဤ (မျက်မှောက် ဖြစ်သော) အကျိုး၏ အကြောင်းကံ ပြဿနာကို မေးမြန်းသည် အားလျော်စွာ ဖြေကြားလျှောက်ထား၏။ 1163

အရှင်ဘုရား အကျွန်ုပ်သည် လူ့ဘဝ လူဖြစ်ခဲ့စဉ်က သူတစ်ပါး နွားမတို့ကို ပေါင်းရုံး၍ စောင့်ရှောက်ခဲ့ရပါ၏၊ ထိုအခါ ရဟန်းမြတ် (အသျှင်မောဂ္ဂလ္လာန် အရှင်ဘုရား)သည် အကျွန်ုပ်၏ အနီးသို့ ရောက်လာပါ၏၊ နွားမတို့သည် လည်း ပဲပင်တို့ကို စားခြင်းငှါ သွားကြပါကုန်၏။ 1164

အရှင်ဘုရား ထိုအခါ (အကျွန်ုပ်အား) ယခုအခါ ပြုရန် ကိစ္စနှစ်မျိုး ရှိ၏၊ နှစ်မျိုးစလုံးကို ပြုအပ်၏ဟု ကြံအောက်မေ့ပြီးမှ အကျွန်ုပ်သည် သင့်လျော်သော အားဖြင့် ဖြစ်သော အမှတ်သညာကို ရသောကြောင့် ပေးလှူအံ့ဟု နှလုံးပြုလျက် မုယောမုန့်ထုပ်ထားသော ပုဝါနွမ်းကို (ခံယူစေသည်၏ အစွမ်းဖြင့် အရှင်ဘုရား၏ လက်၌) တင်ထား လှူဒါန်းခဲ့ပါ၏။ 1165

အရှင်ဘုရား (ပဲခင်းရှင်၏ ပဲတည်းဟူသော) ဤဥစ္စာကို ဤ(နွားအပေါင်း)သည် မဖျက်ဆီးမီ ထိုအကျွန်ုပ်သည် ပဲခင်းဆီသို့ အဆောတလျင် ပြေးသွားခဲ့ပါ၏၊ ထိုအရပ်၌ အကျွန်ုပ် အဆောတလျင် ပြေးသွားစဉ် အကျွန်ုပ်၏ ခြေတို့ကို အဆိပ်ထန်သော မြွေဟောက်သည် ကိုက်ခဲ့ပါ၏။ 1166


အရှင်ဘုရား ထိုအကျွန်ုပ်သည် (ထိုအခါ၌) ဆင်းရဲခြင်းသို့ ရောက်ခဲ့ပါ၏၊ သေလောက်သော ဆင်းရဲသည် နှိပ်စက်အပ်ပါ၏၊ ရဟန်းတော်သည်လည်း အကျွန်ုပ်ကို ချီးမြှောက်ခြင်းငှါ ထိုမုယောမုန့်ထုပ်ကို ကိုယ်တိုင်ဖြေ၍ မုယောမုန့်ကို သုံးဆောင်တော်မူ၏၊ အကျွန်ုပ်သည် ထိုလူ၏ အဖြစ်မှ စုတေ၍ သေလွန်ခဲ့သော် နတ်ဖြစ်ပါ၏။ 1167

(အရှင်ဘုရား) အကျွန်ုပ်သည် ထိုမုယောမုန့်ကို ပေးလှူသော ကုသိုလ်ကံကို သာလျှင် ပြုခဲ့ပါ၏၊ ချမ်းသာခြင်း ၏ အကြောင်းဖြစ်သော ကံ၏ အကျိုးကိုလည်း မိမိကိုယ်တိုင် ခံစားရပါ၏၊ အရှင်ဘုရားအရှင် ဘုရားသည်သာလျှင် (အကျွန်ုပ်ကို) လွန်စွာ ချီးမြှောက်တော် မူအပ်ပါ၏၊ အရှင်ဘုရား (အကျွန်ုပ်သည်) ပြုအပ်သော ကျေးဇူးကို သိခြင်းကြောင့် အရှင်ဘုရားကို ရိုသေစွာ ရှိခိုးပါ၏။ 1168

(အရှင်ဘုရား) နတ် မာရ်နတ်နှင့်တကွသော သတ္တလောက၌ အရှင်ဘုရားထက် ချီးမြှောက်တတ်သော အရှင်ဘုရားမှ တစ်ပါးသော ရဟန်း မရှိပါ၊ အရှင်ဘုရား သည် သာလျှင် (အကျွန်ုပ်ကို) လွန်စွာ ချီးမြှောက်တော် မူအပ်ပါ၏၊ အရှင်ဘုရား (အကျွန်ုပ်သည်) ပြုအပ်သော ကျေးဇူးကို သိခြင်းကြောင့် အရှင်ဘုရားကို ရိုသေစွာ ရှိခိုးပါ၏။ 1169

(အရှင်ဘုရား) ဤလောက၌ လည်းကောင်း, တမလွန်လောက၌ လည်းကောင်း အရှင်ဘုရားထက် ချီးမြှောက်တတ်သော အရှင်ဘုရားမှ တစ်ပါးသော ရဟန်း မရှိပါ၊ အရှင်ဘုရား အရှင်ဘုရားသည်သာလျှင် (အကျွန်ုပ်ကို) လွန်စွာ ချီးမြှောက်တော် မူအပ်ပါ၏၊ အရှင်ဘုရား (အကျွန်ုပ်သည်) ပြုအပ်သော ကျေးဇူးကို သိခြင်းကြောင့် အရှင်ဘုရားကို ရိုသေစွာရှိခိုးပါ၏ဟု လျှောက်ထား၏။

ခြောက်ခုမြောက်သော ဂေါပါလဝိမာနဝတ္ထု ပြီး၏။

၆ - ဂေါပါလဝိမာနဝတ္ထု၊ သုနိက္ခိတ္တဝဂ်၊ ဝိမာနဝတ္ထုပါဠိတော်။ ခုဒ္ဒကနိကာယ်။

ကုသိုလ်ကောင်းမှု၌ သာဓုခေါ်ခြင်းသည် ကုသိုလ်တခုဖြစ်ပေ၏။
သာဓု... သာဓု... သာဓု...။

2 comments:

flowerpoem said...

ဒါနကုသိုလ်အကျိုးပေးကောင်းကြောင်းတရားကို လာရောက်ကြည်ညိုပါတယ် အရှင်ဘုရား ကျန်းမာချမ်းသာစေကြောင်းနေ့တိုင်း မေတ္တာပို့လျှက်ပါအရှင်ဘုရား

ဦးလောကနာထ said...

သာဓု... သာဓု... သာဓု...

မိသားစုအားလုံး စိတ်ချမ်းသာကြပါစေ...