နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Monday, September 22, 2008

ပုညကိရိယ၀တ္ထု ၃-ပါး-




ပုညကိရိယ၀တ္ထုသုတ်-

ဤဒေသနာကို ဘုန်းတော်ကြီးသော မြတ်စွာဘုရားသည် ဟောတော်မူ၏။
ပူဇော်အထူးကို ခံတော်မူထိုက်သော မြတ်စွာဘုရား ဟောတော်မူ၏ဟု အကျွန်ုပ် ကြားနာခဲ့ရပါသည်-

ရဟန်းတို့ ပုညကိရိယ၀တ္ထုတို့သည် ဤသုံးပါးတို့တည်း။

အဘယ်သုံးပါးတို့နည်း-
၁။ ပေးကမ်းမှု {ဒါန} ဟူသော ပုည ကိရိယ၀တ္ထု၊
၂။ ကျင့်သုံးမှု {သီလ} ဟူသော ပုညကိရိယ၀တ္ထု၊
၃။ ပွါးများမှု {ဘာဝနာ} ဟူသော ပုညကိရိယ၀တ္ထုတို့တည်း။
ရဟန်းတို့ ပုညကိရိယ၀တ္ထုတို့သည် ဤသုံးပါးတို့တည်း။

ဤအနက်သဘောကို မြတ်စွာဘုရား ဟောတော်မူ၏။
ထိုသုတ်၌ ဤအနက်သဘောကို -
{{ထိုသူသည် ကုသိုလ် ကောင်းမှုကိုသာလျှင် ကျင့်ရာ၏။ နောင်အခါ၌ မြင့်မြတ်၍ ချမ်းသာကျိုးရှိသော ဒါနကို လည်းကောင်း၊ ကောင်းသော အကျင့်ကို လည်း ကောင်း၊ မေတ္တာစိတ်ကို လည်းကောင်း ပွါးများရာ၏။ ပညာရှိသူသည် သုခလျှင် အာနိသင် ရှိကုန်သော ဤတရားသုံးပါးတို့ကို ပွါးများ၍ ဆင်းရဲကင်းသော ချမ်းသာသော လောကသို့ ကပ်ရောက်ရ၏}} ဟု ဤဂါထာဖြင့် ဆိုအပ်၏။

ဤအနက်သဘောကိုလည်း
မြတ်စွာဘုရား ဟောအပ်၏ဟု အကျွန်ုပ် ကြားနာခဲ့ရပါသည်။

၁ - ပုညကိရိယ၀တ္ထုသုတ်၊ ဒုတိယ၀ဂ်၊ ဣတိဝုတ်ပါဠိတော်။