၂၁ - ၀ိပဿီဗုဒ္ဓ၀င်
၁။ ဖုဿမြတ်စွာဘုရား၏ နောက်အဖို့၌လည်း အခြေနှစ်ချောင်းရှိသူ နတ်လူတို့ ထက် မြတ်တော်မူသော စက္ခုငါးမျိုးနှင့် ပြည့်စုံတော်မူသော အမည်အားဖြင့် {၀ိပ ဿီ} ဟု ထင်ရှားသော မြတ်စွာဘုရားသည် လောက၌ ပွင့်တော်မူ၏။
၂။ ထိုမြတ်စွာဘုရားသည် အ၀ိဇ္ဇာအားလုံးကို ဖျက်ဆီး၍ မြတ်သော ဗောဓိဉာဏ် တော်သို့ ရောက်တော် မူလတ်သော် ဓမ္မစကြာကို ဟောခြင်းငှါ ဗန္ဓုမတီမြို့သို့ ကြွသွားတော်မူ၏။
၃။ မြတ်စွာဘုရားသည် ဓမ္မစကြာကိုဟော၍ (ခန္ဓနှင့်တိဿ) နှစ်ဦးတို့ကို (သစ္စာ လေးပါးကို) သိစေတော်မူ၏၊ ရှေးဦးစွာ (နတ်လူတို့၏ သစ္စာလေးပါးကို) သိခြင်း သည် ဂဏန်း (အရေအတွက်)အားဖြင့် မပြောဆိုနိုင်သော သိခြင်း ဖြစ်လေ၏။
၎။ နောက်တစ်ဖန် မနှိုင်းယှဉ်နိုင်သော အခြံအရံ အကျော်အစော ရှိတော်မူသော မြတ်စွာဘုရားသည် ထိုဗန္ဓုမတီမြို့၌ သစ္စာလေးပါးကို ပြတော်မူ၏၊ (ထိုအခါ ) ရှစ်သောင်း လေးထောင်သော လူ နတ်ဗြဟ္မာတို့၏ (သစ္စာလေးပါးကို) သိခြင်း သည် နှစ်ကြိမ်မြောက် (သိခြင်း) ဖြစ်လေ၏။
၅။ ရှစ်သောင်းလေးထောင်သော လူအပေါင်းတို့သည် မြတ်စွာဘုရားကို အတု လိုက်၍ ရဟန်းပြုကုန်၏၊ မြတ်စွာဘုရားသည် ကျောင်းတိုက်သို့ ရောက်လာသော ထိုသူတို့အား တရားကို ဟောတော်မူ၏။
၆။ ထိုသူတို့သည်လည်း အလုံးစုံသော အခြင်းအရာအားဖြင့် ဟောတော်မူသော မြတ်စွာဘုရားကို မှီ၍ တရားမြတ်ကို ကြားနာရကုန်သည်ရှိသော် သစ္စာလေးပါးကို သိကြကုန်၏၊ ထိုသူတို့၏ (သစ္စာလေးပါးကို) သိခြင်းသည် သုံးကြိမ်မြောက် (သိခြင်း) ဖြစ်လေ၏။
၇။ ၀ိပဿီမြတ်စွာဘုရားအား (ကိလေသာ) အညစ်အကြေး ကင်းကုန်သော ငြိမ်သက်သောစိတ် ရှိကုန်သော တာဒိဂုဏ်နှင့် ပြည့်စုံကုန်သော ရဟန္တာတို့၏ အစည်းအဝေးတို့သည် သုံးကြိမ်ဖြစ်ကုန်၏။
၈။ ခြောက်သန်းရှစ်သိန်းသော ရဟန်းတို့၏ အစည်းအဝေးသည် ရှေးဦးစွာ ဖြစ်လေ၏၊ တစ်သိန်းသော ရဟန်းတို့၏ အစည်းအဝေးသည် နှစ်ကြိမ်မြောက် အစည်းအဝေး ဖြစ်လေ၏။
၉။ ရှစ်သောင်းသော ရဟန်းတို့၏ အစည်းအဝေးသည် သုံးကြိမ်မြောက် အစည်း အဝေး ဖြစ်လေ၏၊ ထိုရဟန်း အပေါင်းတို့၏ အလယ်၌ မြတ်စွာဘုရားသည် အလွန် တင့်တယ်တော်မူ၏။
၁၀။ ထိုအခါ ငါသည် တန်ခိုးကြီးသော ဘုန်းရှိသော အလင်းရောင်ကို ဆောင်သော အမည်အားဖြင့် {အတုလ} မည်သော နဂါးမင်း ဖြစ်ခဲ့၏။
၁၁။ ထိုအခါ ငါသည် အကုဋေမက များစွာသော နဂါးတို့ဖြင့် ခြံရံ၍ နတ်၌ ဖြစ်သော တူရိယာတို့ဖြင့် တီးမှုတ်လျက် လောက၏ အမြတ်ဆုံးဖြစ်သော မြတ်စွာ ဘုရားသို့ ဆည်းကပ်ခဲ့၏။
၁၂။ ငါသည် လောက၏ အကြီးအမှူးဖြစ်သော ၀ိပဿီမြတ်စွာဘုရား(ထံ)သို့ ချဉ်းကပ်ပြီးလျှင် မြတ်စွာဘုရားအား ပင့်ဖိတ်၍ ပတ္တမြား ပုလဲရတနာတို့ဖြင့် ချယ်စီအပ်သော အလုံးစုံသော အဆင်တန်ဆာတို့ဖြင့် တန်ဆာဆင်အပ်သော ရွှေအင်းပျဉ်ကို လှူဒါန်းခဲ့၏။
၁၃။ ထိုမြတ်စွာဘုရားသည်လည်း သံဃာ့အလယ်၌ ထိုင်နေ၍ ငါ့ကို ဤနဂါးမင်း သည် ဤသာရကမ္ဘာမှ ကိုးဆယ့်တစ်ကမ္ဘာထက်၌ ဘုရားဖြစ်လတ္တံ့ဟု ဗျာဒိတ် စကား မိန့်ကြားတော် မူ၏။
၁၄။ ထိုအခါ ဘုရားလောင်းသည် ပျော်မွေ့ဖွယ်ကောင်းသော ကပ္ပိလမြို့မှ ထွက်၍ ကမ္မဋ္ဌာန်းစီးဖြန်းခြင်း လုံ့လကို အားထုတ်လျက် ပြုနိုင်ခဲသော အကျင့်ကို ပြုကျင့်ပြီး လျှင် ဘုရား ဖြစ်လတ္တံ့။
၁၅။ မြတ်စွာဘုရားသည် ဆိတ်ကျောင်းညောင်ပင်ရင်း၌ ထိုင်နေ၍ ထိုညောင်ပင် ရင်း၌ နို့ဃနာကို ခံယူပြီးလျှင် နေရဉ္ဇရာမြစ်သို့ ချဉ်းကပ်လတ္တံ့။
၁၆။ ထိုမြတ်စွာဘုရားသည် နေရဉ္ဇရာမြစ်ကမ်း၌ နို့ဃနာကို ဘုဉ်းပေးပြီးလျှင် (နတ်တို့) စီရင်အပ်သော မြတ်သော ခရီး (လမ်း) ဖြင့် ဗောဓိပင်ရင်းသို့ ချဉ်းကပ် လတ္တံ့။
၁၇။ ထို့နောက် အတုမရှိသော များသော အခြံအရံရှိသော မြတ်စွာဘုရားသည် ဗောဓိမဏ္ဍိုင်ကို လက်ယာရစ် လှည့်ပြီးလျှင် ညောင်ဗုဒ္ဓဟေပင်ရင်း၌ သမ္မာ သမ္ဗောဓိဉာဏ်ကို သိလတ္တံ့။
၁၈။ ဤမြတ်စွာဘုရား၏ မယ်တော်ရင်းသည် {မာယာ} မည်သော မိဖုရားဖြစ်၍ ခမည်းတော်သည် {သုဒ္ဓေါဒန} မည်သော မင်း ဖြစ်လတ္တံ့၊ ဤမြတ်စွာဘုရား၏ အမည်သည် {ဂေါတမ} ဖြစ်လတ္တံ့။
၁၉။ ကောလိတသည် လည်းကောင်း၊ ဥပတိဿသည် လည်းကောင်း အာသဝေါ မရှိကုန်သော ရာဂကင်းကုန်သော ငြိမ်သက်သော စိတ်ရှိကုန်သော တည်တံ့ ကုန်သော အမြတ်ဆုံးတပည့် {အဂ္ဂသာဝက}တို့ ဖြစ်ကုန်လတ္တံ့။ အာနန္ဒာ မည်သော ရဟန်းသည် အလုပ်အကျွေးဖြစ်၍ ဤမြတ်စွာဘုရားကို လုပ်ကျွေး လတ္တံ့။
၂၀။ ခေမာသည် လည်းကောင်း၊ ဥပ္ပလ၀ဏ္ဏာသည် လည်းကောင်း အာသဝေါ မရှိကုန်သော ရာဂကင်းကုန်သော ငြိမ်သက်သော စိတ်ရှိကုန်သော တည်တံ့ကုန်သော အမြတ်ဆုံးတပည့်မ {အဂ္ဂသာဝိကာ}တို့ ဖြစ်ကုန်လတ္တံ့။ ထိုမြတ်စွာဘုရား၏ ဗောဓိပင်ကို ညောင်ဗုဒ္ဓဟေဟု ခေါ်ဆို အပ်လတ္တံ့။
၂၁။ စိတ္တသူကြွယ်သည် လည်းကောင်း၊ ဟတ္ထာဠ၀ကမင်းသားသည် လည်း ကောင်း မြတ်သော အလုပ် အကျွေး ဒါယကာ {အဂ္ဂဥပဋ္ဌက} တို့ ဖြစ်ကုန်လတ္တံ့။ နန္ဒမာတာသည် လည်းကောင်း၊ ဥတ္တရာသည် လည်းကောင်း မြတ်သော အလုပ် အကျွေးဒါယိကာမ {အဂ္ဂဥပဋ္ဌိကာ}တို့ ဖြစ်ကုန် လတ္တံ့။ မြတ်သော အခြံအရံ အကျော်အစောရှိသော ထိုဂေါတမမြတ်စွာဘုရား၏ အသက်တမ်းသည် တစ်ရာ ရှိလတ္တံ့ဟု (မိန့်တော်မူ၏)။
၂၂။ ဤစကားကို ကြားနာရ၍။ပ။ ဤ (ဂေါတမ) မြတ်စွာဘုရား၏ မျက်မှောက်၌ ဖြစ်ရပါလိုကုန်၏ (ဟုဆုတောင်းကုန်၏)။
၂၃။ ငါသည် ထိုမြတ်စွာဘုရား၏ စကားကို ကြားနာရ၍ စိတ်ကို အလွန် ကြည်ညိုစေခဲ့၏၊ ပါရမီ ဆယ်ပါးတို့ကို ဖြည့်ကျင့်ခြင်းငှါ လွန်ကဲသော အကျင့်ကို ဆောက်တည်ခဲ့၏။
၂၄။ ၀ိပဿီမြတ်စွာဘုရား၏ မြို့တော်သည် {ဗန္ဓုမတီ} မည်၏၊ (ခမည်းတော်) မင်းသည် {ဗန္ဓုမာမင်း} မည်၏၊ မယ်တော်သည် {ဗန္ဓုမတီမိဖုရား} မည်၏။
၂၅။ ထိုဘုရားလောင်းသည် အနှစ်ရှစ်ထောင်တို့ပတ်လုံး ထီးနန်းကို အုပ်စိုး၍ နေ၏၊ (ထိုဘုရားလောင်းအား) နန္ဒ သုနန္ဒ သိရိမာအားဖြင့် မြတ်သော ပြာသာဒ် သုံးဆောင်တို့သည် ရှိကုန်၏။
၂၆။ ကောင်းစွာ တန်ဆာဆင်အပ်သော မောင်းမပေါင်း လေးသောင်း သုံးထောင်* တို့သည်လည်း ရှိကုန်၏၊ (ထိုဘုရားလောင်း၏) မိဖုရားသည်ကား {သုဒဿနာ} မည်၏၊ သားတော်သည် {သမ၀တ္တက္ခန္ဓ}မည်၏။
၂၇။ ဘုရားလောင်းသည် နိမိတ်လေးပါးတို့ကို တွေ့မြင်၍ ရထားယာဉ်ဖြင့် တောထွက်တော်မူ၏၊ မယုတ်မလျော့ ရှစ်လတို့ပတ်လုံး ကမ္မဋ္ဌာန်းစီးဖြန်းခြင်း လုံ့လကို အားထုတ်တော် မူ၏။
၂၈။ ကြီးသော လုံ့လရှိတော်မူသော လူတို့ထက် မြတ်တော်မူသော ၀ိပဿီမြတ်စွာ ဘုရားသည် ဗြဟ္မာမင်း တောင်းပန်အပ်သည်ဖြစ်၍ မိဂဒါဝုန် (သမင်တော) ၌ ဓမ္မစကြာကို ဟောတော်မူ၏။
၂၉။ ခဏ္ဍသည် လည်းကောင်း၊ တိဿအမည်ရှိသူသည် လည်းကောင်း ၀ိပဿီ မြတ်စွာဘုရား၏ မြတ်သော တပည့် {အဂ္ဂသာဝက}တို့ ဖြစ်ကုန်၏။ (ထိုမြတ်စွာ ဘုရား၏ ) အလုပ်အကျွေးသည် {အသောက} မည်၏။
၃၀။ စန္ဒာသည် လည်းကောင်း၊ စန္ဒမိတ္တာသည် လည်းကောင်း မြတ်သော တပည့်မ {အဂ္ဂသာဝိကာ} တို့ ဖြစ်ကုန်၏။ ထိုမြတ်စွာဘုရား၏ ဗောဓိပင်ကို သခွတ်ပင်ဟူ၍ ခေါ်ဆိုအပ်၏။
၃၁။ ပုနဗ္ဗသုမိတ္တသည် လည်းကောင်း၊ နာဂသည် လည်းကောင်း မြတ်သော အလုပ်အကျွေး ဒါယကာ {အဂ္ဂဥပဋ္ဌက}တို့ ဖြစ်ကုန်၏။ သိရိမာသည် လည်း ကောင်း၊ ဥတ္တရာသည် လည်းကောင်း မြတ်သော အလုပ်အကျွေး ဒါယိကာမ {အဂ္ဂဥပဋ္ဌိကာ} တို့ ဖြစ်ကုန်၏။
၃၂။ ၀ိပဿီမြတ်စွာဘုရားသည် အတောင်ရှစ်ဆယ် မြင့်တော်မူ၏၊ ထိုမြတ်စွာ ဘုရား၏ ရောင်ခြည်တော်သည် ထက်ဝန်းကျင် ခုနစ်ယူဇနာတိုင်အောင် ပြေးသွား (ကွန့်မြူး)လျက် ရှိ၏။
၃၃။ ထိုအခါ အသက်တမ်းသည် အနှစ်ရှစ်သောင်း ရှိ၏၊ ထိုမြတ်စွာဘုရားသည် ထိုမျှလောက် အသက်တည်နေလျက် များစွာသော သတ္တ၀ါအပေါင်းကို ကယ်တင် တော်မူ၏။
၃၄။ များစွာသော နတ်လူတို့ကို သံယောဇဉ် အနှောင်အဖွဲ့မှ လွန်မြောက်စေတော် မူ၏၊ ကြွင်းသော ပုထုဇဉ်တို့အား လမ်းဟုတ်သည် လမ်းမဟုတ်သည်ကိုလည်း ဟောကြားတော် မူ၏။
၃၅။ ထိုမြတ်စွာဘုရားသည် အလင်းရောင်ကို ပြ၍ အမြိုက်နိဗ္ဗာန်ကို ဟောပြီးလျှင် {မီးပုံကြီးကဲ့သို့} ထွန်းလင်းတောက်ပ၍ တပည့်သာဝကနှင့်တကွ ပရိနိဗ္ဗာန် ပြုတော်မူလေပြီ။
၃၆။ (ထိုမြတ်စွာဘုရား၏) မြတ်သော တန်ခိုးတော်သည် လည်းကောင်း၊ မြတ် သော ဘုန်းတော်သည် လည်းကောင်း၊ ပွင့်သော လက္ခဏာတော်သည် လည်း ကောင်း ရှိပေ၏။ ထိုအားလုံးသည်ပင် ကွယ်ပျောက်ခဲ့လေပြီ၊ အလုံးစုံသော သင်္ခါရ တို့သည် အချည်းနှီးတို့သာ ဖြစ်ကုန်သည် မဟုတ်ပါလော။
၃၇။ (သစ္စာလေးပါးကို) သိတော်မူသော ၀ိပဿီမြတ်စွာဘုရားသည် သုမိတ္တာရာမ ကျောင်းတိုက်၌ ပရိနိဗ္ဗာန် ပြုတော်မူလေ၏၊ ထိုကျောင်းတိုက်၌ပင် ထိုမြတ်စွာ ဘုရား၏ စေတီ (ပုထိုး)တော်သည် ခုနစ် ယူဇနာမြင့်လျက် တည်ရှိလေသတည်း။
ဆယ့်ကိုးခုမြောက် ၀ိပဿီဗုဒ္ဓ၀င် ပြီး၏။
ဗုဒ္ဓ၀ံသပါဠိတော်
* ။ တစ်သိန်းနှစ်သောင်း (အဋ္ဌကထာ)။
