နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။

သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။

Tuesday, September 30, 2008

၁-အစ္ဆရာသင်္ဃတ၀ဂ်-

ပဌမသုတ်-

၅၁။ ရဟန်းတို့ ဤ(ဘ၀င်) စိတ်သည် ပြိုးပြိုးပြက် တောက်ပ၏၊ ထို စိတ်သည်ပင် (အကုသိုလ်ဇောခဏ၌) ဧည့်သည်သဖွယ်ဖြစ်ကုန်သော ညစ်ညူးကြောင်း ကိလေ သာတို့ကြောင့် ညစ်ညူးရ၏၊ ထို (အခြင်းအရာ) ကို အကြားအမြင်မရှိသော ပုထုဇဉ်ပုဂ္ဂိုလ်သည် ဟုတ်တိုင်းမှန်စွာ မသိ၊ ထို့ကြောင့်{{အကြားအမြင်မရှိသော ပုထုဇဉ်ပုဂ္ဂိုလ်* အား စိတ်ကို ပွါးများခြင်း မရှိ}} ဟု ငါဆို၏ဟု (မိန့်တော်မူ၏)။

အစ္ဆရာသင်္ဃတ၀ဂ်၊ ဧကကနိပါတ်၊ အင်္ဂုတ္တိုရ်ပါဠိတော်။

* ဒိဋ္ဌိ ၀ိစိကိစ္ဆာ စသော ကိလေသာတို့ဖြင့် ရစ်ပတ် ဖုံးလွှမ်းနေသော ပုဂ္ဂိုလ်။

၂-အစ္ဆရာသင်္ဃတ၀ဂ်-

ဒုတိယသုတ်-

ရဟန်းတို့ ဤ(ဘ၀င်) စိတ်သည် ပြိုးပြိုးပြက် တောက်ပ၏၊ ထို စိတ်သည်ပင် (ကုသိုလ်ဇောခဏ၌) ဧည့်သည်သဖွယ်ဖြစ်ကုန်သော ညစ်ညူးကြောင်း ကိလေ သာတို့မှ ကင်းလွတ်၏၊ ထို (အခြင်းအရာ) ကို အကြားအမြင်ရှိသော အရိယာ သာဝက*သည် ဟုတ်တိုင်းမှန်စွာ သိ၏၊ ထို့ကြောင့်{{အကြား အမြင်ရှိသော အရိယာသာဝကအား စိတ်ကို ပွါးများခြင်း ရှိ၏}}ဟု ငါဆို၏ဟု (မိန့်တော်မူ၏)။

အစ္ဆရာသင်္ဃတ၀ဂ်၊ ဧကကနိပါတ်၊ အင်္ဂုတ္တိုရ်ပါဠိတော်။

* ရဟန်းဖြစ်စေ လူဖြစ်စေ မဂ် ဖိုလ် ဆိုက်ရောက်ပြီးသော မြတ်စွာဘုရား၏ တပည့်သားအပေါင်း။

၃-အစ္ဆရာသင်္ဃတ၀ဂ်-

တတိယသုတ်-

ရဟန်းတို့ ရဟန်းသည် လက်ဖျစ်တစ်တွက်ခန့်မျှလည်း မေတ္တာနှင့်ယှဉ်သော စိတ်ကို အကယ်၍မှီဝဲအံ့။ ရဟန်းတို့ ဤရဟန်းသည် ဈာန်မှဆိတ်သုဉ်းခြင်းမရှိမူ၍ နေသူ၊ မြတ်စွာဘုရား၏ သွန်သင်မှုကို လိုက်နာ၍ နေသူ၊ အဆုံးအမကို လိုက်နာ၍ နေသူ၊ တိုင်းသူပြည်သားတို့ ပေးလှူသော ဆွမ်းကို အချည်းနှီး မဖြစ်စေမူ၍ သုံးဆောင်သူဟု ဆိုထိုက်၏။ ထို မေတ္တာနှင့်ယှဉ်သော စိတ်ကို အဖန်ဖန် အလေ့ အလာ ပြုကုန်သော ရဟန်းတို့ကိုမူကား အဘယ်ဆိုဖွယ်ရာ ရှိပါအံ့နည်း ဟု (မိန့် တော်မူ၏)။

အစ္ဆရာသင်္ဃတ၀ဂ်၊ ဧကကနိပါတ်၊ အင်္ဂုတ္တိုရ်ပါဠိတော်။

၎-အစ္ဆရာသင်္ဃတ၀ဂ်-

စတုတ္တသုတ်-

ရဟန်းတို့ ရဟန်းသည် လက်ဖျစ်တစ်တွက်ခန့်မျှလည်း မေတ္တာနှင့်ယှဉ်သော စိတ်ကို အကယ်၍ ပွါးများအံ့။ ရဟန်းတို့ ဤရဟန်းသည် ဈာန်မှ ဆိတ်သုဉ်းခြင်း မရှိမူ၍ နေသူ၊ မြတ်စွာဘုရား၏ သွန်သင်မှုကို လိုက်နာ၍ နေသူ၊ အဆုံးအမကို လိုက်နာ၍ နေသူ၊ တိုင်းသူပြည်သားတို့ ပေးလှူသော ဆွမ်းကို အချည်းနှီး မဖြစ်စေမူ၍ သုံးဆောင်သူဟု ဆိုထိုက်၏။ ထို မေတ္တာနှင့်ယှဉ်သော စိတ်ကို အဖန် ဖန် အလေ့အလာ ပြုကုန်သော ရဟန်းတို့ကိုမူကား အဘယ်ဆိုဖွယ်ရာ ရှိပါအံ့နည်း ဟု (မိန့်တော်မူ၏)။

အစ္ဆရာသင်္ဃတ၀ဂ်၊ ဧကကနိပါတ်၊ အင်္ဂုတ္တိုရ်ပါဠိတော်။

၅-အစ္ဆရာသင်္ဃတ၀ဂ်-

ပဉ္စမသုတ်-

ရဟန်းတို့ ရဟန်းသည် လက်ဖျစ်တစ်တွက်ခန့်မျှလည်း မေတ္တာနှင့်ယှဉ်သော စိတ်ကိုအကယ်၍ နှလုံးသွင်းအံ့။ ရဟန်းတို့ ဤရဟန်းသည် ဈာန်မှ ဆိတ်သုဉ်း ခြင်းမရှိမူ၍ နေသူ၊ မြတ်စွာဘုရား၏ သွန်သင်မှုကို လိုက်နာ၍ နေသူ၊ အဆုံး အမကို လိုက်နာ၍ နေသူ၊ တိုင်းသူပြည်သားတို့ပေးလှူသော ဆွမ်းကို အချည်းနှီး မဖြစ်စေမူ၍ သုံးဆောင်သူဟု ဆိုထိုက်၏။ ထို မေတ္တာနှင့်ယှဉ်သော စိတ်ကို အဖန်ဖန် အလေ့အလာပြုကုန်သော ရဟန်းတို့ကိုမူကား အဘယ်ဆိုဖွယ်ရာ ရှိပါအံ့နည်း ဟု (မိန့်တော်မူ၏)။

အစ္ဆရာသင်္ဃတ၀ဂ်၊ ဧကကနိပါတ်၊ အင်္ဂုတ္တိုရ်ပါဠိတော်။

၆-အစ္ဆရာသင်္ဃတ၀ဂ်-

ဆဋ္ဌသုတ်-

ရဟန်းတို့ အကုသိုလ်ကို မှီ၍ ဖြစ်ကုန်သော အကုသိုလ်အသင်းဝင်ဖြစ်ကုန်သော
အကုသိုလ်ဟူသမျှ အားလုံးတို့သည် စိတ်လျှင် ရှေ့သွားရှိကုန်၏၊
ထိုတရားတို့တွင် စိတ်သည် ရှေးဦးစွာ ဖြစ်၏၊
အကုသိုလ်တရားတို့သည် အတူတကွ လိုက်၍သာလျှင် ဖြစ်ကုန်၏ဟု
(မိန့်တော်မူ၏)။

အစ္ဆရာသင်္ဃတ၀ဂ်၊ ဧကကနိပါတ်၊ အင်္ဂုတ္တိုရ်ပါဠိတော်။

၇-အစ္ဆရာသင်္ဃတ၀ဂ်-

သတ္တမသုတ်-

ရဟန်းတို့ ကုသိုလ်ကို မှီ၍ ဖြစ်ကုန်သော ကုသိုလ်အသင်းဝင်ဖြစ်ကုန်သော
ကုသိုလ်ဟူသမျှ အားလုံးတို့သည် စိတ်လျှင် ရှေ့သွားရှိကုန်၏၊
ထိုတရားတို့တွင် စိတ်သည် ရှေးဦးစွာ ဖြစ်၏၊
ကုသိုလ်တရားတို့သည် အတူတကွ လိုက်၍သာလျှင် ဖြစ်ကုန်၏ဟု
(မိန့်တော်မူ၏)။

အစ္ဆရာသင်္ဃတ၀ဂ်၊ ဧကကနိပါတ်၊ အင်္ဂုတ္တိုရ်ပါဠိတော်။

၈-အစ္ဆရာသင်္ဃတ၀ဂ်-

အဋ္ဌမသုတ်

ရဟန်းတို့ ဤမေ့လျော့ခြင်း{ပမာဒ}* တရားသည် မဖြစ်ပေါ်သေးသော အကု သိုလ်တရားတို့၏လည်း ဖြစ်ပေါ်ကြောင်း ဖြစ်ပေါ်ပြီးသော ကုသိုလ်တရားတို့ ၏လည်း ဆုတ်ယုတ်ကြောင်း ဖြစ်သကဲ့သို့၊
ဤအတူ မဖြစ်ပေါ်သေးသော အကုသိုလ်တရားတို့၏လည်း ဖြစ်ပေါ်ကြောင်း ဖြစ်ပေါ်ပြီးသော ကုသိုလ်တရားတို့၏လည်း ဆုတ်ယုတ်ကြောင်းဖြစ်သော အခြား တစ်ခုသော တရားကိုမျှလည်း ငါမမြင်။
ရဟန်းတို့ မေ့လျော့သောသူအား မဖြစ်ပေါ်သေးသော အကုသိုလ်တရားတို့သည် လည်း ဖြစ်ပေါ်ကုန်၏၊
ဖြစ်ပေါ်ပြီးသော ကုသိုလ်တရားတို့သည်လည်း ဆုတ်ယုတ်ကုန်၏ ဟု (မိန့်တော် မူ၏)။

အစ္ဆရာသင်္ဃတ၀ဂ်၊ ဧကကနိပါတ်၊ အင်္ဂုတ္တိုရ်ပါဠိတော်။

* ဒုစရိုက်တရားတို့၌လည်းကောင်း ကာမဂုဏ်ငါးပါးတို့၌လည်းကောင်း စိတ်ကို စွန့်လွှတ်၍ထားခြင်း၊ ကုသိုလ်တို့၏ ဖြစ်ပေါ်ခြင်းငှါ ဆန္ဒမရှိခြင်း ဆုတ်နစ်ခြင်း မေ့လျော့ခြင်း။

၉-အစ္ဆရာသင်္ဃတ၀ဂ်-

န၀မသုတ်

ရဟန်းတို့ ဤမမေ့မလျော့ခြင်း {အပ္ပမာဒ}တရားသည် မဖြစ်ပေါ်သေးသော ကုသိုလ်တရားတို့၏လည်း ဖြစ်ပေါ်ကြောင်း ဖြစ်ပေါ်ပြီးသော အကုသိုလ်တရား တို့၏လည်း ဆုတ်ယုတ်ကြောင်း ဖြစ်သကဲ့သို့၊
ဤအတူ မဖြစ်ပေါ်သေးသော ကုသိုလ်တရားတို့၏လည်း ဖြစ်ပေါ်ကြောင်း ဖြစ်ပေါ် ပြီးသော အကုသိုလ်တရားတို့၏လည်း ဆုတ်ယုတ်ကြောင်း ဖြစ်သော အခြား တစ်ခုသော တရားကိုမျှလည်း ငါမမြင်။
ရဟန်းတို့ မမေ့မလျော့သောသူအား မဖြစ်ပေါ်သေးသော ကုသိုလ်တရားတို့သည် လည်း ဖြစ်ပေါ်ကုန်၏၊
ဖြစ်ပေါ်ပြီးသော အကုသိုလ်တရားတို့သည်လည်း ဆုတ်ယုတ်ကုန်၏ ဟု
(မိန့်တော်မူ၏)။

အစ္ဆရာသင်္ဃတ၀ဂ်၊ ဧကကနိပါတ်၊ အင်္ဂုတ္တိုရ်ပါဠိတော်။

၁၀-အစ္ဆရာသင်္ဃတ၀ဂ်

ဒသမသုတ်-

ရဟန်းတို့ ဤပျင်းရိခြင်း {ကောသဇ္ဇ}တရားသည် မဖြစ်ပေါ်သေးသော အကုသိုလ် တရားတို့၏လည်း ဖြစ်ပေါ်ကြောင်း ဖြစ်ပေါ်ပြီးသော ကုသိုလ်တရားတို့၏လည်း ဆုတ်ယုတ်ကြောင်း ဖြစ်သကဲ့သို့၊
ဤအတူ မဖြစ်ပေါ်သေးသော အကုသိုလ်တရားတို့၏လည်း ဖြစ်ပေါ်ကြောင်း ဖြစ်ပေါ်ပြီးသောကုသိုလ်တရားတို့၏လည်း ဆုတ်ယုတ်ကြောင်း ဖြစ်သော အခြား တစ်ခုသော တရားကိုမျှလည်း ငါမမြင်။

ရဟန်းတို့ ပျင်းရိသောသူအား မဖြစ်ပေါ်သေးသော အကုသိုလ်တရားတို့သည် လည်း ဖြစ်ပေါ်ကုန်၏၊
ဖြစ်ပေါ်ပြီးသော ကုသိုလ်တရားတို့သည်လည်း ဆုတ်ယုတ်ကုန်၏ ဟု (မိန့်တော် မူ၏)။

အစ္ဆရာသင်္ဃတ၀ဂ်၊ ဧကကနိပါတ်၊ အင်္ဂုတ္တိုရ်ပါဠိတော်။

ဗဟုကာရသုတ်-

ဗဟုကာရသုတ် - ကျေးဇူးများသည်...

ရဟန်းတို့ ...
ဤပုဂ္ဂိုလ်သုံးမျိုးတို့သည် အခြားပုဂ္ဂိုလ်အား များစွာ ကျေးဇူးရှိကုန်၏။

အဘယ်သုံးမျိုးတို့နည်း ဟူမူ-

ရဟန်းတို့ အကြင် ပုဂ္ဂိုလ်ကို အကြောင်းပြု၍ အခြားပုဂ္ဂိုလ်သည် ...
မြတ်စွာဘုရားကို ကိုးကွယ်ရာဟု ဆည်းကပ်၏၊
တရားတော်ကို ကိုးကွယ်ရာဟု ဆည်းကပ်၏၊
သံဃာတော်ကို ကိုးကွယ်ရာဟူ၍ ဆည်းကပ်၏။
ရဟန်းတို့ ဤပုဂ္ဂိုလ်သည် အခြားပုဂ္ဂိုလ်အား များစွာ ကျေးဇူးရှိ၏။

နောက်တစ်မျိုးကား အကြင် ပုဂ္ဂိုလ်ကို အကြောင်းပြု၍ အခြားပုဂ္ဂိုလ်သည် ...
{{ဤကားဆင်းရဲတည်း}} ဟု ဟုတ်မှန်သောအတိုင်း သိ၏၊
{{ဤကား ဆင်းရဲဖြစ်ကြောင်းတည်း}} ဟု ဟုတ်မှန်သောအတိုင်း သိ၏၊
{{ဤကား ဆင်းရဲချုပ်ရာ {နိဗ္ဗာန်} တည်း}} ဟု ဟုတ်မှန်သောအတိုင်း သိ၏၊
{{ဤကား ဆင်းရဲချုပ်ရာ {နိဗ္ဗာန်} သို့ ရောက်ကြောင်း အကျင့်တည်း}} ဟု
ဟုတ်မှန်သောအတိုင်း သိ၏။
ရဟန်းတို့ ဤပုဂ္ဂိုလ်သည် အခြားပုဂ္ဂိုလ်အား များစွာ ကျေးဇူးရှိ၏။

နောက်တစ်မျိုးကား အကြင် ပုဂ္ဂိုလ်ကို အကြောင်းပြု၍ အခြားပုဂ္ဂိုလ်သည် ...
အာသဝေါတရားတို့၏ ကုန်ခြင်းကြောင့် အာသဝေါကင်းသော၊ ကိလေသာမှ လွတ်မြောက်သော အရဟတ္တဖိုလ်စိတ်နှင့် ကိလေသာမှ လွတ်မြောက်သော အရဟတ္တဖိုလ်ပညာကို ထူးသော ဉာဏ်ဖြင့် သိ၍ မျက်မှောက်ပြုလျက် ရောက်၍ နေ၏။ ရဟန်းတို့ ဤပုဂ္ဂိုလ်သည် အခြားပုဂ္ဂိုလ်အား များစွာ ကျေးဇူးရှိ၏။

ရဟန်းတို့ ဤပုဂ္ဂိုလ် သုံးမျိုးသည် အခြားပုဂ္ဂိုလ်အား များစွာ ကျေးဇူး ရှိကုန်၏။

ရဟန်းတို့ ဤပုဂ္ဂိုလ်အား ဤပုဂ္ဂိုလ်သုံးမျိုးတို့မှ တစ်ပါး များစွာကျေးဇူးရှိသည့် အခြားပုဂ္ဂိုလ်ကား မရှိဟု ငါဆို၏၊ ရဟန်းတို့ ဤပုဂ္ဂိုလ်သုံးမျိုးတို့အား ဤအခြား ပုဂ္ဂိုလ်သည် ရှိခိုးခြင်း ခရီးဦး ကြိုဆိုခြင်း လက်အုပ်ချီခြင်း အရိုအသေပြုခြင်း သင်္ကန်း ဆွမ်း ကျောင်း သူနာ၏ အထောက်အပံ့ ဖြစ်သော ဆေးပစ္စည်းတို့ဖြင့် ချီးမြှောက်ခြင်းဖြင့် ကောင်းစွာ ကျေးဇူးတုံ့ပြန်ခြင်းငှါ မလွယ်ဟု ငါဆို၏ ဟု (မိန့်တော်မူ၏)။

၎ - ဗဟုကာရသုတ်၊ ပုဂ္ဂလ၀ဂ်၊ တိကနိပါတ်၊ အင်္ဂုတ္တိုရ်။

Monday, September 29, 2008

စေတနာကရဏီယသုတ်-

စေတနာကရဏီယသုတ်၊
(စေတနာ=စေ့ဆော်ခြင်း၊ ကရဏီယ=ပြုဖွယ်ကိစ္စ)

ရဟန်းတို့
သီလရှိသူ သီလပြည့်စုံသူအား ...
{{ငါ့အား နှလုံးသာရွှင်မှုဖြစ်ပါစေ}} ဟု စေ့ဆော်၍ ပြုဖွယ် မရှိ၊
သီလရှိသူ သီလပြည့်စုံသူအား
နှလုံးသားရွှင်မှုဖြစ်ခြင်းသည် ထုံးတမ်းစဉ်လာ သဘောပင်တည်း။

ရဟန်းတို့
နှလုံးသားရွှင်သူအား ...
{{ငါ့အား ၀မ်းမြောက်မှု ဖြစ်ပါစေ}} ဟုစေ့ဆော်၍ ပြုဖွယ် မရှိ၊
နှလုံးသားရွှင်သူအား ...
ဝမ်းမြောက်မှုဖြစ်ခြင်းသည် ထုံးတမ်းစဉ်လာ သဘောပင်တည်း။

ရဟန်းတို့
ဝမ်းမြောက်သူအား ...
{{ငါ့အား နှစ်သက်မှုဖြစ်ပါစေ}} ဟု စေ့ဆော်၍ ပြုဖွယ်မရှိ၊
ဝမ်းမြောက်သူအား ...
နှစ်သက်မှုဖြစ်ခြင်းသည် ထုံးတမ်းစဉ်လာ သဘောပင်တည်း။

ရဟန်းတို့
နှစ်သက်သောစိတ် ရှိသူအား ...
{{ငါ၏ ကိုယ်သည် ငြိမ်းချမ်း ပါစေ}} ဟု စေ့ဆော်၍ ပြုဖွယ်မရှိ၊
နှစ်သက်သောစိတ် ရှိသူအား ...
ကိုယ်ငြိမ်းချမ်းမှုသည် ထုံးတမ်းစဉ်လာ သဘောပင်တည်း။

ရဟန်းတို့
ကိုယ်ငြိမ်းချမ်းသူအား ...
{{ချမ်းသာကို ခံစားအံ့}} ဟု စေ့ဆော်၍ ပြုဖွယ် မရှိ၊
ကိုယ်ငြိမ်းချမ်းသူအား ...
ချမ်းသာကို ခံစားမှုသည် ထုံးတမ်းစဉ်လာ သဘောပင်တည်း။

ရဟန်းတို့
ချမ်းသာသူအား...
{{ငါ၏စိတ်သည် တည်ကြည်ပါစေ}} ဟု စေ့ဆော်၍ ပြုဖွယ် မရှိ၊
ရဟန်းတို့ ချမ်းသာသူအား ...
စိတ်တည်ကြည်မှုသည် ထုံးတမ်းစဉ်လာ သဘောပင်တည်း။

ရဟန်းတို့
တည်ကြည်သူအား ...
{{ဟုတ်တိုင်းမှန်စွာ သိအံ့ မြင်အံ့}} ဟု စေ့ဆော်၍ ပြုဖွယ်မရှိ၊
တည်ကြည်သူအား...
ဟုတ်တိုင်းမှန်စွာ သိမှုမြင်မှုသည် ထုံးတမ်းစဉ်လာ သဘောပင်တည်း။

ရဟန်းတို့
ဟုတ်တိုင်းမှန်စွာ သိသူမြင်သူအား ...
{{ငြီးငွေ့အံ့}} ဟုစေ့ဆော်၍ ပြုဖွယ် မရှိ၊
ဟုတ်တိုင်းမှန်စွာ သိသူမြင်သူအား...
ငြီးငွေ့မှုသည် ထုံးတမ်းစဉ်လာ သဘော ပင်တည်း။

ရဟန်းတို့
ငြီးငွေ့သူအား
{{တပ်စွန်းမှုကင်းအံ့}} ဟုစေ့ဆော်၍ ပြုဖွယ် မရှိ၊
ငြီးငွေ့သူအား...
တပ်စွန်းခြင်း ကင်းမှုသည် ထုံးတမ်းစဉ်လာ သဘော ပင်တည်း။

ရဟန်းတို့
တပ်စွန်းခြင်း ကင်းသူအား ...
လွတ်မြောက်မှုဝိမုတ္တိနှင့် လွတ်မြောက်မှုကို သိသော ဉာဏ်အမြင်ကို မျက်မှောက် ပြုအံ့}}ဟုစေ့ဆော်၍ ပြုဖွယ်မရှိ၊
တပ်စွန်းခြင်း ကင်းသူအား ...
လွတ်မြောက်မှုနှင့် လွတ်မြောက်မှုကိုသိသော ဉာဏ်အမြင်ကို မျက်မှောက်ပြုခြင်း သည် ထုံးတမ်းစဉ်လာ သဘော ပင်တည်း။

ရဟန်းတို့ ဤသို့လျှင် ...
တပ်စွန်းခြင်းကင်းမှုသည် လွတ်မြောက်မှုနှင့် လွတ်မြောက်မှုကို သိသော ဉာဏ် အမြင် အကျိုးရှိ၏၊ လွတ်မြောက်မှုနှင့်လွတ်မြောက်မှုကို သိသော ဉာဏ်အမြင် အာနိသင် ရှိ၏။ ငြီးငွေ့မှုသည် တပ်စွန်းခြင်း ကင်းမှုအကျိုး ရှိ၏၊ တပ်စွန်းခြင်း ကင်းမှုအာနိသင် ရှိ၏။ ဟုတ်တိုင်းမှန်စွာ သိမြင်မှုသည် ငြီးငွေ့မှုအကျိုး ရှိ၏၊ ငြီးငွေ့မှုအာနိသင် ရှိ၏၊ တည်ကြည်မှုသည် ဟုတ်တိုင်းမှန်စွာ သိမြင်မှု အကျိုး ရှိ၏၊ဟုတ်တိုင်းမှန်စွာ သိမြင်မှု အာနိသင် ရှိ၏။ ချမ်းသာမှုသည် တည်ကြည်မှု အကျိုး ရှိ၏၊ တည်ကြည်မှုအာနိသင် ရှိ၏၊ ငြိမ်းအေးမှုသည် ချမ်းသာမှုအကျိုး ရှိ၏၊ ချမ်းသာမှုအာနိသင် ရှိ၏။ နှစ်သက်မှုသည် ငြိမ်းအေးမှုအကျိုး ရှိ၏၊ ငြိမ်းအေးမှု အာနိသင် ရှိ၏။ ၀မ်းမြောက်မှုသည် နှစ်သက်မှုအကျိုး ရှိ၏၊ နှစ်သက်မှုအာနိသင် ရှိ၏။ နှလုံးသာရွှင်မှုသည် ၀မ်းမြောက်မှု အကျိုးရှိ၏၊ ၀မ်းမြောက်မှု အာနိသင် ရှိ၏။ အပြစ် ကင်းသော သီလတို့သည် နှလုံးသာရွှင်မှုအကျိုး ရှိကုန်၏၊ နှလုံးသာရွှင်မှု အာနိသင် ရှိကုန်၏။

ရဟန်းတို့ ဤသို့လျှင် ဤဘက်ကမ်းဝဋ်ဆင်းရဲမှ ထိုဘက်ကမ်း(နိဗ္ဗာန်)သို့ ရောက် ခြင်းငှါ (အပြစ် မရှိသော သီလ အစရှိသော) တရားတို့သည် (နှလုံးသာရွှင်ခြင်း အစရှိသော) တရားတို့ကို ဖြစ်စေကုန်၏၊ (အပြစ်မရှိသော သီလအစရှိသော) တရားတို့သည် (နှလုံးသာရွှင်ခြင်းအစရှိသော) တရားတို့နှင့် ပြည့်စုံစေကုန်၏ ဟု (မိန့်တော်မူ၏)။

၂ - စေတနာကရဏီယသုတ်၊ နိဿယ၀ဂ်၊ အင်္ဂုတ္တိုရ်ပါဠိတော်။

Saturday, September 27, 2008

ကောဓနသုတ်-

အမျိုးသမီးများ သတိထား



ကောဓနသုတ်- (အမျက်ထွက်တတ်သည်)

ထိုအခါ အသျှင်အနုရုဒ္ဓါသည် မြတ်စွာဘုရားထံသို့ ချဉ်းကပ်ပြီးလျှင် တစ်ခုသော နေရာ၌ ထိုင်နေပြီးသော် မြတ်စွာဘုရားအား {{အသျှင်ဘုရား ဤလောက၌ အကျွန်ုပ်သည် အထူးသဖြင့် သန့်ရှင်းသော လူတို့၏ အမြင်ကို လွန်သော နတ်၌ ဖြစ်သော မျက်စိ {ဒိဗ္ဗစက္ခုအဘိညာဉ်}ဖြင့် ခန္ဓာကိုယ်ပျက်စီး၍ သေပြီးသည်မှ နောက်၌ ချမ်းသာကင်းရာ မကောင်းသောလားရာ ပျက်စီးကျရောက်ရာ ဖြစ်သော ငရဲသို့ရောက်သော မာတုဂါမကို မြင်ပါ၏၊ မြတ်စွာဘုရား အဘယ်မျှလောက်ကုန် သော တရားတို့နှင့် ပြည့်စုံသော မာတုဂါမသည် ခန္ဓာကိုယ်ပျက်စီး၍ သေပြီးသည် မှ နောက်၌ ချမ်းသာ ကင်းရာ မကောင်းသော လားရာ ပျက်စီးကျရောက်ရာ ငရဲသို့ ရောက်ပါသနည်း}} ဟု လျှောက်ထား၏။

အနုရုဒ္ဓါ တရားငါးမျိုးတို့နှင့် ပြည့်စုံသော မာတုဂါမသည် ခန္ဓာကိုယ်ပျက်စီး၍ သေပြီးသည်မှနောက်၌ ချမ်းသာကင်းရာ မကောင်းသောလားရာ ပျက်စီး ကျရောက်ရာဖြစ်သော ငရဲသို့ ရောက်ရ၏။

အဘယ်ငါးမျိုးတို့နည်း၊

၁။ ယုံကြည်မှု {သဒ္ဓါ} တရားလည်း မရှိ၊
၂။ အရှက်လည်း မရှိ၊ ((မကောင်းမှုပြုရန်))
၃။ အကြောက်လည်း မရှိ၊
၎။ အမျက်ဒေါသလည်း ထွက်တတ်၏၊
၅။ ပညာမဲ့၏။

အနုရုဒ္ဓါ ဤတရားငါးမျိုးတို့နှင့် ပြည့်စုံသော မာတုဂါမသည် ခန္ဓာကိုယ်ပျက်စီး၍ သေပြီး သည်မှ နောက်၌ ချမ်းသာကင်းရာ မကောင်းသော လားရာ ပျက်စီးကျ ရောက်ရာ ငရဲသို့ ရောက်ရ၏ ဟု (မိန့်တော်မူ၏)။

၅ - ကောဓနသုတ်၊ ပဌမပေယျာလ၀ဂ်၊ သဠာယတန၀ဂ္ဂသံယုတ် ပါဠိတော်။

ပုရိသသုတ်- (ယောက်ကျား)

ပုရိသသုတ်- (ယောက်ကျား)

ရဟန်းတို့ အင်္ဂါငါးမျိုးတို့နှင့် ပြည့်စုံသော ယောက်ျားသည်
မာတုဂါမကို ဧကန် မနှစ်သက်စေနိုင်သူ ဖြစ်၏။

အဘယ်ငါးမျိုးးတို့နည်း...

၁။ အဆင်းရှိသူလည်း မဟုတ်၊
၂။ စည်းစိမ်ဥစ္စာရှိသူလည်း မဟုတ်၊
၃။ ကိုယ်ကျင့် {သီလ} ရှိသူလည်း မဟုတ်၊
၎။ ပျင်းရိသူလည်း ဖြစ်၏၊
၅။ သားသမီးမရသူလည်း ဖြစ်၏။

ရဟန်းတို့ ဤတရားငါးပါးတို့နှင့် ပြည့်စုံသော ယောက်ျားသည်
မာတုဂါမကို ဧကန် မနှစ်သက်စေနိုင်သူ ဖြစ်၏။

.....

ရဟန်းတို့ ဤအင်္ဂါငါးမျိုးတို့နှင့် ပြည့်စုံသော ယောက်ျားသည်
မာတုဂါမကို ဧကန် နှစ်သက်စေနိုင်သူ ဖြစ်၏။

အဘယ်ငါးမျိုးတို့နည်း...

၁။ အဆင်းရှိသူလည်း ဖြစ်၏၊
၂။ စည်းစိမ်ဥစ္စာရှိသူလည်း ဖြစ်၏၊
၃။ ကိုယ်ကျင့် {သီလ} ရှိသူလည်း ဖြစ်၏၊
၎။ လိမ္မာ၍ မပျင်းရိသူလည်း ဖြစ်၏၊
၅။ သားသမီးရသူလည်း ဖြစ်၏။

ရဟန်းတို့ ဤအင်္ဂါငါးမျိုးတို့နှင့် ပြည့်စုံသော ယောက်ျားသည်
မာတုဂါမကို ဧကန် နှစ်သက်စေနိုင်သူဖြစ်၏ ဟု (မိန့်တော်မူ၏)။

၂ - ပုရိသသုတ်၊ ပဌမပေယျာလ၀ဂ်၊ သဠာယတန၀ဂ္ဂသံယုတ် ပါဠိတော်။


မာတုဂါမသုတ်- (အမျိုးသမီး)

မာတုဂါမသုတ်- (အမျိုးသမီး)

ရဟန်းတို့ အင်္ဂါငါးမျိုးတို့နှင့် ပြည့်စုံသော မာတုဂါမသည်
ယောက်ျားကို ဧကန် မနှစ်သက်စေနိုင်သူ ဖြစ်၏။

အဘယ်ငါးမျိုးးတို့နည်း...

၁။ အဆင်းရှိသူလည်း မဟုတ်၊
၂။ စည်းစိမ်ဥစ္စာရှိသူလည်း မဟုတ်၊
၃။ ကိုယ်ကျင့် {သီလ} ရှိသူလည်း မဟုတ်၊
၎။ ပျင်းရိသူလည်း ဖြစ်၏၊
၅။ သားသမီး မရသူလည်း ဖြစ်၏။

ရဟန်းတို့ ဤအင်္ဂါငါးမျိုးတို့နှင့် ပြည့်စုံသော မာတုဂါမသည်
ယောက်ျားကို ဧကန် မနှစ်သက်စေနိုင်သူ ဖြစ်၏။


ရဟန်းတို့ ဤအင်္ဂါငါးမျိုးတို့နှင့် ပြည့်စုံသော မာတုဂါမသည်
ယောက်ျားကို ဧကန် နှစ်သက်စေနိုင်သူ ဖြစ်၏။

အဘယ် ငါးမျိုးတို့နည်း...

၁။ အဆင်းရှိသူလည်း ဖြစ်၏၊
၂။ စည်းစိမ်ဥစ္စာရှိသူလည်း ဖြစ်၏၊
၃။ ကိုယ်ကျင့် {သီလ} ရှိသူလည်း ဖြစ်၏၊
၎။ လိမ္မာ၍ မပျင်းရိသူလည်း ဖြစ်၏၊
၅။ သားသမီးရသူလည်း ဖြစ်၏။

ရဟန်းတို့ ဤအင်္ဂါငါးမျိုးတို့နှင့် ပြည့်စုံသော မာတုဂါမသည်
ယောက်ျားကို ဧကန် နှစ်သက်စေနိုင်သူ ဖြစ်၏ ဟု (မိန့်တော်မူ၏)။

၁ - မာတုဂါမသုတ်၊ ပဌမပေယျာလ၀ဂ်၊ သဠာယတန၀ဂ္ဂသံယုတ်။

Friday, September 26, 2008

ထေရသုတ်-

ထေရသုတ်-

ရဟန်းတို့ တရားဆယ်မျိုးတို့နှင့် ပြည့်စုံသော မထေရ်ရဟန်းသည် နေလေရာရာ အရပ်တိုင်း၌ ချမ်းသာစွာသာလျှင် နေရ၏။

အဘယ်ဆယ်မျိုးတို့နည်းဟူမူ -

(၁) မထေရ်ကြီး ဖြစ်၏၊ ညဥ့်အများကိုသိ၏၊ ရဟန်းဝါရင့်၏၊ ရဟန်းသက် ရှည်၏၊

(၂) သီလရှိ၏။ပ။ ၂၂၇-သွယ်သော သိက္ခာပုဒ်တို့၌ ဆောက်တည်၍ ကျင့်၏။

(၃) အကြားအမြင် များ၏။ပ။ ပညာဖြင့် ထိုးထွင်း၍ သိအပ်၏။

(၄) ထိုရဟန်းအား ပါတိမောက်နှစ်ပါးတို့သည် အကျယ်အားဖြင့် (နှုတ်၌) လာကုန် ၏၊ ကောင်းစွာ ဝေဖန်ထားအပ်ကုန်၏၊ ကောင်းစွာ(နှုတ်၌) ဖြစ်ခြင်း ရှိကုန်၏၊ သုတ်အားဖြင့် သဒ္ဒါအားဖြင့် ကောင်းစွာဆုံးဖြတ် ထားအပ်ကုန်၏။

(၅) အဓိကရုဏ်း ဖြစ်ခြင်း၏ အကြောင်းရင်းကို ယူ၍ ငြိမ်းစေမှု၌ လိမ္မာ၏။

(၆) တရားလိုလားသူ ဖြစ်၏၊ ချစ်ဖွယ် သုံးနှုန်းတတ်၏၊ လွန်မြတ်သော ဓမ္မ လွန်မြတ်သော ၀ိနယ၌ အားကြီးသော နှစ်သက်ဝမ်းမြောက်မှု ရှိ၏။

(၇) ရတတ်သမျှသော သင်္ကန်း ဆွမ်း ကျောင်း သူနာ၏အထောက်အပံ့ ဆေး အသုံးအဆောင်ဖြင့် ရောင့်ရဲ၏၊

(၈) ရှေ့သို့တက်ခြင်း နောက်သို့ဆုတ်ခြင်း၌ ကြည်ညိုဖွယ်ရှိ၍ ရွာတွင်းဝယ် နေ ထိုင်ခြင်း၌ ကိုယ်နှုတ်ကို စောင့်စည်း၏။

(၉) မျက်မှောက်ဘ၀၌ ချမ်းသာစွာနေကြောင်း ဖြစ်ကုန်သော လွန်မြတ်သော စိတ်ကို မှီ၍ ဖြစ်ကုန်သော ဈာန်လေးပါးတို့ကို အလိုရှိတိုင်းရ၏၊ မငြိုမငြင် ရ၏၊ မပင်မပန်း ရ၏၊

(၁၀) အာသဝေါတရားတို့၏ ကုန်ခြင်းကြောင့် အာသဝေါကင်းသော လွတ်မြောက် သော {အရဟတ္တဖိုလ်} စိတ်နှင့် လွတ်မြောက်သော {အရဟတ္တဖိုလ်} ပညာကို ယခုဘ၀၌ပင် ကိုယ်တိုင်ထူးသောဉာဏ်ဖြင့်သိကာ မျက်မှောက်ပြုလျက် ပြီးပြည့်စုံ စေ၍ နေ၏။

ရဟန်းတို့ ဤတရားဆယ်မျိုးတို့နှင့် ပြည့်စုံသော မထေရ်ရဟန်းသည် နေလေရာရာ အရပ်တိုင်း၌ ချမ်းသာစွာသာလျှင် နေရ၏ဟု (မိန့်တော်မူ၏)။

၈ - ထေရသုတ်၊ ဥပါလိဝဂ်၊ အင်္ဂုတ္တိုရ်ပါဠိတော်။

Thursday, September 25, 2008

မိတ္တသုတ်-

မိတ္တသုတ်-

* ခရီးသွားသော သူ၏ အဆွေခင်ပွန်းသည် အဘယ်နည်း၊
* ခရီးသွားသော သူ၏ အဆွေခင်ပွန်းသည် အတူသွားဖော်တည်း၊

* မိမိအိမ်၌ အဆွေခင်ပွန်းသည် အဘယ်နည်း၊
* မိမိ၏ အိမ်၌ အဆွေခင်ပွန်းသည် အမိတည်း၊

* ပြုဖွယ်ကိစ္စရှိသော သူ၏ အဆွေခင်ပွန်းသည် အဘယ်နည်း၊
* ပြုဖွယ်ကိစ္စရှိသော သူ၏ အဆွေခင်ပွန်းသည် သူငယ်ချင်းတည်း၊

* တမလွန်၌ ဖြစ်သော အဆွေခင်ပွန်းသည် အဘယ်နည်း ဟု (လျှောက်၏)။
* အဖန်ဖန် ကိုယ်တိုင် ပြုအပ်သော ကောင်းမှုတို့သည် တမလွန်၌ ဖြစ်သော အဆွေခင်ပွန်းမည်၏ ဟု (မိန့်တော်မူ၏)။

၃ - မိတ္တသုတ်၊ အဒ္ဓ၀ဂ်၊ သဂါထာဝဂ္ဂသံယုတ်။

အာဃာတပဋိဝိနယသုတ်

အာဃာတပဋိဝိနယသုတ်

ရဟန်းတို့ ရန်ငြိုး ဖြေကြောင်းတို့သည် ဤဆယ်မျိုးတို့တည်း။

အဘယ်ဆယ်မျိုးတို့နည်းဟူမူ -

မိမိနှင့်ပတ်သက်၍...
၁။ ငါ၏ အကျိုးမဲ့ကို ပြုဖူးပြီ၊ ထိုအကျိုးမဲ့ပြုခြင်းကို
ဤပုဂ္ဂိုလ်၌ (တားမြစ်ရန်) အဘယ်မှာ ရနိုင်မည်နည်း ဟု ရန်ငြိုးကို ဖြေ၏၊
၂။ ငါ၏ အကျိုးမဲ့ကို ပြုနေဆဲ၊ ထိုအကျိုးမဲ့ ပြုခြင်းကို
ဤပုဂ္ဂိုလ်၌ (တားမြစ်ရန်) အဘယ်မှာ ရနိုင်မည်နည်း ဟု ရန်ငြိုးကို ဖြေ၏၊
၃။ ငါ၏ အကျိုးမဲ့ကို ပြုလိမ့်မည်၊ ထိုအကျိုးမဲ့ ပြုခြင်းကို
ဤပုဂ္ဂိုလ်၌ (တားမြစ်ရန်) အဘယ်မှာ ရနိုင်မည်နည်း ဟု ရန်ငြိုးကို ဖြေ၏၊

မိမိချစ်ခင် နှစ်သက်သူနှင့်ပတ်သက်၍...
၎။ ငါချစ်ခင် နှစ်သက်သူ၏ အကျိုးမဲ့ကို ပြုဖူးပြီ ထိုအကျိုးမဲ့ပြုခြင်းကို
ဤပုဂ္ဂိုလ်၌ (တားမြစ်ရန်) အဘယ်မှာ ရနိုင်မည်နည်း ဟု ရန်ငြိုးကို ဖြေ၏၊
၅။ ငါချစ်ခင် နှစ်သက်သူ၏ အကျိုးမဲ့ကို ပြုနေဆဲ၊ ထိုအကျိုးမဲ့ ပြုခြင်းကို
ဤပုဂ္ဂိုလ်၌ (တားမြစ်ရန်) အဘယ်မှာ ရနိုင်မည်နည်း ဟု ရန်ငြိုးကို ဖြေ၏၊
၆။ ငါချစ်ခင် နှစ်သက်သူ၏ အကျိုးမဲ့ကို ပြုလိမ့်မည်၊ ထိုအကျိုးမဲ့ ပြုခြင်းကို
ဤပုဂ္ဂိုလ်၌ (တားမြစ်ရန်) အဘယ်မှာ ရနိုင်မည်နည်း ဟု ရန်ငြိုးကို ဖြေ၏၊

မိမိမချစ်ခင် မနှစ်သက်သူနှင့်ပတ်သက်၍...
၇။ ငါမချစ်ခင် မနှစ်သက်သူ၏ အကျိုးကို ပြုဖူးပြီ ထိုအကျိုး ပြုခြင်းကို
ဤပုဂ္ဂိုလ်၌ (တားမြစ်ရန်) အဘယ်မှာ ရနိုင်မည်နည်း ဟု ရန်ငြိုးကိုဖြေ၏၊
၈။ ငါမချစ်ခင် မနှစ်သက်သူ၏ အကျိုးကို ပြုနေဆဲ ထိုအကျိုး ပြုခြင်းကို
ဤပုဂ္ဂိုလ်၌ (တားမြစ်ရန်) အဘယ်မှာ ရနိုင်မည်နည်း ဟု ရန်ငြိုးကိုဖြေ၏၊
၉။ ငါမချစ်ခင် မနှစ်သက်သူ၏ အကျိုးကို ပြုလိမ့်မည် ထိုအကျိုး ပြုခြင်းကို
ဤပုဂ္ဂိုလ်၌ (တားမြစ်ရန်) အဘယ်မှာ ရနိုင်မည်နည်း ဟု ရန်ငြိုးကိုဖြေ၏၊

၁၀။ အရာ မဟုတ်သည်၌လည်း အမျက်မထွက်။

ရဟန်းတို့ ဤသည်တို့ကား ရန်ငြိုးဖြေကြောင်း ဆယ်မျိုးတို့တည်း ဟု (မိန့်တော်မူ၏)။

၁၀ - အာဃာတပဋိဝိနယသုတ်၊ အာကင်္ခ၀ဂ်၊ အဂုင်္တ္တိုရ်ပါဠိတော်။

ဂူထဘာဏီသုတ်- (ဂူထ=မစင်+ဘာဏီ=ပြောဆိုသူ)

ဂူထဘာဏီသုတ်- (ဂူထ=မစင်+ဘာဏီ=ပြောဆိုသူ)

ရဟန်းတို့ ဤပုဂ္ဂိုလ်သုံးမျိုးတို့သည် လောက၌ ထင်ရှားရှိကုန်၏။
အဘယ် သုံးမျိုးတို့နည်းဟူမူ-

၁။ မစင်ကဲ့သို့ မကောင်းသော အနံ့ရှိသော စကားကို ဆိုတတ်သော ပုဂ္ဂိုလ်၊
၂။ ပန်းကဲ့သို့ ကောင်းသော အနံ့ရှိသော စကားကို ဆိုတတ်သော ပုဂ္ဂိုလ်၊
၃။ ပျားရည်ကဲ့သို့ ချိုသာသော စကားကို ဆိုတတ်သော ပုဂ္ဂိုလ်တို့ပေတည်း။

၁...
ရဟန်းတို့ မစင်ကဲ့သို့ မကောင်းသောအနံ့ရှိသော စကားကို ဆိုတတ်သော ပုဂ္ဂိုလ်ဟူသည် အဘယ်နည်း၊
ရဟန်းတို့ ဤလောက၌ ပွဲသဘင်၌သော် လည်းကောင်း၊ ပရိသတ်၌သော် လည်း ကောင်း၊ ဆွေမျိုးတို့အလယ်၌သော် လည်းကောင်း၊ အသင်းအပင်း အလယ်၌ သော် လည်းကောင်း၊ မင်းမျိုးတို့အလယ်၌သော် လည်းကောင်း တည်နေသော အချို့သော ပုဂ္ဂိုလ်ကို ခေါ်ဆောင်၍ {{အချင်းယောက်ျား လာလော့ သင်သိသည် ကို ပြောပါလော့}}ဟု သက်သေအရာ၌ ထားလျက် မေးအပ်၏၊ ထိုသူသည် {{မသိသည်ကို သိ၏}} ဟု လည်းကောင်း၊ {{သိသည်ကို မသိ}} ဟု လည်း ကောင်း၊ {{မမြင်သည်ကို မြင်၏}}ဟုလည်းကောင်း၊ {{မြင်သည်ကို မမြင်}}ဟု လည်းကောင်း၊ ဤသို့ မိမိ အကြောင်းကြောင့်သော် လည်းကောင်း၊ သူတစ်ပါး အကြောင်းကြောင့်သော် လည်းကောင်း၊ တံစိုး လက် ဆောင် အစားအစာ ဟူသော အကြောင်းကြောင့်သော်လည်းကောင်း သိလျက် မမှန်သောစကားကို ပြောဆို၏။
ရဟန်းတို့ ဤပုဂ္ဂိုလ်ကို မစင်ကဲ့သို့ မကောင်းသော အနံ့ရှိသော စကားကို ဆိုတတ်သော ပုဂ္ဂိုလ်ဟု ဆိုအပ်၏။


၂...
ရဟန်းတို့ ပန်းကဲ့သို့ ကောင်းသော အနံ့ရှိသော စကားကို ဆိုတတ်သော ပုဂ္ဂိုလ်ဟူသည် အဘယ်နည်း၊
ရဟန်းတို့ ဤလောက၌ ပွဲသဘင်၌သော်လည်းကောင်း၊ ပရိသတ်၌သော် လည်း ကောင်း၊ ဆွေမျိုးတို့ အလယ်၌သော်လည်းကောင်း၊ အသင်းအပင်းအလယ်၌သော် လည်းကောင်း၊ မင်းမျိုးတို့ အလယ်၌သော်လည်းကောင်း တည်နေသော အချို့ သော ပုဂ္ဂိုလ်ကို ခေါ်ဆောင်၍ {{အချင်းယောက်ျား လာလော့ သင်သိသည်ကို ပြောပါလော့}} ဟု သက်သေအရာ၌ ထားလျက် မေးအပ်၏၊ ထိုသူသည် {{မသိ သည်ကို မသိ}} ဟု လည်းကောင်း၊ {{သိသည်ကို သိ၏}} ဟု လည်းကောင်း၊ {{မမြင်သည်ကို မမြင်}} ဟု လည်းကောင်း၊ {{မြင်သည်ကို မြင်၏}} ဟု လည်း ကောင်း၊ ဤသို့ မိမိအကြောင်းကြောင့်သော် လည်းကောင်း၊ သူတစ်ပါး အကြောင်း ကြောင့်သော် လည်းကောင်း၊ တံစိုးလက်ဆောင် အစားအစာ ဟူသော အကြောင်း ကြောင့် သော်လည်းကောင်း သိလျက် မမှန်သော စကားကို မပြောဆို။
ရဟန်းတို့ ဤပုဂ္ဂိုလ်ကို ပန်းကဲ့သို့ ကောင်းသော အနံ့ရှိသော စကားကို ပြောဆို တတ်သော ပုဂ္ဂိုလ်ဟု ဆိုအပ်၏။

၃...
ရဟန်းတို့ ပျားကဲ့သို့ ချိုသာသော စကားကို ပြောဆိုတတ်သော ပုဂ္ဂိုလ်ဟူသည် အဘယ်နည်း၊
ရဟန်းတို့ ဤလောက၌ အချို့သော ပုဂ္ဂိုလ်သည် ကြမ်းသော စကားကို ပယ်၍ ကြမ်းသော စကားမှ ရှောင်ကြဉ်၏။ အကြင် စကားသည် အပြစ်ကင်း၏၊ နားချမ်း သာ၏၊ နှစ်လိုဖွယ်ရှိ၏၊ နှလုံးသို့သက်၏၊ ယဉ်ကျေး၏၊ လူအများ နှစ်သက်၏၊ လူအများ နှစ်ခြိုက်၏၊ ထိုသို့သဘောရှိသော စကားကို ဆို၏။
ရဟန်းတို့ ဤပုဂ္ဂိုလ်ကို ပျားကဲ့သို့ ချိုသာသော စကားကို ပြောဆိုတတ်သော ပုဂ္ဂိုလ်ဟု ဆိုအပ်၏။

ရဟန်းတို့ ...
ဤပုဂ္ဂိုလ် သုံးမျိုးတို့သည် လောက၌ ထင်ရှားရှိကုန်၏ဟု (မိန့်တော်မူ၏)။

၈ - ဂူထဘာဏီသုတ်၊ ပုဂ္ဂလ၀ဂ်၊ အင်္ဂုတ္တိုရ်။

ပါပဏိကသုတ်- (အိမ်ဈေးသည်)

ကြီးပွါးလိုသူများ ဤတရား ၃-ပါးနှင့် ပြည့်စုံရမည်။

၁။ ဈေးသည်သည် မျက်စိအမြင် ရှိ၏၊
၂။ ဈေးသည်သည် ဉာဏ်နှင့်ယှဉ်သော ၀ီရိယထူး ရှိ၏၊
၃။ ဈေးသည်သည် အမှီကောင်းနှင့် ပြည့်စုံ၏၊


ဒုတိယ ပါပဏိကသုတ်- (အိမ်ဈေးသည်)

ရဟန်းတို့ အင်္ဂါသုံးမျိုးတို့နှင့် ပြည့်စုံသော ဈေးသည်သည် မကြာမီပင်လျှင် စည်းစိမ်တို့၌ များခြင်း ပြန့်ပြောခြင်းသို့ ရောက်၏။

အဘယ်သုံးမျိုးတို့နည်းဟူမူ-
၁...
ရဟန်းတို့ ဤလောက၌ ဈေးသည်သည် မျက်စိအမြင် ရှိ၏၊
ဉာဏ်နှင့်ယှဉ်သော ၀ီရိယထူး ရှိ၏၊ အမှီကောင်းနှင့် ပြည့်စုံ၏။ ရဟန်းတို့ အဘယ် သို့လျှင် ဈေးသည်သည် မျက်စိအမြင်ရှိသနည်း၊ ရဟန်းတို့ ဤလောက၌ ဈေးသည်သည် {{ဤကုန်ပစ္စည်းကို ဤသို့ဝယ်၍ ဤသို့ရောင်းသော် အရင်းအနှီး ကား ဤမျှလောက် ဖြစ်လတ္တံ့၊ အမြတ် အစွန်းကား ဤမျှလောက် ဖြစ်လတ္တံ့}} ဟု ဤသို့ ရောင်းကုန် ပစ္စည်းကို သိ၏။
ရဟန်းတို့ ဤသို့လျှင် ဈေးသည်သည် မျက်စိအမြင်ရှိ၏။

၂...
ရဟန်းတို့ ဤလောက၌ ဈေးသည်သည် ဉာဏ်နှင့်ယှဉ်သော ၀ီရိယထူး ရှိ၏၊
ရဟန်းတို့ ဤလောက၌ ဈေးသည်သည် ကုန်ပစ္စည်းကို ၀ယ်ခြင်းငှါလည်းကောင်း၊ ရောင်းခြင်းငှါ လည်းကောင်း ကျွမ်းကျင်၏။ ရဟန်းတို့ ဤသို့လျှင် ဈေးသည်သည် ထူးသော ဉာဏ်နှင့်ယှဉ်သော ၀ီရိယထူးရှိ၏။

၃...
ရဟန်းတို့ ဤလောက၌ ဈေးသည်သည် အမှီကောင်းနှင့် ပြည့်စုံ၏၊
ရဟန်းတို့ ဤလောက၌ ဈေးသည်ကို ကြွယ်ဝကုန် များသောဥစ္စာရှိကုန် များသော အသုံးအဆောင် ရှိကုန်သော သူကြွယ်တို့သည်လည်းကောင်း၊ သူကြွယ်သားတို့ သည်လည်းကောင်း {{ဤဈေးသည်ကား မျက်စိအမြင်လည်းရှိ၏၊ ဉာဏ်နှင့်ယှဉ် သော ၀ီရိယထူးလည်း ရှိ၏၊ သားသမီးတို့ကို လုပ်ကျွေးခြင်းငှါ လည်းကောင်း၊ ငါတို့ အား ရံခါရံခါ အတိုးပေးဆပ်ခြင်းငှါလည်းကောင်း စွမ်းနိုင်၏}} ဟု သိကုန်၏။ ထိုသူကြွယ် သူကြွယ်သားတို့သည် ထို ဈေးသည်ကို {{အချင်းဈေးသည် ငါ၏အထံမှ ဤကုန်စည်ပစ္စည်းတို့ကို ယူ၍ သားမယားကိုလည်း လုပ်ကျွေးလော့၊ ငါတို့အားလည်း ရံခါရံခါ အတိုးပေးဆပ်ပါလော့}}ဟု ကုန်ပစ္စည်းဖြင့် ဖိတ်ကြား ကုန်၏။
ရဟန်းတို့ ဤသို့လျှင် ဈေးသည်သည် အမှီကောင်းနှင့် ပြည့်စုံ၏။

ရဟန်းတို့ ဤအင်္ဂါသုံးမျိုး တို့နှင့် ပြည့်စုံသော ဈေးသည်သည် မကြာမီပင်လျှင် စည်းစိမ်တို့၏ များခြင်း ပြန့်ပြောခြင်းသို့ ရောက်၏။


ရဟန်းတို့ ဤအတူသာလျှင် တရားသုံးမျိုးတို့နှင့် ပြည့်စုံသော ရဟန်းသည် မကြာမီပင်လျှင် ကုသိုလ်တရားတို့၌ များမြတ်ခြင်း ပြန့်ပြောခြင်းသို့ ရောက်၏။

အဘယ်သုံးမျိုးတို့နည်းဟူမူ-

ရဟန်းတို့ ဤသာသနာတော်၌ ရဟန်းသည်
၁။ ပညာ မျက်စိ အမြင်ရှိ၏၊
၂။ ဉာဏ်နှင့်ယှဉ်သော ၀ီရိယထူးရှိ၏၊
၃။ အမှီကောင်းနှင့် ပြည့်စုံ၏။

၁...
ရဟန်းတို့ အဘယ်သို့လျှင် ရဟန်းသည် (ပညာ) မျက်စိ အမြင်ရှိသနည်း၊
ရဟန်းတို့ ဤသာသနာတော်၌ ရဟန်းသည်
{{ဤကား ဆင်းရဲတည်း}} ဟု ဟုတ်မှန်သော အတိုင်း သိ၏၊
{{ဤကား ဆင်းရဲ ဖြစ်ကြောင်းတည်း}} ဟု ဟုတ်မှန်သော အတိုင်း သိ၏၊
{{ဤကား ဆင်းရဲချုပ်ရာ{နိဗ္ဗာန်}တည်း}} ဟု ဟုတ်မှန်သော အတိုင်း သိ၏၊
{{ဤကား ဆင်းရဲချုပ်ရာ {နိဗ္ဗာန်}သို့ရောက်ကြောင်း အကျင့်တည်း}} ဟု
ဟုတ်မှန်သော အတိုင်း သိ၏။
ရဟန်းတို့ ဤသို့လျှင် ရဟန်းသည် (ပညာ) မျက်စိအမြင်ရှိ၏။

၂...
ရဟန်းတို့ အဘယ်သို့လျှင် ရဟန်းသည် ဉာဏ်နှင့် ယှဉ်သော ၀ီရိယထူးရှိသနည်း၊
ရဟန်းတို့ ဤသာသနာတော်၌ ရဟန်းသည် အကုသိုလ်တရားတို့ကို ပယ်ခြင်း ကုသိုလ်တရားတို့ကို ဖြစ်စေခြင်းငှါ ထက်သန်သော လုံ့လရှိသည် ဖြစ်၍ နေ၏၊ အားအစွမ်းနှင့် ပြည့်စုံ၏၊ မြဲမြံသော လုံ့လ ရှိ၏၊ ကုသိုလ်တရားတို့၌ တာဝန်ကို ပစ်ချမထား။
ရဟန်းတို့ ဤသို့လျှင် ရဟန်းသည် ဉာဏ်နှင့်ယှဉ်သော ၀ီရိယထူးရှိ၏။

၃...
ရဟန်းတို့ အဘယ်သို့လျှင် ရဟန်းသည် အမှီကောင်းနှင့် ပြည့်စုံသနည်း၊
ရဟန်းတို့ ဤသာသနာတော်၌ အကြားအမြင်များကုန် ပါဠိတော်ကို နှုတ်တက် ဆောင်ကုန် သုတ္တန်ကို ဆောင်ကုန် ၀ိနည်းကို ဆောင်ကုန် ပါတိမောက်ကို ဆောင်ကုန်သော ရဟန်းတို့သို့ ရံဖန် ရံခါ ချဉ်းကပ်၍ {{အသျှင်ဘုရား ဤပါဠိကား အဘယ်သို့ပါနည်း၊ ဤပါဠိ၏ အနက်ကား အဘယ်သို့ပါနည်း}} ဟု မေးမြန်း၏၊ စိစစ်၏၊ ထို(ဗဟုသုတရှိကြသော) အသျှင်တို့သည် ထိုရဟန်းအား မဖွင့်အပ်သေး သည်ကိုလည်း ဖွင့်ပြကုန်၏၊ မပေါ်လွင်သေးသည်တို့ကိုလည်း ပေါ်လွင်စေကုန်၏၊ များပြားကုန်သော ယုံမှားခြင်း၏ အကြောင်းတရားတို့၌ ယုံမှားမှုကို ပယ်ဖျောက် ကုန်၏။
ရဟန်းတို့ ဤသို့လျှင် ရဟန်းသည် အမှီကောင်းနှင့် ပြည့်စုံ၏။

ရဟန်းတို့ ဤတရားသုံးမျိုးတို့နှင့် ပြည့်စုံသော ရဟန်းသည် မကြာမီပင်လျှင် ကုသိုလ်တရားတို့၌ များမြတ် ခြင်း ပြန့်ပြောခြင်းသို့ ရောက်၏ဟု (မိန့်တော်မူ၏)။


၁၀ - ဒုတိယ ပါပဏိကသုတ်၊ ရထာကာရ၀ဂ်၊ အင်္ဂုတ္တိုရ်ပါဠိတော်။

အစ္စယသုတ်-(အပြစ်၊ အာပတ်)

အစ္စယသုတ်- (အပြစ်၊ အာပတ်၊ သေလွန်ခြင်း)

ရဟန်းတို့ တရားသုံးမျိုးတို့နှင့် ပြည့်စုံသူကို သူမိုက်ဟု သိအပ်၏။

အဘယ် သုံးမျိုး တို့နည်းဟူမူ-
၁။ မိမိအပြစ်ကို အပြစ်အားဖြင့် မရှုခြင်း၊
၂။ မိမိအပြစ်ကို အပြစ်အားဖြင့် ရှုသော်လည်း တရားအလျောက် မကုစား၊
၃။ သူတစ်ပါးသည် အပြစ်ကို ၀န်ခံ၍ ပြောလာပါလျက် တရားအလျောက် မခံယူ။
ရဟန်းတို့ ဤတရားသုံးမျိုးတို့နှင့် ပြည့်စုံသောသူကို သူမိုက်ဟု သိအပ်၏။

ရဟန်းတို့ တရားသုံးမျိုးတို့နှင့် ပြည့်စုံသော သူကို ပညာရှိဟု သိအပ်၏။

အဘယ် သုံးမျိုး တို့နည်းဟူမူ-
၁။ မိမိအပြစ်ကို အပြစ်အားဖြင့် ရှု၏၊
၂။ မိမိ၏ အပြစ်ကို အပြစ်အားဖြင့် ရှု၍ တရားအလျောက် ကုစား၏၊
၃။ သူတစ်ပါးသည် အပြစ်ကို ၀န်ခံ၍ ပြောလာသော် တရားအလျောက် ခံယူ၏။

ရဟန်းတို့ ဤတရား သုံးမျိုးတို့နှင့် ပြည့်စုံသောသူကို ပညာရှိဟု သိအပ်၏။

ရဟန်းတို့ ထို့ကြောင့် ဤသာသနာတော်၌ ...
{{သူမိုက်ဟု သိကြောင်း တရား သုံးမျိုး တို့ကို ရှောင်ကြဉ်၍၊
ပညာရှိဟု သိကြောင်း တရားသုံးမျိုးတို့ကို ဆောက်တည်၍ ကျင့်ကုန်အံ့}} ဟု
ဤသို့သာလျှင် သင်တို့ ကျင့်ရမည်ဟု (မိန့်တော်မူ၏)။

၎ - အစ္စယသုတ်၊ ဗာလ၀ဂ်၊ တိကနိပါတ်၊ အင်္ဂုတ္တိုရ်။

Wednesday, September 24, 2008

ဂိရိမာနန္ဒသုတ်-မှ (ရောဂါပျောက်ငြိမ်းကြောင်း)

သင်တို့မှာ ရှိနေသော ရောဂါဆိုးများ ပျောက်ကင်းလိုသော်...




ဂိရိမာနန္ဒသုတ်-

အခါတစ်ပါး၌ မြတ်စွာဘုရားသည် သာဝတ္ထိပြည် အနာထပိဏ်သူဌေး၏ အရံ ဖြစ်သော ဇေတ၀န်ကျောင်း၌ (သီတင်းသုံး) နေတော်မူ၏။ ထိုအခါ အသျှင် ဂိရိမာနန္ဒသည် အနာရောဂါရှိ၏၊ ဆင်းရဲခြင်းသို့ ရောက်၏၊ ပြင်းစွာ မကျန်းမမာ ဖြစ်၏။

ထိုအခါ အသျှင်အာနန္ဒာသည် မြတ်စွာဘုရားအထံသို့ ချဉ်းကပ်၍ ရှိခိုးပြီးလျှင် တစ်ခုသော နေရာ၌ ထိုင်လျက် မြတ်စွာဘုရားအား-

{{အသျှင်ဘုရား အသျှင်ဂိရိမာနန္ဒသည် အနာရောဂါ ရှိပါ၏၊ ဆင်းရဲခြင်းသို့ ရောက်နေပါ၏၊ ပြင်းစွာ မကျန်းမမာ ဖြစ်နေပါ၏။ အသျှင်ဘုရား တောင်းပန်ပါ၏၊ အသျှင်ဂိရိမာနန္ဒ အထံသို့ သနားသဖြင့် ချဉ်းကပ်တော်မူပါ}} ဟု လျှောက်၏။

အာနန္ဒာ အကယ်၍ သင်သည် ဂိရိမာနန္ဒရဟန်းအား သညာ ဆယ်မျိုးတို့ကို ဟောလျှင် သညာ ဆယ်မျိုးတို့ကို ကြားနာရသည်ရှိသော် ဂိရိမာနန္ဒရဟန်းအား ထိုအနာရောဂါသည် ခဏချင်း ငြိမ်းရာသော အကြောင်းသည် ရှိသည်သာတည်း။

အဘယ်ဆယ်မျိုးတို့နည်းဟူမူ -

၁။ အနိစ္စ သညာ၊ သင်္ခါရတရား၏ မမြဲစွဲမှု၌ ရှုသိခြင်း။
၂။ အနတ္တ သညာ၊ အစိုင်အခဲ စွဲမြဲစွာ မတည်ခြင်ှးု၌ ရှုသိခြင်း။
၃။ အသုဘ သညာ၊ မတင့်တယ်ဟူသော ရှုသိခြင်း။
၎။ အာဒီန၀ သညာ၊ ကိုးစားရာ မရှိ ဆင်းရဲအတိဟူသော ရှုသိခြင်း။
၅။ ပဟာန သညာ၊ ပယ်ရှားစွန့်ပစ်ရေး ဟူ၍ ရှုသိခြင်း။
၆။ ၀ိရာဂ သညာ၊ တပ်မက်ကင်းရေး ဟူသော ရှုသိခြင်း။
၇။ နိရောဓ¬ သညာ၊ ချုပ်ငြိမ်း ပြတ်စဲခြင်း ဟူသော ရှုသိခြင်း။
၈။ သဗ္ဗလောကေ အနဘိရတိ သညာ၊ လောကကြီး၌ မွေ့လျော်ဘွယ်မရှိဟူသော ရှုသိခြင်း။
၉။ သဗ္ဗသင်္ခါရေသု အနိစ္ဆာ သညာ၊ သင်္ခါရအားလုံး၌ အလိုမရှိအပ် ဟူသော ရှုသိခြင်း။
၁၀။ အာနာပါနဿတိ၊ ထွက်သက်ဝင်သက်ကို အောက်မေ့ခြင်း။

၁...
အာနန္ဒာ အနိစ္စသညာ ဟူသည် အဘယ်နည်း၊
အာနန္ဒာ ဤသာသနာတော်၌ ရဟန်းသည် တောသို့ကပ်ရောက်၍သော် လည်း ကောင်း၊ သစ်ပင်ရင်းသို့ ကပ်ရောက်၍သော် လည်းကောင်း၊ ဆိတ်ငြိမ်ရာအရပ်သို့ ကပ်ရောက်၍သော် လည်းကောင်း {{ရုပ်သည် မမြဲ၊ ဝေဒနာသည် မမြဲ၊ သညာ သည် မမြဲ၊ သင်္ခါရတို့ သည် မမြဲကုန်၊ ၀ိညာဏ်သည် မမြဲ}} ဟု ဆင်ခြင်၏။ ဤသို့လျှင် ဤဥပါဒါနက္ခန္ဓာငါးပါးတို့၌ အနိစ္စ {မမြဲ} ဟု ရှုလေ့ရှိကာ နေ၏။
အာနန္ဒာ ဤတရားကို အနိစ္စသညာ ဟု ဆိုအပ်၏။

၂...
အာနန္ဒာ အနတ္တသညာ ဟူသည် အဘယ်နည်း၊
အာနန္ဒာ ဤသာသနာတော်၌ ရဟန်းသည် တောသို့ ကပ်ရောက်၍သော် လည်းကောင်း၊ သစ်ပင်ရင်းသို့ ကပ်ရောက်၍သော် လည်းကောင်း ဆိတ်ငြိမ်ရာ အရပ်သို့ ကပ်ရောက်၍သော် လည်းကောင်း {{မျက်စိသည် အတ္တမဟုတ်၊ အဆင်း {ရူပါရုံ}တို့သည် အတ္တ မဟုတ်ကုန်၊ နားသည် အတ္တမဟုတ်၊ အသံ {သဒ္ဒါရုံ} တို့သည် အတ္တ မဟုတ်ကုန်၊ နှာခေါင်းသည် အတ္တ မဟုတ်၊ အနံ့{ဂန္ဓာရုံ}တို့သည် အတ္တမဟုတ်ကုန်။ လျှာသည် အတ္တမဟုတ်၊ အရသာ {ရသာရုံ}တို့သည် အတ္တ မဟုတ်ကုန်၊ ကိုယ်သည် အတ္တ မဟုတ်၊ အတွေ့ {ဖောဋ္ဌဗ္ဗာရုံ}တို့သည် အတ္တ မဟုတ်ကုန်၊ စိတ်သည် အတ္တ မဟုတ်၊ သဘောတရား {ဓမ္မာရုံ}တို့သည် အတ္တ မဟုတ်ကုန်}} ဟု ဆင်ခြင်၏။ ဤသို့လျှင် ဤအတွင်းအပ တည်ရာ {အာယတန} ခြောက်ပါးတို့၌ အစိုးမရ {အနတ္တ} ဟု ရှုလေ့ရှိကာ နေ၏။
အာနန္ဒာ ဤတရားကို အနတ္တသညာဟု ဆိုအပ်၏။

၃...
အာနန္ဒာ အသုဘသညာ ဟူသည် အဘယ်နည်း၊
အာနန္ဒာ ဤသာသနာတော်၌ ရဟန်းသည် ခြေဖ၀ါး အပြင်မှ အထက်၌ ဆံပင်ဖျားမှ အောက်၌ အရေအပိုင်းအခြား ရှိသော အထူးထူး အပြားပြားသော မစင်ကြယ်သော ၀တ္ထုဖြင့် ပြည့်သော ဤကိုယ် {ခန္ဓာ}ကိုသာလျှင် ဆင်ခြင်၏။ {{ဤကိုယ်{ခန္ဓာ}၌ ဆံပင်၊ အမွေး၊ လက်သည်း ခြေသည်း၊ သွား၊ အရေ။ အသား၊ အကြော၊ အရိုး၊ ရိုးတွင်းခြင်ဆီ၊ အညှို့။ နှလုံး၊ အသည်း၊ အမြှေး၊ အဖျဉ်း၊ အဆုတ်။ အူမ၊ အူသိမ်၊ အစာသစ်၊ အစာဟောင်း၊ ဦးနှောက်။ သည်းခြေ၊ သလိပ်၊ ပြည်၊ သွေး၊ ချွေး၊ အဆီခဲ။ မျက်ရည်၊ ဆီကြည်၊ တံတွေး၊ နှပ်၊ အစေး၊ ကျင်ငယ်တို့သည် ရှိကြကုန်၏}} ဟု ဆင်ခြင်၏။ ဤသို့လျှင် ဤကိုယ်၌ မတင့်တယ် {အသုဘ} ဟု ရှုလေ့ ရှိကာနေ၏။
အာနန္ဒာ ဤတရားကို အသုဘသညာ ဟု ဆိုအပ်၏။

၎...
အာနန္ဒာ အာဒီန၀သညာ ဟူသည် အဘယ်နည်း၊
အာနန္ဒာ ဤသာသနာတော်၌ ရဟန်းသည် တောသို့ ကပ်ရောက်၍သော် လည်း ကောင်း၊ သစ်ပင်ရင်းသို့ ကပ်ရောက်၍သော် လည်းကောင်း၊ ဆိတ်ငြိမ်ရာ အရပ်သို့ ကပ်ရောက်၍သော် လည်းကောင်း {{ဤကိုယ်သည် ဆင်းရဲများ၏၊ အပြစ်များ၏၊ ဤသို့လျှင် ဤကိုယ်၌ အထူးထူး အပြားပြားသော အနာ (ရောဂါ)တို့သည် ဖြစ်ကုန်၏။
ယင်းအနာတို့ ဟူသည်ကား-
မျက်စိရောဂါ၊ နားရောဂါ၊ နှာခေါင်းရောဂါ၊ လျှာရောဂါ၊ ကိုယ်၌ဖြစ်သော အနာ၊ ဦးခေါင်း၌ဖြစ်သောအနာ၊ နားရွက်နာ၊ ခံတွင်းနာ၊ သွားရောဂါ၊ နှုတ်ခမ်းရောဂါ၊ ချောင်းဆိုးနာ၊ ကုတ်ဟီးနာ၊ ဖွတ်စအိုနာ၊ ကိုယ်ပူနာ၊ ဖျားနာ၊ ၀မ်း၌ဖြစ်သော ရောဂါ၊ မိန်းမောသော အနာ၊ မြင်းသရိုက်နာ၊ လေထိုးနာ၊ ၀မ်းလျှောနာ၊ နူနာ၊ အိုင်းနာ၊ ညှင်းနာ၊ ခယရုတ်နာ၊ ၀က်ရူးနာ၊ ပွေးနာ၊ ၀ဲနာ၊ ယားနာ၊ လက်သည်း ခြေသည်းခြစ်မိသော အနာ၊ လက်ဖ၀ါး ခြေဖ၀ါး၌ ပေါက်သောအနာ၊ ရတ္တပိတ်နာ၊ ဆီးချိုနာ၊ ဒူလာလိပ်ခေါင်းနာ၊ ထွတ်မြင်းနာ၊ ဘဂန္ဒိုလ်နာ၊ သည်းခြေကြောင့်ဖြစ် သော အနာ၊ သလိပ်ကြောင့် ဖြစ်သော အနာ၊ လေကြောင့်ဖြစ်သော အနာ၊ သည်းခြေ သလိပ် လေပေါင်းစု၍ ဖြစ်သော {သန္နိပါတ်} အနာ၊ ဥတုဖောက်ပြန် ခြင်းကြောင့် ဖြစ်သော အနာ၊ ဣရိယာပုထ် မညီညွတ်မှုကြောင့် ဖြစ်သော အနာ၊ သူတစ်ပါး လုံ့လကြောင့် ဖြစ်သော အနာ၊ ကံအကျိုးကြောင့် ဖြစ်သော အနာ၊ အေးခြင်း၊ ပူခြင်း၊ ဆာလောင်ခြင်း၊ မွတ်သိပ်ခြင်း၊ ကျင်ကြီးစွန့်လိုခြင်း၊ ကျင်ငယ်စွန့်လိုခြင်းတို့တည်း}} ဟု ဆင်ခြင်၏။ ဤသို့လျှင် ဤကိုယ်၌ အပြစ်ကို ရှုလေ့ရှိကာ နေ၏။
အာနန္ဒာ ဤတရားကို အာဒီန၀သညာ ဟု ဆိုအပ်၏။

၅...
အာနန္ဒာ ပဟာနသညာ ဟူသည် အဘယ်နည်း၊
အာနန္ဒာ ဤသာသနာတော်၌ ရဟန်းသည် ဖြစ်ပေါ်လာသော {ကာမ၀ိတက်}ကို လက်မခံ၊ စွန့်၏၊ ပယ်ဖျောက်၏၊ ကင်းအောင်ပြု၏၊ နောင်တစ်ဖန် မဖြစ်ခြင်းသို့ ရောက်စေ၏။ ဖြစ်ပေါ်လာသော {ဗျာပါဒ၀ိတက်}ကို လက်မခံ၊ စွန့်၏၊ ပယ်ဖျောက်၏၊ ကင်းအောင်ပြု၏၊ နောင်တစ်ဖန် မဖြစ်ခြင်းသို့ ရောက်စေ၏။ ဖြစ်ပေါ်လာသော {၀ိဟိံသာဝိတက်}ကို လက်မခံ၊ စွန့်၏၊ ပယ်ဖျောက်၏၊ ကင်းအောင်ပြု၏၊ နောင်တစ်ဖန် မဖြစ်ခြင်းသို့ ရောက်စေ၏၊ ဖြစ်တိုင်း ဖြစ်တိုင်း သော ယုတ်ညံ့သော အကုသိုလ်တရားတို့ကို လက်မခံ၊ စွန့်၏၊ ပယ်ဖျောက်၏၊ ကင်းအောင် ပြု၏၊ နောင်တစ်ဖန် မဖြစ်ခြင်းသို့ ရောက်စေ၏။
အာနန္ဒာ ဤတရားကို ပဟာနသညာ ဟု ဆိုအပ်၏။

၆...
အာနန္ဒာ ၀ိရာဂသညာ ဟူသည် အဘယ်နည်း၊ အာနန္ဒာ ဤသာသနာတော်၌ ရဟန်းသည် တောသို့ ကပ်ရောက်၍ သော်လည်းကောင်း၊ သစ်ပင်ရင်းသို့ ကပ်ရောက်၍သော် လည်းကောင်း၊ ဆိတ်ငြိမ်ရာ အရပ်သို့ ကပ်ရောက်၍သော် လည်းကောင်း ]]သင်္ခါရအားလုံး ငြိမ်းရာ ဥပဓိ အားလုံးကို စွန့်ရာ တဏှာကုန်ရာ ရာဂ ကင်းပြတ်ရာဖြစ်သော ထိုနိဗ္ဗာန်သည် ငြိမ်သက်၏၊ ထိုနိဗ္ဗာန်သည် မွန်မြတ်၏}}ဟု ဆင်ခြင်၏။
အာနန္ဒာ ဤတရားကို ၀ိရာဂသညာဟု ဆိုအပ်၏။

၇...
အာနန္ဒာ နိရောဓသညာ ဟူသည် အဘယ်နည်း၊
အာနန္ဒာ ဤသာသနာတော်၌ ရဟန်းသည် တောသို့ ကပ်ရောက်၍သော် လည်း ကောင်း၊ သစ်ပင်ရင်းသို့ ကပ်ရောက်၍သော် လည်းကောင်း၊ ဆိတ်ငြိမ်ရာ အရပ်သို့ ကပ်ရောက်၍သော် လည်းကောင်း {{သင်္ခါရ အားလုံးငြိမ်းရာ ဥပဓိအားလုံးကို စွန့်ရာ တဏှာကုန်ရာ ချုပ်ရာဖြစ်သော ထိုနိဗ္ဗာန်သည် ငြိမ်သက်၏၊ ထိုနိဗ္ဗာန်သည် မွန်မြတ်၏}} ဟု ဆင်ခြင်၏။
အာနန္ဒာ ဤတရားကို နိရောဓသညာ ဟု ဆိုအပ်၏။

၈...
အာနန္ဒာ သဗ္ဗလောကေ အနဘိရတိသညာ ဟူသည် အဘယ်နည်း။
အာနန္ဒာ ဤသာသနာတော်၌ရဟန်းသည် လောက၌ စိတ်၏ တည်ခြင်း အမှား နှလုံးသွင်းခြင်း ကိန်းခြင်းဟူ ကုန်သော ဥပါဒါန်တို့ကို စွန့်လျက် မစွဲလမ်းဘဲ နေ၏။ အာနန္ဒာ ဤတရားကို သဗ္ဗလောကေ အနဘိရတိသညာ ဟု ဆိုအပ်၏။

၉...
အာနန္ဒာ သဗ္ဗသင်္ခါရေသု အနိစ္ဆာသညာ ဟူသည် အဘယ်နည်း၊
အာနန္ဒာ ဤသာသနာတော်၌ ရဟန်းသည် သင်္ခါရအားလုံးတို့၌ ငြီးငွေ့၏၊ ရှက်နိုး ၏၊ စက်ဆုပ်၏။
အာနန္ဒာ ဤတရားကို သဗ္ဗသင်္ခါရေသု အနိစ္ဆသညာ ဟု ဆိုအပ်၏။

၁၀...
အာနန္ဒာ အာနာပါနဿတိ ဟူသည် အဘယ်နည်း၊
အာနန္ဒာ ဤသာသနာတော်၌ ရဟန်းသည် တောသို့ ကပ်ရောက်၍သော် လည်း ကောင်း၊ သစ်ပင်ရင်းသို့ ကပ်ရောက်၍သော် လည်းကောင်း၊ ဆိတ်ငြိမ်ရာ အရပ်သို့ ကပ်ရောက်၍သော် လည်းကောင်း ထက်ဝယ်ဖွဲ့ခွေ၍ ကိုယ်ကို ဖြောင့်စွာ ထားပြီး လျှင် (ကမ္မဋ္ဌာန်းသို့) ရှေးရှု သတိကို ဖြစ်စေလျက် ထိုင်နေ၏။
ရဟန်းသည် သတိရှိ၍သာလျှင် ၀င်သက်ကို ရှူ၏၊
သတိရှိ၍သာလျှင် ထွက်သက်ကို ထုတ်၏။
ရှည်စွာ ၀င်သက် ရှူသော် {{ရှည်စွာဝင်သက်ရှူ၏}} ဟု သိ၏၊
ရှည်စွာ ထွက်သက် ထုတ်သော် {{ရှည်စွာ ထွက်သက် ထုတ်၏}} ဟု သိ၏။
တိုစွာ ၀င်သက်ရှူသော် {{တိုစွာ ၀င်သက် ရှူ၏}} ဟု သိ၏၊
တိုစွာ ထွက်သက် ထုတ်သော် {{တိုစွာ ထွက်သက် ထုတ်၏}} ဟု သိ၏။
{{(၀င်သက်၏) အစ အလယ် အဆုံး အားလုံး အပေါင်းကို ထင်ရှား
စေလျက် ၀င်သက်ရှူအံ့}} ဟု ကျင့်၏၊
{{(ထွက်သက်၏) အစ အလယ် အဆုံး အားလုံး အပေါင်းကို ထင်ရှားစေလျက် ထွက်သက် ထုတ်အံ့}} ဟု ကျင့်၏။
{{ကာယသင်္ခါရ (ရုန့်ရင်းသောဝင်သက်လေ)ကို ငြိမ်းစေလျက် ၀င်သက်ရှူအံ့}} ဟု ကျင့်၏၊
{{ကာယသင်္ခါရ (ရုန့်ရင်းသောထွက်သက်လေ)ကို ငြိမ်းစေလျက် ထွက်သက် ထုတ်အံ့}} ဟု ကျင့်၏။
{{ပီတိကို ထင်ရှားစေလျက် ၀င်သက်ရှူအံ့}} ဟု ကျင့်၏၊
{{ပီတိကို ထင်ရှားစေလျက် ထွက်သက် ထုတ်အံ့}} ဟု ကျင့်၏။
{{သုခကို ထင်ရှားစေလျက် ၀င်သက်ရှူအံ့}} ဟု ကျင့်၏၊
{{သုခကို ထင်ရှားစေလျက် ထွက်သက် ထုတ်အံ့}} ဟု ကျင့်၏။
{{စိတ္တသင်္ခါရ(ဝေဒနာ သညာ) ကို ထင်ရှားစေလျက် ထွက်သက်ရှူအံ့}} ဟု ကျင့်၏၊
{{စိတ္တသင်္ခါရ(ဝေဒနာသညာ)ကို ထင်ရှားစေလျက် ၀င်သက်ထုတ်အံ့}}ဟု ကျင့် ၏။
(ရုန့်ရင်းသည့် ဝေဒနာ သညာ ဟူသော) {{စိတ္တသင်္ခါရကို ငြိမ်းစေလျက် ၀င်သက် ရှူအံ့}} ဟု ကျင့်၏။
(ရုန့်ရင်းသည့် ဝေဒနာ သညာဟူသော){စိတ္တသင်္ခါရကို ငြိမ်းစေလျက် ထွက်သက် ထုတ်အံ့} ဟု ကျင့်၏၊
{{စိတ်ကို ထင်ရှားစေလျက် ၀င်သက်ရှူအံ့}} ဟု ကျင့်၏၊
{{စိတ်ကို ထင်ရှားစေလျက် ထွက်သက် ထုတ်အံ့}} ဟု ကျင့်၏၊
{{စိတ်ကို အလွန် ၀မ်းမြောက်စေလျက် ကျင့်၏။
စိတ်ကိုကောင်းစွာ ထားလျက် ကျင့်၏။
စိတ်ကို လွတ်စေလျက် ကျင့်၏။
အနိစ္စ ဟု ရှုလျက် ကျင့်၏။
ဝိရာဂ ဟု ရှုလျက် ကျင့်၏။
နိရောဓဟု ရှုလျက ကျင့်၏။
{{စွန့်ရာဟု ရှုလျက် ၀င်သက် ရှူအံ့}} ဟု ကျင့်၏။
{{စွန့်ရာဟု ရှုလျက် ထွက်သက်ထုတ်အံ့}} ဟု ကျင့်၏။
အာနန္ဒာ ဤတရားကို အာနာပါနဿတိ ဟု ဆိုအပ်၏။

အာနန္ဒာ သင်သည် အကယ်၍ ဂိရိမာနန္ဒရဟန်းအား ဤသညာဆယ်မျိုးတို့ကို ဟောလျှင် ဂိရိမာနန္ဒရဟန်းသည် ဤသညာဆယ်မျိုးတို့ကို ကြားနာရ၍ တစ်ခဏ ချင်း ထိုအနာသည် ငြိမ်းအေးရာသော အကြောင်း ရှိသည်သာတည်းဟု (မိန့်တော် မူ၏)။

ထိုအခါ အသျှင်အာနန္ဒာသည် မြတ်စွာဘုရားအထံမှ သညာ ဆယ်မျိုးတို့ကို သင်ယူ၍ အသျှင် ဂိရိမာနန္ဒ အထံသို့ ချဉ်းကပ်ပြီးနောက် အသျှင်ဂိရိမာနန္ဒအား ဤသညာ ဆယ်မျိုးတို့ကို ဟော၏။

ထိုအခါ အသျှင်ဂိရိမာနန္ဒသည် ဤသညာ ဆယ်မျိုးတို့ကို ကြားနာရ၍ (သူ၏) ထိုအနာသည် တစ်ခဏချင်း ငြိမ်းအေးလေ၏၊ အသျှင်ဂိရိမာနန္ဒသည်လည်း ထိုအနာမှ ထမြောက်၏။
အသျှင်ဂိရိမာနန္ဒ၏ ထိုအနာသည်လည်း အချင်းခပ်သိမ်း ပယ်အပ်ပြီး ဖြစ်၏။

၁၀ - ဂိရိမာနန္ဒသုတ်၊ သစိတ္တ၀ဂ်၊ အင်္ဂုတ္တိုရ်ပါဠိတော်။

Tuesday, September 23, 2008

ဥဒကူပမာသုတ်-

ဥဒကူပမာသုတ်-

ရဟန်းတို့ ...
လောက၌ ရေဥပမာရှိကုန်သော ဤပုဂ္ဂိုလ် ခုနစ်မျိုးတို့သည် ထင်ရှား ရှိကုန်၏။

အဘယ် ခုနစ်မျိုးတို့နည်းဟူမူ-

၁။ ရဟန်းတို့ ဤလောက၌ အချို့သော ပုဂ္ဂိုလ်သည် တစ်ကြိမ် နစ်မြုပ်သော် နစ်မြုပ်တော့သည်သာ ဖြစ်၏။

၂။ ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီး၍ နစ်မြုပ်ပြန်၏။

၃။ ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် တည်၏။

၎။ ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် ကြည့်ရှု၏၊ ထိုမှ ဤမှ ကြည့်ရှု၏။

၅။ ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် ကူး၏။

၆။ ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် ထောက်တည် ရာသို့ ရောက်၏။

၇။ ရဟန်းတို့ ဤလောက၌ အချို့သော ပုဂ္ဂိုလ်သည် ပေါ်ပြီးလျှင် ကူးမြောက်၏၊ ကမ်းတစ်ဖက်သို့ ရောက်၏၊ (နိဗ္ဗာန်တည်းဟူသော) ကြည်းကုန်းထက်၌ တည်၏၊ မကောင်းမှုကို အပပြုပြီး ဖြစ်၏။

၁...
ရဟန်းတို့ အဘယ်သို့လျှင် ပုဂ္ဂိုလ်သည် တစ်ကြိမ်နစ်မြုပ်လျှင် နစ်မြုပ်တော့သည် သာ ဖြစ်သနည်း။
ရဟန်းတို့ ဤလောက၌ အချို့သော ပုဂ္ဂိုလ်သည်
စင်စစ် မည်းညစ်ကုန်သော အကုသိုလ် တရားတို့နှင့် ပြည့်စုံ၏။
ရဟန်းတို့ ဤသို့လျှင် ပုဂ္ဂိုလ်သည် တစ်ကြိမ်နစ်မြုပ်လျှင် နစ်မြုပ်တော့သည်သာ ဖြစ်၏။

၂...
ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီး၍ နစ်မြုပ်ပြန်သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌
သဒ္ဓါ တရားသည် ကောင်းမြတ်၏၊
ဟိရီသည် ကောင်းမြတ်၏။
သြတ္တပ္ပသည် ကောင်းမြတ်၏၊
ဝီရိယသည် ကောင်းမြတ်၏။
ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။

ထိုပုဂ္ဂိုလ်၏ ထိုသဒ္ဓါတရားသည်၊
ထိုပုဂ္ဂိုလ်၏ ထိုဟိရီသည်၊
ထိုပုဂ္ဂိုလ်၏ ထိုသြတ္တပ္ပသည်၊
ထိုပုဂ္ဂိုလ်၏ ထိုဝီရိယသည်၊
ထိုပုဂ္ဂိုလ်၏ ထိုပညာသည် မတည်၊ မတိုးပွါး၊ ဆုတ်ယုတ်သည် သာလျှင်တည်း။
ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ နစ်မြုပ်ပြန်၏။

၃...
ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီးလျှင် တည်သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌
သဒ္ဓါ တရားသည် ကောင်းမြတ်၏ ဟု ပေါ်လာ၏။
ဟိရီသည် ကောင်းမြတ်၏ ဟု ပေါ်လာ၏။
သြတ္တပ္ပသည် ကောင်းမြတ်၏ ဟု ပေါ်လာ၏။
ဝီရိယသည် ကောင်းမြတ်၏ ဟု ပေါ်လာ၏။
ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။
ထိုပုဂ္ဂိုလ်၏ ထိုသဒ္ဓါ တရားသည် မဆုတ်ယုတ်၊ မတိုးပွါး၊ တည်၏။

ထိုပုဂ္ဂိုလ်၏ ထိုဟိရီသည် မဆုတ်ယုတ်၊ မတိုးပွါး၊ တည်၏။
ထိုပုဂ္ဂိုလ်၏ ထိုသြတ္တပ္ပသည် မဆုတ်ယုတ်၊ မတိုးပွါး၊ တည်၏။
ထိုပုဂ္ဂိုလ်၏ ထိုဝီရိယသည် မဆုတ်ယုတ်၊ မတိုးပွါး၊ တည်၏။
ထိုပုဂ္ဂိုလ်၏ ထိုပညာသည် မဆုတ်ယုတ်၊ မတိုးပွါး၊ (တည်မြဲတိုင်း) တည်တံ့၏။
ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီးလျှင် တည်၏။

၎...
ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီး၍ ကြည့်ရှုသနည်း၊
ထိုမှ ဤမှ ကြည့်ရှု သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌
သဒ္ဓါတရားသည် ကောင်းမြတ်၏ ဟု ပေါ်လာ၏။
ဟိရီသည် ကောင်းမြတ်၏ ဟု ပေါ်လာ၏။
သြတ္တပ္ပသည် ကောင်းမြတ်၏ ဟု ပေါ်လာ၏။
ဝီရိယသည် ကောင်းမြတ်၏ ဟု ပေါ်လာ၏။
ပညာသည် ကောင်းမြတ်၏ ဟု ပေါ်လာ၏။

ထိုပုဂ္ဂိုလ်သည် သုံးပါးသော သံယောဇဉ် {အနှောင်အဖွဲ့}တို့၏ အကြွင်းမဲ့ကုန်ခြင်း ကြောင့် အပါယ်သို့ကျခြင်းသဘောမရှိသော ကိန်းသေမြဲသော အထက်မဂ်သုံးပါး လျှင် လားရာရှိသော သောတာပန်ဖြစ်၏။
ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ ကြည့်ရှု၏၊ ထိုမှဤမှ ကြည့်ရှု၏။

၅...
ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီး၍ ကူးသနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌
သဒ္ဓါတရား သည် ကောင်းမြတ်၏ ဟု ပေါ်လာ၏။
ဟိရီသည် ကောင်းမြတ်၏ ဟု ပေါ်လာ၏။
သြတ္တပ္ပသည် ကောင်းမြတ်၏ ဟု ပေါ်လာ၏။
ဝီရိယသည် ကောင်းမြတ်၏ ဟု ပေါ်လာ၏။
ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။

ထိုပုဂ္ဂိုလ်သည် သုံးပါးသော သံယောဇဉ် {အနှောင်အဖွဲ့}တို့၏ အကြွင်းမဲ့ကုန်ခြင်း ကြောင့် ရာဂ ဒေါသ မောဟတို့ ခေါင်းပါးသည်၏ အဖြစ်ကြောင့် တစ်ကြိမ်သာလျှင် ကာမဘုံသို့ လာ၍ ၀ဋ်ဒုက္ခ၏ အဆုံးကိုပြုသော သကဒါဂါမ် ဖြစ်၏။
ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ ကူး၏။

၆...
ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီးလျှင် ထောက်တည်ရာသို့ ရောက်သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ်တရားတို့၌
သဒ္ဓါတရားသည် ကောင်းမြတ်၏ ဟု ပေါ်လာ၏။
ဟိရီသည် ကောင်းမြတ်၏ ဟု ပေါ်လာ၏။
သြတ္တပ္ပသည် ကောင်းမြတ်၏ ဟု ပေါ်လာ၏။
ဝီရိယသည် ကောင်းမြတ်၏ ဟု ပေါ်လာ၏။
ကုသိုလ် တရားတို့၌ ပညာသည် ကောင်းမြတ်၏ ဟု ပေါ်လာ၏။

ထိုပုဂ္ဂိုလ်သည် အောက်ပိုင်း သံယောဇဉ် {အနှောင်အဖွဲ့} ငါးပါးတို့၏ အကြွင်းမဲ့ ကုန်ခြင်းကြောင့် ဗြဟ္မာ့ဘုံ၌ ဥပပတ် ပဋိသန္ဓေနေ၍ ထိုဘုံ၌သာလျှင် ပရိနိဗ္ဗာန် ပြုမည့် ထိုဘုံမှ ပြန်လည်ခြင်း သဘော မရှိသူ အနာဂါမ် ဖြစ်၏။
ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ ထောက်တည်ရာသို့ ရောက်၏။

၇...
ရဟန်းတို့ အဘယ်သို့လျှင် ပုဂ္ဂိုလ်သည် ပေါ်ပြီး၍ ကူးမြောက်သူ ကမ်းတစ်ဖက်သို့ ရောက်သူ (နိဗ္ဗာန်တည်းဟူသော) ကြည်းကုန်းထက်၌ တည်၍ မကောင်းမှုကို အပပြုပြီးသူ ဖြစ်သနည်း။

ရဟန်းတို့ ဤလောက၌ အချို့သော ပုဂ္ဂိုလ်သည် ကုသိုလ် တရားတို့၌ သဒ္ဓါတရားသည် ကောင်းမြတ်၏ ဟု ပေါ်လာ၏။
ဟိရီသည် ကောင်းမြတ်၏ ဟု ပေါ်လာ၏။
သြတ္တပ္ပသည် ကောင်းမြတ်၏ ဟု ပေါ်လာ၏။
ဝီရိယသည် ကောင်းမြတ်၏ ဟု ပေါ်လာ၏။
ကုသိုလ်တရားတို့၌ ပညာသည် ကောင်းမြတ်၏ ဟု ပေါ်လာ၏။

ထိုပုဂ္ဂိုလ်သည် အာသဝေါ တရားတို့၏ ကုန်ခြင်းကြောင့် အာသဝေါ တရားကင်း သော လွတ်မြောက်သော (အရဟတ္တဖိုလ်) စိတ်နှင့် လွတ်မြောက်သော (အရဟ တ္တဖိုလ်) ပညာကို ယခု ဘ၀၌ပင်လျှင် ထူးသော ဉာဏ်ဖြင့် ကိုယ်တိုင် မျက်မှောက် ပြုလျက် ရောက်၍ နေ၏။
ရဟန်းတို့ ဤသို့လျှင် ပုဂ္ဂိုလ်သည် ပေါ်ပြီး၍ ကူးမြောက်သူ ကမ်းတစ်ဖက်သို့ ရောက်သူ နိဗ္ဗာန်တည်းဟူသော ကြည်းကုန်းထက်၌ တည်သူ မကောင်းမှုကို အပပြုပြီးသူ ဖြစ်၏။

ရဟန်းတို့ လောက၌ ရေဥပမာ ရှိကုန်သော
ဤပုဂ္ဂိုလ် ခုနစ်မျိုးတို့သည် ထင်ရှားရှိကုန်၏ ဟု (မိန့်တော်မူ၏)။


၅ - ဥဒကူပမာသုတ်၊ အနုသယ၀ဂ်၊ သတ္တကနိပါတ်၊ အင်္ဂုတ္တိုရ်ပါဠိတော်။

သမဏသုတ်- (ငြိမ်းအေးသူ)

မြတ်စွာဘုရား၏ အမည်ထူးများ....

{{သမဏ}} {ငြိမ်းအေးသူ}
{{ဗြာဟ္မဏ}} {မကောင်းမှုမျှောပြီးသူ}
{{ဝေဒဂူ}} {အသိဉာဏ်သို့ ရောက်သူ}
{{ဘိသက္က}} {သမားတော်}
{{နိမ္မလ}} {အညစ်အကြေး မရှိသူ}
{{၀ိမလ}} {အညစ်အကြေးကင်းသူ}
{{ဉာဏီ}} {ဉာဏ်ရှိသူ}
{{၀ိမုတ္တ}} {လွတ်မြောက်သူ}

သမဏသုတ်-

ရဟန်းတို့ {{သမဏ}} {ငြိမ်းအေးသူ} ဟူသော ဤအမည်သည် ပူဇော်အထူးကို ခံထိုက်သော မဖောက်မပြန် ကိုယ်တိုင်သိသော မြတ်စွာဘုရား၏ အမည်တည်း။
ရဟန်းတို့ {{ဗြာဟ္မဏ}} {မကောင်းမှုမျှောပြီးသူ} ဟူသော ဤအမည်သည် ပူဇော်အထူးကို ခံထိုက်သော မဖောက်မပြန် ကိုယ်တိုင်သိသော မြတ်စွာဘုရား၏ အမည်တည်း။

ရဟန်းတို့ {{ဝေဒဂူ}} {အသိဉာဏ်သို့ ရောက်သူ} ဟူသော ဤအမည်သည် ပူဇော်အထူးကို ခံထိုက်သော မဖောက်မပြန် ကိုယ်တိုင်သိသော မြတ်စွာဘုရား၏ အမည်တည်း။

ရဟန်းတို့ {{ဘိသက္က}} {သမားတော်} ဟူသော ဤအမည်သည် ပူဇော်အထူးကို ခံထိုက်သော မဖောက်မပြန် ကိုယ်တိုင်သိသော မြတ်စွာဘုရား၏ အမည်တည်း။

ရဟန်းတို့ {{နိမ္မလ}} {အညစ်အကြေး မရှိသူ} ဟူသော ဤအမည်သည် ပူဇော်အထူးကို ခံထိုက်သော မဖောက်မပြန် ကိုယ်တိုင်သိသော မြတ်စွာဘုရား၏ အမည်တည်း။
ရဟန်းတို့ {{၀ိမလ}} {အညစ်အကြေးကင်းသူ} ဟူသော ဤအမည်သည် ပူဇော် အထူးကို ခံထိုက်သော မဖောက်မပြန် ကိုယ်တိုင်သိသော မြတ်စွာဘုရား၏ အမည်တည်း။

ရဟန်းတို့ {{ဉာဏီ}} {ဉာဏ်ရှိသူ} ဟူသော ဤအမည်သည် ပူဇော်အထူးကို ခံထိုက်သော မဖောက်မပြန် ကိုယ်တိုင် သိသော မြတ်စွာဘုရား၏ အမည်တည်း။

ရဟန်းတို့ {{၀ိမုတ္တ}} {လွတ်မြောက်သူ} ဟူသော ဤအမည်သည် ပူဇော်အထူး ကို ခံထိုက်သော မဖောက်မပြန် ကိုယ်တိုင်သိသော မြတ်စွာဘုရား၏ အမည်တည်း ဟု (မိန့်တော်မူ၏)။

အကြင် ဂုဏ်ကျေးဇူးအပေါင်းသို့ ငြိမ်းအေးပြီးသော မြတ်စွာဘုရားသည် ရောက် အပ်၏၊ (မြတ်သောအကျင့်ကို) ကျင့်သုံးပြီး ဖြစ်၍ မကောင်းမှုကို မျှောပြီးသော မြတ်စွာဘုရားသည် ရောက်အပ်၏၊ အကြင် ဂုဏ်ကျေးဇူး အပေါင်းသို့ အသိ ဉာဏ်သို့ ရောက်ပြီးသော မြတ်စွာဘုရားသည် ရောက်အပ်၏၊ သမားတော် ဘိသက္ကမည်သော မြတ်စွာဘုရားသည် အတုမဲ့ဂုဏ်သို့ ရောက်အပ်၏။

အကြင်ဂုဏ်ကျေးဇူး အပေါင်းသို့ အညစ်အကြေး ကင်းသော မြတ်စွာဘုရားသည် ရောက်အပ်၏၊ စင်ကြယ်သူဖြစ်သော အညစ်အကြေး မရှိသော မြတ်စွာဘုရား သည် ရောက်အပ်၏၊ အကြင် ဂုဏ်ကျေးဇူးအပေါင်းသို့ ဉာဏ်ရှိသော မြတ်စွာ ဘုရားသည် ရောက်အပ်၏၊ လွတ်မြောက်သော မြတ်စွာဘုရားသည် အတုမဲ့ ဂုဏ်သို့ ရောက်အပ်၏။ ထိုဂုဏ်ကျေးဇူး အပေါင်းသို့ ရောက်ပြီးသော စစ်မြေပြင် ကို အောင်ပြီးသော ထိုငါသည် အနှောင်အဖွဲ့မှ လွတ်၍ (လူအများကိုလည်း) လွတ်စေခဲ့၏၊ (ထိုငါသည်) ကျင့်ပြီးဖြစ်သော (ကိလေသာ) ငြိမ်းအေးပြီးသော အလွန် ယဉ်ကျေးသော ဆင်ပြောင်ကြီးသဖွယ် ဖြစ်ပေ၏။

၅ - သမဏသုတ်၊ သတိဝဂ်၊ အဂုင်္တ္တိုရ်။

Monday, September 22, 2008

သံဃဘေဒသုတ်- (သံဃာ ကွဲပြားမှု)

သံဃဘေဒသုတ်-

အသျှင်ဘုရား {{သံဃာ ကွဲပြားမှု သံဃာ ကွဲပြားမှု}} ဟု ဆိုအပ်ပါ၏၊
အသျှင်ဘုရား အဘယ်မျှဖြင့် သံဃာ ကွဲပြားမှု ဖြစ်ပါသနည်း ဟု (လျှောက်၏)။

ဥပါလိ ဤသာသနာတော်၌ ရဟန်းတို့သည် ...

၁...
တရား မဟုတ်သည်ကို {{တရားဟုတ်၏}} ဟု ပြကုန်၏၊

၂...
တရား ဟုတ်သည်ကို {{တရားမဟုတ်}} ဟု ပြကုန်၏၊

၃...
ဝိနည်း မဟုတ်သည်ကို {{၀ိနည်းဟုတ်၏}} ဟု ပြကုန်၏၊

၎...
ဝိနည်း ဟုတ်သည်ကို {{၀ိနည်းမဟုတ်}} ဟု ပြကုန်၏၊

၅...
မြတ်စွာဘုရား မဟောအပ် မမိန့်ဆိုအပ်သည်ကို
{{မြတ်စွာဘုရား ဟောအပ် မိန့်ဆိုအပ်၏}} ဟု ပြကုန်၏၊

၆...
မြတ်စွာဘုရား ဟောအပ် မိန့်ဆိုအပ်သည်ကို
{{မြတ်စွာဘုရား မဟောအပ် မမိန့်ဆိုအပ်}} ဟု ပြကုန်၏၊

၇...
မြတ်စွာဘုရား မလေ့ကျက်အပ်သည်ကို
{{မြတ်စွာဘုရား လေ့ကျက်အပ်၏}} ဟု ပြကုန်၏၊

၈...
မြတ်စွာဘုရား လေ့ကျက်အပ်သည်ကို
{{မြတ်စွာဘုရား မလေ့ကျက်အပ်}} ဟု ပြကုန်၏၊

၉...
မြတ်စွာဘုရား မပညတ်အပ်သည်ကို
{{မြတ်စွာဘုရား ပညတ်အပ်၏}} ဟု ပြကုန်၏၊

၁၀...
မြတ်စွာဘုရား ပညတ်အပ်သည်ကို
{{မြတ်စွာဘုရား မပညတ်အပ်}} ဟု ပြကုန်၏၊

ထိုရဟန်းတို့သည် ဤ၀တ္ထုဆယ်မျိုးတို့ဖြင့် ...
ပရိသတ်ကို ဆွဲငင်ကုန်၏၊
ဖယ်ရှားကုန်၏၊
သီးခြားကံတို့ကို ပြုကုန်၏၊
သီးခြား ပါတိမောက်တို့ကို ပြကုန်၏။
ဥပါလိ ဤမျှဖြင့် သံဃာ ကွဲပြားမှု ဖြစ်၏ ဟု (မိန့်တော်မူ၏)။

၇ - သံဃဘေဒသုတ်၊ ဥပါဠိဝဂ်၊ ဒသကနိပါတ်၊ အင်္ဂုတ္တိုရ်။

ပုညကိရိယ၀တ္ထု ၃-ပါး-




ပုညကိရိယ၀တ္ထုသုတ်-

ဤဒေသနာကို ဘုန်းတော်ကြီးသော မြတ်စွာဘုရားသည် ဟောတော်မူ၏။
ပူဇော်အထူးကို ခံတော်မူထိုက်သော မြတ်စွာဘုရား ဟောတော်မူ၏ဟု အကျွန်ုပ် ကြားနာခဲ့ရပါသည်-

ရဟန်းတို့ ပုညကိရိယ၀တ္ထုတို့သည် ဤသုံးပါးတို့တည်း။

အဘယ်သုံးပါးတို့နည်း-
၁။ ပေးကမ်းမှု {ဒါန} ဟူသော ပုည ကိရိယ၀တ္ထု၊
၂။ ကျင့်သုံးမှု {သီလ} ဟူသော ပုညကိရိယ၀တ္ထု၊
၃။ ပွါးများမှု {ဘာဝနာ} ဟူသော ပုညကိရိယ၀တ္ထုတို့တည်း။
ရဟန်းတို့ ပုညကိရိယ၀တ္ထုတို့သည် ဤသုံးပါးတို့တည်း။

ဤအနက်သဘောကို မြတ်စွာဘုရား ဟောတော်မူ၏။
ထိုသုတ်၌ ဤအနက်သဘောကို -
{{ထိုသူသည် ကုသိုလ် ကောင်းမှုကိုသာလျှင် ကျင့်ရာ၏။ နောင်အခါ၌ မြင့်မြတ်၍ ချမ်းသာကျိုးရှိသော ဒါနကို လည်းကောင်း၊ ကောင်းသော အကျင့်ကို လည်း ကောင်း၊ မေတ္တာစိတ်ကို လည်းကောင်း ပွါးများရာ၏။ ပညာရှိသူသည် သုခလျှင် အာနိသင် ရှိကုန်သော ဤတရားသုံးပါးတို့ကို ပွါးများ၍ ဆင်းရဲကင်းသော ချမ်းသာသော လောကသို့ ကပ်ရောက်ရ၏}} ဟု ဤဂါထာဖြင့် ဆိုအပ်၏။

ဤအနက်သဘောကိုလည်း
မြတ်စွာဘုရား ဟောအပ်၏ဟု အကျွန်ုပ် ကြားနာခဲ့ရပါသည်။

၁ - ပုညကိရိယ၀တ္ထုသုတ်၊ ဒုတိယ၀ဂ်၊ ဣတိဝုတ်ပါဠိတော်။

မက္ခပရိညာသုတ်-


မက္ခပရိညာသုတ်-
(မက္ခ=သူ့ကျေးဇူးခြေဖျက်ခြင်း၊ အမျက်) (ပရိညာ=ပိုင်းခြား၍သိခြင်း)

၁၃။ ဤဒေသနာကို ဘုန်းတော်ကြီးသော မြတ်စွာဘုရားသည် ဟောတော်မူ၏။ ပူဇော်အထူးကို ခံတော်မူထိုက်သော မြတ်စွာဘုရား ဟောတော်မူ၏ ဟု အကျွန်ုပ် ကြားနာခဲ့ရပါသည်-

ရဟန်းတို့ သူ့ကျေးဇူးကို ချေဖျက်မှု {မက္ခ} ကို ...
ထူးသောဉာဏ်ဖြင့် မသိသူ၊
ပိုင်းခြား၍ မသိသူ၊
ထိုတရား၌ စိတ်ကို တပ်စွန်းမှု ကင်းအောင် မပြုနိုင်သူ၊
ကိလေသာဝဋ်ကို မပယ်စွန့်နိုင်သူသည် ဆင်းရဲကုန်ခြင်းငှါ မထိုက်၊

ရဟန်းတို့ သူ့ကျေးဇူးကို ချေဖျက်မှု {မက္ခ} ကို ...
ထူးသောဉာဏ်ဖြင့် သိသူ၊
ပိုင်းခြား၍ သိသူ၊
ထိုတရား၌ စိတ်ကို တပ်စွန်းမှု ကင်းအောင် ပြုနိုင်သူ၊
ကိလေသာဝဋ်ကို ပယ်စွန့် နိုင်သူသည် ဆင်းရဲကုန်ခြင်းငှါ ထိုက်၏။
ဤအနက်သဘောကို မြတ်စွာဘုရား ဟောတော်မူ၏။


ထိုသုတ်၌ ဤအနက်သဘောကို -
အကြင်မက္ခဖြင့် သူ့ကျေးဇူးကို ချေဖျက်သူတို့သည် မကောင်းသော လားရာ {ဂတိ} သို့ လားရောက်ကြရကုန်၏။ ထိုမက္ခတရားကို ကောင်းစွာသိ၍ (ခန္ဓာ ငါးပါးတို့ကို) အနိစ္စစသော အခြင်းအရာတို့ဖြင့် ရှုသူတို့သည် (ထိုမက္ခကို) ပယ်စွန့် ကုန်၏။

(ယင်းမက္ခတရားကို) ပယ်စွန့်သောကြောင့်
ဤလောကသို့ တစ်ရံတစ်ခါမျှ မလာရောက်ကုန် ဟု ဤဂါထာဖြင့် ဆိုအပ်၏။

ဤအနက်သဘောကိုလည်း ...
မြတ်စွာဘုရား ဟောအပ်၏ ဟု အကျွန်ုပ် ကြားနာခဲ့ရပါသည်။

၃ - မက္ခပရိညာသုတ်၊ ဒုတိယ၀ဂ်၊ ဣတိဝုတ်ပါဠိတော်။

တိရောကုဋ္ဋသုတ်- ပြိတ္တာတို့အတွက်

တိရောကုဋ္ဋသုတ်- (နံရံတဖက်ခြား)

၁။ (ပြိတ္တာတို့သည်)မိမိအိမ်သို့ လာကြ၍ နံရံပြင်ဘက်တို့၌လည်းကောင်း၊ လမ်းဆုံ လမ်းခွ အိမ်ခြံစပ်တို့၌ လည်းကောင်း၊ တံခါးဝ တံခါးပေါင်တို့၌ လည်းကောင်း ရပ်တည်ကုန်၏။

၂။ များစွာသော ထမင်းအဖျော် ခဲဖွယ် ဘောဇဉ်တို့ကို (လှူဒါန်းရန်) ပြုစီရင် သော်လည်း ထို(ပြိတ္တာ) သတ္တ၀ါတို့၏ ကံအကြောင်းကြောင့် ထိုပြိတ္တာသတ္တ၀ါတို့ ကို တစ်စုံတစ်ယောက်သောသူကမျှ အမှတ်မရ။

၃။ သနားတတ်သော အကြင်သူတို့သည် ဆွေမျိုးပြိတ္တာတို့ ကပ်ရောက်လာသော အခါ စင်ကြယ်မွန်မြတ်၍ လျောက်ပတ်သော အဖျော်ဘောဇဉ်ကို ဤအလှူ ၀တ္ထု သည် သင်(ပြိတ္တာ) ဆွေမျိုးတို့အား ဖြစ်စေသတည်း။ (ပြိတ္တာ)ဆွေမျိုးတို့သည် ချမ်းသာကြစေကုန်သတည်းဟု မိတ်ဆွေအမျိုး ပြိတ္တာတို့အတွက် ရည်ညွှန်း၍ ပေးလှူကုန်၏။

၎။ ထိုဆွေမျိုးပြိတ္တာတို့သည် ထိုအရပ်သို့ ညီညွတ်ပေါင်းဆုံ၍ လာရောက်ကြ ကုန်ပြီးလျှင် များစွာသော ထမင်း အဖျော်ကို (မိမိတို့အား ရည်ညွှန်း၍ ပေးလှူ အပ်သည်ရှိသော်) ၀မ်းမြောက် ၀မ်းသာ အနုမောဒနာ ပြုကြကုန်၏။

၅။ အကြင်ဆွေမျိုးတို့၏ (ပေးလှူခြင်းဟူသော) အကြောင်းကြောင့် (စည်းစိမ် ချမ်းသာကို) ငါတို့ ရကြကုန်၏။ ငါတို့၏ အကျိုးငှါလည်း ပူဇော်မှုကို ပြုကြကုန်၏။ ပေးလှူသူဆွေမျိုးတို့သည်လည်း အကျိုးများကုန်၏။ ထိုငါတို့၏ ဆွေမျိုးတို့သည် ကြာမြင့်စွာ အသက်ရှည်ကြပါစေကုန်သတည်း။

၆။ ထိုပြိတ္တာဘုံ၌ လယ်ထွန်ခြင်းလည်းမရှိ၊ နွားကျောင်းခြင်းလည်းမရှိ၊ ထိုပြိတ္တာ ဘုံ၌ စည်းစိမ်ရကြောင်း ကုန်သွယ်မှုလည်းမရှိ၊ ရွှေငွေဖြင့် ရောင်းဝယ်မှုလည်းမရှိ၊ ဤလူ့ဘုံမှ (ဆွေမျိုးမိတ်ဆွေတို့)ပေးဝေအပ်သော ကုသိုလ်အဖို့ဖြင့် ထိုပြိတ္တာဘုံ၌ တမလွန်ဘ၀သို့ ပြောင်းသွားကုန်သော ပြိတ္တာတို့သည် မျှတကုန်၏။

၇။ ကုန်းမြင့်ရာအရပ်၌ ရွာသော မိုးရေသည် ချိုင့်ဝှမ်းရာ အရပ်သို့ စီးသွားသကဲ့သို့ ဤအတူသာလျှင် ဤလူ့ဘုံမှ ပေးဝေအပ်သော ကုသိုလ်အဖို့သည် ပြိတ္တာတို့ထံသို့ ကပ်ရောက်၏။

၈။ ရေပြည့်သော မြစ်တို့သည် သမုဒ္ဒရာကို ပြည့်စေကုန် သကဲ့သို့ ဤအတူ သာလျှင် ဤလူ့ဘုံမှ ပေးဝေအပ်သော ကုသိုလ်အဖို့သည် ပြိတ္တာတို့ထံသို့ ကပ်ရောက်၏။

၉။ ဤသူကား ငါ့အား (ဥစ္စာကို)ပေးဖူးပြီ၊ ငါ၏(ကိစ္စကို)ပြုဖူးပြီ၊ ငါ၏ ဆွေမျိုး တည်း၊ ငါ၏ မိတ်ဆွေတည်း၊ ငါ၏ ခင်ပွန်းတည်းဟု ရှေးဘ၀၌ ပြုခဲ့ဖူးသည်ကို အောက်မေ့သူသည် ပြိတ္တာတို့ အကျိုးငှါ မြတ်သော အလှူရေစက်ကို ပေးလှူရာ၏။

၁၀။ ငိုကြွေးခြင်းသည် လည်းကောင်း၊ စိုးရိမ်ပူဆွေးခြင်းသည် လည်းကောင်း၊ ထိုမှတစ်ပါး ပြောဆို မြည်တမ်းခြင်း သည်လည်းကောင်း ပြိတ္တာတို့၏ အကျိုးငှါ မဟုတ်၊ (သို့သော်) ဆွေမျိုးတို့သည်ကား ငိုကြွေးနေကြကုန်၏။

၁၁။ (တမလွန်ဘ၀သို့ ပြောင်းသွားသူကို ရည်စူး၍) ပေးလှူအပ်သော ဤအလှူ သည် သံဃာ၌ ကောင်းစွာတည်သည် ဖြစ်၍ ရှည်မြင့်စွာ စီးပွါးချမ်းသာ ဖြစ်ခြင်း အကျိုးငှါ ထိုပြိတ္တာထံသို့ တစ်ခဏချင်း ကပ်ရောက်၏။

၁၂။ တမလွန်ဘ၀သို့ ပြောင်းသွားသူကို ရည်စူး၍ ပေးလှူခြင်း ဟူသော
ဤသဘောကို ဆွေမျိုးတို့၌ပြုသော ၀တ္တရားဟူ၍ ပြအပ်၏။
ပြိတ္တာတို့အား မြတ်သော ပူဇော်ခြင်းကို ပြုအပ်သည်လည်း မည်၏။
ရဟန်းတို့အား ခွန်အားကို ပေးအပ်သည်လည်း မည်၏။
သင်တို့သည် ကြီးကျယ်သော ကုသိုလ်ကို ပွါးများဆည်းပူးအပ်သည်လည်း မည်၏
ဟု (မိန့်တော်မူ၏)။

၇ - တိရောကုဋ္ဋသုတ်၊ ခုဒ္ဒကပါဠိတော်။

အတ္တဗျာဗာဓသုတ်-

အတ္တဗျာဗာဓသုတ်-

ရဟန်းတို့ ဤတရားသုံးမျိုးတို့သည်-
မိမိဆင်းရဲရန်လည်း ဖြစ်ကုန်၏၊
သူတစ်ပါး ဆင်းရဲရန်လည်း ဖြစ်ကုန်၏၊
နှစ်ပါးစုံ ဆင်းရဲရန်လည်း ဖြစ်ကုန်၏။

အဘယ်သုံးမျိုးတို့နည်းဟူမူ-

ကိုယ်ဖြင့် ပြုအပ်သော မကောင်းသော အကျင့် {ကာယဒုစရိုက်}၊
နှုတ်ဖြင့် ပြုအပ်သော မကောင်းသော အကျင့် {၀စီဒုစရိုက်}၊
စိတ်ဖြင့် ပြုအပ်သော မကောင်းသော အကျင့် {မနောဒုစရိုက်} တို့ပေတည်း။

ရဟန်းတို့ ဤတရား သုံးမျိုးတို့သည်-
မိမိ ဆင်းရဲရန်လည်း ဖြစ်ကုန်၏၊
သူတစ်ပါး ဆင်းရဲရန်လည်း ဖြစ်ကုန်၏၊
နှစ်ပါးစုံ ဆင်းရဲရန်လည်း ဖြစ်ကုန်၏ ဟု (မိန့်တော်မူ၏)။

ရဟန်းတို့ ဤတရားသုံးမျိုးတို့သည်-
မိမိ ဆင်းရဲရန်လည်း မဖြစ်ကုန်၊
သူတစ်ပါး ဆင်းရဲရန်လည်း မဖြစ်ကုန်၊
နှစ်ပါးစုံ ဆင်းရဲရန်လည်း မဖြစ်ကုန်။

အဘယ် သုံးမျိုးတို့နည်း ဟူမူ-

ကိုယ်ဖြင့် ပြုအပ်သော ကောင်းသော အကျင့် {ကာယသုစရိုက်}၊
နှုတ်ဖြင့် ပြုအပ်သော ကောင်းသော အကျင့် {၀စီသုစရိုက်}၊
စိတ်ဖြင့် ပြုအပ်သော ကောင်း သော အကျင့် {မနောသုစရိုက်}တို့တည်း။

ရဟန်းတို့ ဤတရား သုံးမျိုးတို့သည်
မိမိ ဆင်းရဲရန်လည်း မဖြစ်ကုန်၊
သူတစ်ပါးဆင်းရဲရန်လည်း မဖြစ်ကုန်၊
နှစ်ပါးစုံ ဆင်းရဲရန်လည်း မဖြစ်ကုန် ဟု (မိန့်တော်မူ၏)။

၇ - အတ္တဗျာဗာဓသုတ်၊ ရထကာရ၀ဂ်၊ တိကနိပါတ်၊ အင်္ဂုတ္တိုရ်ပါဠိတော်။

Sunday, September 21, 2008

ကေသမုတ္တိသုတ် (ခေါ်) ကာလာမသုတ်-

ကေသမုတ္တိသုတ် (ခေါ်) ကာလာမသုတ်-

ကာလာမမင်းတို့ တပ်မက်သော ပုဂ္ဂိုလ်သည် တပ်မက်သော{လောဘ}နှိပ် စက်အပ် သိမ်းယူအပ်သော စိတ်ရှိသည်ဖြစ်၍ သူ့အသက်ကိုလည်း သတ်၏၊ မပေးသည်ကို လည်း ခိုးယူ၏၊ သူ့မယားကိုလည်း သွားလာ၏၊ မဟုတ်မမှန်သော စကားကိုလည်း ပြောဆို၏၊ သူတစ်ပါးကိုလည်း ထို အတိုင်းပြုရန် ဆောက်တည် စေ၏၊ ယင်း သူတစ်ပါး အသက် သတ်ခြင်း စသည်သည် ထိုသူအား ကြာမြင့်စွာ သော ကာလပတ်လုံး အစီးအပွား မဲ့ခြင်းငှါ ဆင်းရဲခြင်းငှါ ဖြစ်နိုင်သည် မဟုတ် လောဟု (မိန့်တော်မူ၏)။

အစီးအပွား မဲ့ခြင်းငှါ ဆင်းရဲခြင်းငှါ ဖြစ်နိုင်ပါသည် အသျှင်ဘုရား။


အကျွန်ုပ်သည် ဤသို့ ကြားနာခဲ့ရပါသည်-
အခါတစ်ပါး၌ မြတ်စွာဘုရားသည် များစွာသော ရဟန်းသံဃာနှင့်အတူ ကောသလ တိုင်းတို့၌ ဒေသစာရီ ကြွချီတော်မူလတ်သော် ကာလာမမင်းတို့၏ ကေသမုတ္တ မည်သော နိဂုံးသို့ ရောက်တော်မူ၏။ ကေသမုတ္တနိဂုံးသား ကာလာမမင်းတို့သည် ဤသို့ ကြားသိကြကုန်၏-

{{အချင်းတို့ သာကီဝင်မင်းမျိုးမှ ရဟန်းပြုသည့် သာကီဝင်မင်းသား ရဟန်းဂေါတမ သည် ကေသမုတ္တနိဂုံးသို့ ရောက်လာတော်မူ၏။ ထို အသျှင်ဂေါတမ၏ ကောင်း သော ကျော်စောသတင်းသည် ဤသို့ ပျံ့နှံ့၍ ထွက်၏။

ထို မြတ်စွာဘုရားသည် ပူဇော်အထူး ကို ခံတော်မူထိုက်သော အကြောင်းကြောင့် လည်း အရဟံ မည်တော်မူ၏။ပ။ ထိုသို့သဘောရှိသော ရဟန္တာပုဂ္ဂိုလ်တို့အား ဖူးမြော်ရ ခြင်းသည် ကောင်းသည် သာတည်း}} ဟု (ကြားသိကြကုန်၏)။

ထို့နောက် ကေသမုတ္တနိဂုံးသား ကာလာမမင်းတို့သည် မြတ်စွာဘုရားအထံသို့ ချဉ်းကပ်ကြ ကုန်ပြီးလျှင် အချို့တို့သည် မြတ်စွာဘုရားကို ရှိခိုး၍ တစ်ခုသော နေရာ၌ ထိုင်နေကြကုန်၏။ အချို့တို့သည် မြတ်စွာဘုရားနှင့်အတူ ၀မ်းမြောက် ၀မ်းသာ (နှုတ်ဆက်) ပြောဆို ကုန်၏။ ၀မ်းမြောက်ဖွယ် အမှတ်ရဖွယ်စကားကို ပြောဆို ပြီးဆုံးစေပြီး၍ တစ်ခုသော နေရာ၌ ထိုင်နေကုန်၏။ အချို့တို့သည် မြတ်စွာဘုရား ရှိရာ အရပ်သို့ လက်အုပ်ချီကုန်လျက် တစ်ခုသော နေရာ၌ ထိုင်နေကုန်၏။ အချို့တို့သည် အမည်အနွယ်ကို ပြောကြားလျက် တစ်ခုသော နေရာ၌ ထိုင်နေကုန်၏။ အချို့တို့သည် တိတ်ဆိတ်စွာ တစ်ခုသော နေရာ၌ ထိုင်နေကုန်၏။

တစ်ခုသော နေရာ၌ ထိုင်နေကြသော ကေသမုတ္တနိဂုံးသား ထိုကာလာမမင်းမျိုး တို့သည် မြတ်စွာဘုရားအား- အသျှင်ဘုရား အချို့သော သမဏဗြာဟ္မဏတို့သည် ကေသမုတ္တ နိဂုံးသို့ ရောက်လာ ပါကုန်၏။ ထို သမဏဗြာဟ္မဏတို့သည် မိမိ အယူ ၀ါဒကိုသာလျှင် ပြပါကုန်၏၊ ထွန်းပစေပါကုန်၏။ သူတစ်ပါး အယူဝါဒကိုမူကား ထိပါးပါကုန်၏၊ မထီမဲ့မြင်ပြုပါကုန်၏၊ ရှုတ်ချပါကုန်၏၊ ချေဖျက်ပါကုန်၏၊

အသျှင်ဘုရား တခြားသော သမဏဗြာဟ္မဏအချို့တို့သည်လည်း ကေသမုတ္တနိဂုံး သို့ ရောက်လာပါကုန်၏၊ ထို သမဏဗြာဟ္မဏတို့သည်လည်း မိမိ အယူဝါဒကိုသာ လျှင် ပြပါကုန်၏၊ ထွန်းပ စေကုန်ပါ၏၊ သူတစ်ပါး အယူဝါဒကိုမူကား ထိပါး ပါကုန်၏၊ မထီမဲ့မြင်ပြု ပါကုန်၏၊ ရှုတ်ချ ပါကုန်၏၊ ချေဖျက်ပါကုန်၏၊

{{အသျှင်ဘုရား ဤသမဏဗြာဟ္မဏတို့တွင် အဘယ် သမဏ ဗြာဟ္မဏသည် မှန်သော စကားကို ဆိုပါသနည်း၊ အဘယ်သမဏဗြာဟ္မဏသည် မမှန်သော စကားကို ဆိုပါသနည်း}}ဟု အကျွန်ုပ်တို့အား ယုံမှားခြင်း တွေးတောခြင်း ဖြစ်ခဲ့ ပါ၏}} (ဟု လျှောက်ကုန်၏)။

ကာလာမမင်းတို့ သင်တို့အား ယုံမှားခြင်းငှါ သင့်ပေ၏၊
တွေးတောခြင်းငှါ သင့်ပေ၏၊
သင်တို့အား ယုံမှားခြင်းငှါသင့်သော အရာ၌ ယုံမှားခြင်း ဖြစ်၏။

ကာလာမမင်းတို့ ...
သင်တို့သည်ပြောသံ ကြားကာမျှဖြင့် (ဟုတ်ပြီ မှန်ပြီဟု အတည်) မယူကုန်လင့်ဦး၊
အစဉ်အဆက် စကားမျှဖြင့်လည်း (ဟုတ်ပြီ မှန်ပြီဟု အတည်) မယူကုန်လင့်ဦး၊
ဤသို့ ဖြစ်ဖူးသတတ်ဟူသော စကားမျှဖြင့်လည်း (ဟုတ်ပြီ မှန်ပြီဟု အတည်)
မယူကုန်လင့်ဦး။
ပိဋကတ် (မိမိတို့ရှေးဟောင်းကျမ်းဂန်) စာပေနှင့် ညီညွတ်ပေသည်ဟူ၍လည်း
(ဟုတ်ပြီ မှန်ပြီဟု အတည်) မယူကုန်လင့်ဦး၊
ကြံဆတွေးတော၍ ယူခြင်းမျှဖြင့်လည်း (ဟုတ်ပြီ မှန်ပြီဟု အတည်) မယူကုန် လင့်ဦး၊
နည်းမှီးယူခြင်းမျှဖြင့်လည်း (ဟုတ်ပြီ မှန်ပြီဟု အတည်) မယူကုန်လင့်ဦး၊
အခြင်းအရာကို ကြံစည်သောအားဖြင့်လည်း (ဟုတ်ပြီ မှန်ပြီဟု အတည်) မယူ ကုန်လင့်ဦး၊
(ငါတို့) ကြံစည်နှစ်သက်၍ ယူထားသောအယူနှင့် တူညီပေသည်ဟူ၍လည်း (ဟုတ်ပြီ မှန်ပြီဟု အတည်) မယူကုန်လင့်ဦး၊
ငါတို့လေးစားသော ရဟန်း၏ စကားဟူ၍လည်း (ဟုတ်ပြီ မှန်ပြီဟု အတည်) မယူ ကုန် လင့်ဦး။

ကာလာမမင်းတို့ {{ဤတရားတို့ကား အကုသိုလ်တရားတို့တည်း၊ ဤတရားတို့ ကား အပြစ်ရှိသော တရားတို့တည်း၊ ဤတရားတို့ကား ပညာရှိတို့ ကဲ့ရဲ့အပ်သော တရားတို့တည်း။ ဤတရားတို့ကို ပြည့်စုံစေအပ် ဆောက်တည် အပ်ကုန်သည် ရှိသော် အစီးအပွားမဲ့ခြင်းငှါ ဆင်းရဲခြင်းငှါ ဖြစ်ကုန်၏}}ဟု သင်တို့သည် မိမိတို့ ကိုယ်တိုင်ပင် သိသောအခါ၌မူ ပယ်စွန့်ကုန်ရာ၏။

ကာလာမမင်းတို့ ထို အရာကို အဘယ်သို့ မှတ်ထင်ကုန်သနည်း။ တပ်မက်ခြင်း {လောဘ} သည် သတ္တ၀ါ၏ အတွင်း {အဇ္ဈတ္တ} သန္တာန်၌ ဖြစ်သော် အစီးအပွား ရှိခြင်းငှါ ဖြစ်သလော၊ (သို့မဟုတ်) အစီးအပွား မဲ့ခြင်းငှါ ဖြစ်သလောဟု (မိန့်တော် မူ၏)။
အစီးအပွား မဲ့ခြင်းငှါ ဖြစ်ပါသည် အသျှင်ဘုရား။

ကာလာမမင်းတို့ တပ်မက်သော ပုဂ္ဂိုလ်သည် တပ်မက်သော {လောဘ} နှိပ် စက်အပ် သိမ်းယူအပ်သော စိတ်ရှိသည်ဖြစ်၍ သူ့အသက်ကိုလည်း သတ်၏၊ မပေးသည်ကို လည်း ခိုးယူ၏၊ သူ့မယားကိုလည်း သွားလာ၏၊ မဟုတ်မမှန်သော စကားကိုလည်း ပြောဆို၏၊ သူတစ်ပါးကိုလည်း ထို အတိုင်းပြုရန် ဆောက်တည် စေ၏၊ ယင်း သူတစ်ပါး အသက် သတ်ခြင်း စသည်သည် ထိုသူအား ကြာမြင့်စွာ သော ကာလပတ်လုံး အစီးအပွား မဲ့ခြင်းငှါ ဆင်းရဲခြင်းငှါ ဖြစ်နိုင်သည် မဟုတ် လောဟု (မိန့်တော်မူ၏)။
ဖြစ်နိုင်ပါသည် အသျှင်ဘုရား။

ကာလာမမင်းတို့ ထို အရာကို အဘယ်သို့ မှတ်ထင်ကုန်သနည်း။ အမျက်ထွက်ခြင်း {ဒေါသ}သည် သတ္တ၀ါ၏ အတွင်း {အဇ္ဈတ္တ} သန္တာန်၌ ဖြစ်သော် အစီးအပွား ရှိခြင်းငှါ ဖြစ်သလော၊ (သို့မဟုတ်) အစီးအပွား မဲ့ခြင်းငှါ ဖြစ်သလောဟု (မိန့်တော် မူ၏)။
အစီးအပွားမဲ့ခြင်းငှါ ဖြစ်ပါသည် အသျှင်ဘုရား။

ကာလာမမင်းတို့ အမျက်ထွက်သော ပုဂ္ဂိုလ်သည် အမျက်ထွက်ခြင်း {ဒေါသ} နှိပ်စက်အပ် သိမ်းယူအပ်သော စိတ်ရှိသည်ဖြစ်၍ သူ့အသက်ကိုလည်း သတ်၏၊ မပေးသည် ကိုလည်း ခိုးယူ၏၊ သူ့မယားကိုလည်း သွားလာ၏၊ မဟုတ်မမှန်သော စကားကိုလည်း ပြောဆို၏၊ သူတစ်ပါးကိုလည်း ထိုအတိုင်းပြုရန် ဆောက်တည် စေ၏၊ ယင်း သူတစ်ပါး အသက်သတ်ခြင်း သတ်စေခြင်း စသည်သည် ထိုသူအား ကြာမြင့်စွာသော ကာလပတ်လုံး အစီးအပွား မဲ့ခြင်းငှါ ဆင်းရဲခြင်းငှါ ဖြစ်နိုင်သည် မဟုတ်လောဟု (မိန့်တော်မူ၏)။
ဖြစ်နိုင်ပါသည် အသျှင်ဘုရား။

ကာလာမမင်းတို့ ထို အရာကို အဘယ်သို့ မှတ်ထင်ကုန်သနည်း၊ တွေဝေခြင်း {မောဟ}သည် သတ္တ၀ါ၏ အတွင်း {အဇ္ဈတ္တ} သန္တာန်၌ ဖြစ်သော် အစီးအပွား ရှိခြင်းငှါ ဖြစ်သလော။ပ။ ဆင်းရဲခြင်းငှါ ဖြစ်နိုင်သည် မဟုတ်လောဟု (မိန့်တော် မူ၏)။
ဆင်းရဲခြင်းငှါ ဖြစ်နိုင်ပါသည် အသျှင်ဘုရား။

ကာလာမမင်းတို့ ထိုအရာကို အဘယ်သို့ မှတ်ထင်ကုန်သနည်း၊ ဤတရားတို့သည် ကုသိုလ် တရားတို့လော၊ (သို့မဟုတ်) အကုသိုလ် တရားတို့လောဟု (မိန့်တော် မူ၏)။
အကုသိုလ်တရားတို့ ဖြစ်ပါသည် အသျှင်ဘုရား။

အပြစ်ရှိသော တရားတို့လော၊ (သို့မဟုတ်) အပြစ် မရှိသော တရားတို့လောဟု (မိန့်တော်မူ၏)။
အပြစ်ရှိသော တရားတို့ဖြစ်ပါသည် အသျှင်ဘုရား။

ပညာရှိတို့ ကဲ့ရဲ့အပ်သောတရား တို့လော၊ (သို့မဟုတ်) ပညာရှိတို့ ချီးမွမ်းအပ်သော တရားတို့လောဟု (မိန့်တော်မူ၏)။
ပညာရှိတို့ ကဲ့ရဲ့အပ်သော တရားတို့ ဖြစ်ပါသည် အသျှင်ဘုရား။

(ဤတရားတို့ကို) ပြည့်စုံစေအပ် ဆောက်တည် အပ်ကုန်သော် အစီးအပွားမဲ့ခြင်းငှါ ဆင်းရဲခြင်းငှါ ဖြစ်ကုန်သလော၊ (သို့မဟုတ်) မဖြစ်ကုန်သလော။ ဤနေရာ၌ (သင်တို့စိတ်) အဘယ်သို့ ရှိသနည်းဟု (မိန့်တော်မူ၏)။

အသျှင်ဘုရား (ဤတရားတို့ကို) ပြည့်စုံစေအပ် ကောင်းစွာ ဆောက်တည်အပ် ကုန်သော် အစီးအပွါးမဲ့ခြင်းငှါ ဆင်းရြဲခင်းငှါ ဖြစ်ကုန်ပါ၏၊ ဤနေရာ၌ တပည့်တော် တို့၏ (စိတ်) ဤသို့ ရှိပါသည် အသျှင်ဘုရားဟု (လျှောက်ကုန်၏)။

{{ကာလာမမင်းတို့ သင်တို့သည် ပြောသံကြားကာမျှဖြင့် (ဟုတ်ပြီ မှန်ပြီဟု အတည်) မယူကုန်လင့်ဦး၊ အစဉ်အဆက် စကားမျှဖြင့်လည်း မယူကုန်လင့်ဦး၊ ဤသို့ ဖြစ်ဖူးသတတ်ဟူသော စကားမျှဖြင့်လည်း မယူကုန်လင့်ဦး။ ပိဋကတ် (မိမိတို့ ရှေးဟောင်းကျမ်းဂန်) စာပေနှင့် ညီညွတ်ပေသည်ဟူ၍လည်း မယူကုန် လင့်ဦး၊ ကြံဆတွေးတော၍ ယူခြင်းမျှဖြင့်လည်း မယူကုန်လင့်ဦး၊ နည်းမှီးယူခြင်း မျှဖြင့်လည်း မယူကုန်လင့်ဦး၊ အခြင်းအရာကို ကြံစည်သော အားဖြင့်လည်း မယူကုန်လင့်ဦး၊ (ငါတို့) ကြံစည် နှစ်သက်၍ ယူထားသော အယူနှင့် တူညီ ပေသည် ဟူ၍လည်း မယူကုန်လင့်ဦး၊ မှတ်ယူထိုက်သော သဘောမျှဖြင့်လည်း မယူကုန်လင့်ဦး၊ ငါတို့လေးစားသော ရဟန်း၏ စကားဟူ၍လည်း မယူကုန်လင့်ဦး။

ကာလာမမင်းတို့ {ဤတရားတို့ကား အကုသိုလ်တရားတို့တည်း၊ ဤတရားတို့ကား အပြစ်ရှိသော တရားတို့တည်း၊ ဤတရားတို့ကား ပညာရှိတို့ ကဲ့ရဲ့အပ်သော တရားတို့တည်း။ ဤတရားကို ပြည့်စုံစေအပ် ဆောက်တည် အပ်ကုန်သည်ရှိသော် အစီးအပွားမဲ့ခြင်းငှါ ဆင်းရဲခြင်းငှါ ဖြစ်ကုန်၏}ဟု သင်တို့သည် မိမိတို့ ကိုယ် တိုင်ပင် သိသော အခါ၌မူ ပယ်စွန့်ကုန်ရာ၏}} ဟု ငါမိန့်ဆိုခဲ့သော စကားသည် ကား ဤသည်ကို စွဲ၍ မိန့်ဆိုသော စကားဖြစ်၏။

{{ကာလာမမင်းတို့ သင်တို့သည် ပြောသံကြားကာမျှဖြင့် (ဟုတ်ပြီ မှန်ပြီဟု အတည်) မယူကုန်လင့်ဦး၊ အစဉ်အဆက် စကားမျှဖြင့်လည်း မယူကုန်လင့်ဦး၊ ဤသို့ ဖြစ်ဖူးသတတ်ဟူသော စကားမျှဖြင့်လည်း မယူကုန်လင့်ဦး။ ပိဋကတ် (မိမိတို့ ရှေးဟောင်းကျမ်းဂန်) စာပေနှင့် ညီညွတ်ပေသည်ဟူ၍လည်း မယူကုန် လင့်ဦး၊ ကြံဆတွေးတော၍ ယူခြင်းမျှဖြင့်လည်း မယူကုန်လင့်ဦး၊ နည်းမှီးယူခြင်း မျှဖြင့်လည်း မယူကုန်လင့်ဦး၊ အခြင်းအရာကို ကြံစည်သော အားဖြင့်လည်း မယူကုန်လင့်ဦး၊ (ငါတို့) ကြံစည် နှစ်သက်၍ ယူထားသော အယူနှင့် တူညီ ပေသည် ဟူ၍လည်း မယူကုန်လင့်ဦး၊ မှတ်ယူထိုက်သော သဘောမျှဖြင့်လည်း မယူကုန် လင့်ဦး၊ ငါတို့ လေးစားသော ရဟန်း၏ စကားဟူ၍လည်း မယူကုန် လင့်ဦး။

ကာလာမမင်းတို့ {ဤတရားတို့ကား ကုသိုလ်တရားတို့တည်း၊ ဤတရားတို့ကား အပြစ်မရှိသော တရားတို့တည်း၊ ဤတရား တို့ကား ပညာရှိတို့ ချီးမွမ်းအပ်သော တရားတို့တည်း။ ဤတရားတို့ကို ပြည့်စုံစေအပ် ဆောက်တည် အပ်ကုန်သည် ရှိသော် အစီးအပွားရှိခြင်းငှါ ချမ်းသာခြင်းငှါ ဖြစ်ကုန်၏}ဟု သင်တို့သည် မိမိတို့ ကိုယ်တိုင်ပင်လျှင် သိသောအခါ၌မူ ပြည့်စုံစေ၍ နေကုန်ရာ၏။

ကာလာမမင်းတို့ ထို အရာကို အဘယ်သို့ မှတ်ထင်ကုန်သနည်း၊ မတပ်မက်ခြင်း {အလောဘ}သည် သတ္တ၀ါ၏ အတွင်း {အဇ္ဈတ္တ} သန္တာန်၌ ဖြစ်သော် အစီးအပွား ရှိခြင်းငှါ ဖြစ်သလော၊ (သို့မဟုတ်) အစီးအပွားမဲ့ခြင်းငှါ ဖြစ်သလောဟု (မိန့်တော် မူ၏)။ အစီးအပွား ရှိခြင်းငှါ ဖြစ်ပါသည် အသျှင်ဘုရား။

ကာလာမမင်းတို့ မတပ်မက်သော ပုဂ္ဂိုလ်သည် တပ်မက်ခြင်း {လောဘ} မနှိပ် စက်အပ် မသိမ်းယူအပ်သော စိတ်ရှိသည်ဖြစ်၍ သူ့အသက်ကိုလည်း မသတ်၊ မပေးသည်ကို လည်း မယူ၊ သူ့မယားကိုလည်း မသွားလာ၊ မဟုတ်မမှန်သော စကားကိုလည်း မပြောဆို၊ သူတစ်ပါးကိုလည်း ထို အတိုင်း (သူတစ်ပါး အသက် သတ်မှုစသည်) ပြုရန် မဆောက်တည်စေ၊ ယင်းသူတစ်ပါး အသက် မသတ်ခြင်း စသည်သည် ထိုသူအား ကြာမြင့်စွာသော ကာလပတ်လုံး အစီးအပွါးရှိခြင်းငှါ ချမ်းသာခြင်းငှါ ဖြစ်နိုင်သည် မဟုတ်လော ဟု (မိန့်တော်မူ၏)။
ဖြစ်နိုင်ပါသည် အသျှင်ဘုရား။

ကာလာမမင်းတို့ ထို အရာကို အဘယ်သို့ မှတ်ထင်ကုန်သနည်း၊ အမျက်မထွက် ခြင်း {အဒေါသ}သည် သတ္တ၀ါ၏ အတွင်း {အဇ္ဈတ္တ} သန္တာန်၌ ဖြစ်သော်။ပ။ မတွေဝေခြင်း {အမောဟ} သည် သတ္တ၀ါ၏ အတွင်း {အဇ္ဈတ္တ} သန္တာန်၌ ဖြစ်သော်။ပ။ အစီးအပွါး ရှိခြင်းငှါ ချမ်းသာခြင်းငှါ ဖြစ်နိုင်သည် မဟုတ်လော ဟု (မိန့်တော်မူ၏)၊
ဖြစ်နိုင်ပါသည် အသျှင်ဘုရား။

ကာလာမမင်းတို့ ထို အရာကိုအဘယ်သို့ မှတ်ထင်ကုန်သနည်း၊ ဤတရားတို့ သည် ကုသိုလ် တရားတို့လော၊ (သို့မဟုတ်) အကုသိုလ် တရားတို့လော ဟု (မိန့်တော်မူ၏)။ ကုသိုလ်တရားတို့ ဖြစ်ပါသည် အသျှင်ဘုရား။ အပြစ်ရှိသော တရားတို့လော၊ (သို့) အပြစ်မရှိသော တရားတို့လောဟု (မိန့်တော်မူ၏)။
အပြစ်မရှိသော တရားတို့ ဖြစ်ပါသည် အသျှင်ဘုရား။

ပညာရှိတို့ ကဲ့ရဲ့အပ်သော တရားတို့လော၊ (သို့မဟုတ်) ပညာရှိတို့ ချီးမွမ်းအပ် သော တရားတို့လောဟု (မိန့်တော်မူ၏)။ ပညာရှိတို့ ချီးမွမ်းအပ်သော တရားတို့ ဖြစ်ပါသည် အသျှင်ဘုရား။ (ဤတရားတို့ကို) ပြည့်စုံစေအပ် ကောင်းစွာ ဆောက်တည်အပ်ကုန် သော် အစီးအပွါး ရှိခြင်းငှါ ချမ်းသာခြင်းငှါ ဖြစ်ကုန်သလော၊ (သို့မဟုတ်) မဖြစ်ကုန်သလော၊ ဤနေရာ၌ (သင်တို့စိတ်)အဘယ်သို့ ရှိသနည်း ဟု (မိန့်တော်မူ၏)။
အသျှင်ဘုရား (ဤတရားတို့ကို) ပြည့်စုံစေအပ် ကောင်းစွာ ဆောက်တည် အပ်ကုန်သော် အစီးအပွါး ရှိခြင်းငှါ ချမ်းသာခြင်းငှါ ဖြစ်ပါကုန်၏၊ ဤနေရာ၌ တပည့်တော်တို့၏ (စိတ်) ဤသို့ရှိပါသည် အသျှင်ဘုရား ဟု (လျှောက်ကုန်၏)။

{{ကာလာမမင်းတို့ သင်တို့သည် ပြောသံကြားကာမျှဖြင့် (ဟုတ်ပြီ မှန်ပြီဟု အတည်) မယူကုန်လင့်ဦး၊ အစဉ်အဆက် စကားမျှဖြင့်လည်း မယူကုန်လင့်ဦး၊ ဤသို့ ဖြစ်ဖူး သတတ် ဟူသော စကားမျှဖြင့်လည်း မယူကုန်လင့်ဦး၊ ပိဋကတ် (မိမိတို့ ရှေးဟောင်း ကျမ်းဂန်) စာပေနှင့် ညီညွတ်ပေသည် ဟူ၍လည်း မယူကုန်လင့်ဦး၊ ကြံဆတွေးတော၍ ယူခြင်းမျှလည်း မယူကုန်လင့်ဦး၊ နည်းမှီ ယူခြင်းမျှဖြင့်လည်း မယူကုန်လင့်ဦး၊ အခြင်းအရာကို ကြံစည်သောအားဖြင့်လည်း မယူကုန်လင့်ဦး၊ (ငါတို့)ကြံစည် နှစ်သက်၍ ယူထားသော အယူနှင့် တူညီပေသည် ဟူ၍လည်း မယူကုန်လင့်ဦး၊ မှတ်ယူထိုက်သော သဘောမျှဖြင့်လည်း မယူ ကုန်လင့်ဦး၊ ငါတို့ လေးစားသော ရဟန်း၏ စကားဟူ၍လည်း မယူကုန်လင့်ဦး၊ ကာလာမမင်းတို့ {ဤတရားတို့ကား ကုသိုလ် တရားတို့တည်း။ ဤတရားတို့ကား အပြစ်မရှိသော တရားတို့တည်း၊ ဤတရားတို့ကား ပညာရှိတို့ ချီးမွမ်းအပ်သော တရားတို့တည်း၊ ဤတရားတို့ကို ပြည့်စုံစေအပ် ဆောက်တည် အပ်ကုန်သော် အစီးအပွါးရှိခြင်းငှါ ချမ်းသာခြင်းငှါ ဖြစ်ကုန်၏} ဟု သင်တို့သည် မိမိတို့ ကိုယ်တိုင်ပင် သိသော အခါ၌မူ ပြည့်စုံစေ၍ နေကုန်ရာ၏}} ဟု ငါမိန့်ဆိုခဲ့သော စကားသည်ကား ဤသည်ကို စွဲ၍ မိန့်ဆိုအပ်သော စကားဖြစ်၏။

ကာလာမမင်းတို့ အရိယာတပည့်သည် ဤသို့ မက်မောခြင်း {အဘိဇ္ဈာ} မှ ကင်းသည် ပျက်စီးစေလိုခြင်း {ဗျာပါဒ}မှ ကင်းသည် တွေဝေခြင်းမရှိသည် ဆင်ခြင်တုံတရားရှိသည် သတိနှင့်ပြည့်စုံသည်ဖြစ်၍ မေတ္တာနှင့်ယှဉ်သော စိတ်ဖြင့် တစ်ခုသော အရပ်မျက်နှာကို ပျံ့နှံ့စေ၍ နေ၏။ ထို့အတူ နှစ်ခုမြောက် အရပ်မျက်နှာကို။ သုံးခုမြောက် အရပ်မျက်နှာ ကို။ လေးခုမြောက် အရပ်မျက်နှာကို ပျံ့နှံ့စေ၍ နေ၏။

ဤနည်းဖြင့် အထက်အောက်ဖီလာ အလုံးစုံသော အရပ်မျက်နှာတို့၌ သတ္တ၀ါ အားလုံးကို မိမိနှင့် အတူပြု၍ သတ္တ၀ါအားလုံး ပါဝင်သော သတ္တလောကကို ပြန့်ပြောသော မြင့်မြတ်သော အတိုင်းအရှည် မရှိသော ရန်မရှိသော ကြောင့်ကြ ခြင်း မရှိသော မေတ္တာနှင့်ယှဉ်သော စိတ်ဖြင့် ပျံ့နှံ့စေ၍ နေ၏။
သနားခြင်း {ကရုဏာ} နှင့်ယှဉ်သော စိတ်ဖြင့်။ပ။
ဝမ်းမြောက်ခြင်း{မုဒိတာ}နှင့် ယှဉ်သော စိတ်ဖြင့်။ပ။
လျစ်လျူရှုခြင်း {ဥပေက္ခာ} နှင့်ယှဉ်သော စိတ်ဖြင့် တစ်ခုသော အရပ်မျက်နှာကို ပျံ့နှံ့စေ၍ နေ၏။ ထို့အတူ နှစ်ခုမြောက် အရပ်မျက်နှာကို။ သုံးခုမြောက် အရပ်မျက်နှာကို။ လေးခုမြောက် အရပ်မျက်နှာကို ပျံ့နှံ့စေ၍ နေ၏။ ဤနည်းဖြင့် အထက်အောက်ဖီလာအလုံးစုံသော အရပ်မျက်နှာတို့၌ သတ္တ၀ါ အားလုံးကို မိမိနှင့် အတူပြု၍ သတ္တ၀ါ အားလုံး ပါဝင်သော သတ္တလောကကို ပြန့်ပြောသော မြင့်မြတ်သော အတိုင်းအရှည် မရှိသော ရန်မရှိသော ကြောင့်ကြခြင်း မရှိသော လျစ်လျူရှုခြင်း {ဥပေက္ခာ} နှင့်ယှဉ်သော စိတ်ဖြင့် ပျံ့နှံ့စေ၍ နေ၏။

ကာလာမမင်းတို့ ဤသို့ ရန်ကင်းသောစိတ် ကြောင့်ကြကင်းသောစိတ် မညစ်ညူး သောစိတ် စင်ကြယ်သောစိတ်ရှိသော အရိယာတပည့်အား ယခုဘ၀၌ပင် ထောက် တည်ရာ လေးမျိုးတို့ကို ရအပ် ကုန်၏။

တမလွန်လောကသည် အကယ်၍ ရှိအံ့၊ ကောင်းစွာ ပြုအပ် မကောင်းသဖြင့် ပြုအပ် ကုန်သော ကုသိုလ်ကံ အကုသိုလ်ကံတို့၏ အကျိုးဆက် အကျိုးရင်းသည် အကယ်၍ ရှိအံ့၊ ထို့သို့ရှိခဲ့သော် ငါသည် ကိုယ်ခန္ဓာ ပျက်စီး၍ သေပြီးသည်မှ နောက်၌ ကောင်းသော လားရာ ဖြစ်သော နတ်ပြည်သို့ ရောက်ရလိမ့်မည်ဟူသော ထောက်တည် ရာကို ရလေ၏၊ ဤသည်ကား ထို အရိယာတပည့်အား ရအပ်သော ပဌမ ထောက်တည် ရာ ပေတည်း။

တမလွန်လောကသည် အကယ်၍ မရှိအံ့၊ ကောင်းစွာ ပြုအပ်သော မကောင်း သဖြင့် ပြုအပ်ကုန်သော ကုသိုလ်ကံ အကုသိုလ်ကံတို့၏ အကျိုးဆက် အကျိုး ရင်းသည် အကယ်၍ မရှိအံ့၊ ထို့သို့ မရှိခဲ့သော် ငါသည် မျက်မှောက်ဘ၀၌ပင် ရန်မရှိသော ကြောင့်ကြမရှိသော ဆင်းရဲမရှိသော ချမ်းသာခြင်းရှိသော မိမိကိုယ် ကို ဆောင်ရပေ၏ ဟူသော ထောက်တည်ရာကို ရလေ၏။ ဤသည်ကား ထို အရိယာ တပည့်အား ရအပ်သော ဒုတိယထောက်တည်ရာ ပေတည်း။

မကောင်းမှုကို ပြုခဲ့လျှင် ပြုသည် မည်အံ့၊ ငါသည် တစ်စုံတစ်ခုသော မကောင်း မှုကို အားမထုတ်ခဲ့၊ (မကောင်းမှု) မပြုသော ငါ့အား အကုသိုလ်ကံသည် အဘယ်မှာ ဆင်းရဲကို တွေ့ထိနိုင်စေအံ့နည်းဟူသော ထောက်တည်ရာကို ရလေ၏။ ဤသည်ကား ထို အရိယာတပည့်အား ရအပ်သော တတိယ ထောက် တည်ရာ ပေတည်း။

မကောင်းမှုကို ပြုသော်လည်း ပြုသည် မမည်အံ့၊ ထိုသို့ ပြုသည် မမည်သော် ငါသည် (မကောင်းမှုကို မပြုခြင်း၊ ပြုသည် မမည်ခြင်းဟူသော) နှစ်ပါးစုံဖြင့်သာ လျှင် စင်ကြယ်သော မိမိကိုယ်ကို ရှုမြင်ရပေ၏ ဟူသော ထောက်တည်ရာကို ရလေ၏၊ ဤသည်ကား ထို အရိယာ တပည့်အား ရအပ်သော စတုတ္ထ ထောက် တည်ရာ ပေတည်း။

ကာလာမမင်းတို့ ဤသို့ ရန်ကင်းသောစိတ် ကြောင့်ကြကင်းသောစိတ် မညစ်ညူး သောစိတ် စင်ကြယ်သောစိတ် ရှိသော ထိုအရိယာ တပည့်အား ယခုဘ၀၌ပင် ဤ ထောက်တည်ရာ လေးမျိုးတို့ကို ရအပ်ကုန်၏ ဟု (မိန့်တော်မူ၏)။

မြတ်စွာဘုရား ဤအတိုင်းပင် မှန်ပါပေ၏၊ မြတ်စွာဘုရား ဤအတိုင်းပင် ဟုတ်ပါပေ၏၊ ဤသို့ ရန်ကင်းသောစိတ် ကြောင့်ကြကင်းသောစိတ် မညစ်ညူး သောစိတ် စင်ကြယ် သောစိတ်ရှိသော ထို အရိယာတပည့်အား ယခုဘ၀၌ပင် ထောက်တည်ရာ လေးမျိုးတို့ကို ရအပ်ပါကုန်၏။

တမလွန် လောကသည် အကယ်၍ ရှိအံ့၊ ကုသိုလ်ကံ အကုသိုလ်ကံတို့၏ အကျိုးဆက် အကျိုးရင်းသည် အကယ်၍ ရှိအံ့၊ ထို့သို့ရှိခဲ့သော် ငါသည် ကိုယ်ခန္ဓာပျက်စီး၍ သေပြီး သည်မှ နောက်၌ ကောင်းသော လားရာဖြစ်သော နတ်ပြည်သို့ ရောက်ရလိမ့်မည် ဟူသော သက်သာရာကို ရလေ၏၊ ဤသည်ကား ထို အရိယာတပည့်အား ရအပ်သော ပဌမထောက်တည်ရာပေတည်း။

တမလွန်လောကသည် အကယ်၍ မရှိအံ့၊ ကုသိုလ်ကံ အကုသိုလ်ကံတို့၏ အကျိုးဆက် အကျိုးရင်းသည် အကယ်၍ မရှိအံ့၊ ထို့သို့ မရှိခဲ့သော် ငါသည် ယခုဘ၀၌ပင် ရန်မရှိသော ကြောင့်ကြ မရှိသော ဆင်းရဲမရှိသော ချမ်းသာခြင်း ရှိသော မိမိကိုယ်ကို ဆောင်ရ၏ဟူသော ထောက်တည်ရာကို ရလေ၏။ ဤသည်ကား ထို အရိယာ တပည့်အား ရအပ်သော ဒုတိယ ထောက်တည်ရာ ပေတည်း။

မကောင်းမှုကို ပြုခဲ့လျှင် ပြုသည်မည်အံ့၊ ငါသည် တစ်စုံတစ်ခုသော မကောင်းမှုကို အား မထုတ်ခဲ့၊ (မကောင်းမှု) မပြုသော ငါ့အား အကုသိုလ်ကံသည် အဘယ်မှာ ဆင်းရဲကို တွေ့ထိ နိုင်စေအံ့နည်းဟူသော ထောက်တည်ရာကို ရလေ၏။ ဤ သည်ကား ထို အရိယာ တပည့်အား ရအပ်သော တတိယ ထောက်တည်ရာ ပေတည်း။

မကောင်းမှု ပြုသော်လည်း ပြုသည် မမည်အံ့၊ ထိုသို့ ပြုသည် မမည်သော် ငါသည် (မကောင်းမှုကိုမပြုခြင်း၊ ပြုသည် မမည်ခြင်းဟူသော) နှစ်ပါးစုံဖြင့်သာလျှင် စင်ကြယ်သော မိမိကိုယ်ကို ရှုမြင်ရပေ၏ ဟူသော ထောက်တည်ရာကို ရလေ၏။ ဤသည်ကား ထို အရိယာ တပည့်အား ရအပ်သော စတုတ္ထ ထောက်တည်ရာ ပေတည်း။

အသျှင်ဘုရား ဤသို့ ရန်ကင်းသောစိတ် ကြောင့်ကြကင်းသောစိတ် မညစ်ညူး သောစိတ် စင်ကြယ်သောစိတ်ရှိသော ထိုအရိယာတပည့်အား ယခုဘ၀၌ပင် ဤထောက်တည်ရာ လေးမျိုးတို့ကို ရအပ်ပါကုန်၏။

အသျှင်ဘုရား (တရားတော်သည်) အလွန်နှစ်သက်ဖွယ် ရှိပါပေ၏။ ပ ။

အကျွန်ုပ်တို့သည်...
မြတ်စွာဘုရားကို ကိုးကွယ်ရာ ဟူ၍ ဆည်းကပ်ပါကုန်၏၊
တရားတော်ကိုလည်း ကိုးကွယ်ရာ ဟူ၍ ဆည်းကပ်ပါ ကုန်၏၊
သံဃာတော်ကိုလည်း ကိုးကွယ်ရာ ဟူ၍ ဆည်းကပ်ပါကုန်၏။

မြတ်စွာဘုရားသည် အကျွန်ုပ်တို့ကို ယနေ့မှစ၍ အသက်ထက်ဆုံး
(ရတနာ သုံးပါးကို) ကိုးကွယ် ဆည်းကပ်သော ဥပါသကာတို့ဟု မှတ်တော်မူပါ ဟု
(လျှောက်ကြကုန်၏)။

၅ - ကေသမုတ္တိသုတ်၊ မဟာဝဂ်၊ တိကနိပါတ်၊ အင်္ဂုတ္တိုရ်ပါဠိတော်။

ရေးထားကြသော ကာလာမ ... ဒီမှာ


ပဌမ သမ္ပဒါသုတ်-


ပဌမ သမ္ပဒါသုတ် - (ပြည့်စုံခြင်း)

ရဟန်းတို့ ပြည့်စုံမှု {သမ္ပဒါ}တို့သည် ဤရှစ်မျိုးတို့တည်း။

အဘယ်ရှစ်မျိုးတို့နည်းဟူမူ-

၁။ ထကြွလုံ့လနှင့် ပြည့်စုံမှု {ဥဋ္ဌာနသမ္ပဒါ}၊
၂။ စောင့်ရှောက်ခြင်းနှင့် ပြည့်စုံမှု {အာရက္ခသမ္ပဒါ}၊
၃။ မိတ်ဆွေ ကောင်းရှိမှု {ကလျာဏမိတ္တတာ}၊
၎။ မျှတစွာ အသက်မွေးမှု {သမဇီဝိတာ}၊
၅။ သဒ္ဓါနှင့် ပြည့်စုံမှု {သဒ္ဓါသမ္ပဒါ}၊
၆။ သီလနှင့် ပြည့်စုံမှု {သီလသမ္ပဒါ}၊
၇။ စွန့်ကြဲခြင်းနှင့် ပြည့်စုံမှု {စာဂသမ္ပဒါ}၊
၈။ ပညာနှင့် ပြည့်စုံမှု {ပညာသမ္ပဒါ}တို့တည်း။
ရဟန်းတို့ ပြည့်စုံမှု {သမ္ပဒါ}တို့သည် ဤရှစ်မျိုးတို့တည်း ဟု (မိန့်တော်မူ၏)။

အလုပ်လုပ်ရာ ဌာနတို့၌ ထကြွ လုံ့လရှိလျက် မမေ့မလျော့မူ၍ အထူးစီမံခြင်းနှင့် ပြည့်စုံသောယောက်ျားသည် မျှတစွာ အသက်မွေးမှုကို ပြု၏၊
ဆည်းပူးအပ်ပြီးသော (ဥစ္စာ)ကို စောင့်ရှောက်၏။
သဒ္ဓါတရားရှိ၏၊
သီလနှင့် ပြည့်စုံ၏၊
တောင်းခံသူတို့၏ စကားကို သိတတ်၏၊
မစ္ဆရိယကင်း၏၊
တမလွန်ဘ၀၌ ချမ်းသာကြောင်း ဖြစ်သော (ကုသိုလ်)လမ်းကို အမြဲသုတ်သင်၏။
ဤသို့လျှင် ဤတရားရှစ်မျိုးတို့သည် အိမ်ထောင်ဝတ်ကို ရှာမှီးလေ့ရှိသော သဒ္ဓါ တရားနှင့် ပြည့်စုံသူအား မျက်မှောက်ဘ၀၌ အစီးအပွါး အလို့ငှါ လည်းကောင်း၊ တမလွန်ဘ၀၌ ချမ်းသာခြင်းငှါ လည်းကောင်း နှစ်ပါးစုံသော ဘ၀၌ ချမ်းသာကို ဆောင်တတ်ကုန်၏ ဟူ၍ အမည်မှန်ရှိသော မြတ်စွာဘုရားသည် ဟောကြားတော် မူအပ်၏။

ဤသို့လျှင် လူဖြစ်သော သူတို့အား စွန့်ကြဲမှု {စာဂ} ထိုမှ ကြွင်းသော ကောင်းမှု ကုသိုလ်သည် တိုးပွါး၏ဟု (မိန့်တော်မူ၏)။

၅ - ပဌမ သမ္ပဒါသုတ်၊ ယမက၀ဂ်၊ အင်္ဂုတ္တိုရ်ပါဠိတော်။


ဒုတိယ သမ္ပဒါသုတ် ---

Saturday, September 20, 2008

တိဿမေတ္တေယျသုတ်-

တိဿမေတ္တေယျသုတ်-

မေတ္တေယျအနွယ်ဖြစ်သော အသျှင်တိဿသည် ဤသို့ လျှောက်၏-

မြတ်စွာဘုရား မေထုန်အမှုကို ပြုကျင့်အားထုတ်သူ၏ ဆင်းရဲပင်ပန်းရပုံကို ဟောကြားတော်မူပါ၊ အသျှင်ဘုရား အဆုံးအမတော်ကို ကြားနာရ၍ ကိလေသာ ကင်းဆိတ်မှု {၀ိဝေက} တရားတို့ကို (တပည့်တော်တို့) ကျင့်ကြရပါကုန်အံ့။ (၁)

မြတ်စွာဘုရားသည် ဤသို့ မိန့်တော်မူ၏-
မေတ္တေယျ မေထုန်အမှုကို ပြုကျင့်အားထုတ်သူအား ပရိယတ် ပဋိပတ် သာသနာ တော်လည်း ပျောက်ပျက် ကွယ်ပ၏၊ မှားယွင်းသော အကျင့်ကိုလည်း ကျင့်မိတတ် ၏၊ ထိုပုဂ္ဂိုလ်၌ (ဖြစ်သော) ဤအကျင့်သည် အရိယာတို့၏ အကျင့်မဟုတ်။ (၂)

အကြင်သူသည် ရှေးအခါက တစ်ယောက်တည်း နေထိုင်ပြီးလျှင် မေထုန်အကျင့် ကို မှီဝဲပြန်၏၊ လောက၌ ထိုသူကို တုန်လှုပ်သော ယာဉ် (စီးသူ)ကဲ့သို့ ပုထုဇဉ် ယုတ် ဟူ၍ ဆိုကြကုန်၏။ (၃)

အကြင် လူထွက်သူအား ရှေးရဟန်း ဖြစ်သောအခါက အခြံအရံ အကျော်အစော ရှိခဲ့ဖူး၏၊ ထိုအခြံအရံ အကျော်အစောသည် ထိုလူထွက်သူအား ဆုတ်ယုတ်သည် သာတည်း၊ ဤအဖြစ်ကိုလည်းမြင်၍ မေထုန်အကျင့်ကို ပယ်စွန့်နိုင်ရန် (သိက္ခာ သုံးပါးကို) ကျင့်ရ၏။ (၄)

(ကာမဂုဏ်စသည်ကို) ကြံစည်မှု သဘောတရားတို့ အနှိပ်စက်ခံရသော ထို လူထွက်သည် ခိုကိုးရာမဲ့သူကဲ့သို့ ကြံမှိုင် ပူပန်ရ၏၊ ထိုသို့ သဘောရှိသော သူသည် အခြားသူတို့၏ ကဲ့ရဲ့ ရှုတ်ချသံကို ကြားရသည်ရှိသော် မျက်နှာ မသာ မယာ ဖြစ်ရ၏။ (၅)

တစ်ပါးသော ၀ါဒရှိသူတို့ တိုက်တွန်းအပ်သည်ဖြစ်၍ ဒုစရိုက်တို့ကိုလည်း ပြုလုပ် ခဲ့၏၊ မုသားပြောဆိုမှုသို့လည်း သက်ဝင်ခဲ့၏၊ ဤသဘောနှစ်မျိုးသည် ထိုသူ၏ အနှောင်အဖွဲ့ကြီးပေတည်း။ (၆)

တစ်ယောက်တည်း ကျင့်ရသော ရဟန်းအကျင့်ကို ဆောက်တည် ကျင့်သုံး သည်ဖြစ်၍ ပညာရှိဟု ထင်ရှား ကျော်စောခဲ့သူ ဖြစ်ပါလျက် တစ်ဖန် မေထုန် အမှုကို ပြုကျင့် အားထုတ်သော သူသည် တွေဝေနုံ့နှေးသူကဲ့သို့ ပင်ပန်း ညစ်နွမ်းရ၏။ (၇)

ဤသာသနာတော်၌ ပညာရှိရဟန်းသည် ရှေး (ရဟန်းဖြစ်သောအခါ)မှ နောက် (လူထွက်သောအခါ)၌ ဤဆိုခဲ့ပြီးသော အပြစ်ကို သိမြင်၍ တစ်ယောက်တည်း ကျင့်ရသော ရဟန်း အကျင့်ကို မြဲမြံစွာ ပြုကျင့်ရာ၏၊ မေထုန် အကျင့်ကို မမှီဝဲရာ။ (၈)

ကိလေသာ ကင်းဆိတ်မှု {၀ိဝေက} တရားကိုသာလျှင် ကျင့်ရာ၏၊ ဤအကျင့် သည်(ဘုရားအစရှိသော) အရိယာတို့၏ မြတ်သော အကျင့်ပင်တည်း၊ ထိုအကျင့် ဖြင့် ငါမြတ်၏ ဟူ၍ မထင်မှတ်ရာ၊ ထိုသူသည် သာလျှင် နိဗ္ဗာန်နှင့် နီး၏၊ (၉)

ဒုစရိုက် ကင်းသည်ဖြစ်၍ ကာမတို့၌ မငဲ့ကွက်ဘဲ ကျင့်သော သြဃလေးဖြာ သံသရာကို ကူးမြောက်ပြီးသော ရဟန္တာအား ကာမတို့၌ တပ်မက်မောသူတို့သည် ကြည်ညို မြတ်နိုးကြကုန်၏။ (၁၀)

၇ - တိဿမေတ္တေယျသုတ်၊ အဋ္ဌက၀ဂ်၊ သုတ္တနိပါတ်ပါဠိတော်။

Friday, September 19, 2008

အစေလကဿပသုတ်-

အစေလကဿပသုတ်-

၁။ ဆင်းရဲကို ကိုယ်တိုင် ပြုအပ်ပါသလော၊
၂။ ဆင်းရဲကို သူတစ်ပါး ပြုအပ်ပါသလော၊
၃။ ဆင်းရဲကို ကိုယ်တိုင်လည်း ပြုအပ်၊ သူတစ်ပါးလည်း ပြုအပ်ပါသလော၊
၎။ ဆင်းရဲသည် ကိုယ်တိုင် ပြုအပ်သည်လည်း မဟုတ်၊
သူတစ်ပါး ပြုအပ်သည်လည်း မဟုတ်၊ အကြောင်းမဲ့ ဖြစ်ပါသလော၊
၅။ ဆင်းရဲသည် မရှိပါသလော၊
၆။ သင်သည် ဆင်းရဲကို မသိ မမြင်ပါသလော၊

သင်တို့အယူနှင့် အဖြေထုတ်ကြည့်ပါ...
ဘုရားအယူနှင့် တိုက်ကြည့်ပါ...


အစေလကဿပသုတ်

၁၇။ အကျွန်ုပ်သည် ဤသို့ ကြားနာခဲ့ရပါသည်- အခါတစ်ပါး၌ မြတ်စွာဘုရားသည် ရာဇဂြိုဟ်ပြည် ရှဥ့်နက်တို့ကို အစာကျွေး၍ မွေးရာဖြစ်သော ဝေဠုဝန်ကျောင်း၌ (သီတင်းသုံး) နေတော်မူ၏၊ ထိုအခါ မြတ်စွာဘုရားသည် နံနက်အခါ၌ သင်္ကန်းကို ပြင်ဝတ်၍ သပိတ်သင်္ကန်းကို ယူပြီးလျှင် ရာဇဂြိုဟ်ပြည်သို့ ဆွမ်းခံဝင်တော်မူ၏၊

အစေလကဿပသည် ကြွလာသော မြတ်စွာဘုရားကို အဝေးမှ မြင်လေလျှင် မြတ်စွာဘုရားထံသို့ ချဉ်းကပ်၍ မြတ်စွာဘုရားနှင့် အတူ ၀မ်းမြောက်ဝမ်းသာ နှုတ်ဆက်ပြောဆို၏၊

ဝမ်းမြောက်ဖွယ် အမှတ်ရဖွယ် စကားကို ပြောဆိုပြီးဆုံး စေပြီးလျှင် တစ်ခုသော နေရာ၌ ရပ်တည်ပြီးသော် {{အသျှင် ဂေါတမသည် အကျွန်ုပ်တို့၏ အမေးကို ဖြေကြားခြင်းငှါ ခွင့်ပြုခဲ့ပါမူ အကျွန်ုပ်တို့သည် အသျှင်ဂေါတမအား တစ်စုံတစ်ခု သော အကြောင်းအရာကို မေးလိုပါကုန်၏}} ဟု လျှောက်၏။

ကဿပ မေးချိန် မဟုတ်သေး၊ ရွာတွင်းသို့ ၀င်ဆဲ ဖြစ်ကုန်၏ ဟု (မိန့်တော်မူ၏)၊

နှစ်ကြိမ်မြောက်လည်း ...
အစေလကဿပသည် မြတ်စွာဘုရားအား ...။ ပ ။
.... ရွာတွင်းသို့ ၀င်ဆဲ ဖြစ်ကုန်၏ ဟု (မိန့်တော်မူ၏)၊

သုံးကြိမ်မြောက်လည်း....
အစေလကဿပသည် မြတ်စွာဘုရားအား ...။ ပ ။
.... ရွာတွင်းသို့ ၀င်ဆဲ ဖြစ်ကုန်၏ ဟု (မိန့်တော်မူ၏)၊

ဤသို့ မိန့်တော်မူသည်ရှိသော် အစေလကဿပသည် မြတ်စွာဘုရားအား
{{အကျွန်ုပ်တို့သည် အသျှင်ဂေါတမကို များစွာ မမေးလိုပါကုန်}} ဟု လျှောက်၏၊

ကဿပ မေးလိုသော အကြောင်းအရာကို မေးလော့ ဟု ခွင့်ပြုတော်မူ၏။


၁။ အသျှင်ဂေါတမ အသို့ပါနည်း၊ ဆင်းရဲကို ကိုယ်တိုင် ပြုအပ်ပါသလော၊
{{ကဿပ ဤသို့ မဆိုလင့်}}ဟု မြတ်စွာဘုရား မိန့်တော်မူ၏။

၂။ အသျှင်ဂေါတမ အသို့ပါနည်း၊ ဆင်းရဲကို သူတစ်ပါး ပြုအပ်ပါသလော၊
{{ကဿပ ဤသို့ မဆိုလင့်}} ဟု မြတ်စွာဘုရား မိန့်တော်မူ၏။

၃။ အသျှင်ဂေါတမ အသို့ပါနည်း၊ ဆင်းရဲကို ကိုယ်တိုင်လည်း ပြုအပ်၊
သူတစ်ပါးလည်း ပြုအပ်ပါသလောဟု မေးလျှောက်ပြန်၏၊

{{ကဿပ ဤသို့ မဆိုလင့်}} ဟု မြတ်စွာဘုရား မိန့်တော်မူ၏။

၎။ အသျှင်ဂေါတမ အသို့ပါနည်း၊ ဆင်းရဲသည် ကိုယ်တိုင် ပြုအပ်သည်လည်း မဟုတ်၊ သူတစ်ပါး ပြုအပ်သည်လည်း မဟုတ်၊ အကြောင်းမဲ့ ဖြစ်ပါသလော၊

{{ကဿပ ဤသို့ မဆိုလင့်}} ဟု မြတ်စွာဘုရား မိန့်တော်မူ၏။

၅။ အသျှင်ဂေါတမ အသို့ပါနည်း၊ ဆင်းရဲသည် မရှိပါသလော၊
ကဿပ ဆင်းရဲ မရှိသည် မဟုတ်၊ ကဿပ ဆင်းရဲ ရှိသည်သာတည်း။

သို့ဖြစ်လျှင်
၆။ အသျှင် ဂေါတမသည် ဆင်းရဲကို မသိ မမြင်ပါသလော၊

ကဿပ ငါသည် ဆင်းရဲကို မသိ မမြင်သည်မဟုတ်၊ ကဿပ ငါသည် ဆင်းရဲကို သိ၏၊ ဆင်းရဲကို မြင်၏။

အသျှင်ဂေါတမ အသို့ပါနည်း၊
{{ဆင်းရဲကို ကိုယ်တိုင် ပြုအပ်ပါသလော}} ဟု ဤသို့ မေးသည်ရှိသော်
{{ကဿပ ဤသို့ မဆိုလင့်}} ဟု ဆိုဘိ၏၊
{{အသျှင်ဂေါတမ ဆင်းရဲကို သူတစ်ပါး ပြုပါသလော}} ဟု မေးသည်ရှိသော်
{{ကဿပ ဤသို့ မဆိုလင့်}} ဟု ဆိုဘိ၏၊
{{အသျှင်ဂေါတမ ဆင်းရဲကို ကိုယ်တိုင်လည်းပြုအပ်၊ သူတစ်ပါးလည်း ပြုအပ်ပါ သလော}} ဟု ဤသို့ မေးသည်ရှိသော် -
{{ကဿပ ဤသို့ မဆိုလင့်}} ဟု ဆိုဘိ၏၊
{{အသျှင်ဂေါတမ ဆင်းရဲသည် ကိုယ်တိုင်လည်း ပြုအပ်သည် မဟုတ်၊ သူတစ်ပါး လည်း ပြုအပ်သည် မဟုတ်၊ အကြောင်းမဲ့ ဖြစ်ပါသလော}} ဟု ဤသို့ မေးသည်ရှိ သော် -
{{ကဿပ ဤသို့ မဆိုလင့်}} ဟု ဆိုဘိ၏၊
{{အသျှင်ဂေါတမ ဆင်းရဲဟူသည် မရှိပါသလော}}ဟု ဤသို့ မေးသည်ရှိသော်
{{ကဿပ ဆင်းရဲသည် မရှိသည်မဟုတ်၊ ကဿပ ဆင်းရဲသည် ရှိသည်သာ တည်း}} ဟု ဆိုဘိ၏၊
သို့ဖြစ်လျှင် {{အသျှင် ဂေါတမသည် ဆင်းရဲကို မသိ မမြင်ပါသလော}} ဟု ဤသို့ မေးသည်ရှိသော် -
{{ကဿပ ငါသည် ဆင်းရဲကို မသိ မမြင်သည် မဟုတ်၊ ကဿပ ငါသည် ဆင်းရဲ ကို သိ၏၊ ဆင်းရဲကို မြင်၏}} ဟု ဆိုဘိ၏။

အသျှင်ဘုရား-
မြတ်စွာဘုရားသည် အကျွန်ုပ်အား ဆင်းရဲကို ပြောကြားတော် မူပါလော့၊
မြတ်စွာဘုရားသည် အကျွန်ုပ်အား ဆင်းရဲကို ဟောကြားတော်မူပါလော့။

{{ကဿပ ထိုသူသည် ပြု၏၊ ထိုသူသည် ခံစား၏}} ဟူ၍ အစကပင် ရှိခဲ့သော် {{ဆင်းရဲကို ကိုယ်တိုင် ပြုအပ်၏}} ဟူ၍ ဆိုသော သူသည် သဿတအယူသို့ ရောက်၏။

{{ကဿပ သူတစ်ပါး ပြု၏၊ သူတစ်ပါး ခံစား၏}} ဟု အစကပင် ရှိခဲ့သော် ဝေဒနာ နှိပ်စက်စဉ် {{ဆင်းရဲကို သူတစ်ပါး ပြုအပ်၏}} ဟူ၍ ဆိုသောသူသည် ဥစ္ဆေဒ ဒိဋ္ဌိသို့ ရောက်၏။

ကဿပ ထိုနှစ်ပါးသော အစွန်းတို့ကို မကပ်ရောက်မူ၍ အလယ်အလတ်အားဖြင့် မြတ်စွာဘုရား တရားဟောတော်မူ၏၊
မသိမှု {အ၀ိဇ္ဇာ} အကြောင်းခံကြောင့် ပြုစီရင်မှု {သင်္ခါရ}တို့ ဖြစ်ကုန်၏၊
ပြုစီရင်မှု {သင်္ခါရ} အကြောင်းခံကြောင့် သိမှု {၀ိညာဏ်} ဖြစ်၏။ပ။
ဤသို့လျှင် အလုံးစုံသော ဆင်းရဲအစု ဖြစ်ပေါ်၏။

မသိမှု {အ၀ိဇ္ဇာ}၏သာလျှင် အရဟတ္တမဂ်ဖြင့် အကြွင်းမဲ့ ချုပ်ခြင်းကြောင့် ပြုစီရင်မှု {သင်္ခါရ}တို့ ချုပ်ကုန်၏၊
ပြုစီရင်မှု {သင်္ခါရ}တို့ ချုပ်ခြင်းကြောင့် သိမှု {၀ိညာဏ်}ချုပ်၏။ပ။

ဤသို့လျှင် အလုံးစုံသော ဆင်းရဲအစု ချုပ်၏။

ဤသို့ ဟောတော်မူသည် ရှိသော် အစေလကဿပသည် မြတ်စွာဘုရားအား ဤစကားကိုလျှောက်၏-
{{အသျှင်ဘုရား (တရားတော်သည်) အလွန်နှစ်သက်ဖွယ် ရှိစွတကား၊
အသျှင်ဘုရား (တရားတော်သည်) အလွန်နှစ်သက်ဖွယ်ရှိစွတကား၊
အသျှင်ဘုရား မှောက်၍ ထားသောဝတ္ထုကို လှန်ဘိသကဲ့သို့ လည်းကောင်း။ပ။
{မျက်စိအမြင်ရှိသော သူတို့သည် အဆင်းတို့ကို မြင်ကြကုန်လတ္တံ့}ဟု
အမိုက်မှောင်၌ ဆီမီးတန်ဆောင်ကို ဆောင်ပြဘိသကဲ့သို့လည်းကောင်း ဤ အတူသာလျှင် မြတ်စွာဘုရားသည် အကြောင်းအမျိုးမျိုးဖြင့် တရားတော်ကို ပြတော်မူပါပေ၏၊

အသျှင်ဘုရား ထိုအကျွန်ုပ်သည် ...
မြတ်စွာဘုရားကို ကိုးကွယ်ရာဟူ၍ ဆည်းကပ်ပါ၏၊
တရားတော်ကို လည်းကောင်း၊ ကိုးကွယ်ရာဟူ၍ ဆည်းကပ်ပါ၏၊
သံဃာတော်ကို လည်းကောင်း ကိုးကွယ်ရာဟူ၍ ဆည်းကပ်ပါ၏၊

အသျှင်ဘုရား အကျွန်ုပ်သည် မြတ်စွာဘုရား၏
အထံတော်၌ ရှင်အဖြစ် ရဟန်းအဖြစ်ကို ရလိုပါ၏}} ဟု လျှောက်၏။

{{ကဿပ သာသနာတော်မှ တစ်ပါးသော အယူကို ယူဖူးသူသည် ဤဓမ္မ၀ိနယ (သာသနာတော်) ၌ ရှင်အဖြစ်ကို ရလိုမူ ပဉ္စင်းအဖြစ်ကို ရလိုမူ လေးလတို့ပတ်လုံး အစမ်းကျင့်သုံးရ၏၊ လေးလလွန်သောအခါ ရဟန်းတို့သည် နှစ်သက်သော စိတ်ရှိကြလျှင် ရှင်ပြုပေးကြကုန်၏၊ ရဟန်းဖြစ်ရန် ပဉ္စင်းပြုပေးကြကုန်၏၊ စင်စစ်သော်ကား ဤအရာ၌ ငါဘုရားသည် ပုဂ္ဂိုလ်၏ ထူးခြားသည်၏ အဖြစ်ကို သိတော်မူ၏}}ဟု (မိန့် တော်မူ၏)။

{{အသျှင်ဘုရား သာသနာတော်မှ တစ်ပါးသောအယူကို ယူဖူးသူသည် ဤဓမ္မ ၀ိနယ (သာသနာတော်)၌ ရှင်အဖြစ်ကို ရလိုမူ ပဉ္စင်းအဖြစ်ကို ရလိုမူ လေးလ ပတ်လုံး အစမ်းကျင့်သုံးရမည်၊ လေးလလွန်သောအခါ ရဟန်းတို့သည် နှစ်သက် သော စိတ်ရှိကြလျှင် အကယ်၍ ရှင်ပြုပေးကြကုန်မူ ရဟန်းဖြစ်ရန် ပဉ္စင်းပြုပေး ကြကုန်မူ အကျွန်ုပ်သည် လေးနှစ်တို့ပတ်လုံး အစမ်းကျင့်သုံးပါမည်၊

လေးနှစ် လွန်ပြီးသောအခါ ရဟန်းတို့သည် နှစ်သက်သော စိတ်ရှိကြလျှင် ရှင်ပြုပေးတော်မူကြပါကုန်၊ ရဟန်းဖြစ်ရန် ပဉ္စင်းပြုပေးတော်မူကြ ပါကုန်}} ဟု လျှောက်၏။


အစေလကဿပသည် မြတ်စွာဘုရား၏ အထံတော်၌ ရှင်အဖြစ်ကို ရလေ၏၊ ပဉ္စင်းအဖြစ်ကို ရလေ၏၊ ပဉ္စင်းဖြစ်၍ မကြာသေးသော အသျှင်ကဿပသည် တစ်ယောက်တည်း ဆိတ်ငြိမ်ရာသို့ကပ်လျက် မမေ့မလျော့ ပြင်းစွာ အားထုတ် သည် ဖြစ်၍ နိဗ္ဗာန်သို့ စေလွှတ်ထားသော စိတ်ရှိလျက်နေသည် ရှိသော် ကောင်းစွာသာလျှင် အိမ်ရာထောင်သော လူ့ဘောင်မှ အိမ်ရာမထောင်သော ရဟန်းဘောင်သို့ ၀င်ရောက်ကြ သော အမျိုးကောင်းသားများ လိုလားအပ်သော အတုမရှိသော အကျင့်မြတ်၏ အဆုံးဖြစ်သော အရဟတ္တဖိုလ်ကို မကြာမီ ယခု ဘ၀၌ပင် ကိုယ်တိုင် ထူးသော ဉာဏ်ဖြင့် မျက်မှောက်ပြု လျက် ရောက်၍ နေရ၏၊

{{ပဋိသန္ဓေနေမှု {ဇာတိ} ကုန်ပြီ၊ မြတ်သော အကျင့်ကို ကျင့်သုံးပြီးပြီ၊
(ဤမဂ်) ကိစ္စအလို့ငှါ တစ်ပါးသော ပြုဖွယ်ကိစ္စ မရှိတော့ပြီ}} ဟု သိ၏၊
အသျှင်ကဿပသည် ရဟန္တာတို့တွင် တစ်ပါးအပါအ၀င် ဖြစ်၏။

၇ - အစေလကဿပသုတ်၊ အာဟာရ၀ဂ်၊ နိဒါန၀ဂ္ဂသံယုတ်။

Thursday, September 18, 2008

ဓမ္မကထိကသုတ်- (တရားဟောသူ)

ဓမ္မကထိကသုတ်- (တရားဟောသူ)

သာဝတ္ထိနိဒါန်း။ ထိုအခါ ရဟန်းတစ်ပါးသည် မြတ်စွာဘုရားထံသို့ ချဉ်းကပ်၍ မြတ်စွာဘုရားကို ရှိခိုးလျက် တစ်ခုသော နေရာ၌ ထိုင်နေပြီးသော် မြတ်စွာဘုရား အား ဤစကားကို လျှောက်၏-

{{အသျှင်ဘုရား တရားဟောသူ {ဓမ္မကထိက} တရားဟောသူ {ဓမ္မကထိက} ဟူ၍ ဆိုအပ်ပါ၏၊ အသျှင်ဘုရား အဘယ်မျှဖြင့် တရားဟောသူ {ဓမ္မကထိက} ဖြစ်ပါသနည်း}} ဟု (လျှောက်၏)။

ရဟန်း အကယ်၍ အိုမှု {ဇရာ} သေမှု {မရဏ}ကို ငြီးငွေ့ရန် တပ်မက်မှုကင်းရန် ချုပ်ငြိမ်းရန် တရားဟောခဲ့မူ {{တရားဟောသူ {ဓမ္မကထိက}ရဟန်း}} ဟူ၍ ဆိုခြင်းငှါ သင့်၏၊

ရဟန်း အကယ်၍ အိုမှု {ဇရာ}သေမှု {မရဏ}ကို ငြီးငွေ့ရန် တပ်မက်မှုကင်းရန် ချုပ်ငြိမ်းရန် ကျင့်ခဲ့မူ {{တရားအား လျော်သော အကျင့်ကို ကျင့်သော ရဟန်း}} ဟူ၍ ဆိုခြင်းငှါ သင့်၏၊

ရဟန်း အိုမှု {ဇရာ} သေမှု {မရဏ}ကို ငြီးငွေ့ခြင်းကြောင့် တပ်မက်မှု ကင်းခြင်း ကြောင့် ချုပ်ငြိမ်းခြင်းကြောင့် မစွဲလမ်းမူ၍ (ကိလေသာတို့မှ) လွတ်မြောက်သည် ဖြစ်ခဲ့မူ {{မျက်မှောက်ဘ၀၌ နိဗ္ဗာန်သို့ ရောက်သော ရဟန်း}} ဟူ၍ ဆိုခြင်းငှါ သင့်၏။

ရဟန်း ...
ပဋိသန္ဓေနေမှု {ဇာတိ}ကို။
ဘ၀ကို စွဲလမ်းမှု {ဥပါဒါန်}ကို။
တပ်မက်မှု {တဏှာ}ကို။
ခံစားမှု {ဝေဒနာ}ကို။
တွေ့ထိမှု {ဖဿ}ကို။
တည်ရာ {အာယတန} ခြောက်ပါးကို။
နာမ်ရုပ်ကို သိမှု {၀ိညာဏ်}ကို။
ပြုစီရင်မှု {သင်္ခါရ}တို့ကို။
မသိမှု {အ၀ိဇ္ဇာ}ကို ငြီးငွေ့ရန် တပ်မက်မှုကင်းရန် ချုပ်ငြိမ်းရန် တရားဟောခဲ့မူ {{တရားဟောသူ {ဓမ္မကထိက}ရဟန်း}}ဟူ၍ ဆိုခြင်းငှါ သင့်၏၊

မသိမှု {အ၀ိဇ္ဇာ}ကို ငြီးငွေ့ရန် တပ်မက်မှုကင်းရန် ချုပ်ငြိမ်းရန် ကျင့်ခဲ့မူ {{တရားအား လျော်သော အကျင့်ကို ကျင့်သော ရဟန်း}} ဟူ၍ ဆိုခြင်းငှါ သင့်၏၊

မသိမှု {အ၀ိဇ္ဇာ}ကို ငြီးငွေ့ခြင်းကြောင့် တပ်မက်မှု ကင်းခြင်းကြောင့် ချုပ်ငြိမ်းခြင်း ကြောင့် မစွဲလမ်းမူ၍ (ကိလေသာတို့မှ) လွတ်မြောက်သူ ဖြစ်ခဲ့မူ {{မျက်မှောက် ဘ၀၌ နိဗ္ဗာန်သို့ ရောက်သော ရဟန်း}} ဟူ၍ ဆိုခြင်းငှါ သင့်၏။

၆ - ဓမ္မကထိကသုတ်၊ အာဟာရ၀ဂ်၊ နိဒါန၀ဂ္ဂသံယုတ်။

အဘယရာဇကုမာရသုတ်-



အဘယရာဇကုမာရသုတ်၊

၈၃။ အကျွန်ုပ်သည် ဤသို့ ကြားနာခဲ့ရပါသည်အခါတစ်ပါး၌ မြတ်စွာဘုရားသည် ရာဇဂြိုဟ်ပြည် ရှဥ့်နက်တို့အား အစာကျွေးရာ ဖြစ်သော ဝေဠုဝန်ကျောင်း၌ သီတင်းသုံး နေတော်မူ၏။ ထိုအခါ အဘယမင်းသားသည် နာဋ၏သား နိဂဏ္ဌ ထံသို့ ချဉ်းကပ်ပြီးလျှင် ရိုသေစွာ ရှိခိုး၍ တစ်ခုသော နေရာ၌ ထိုင်နေ၏။

တစ်ခု သော နေရာ၌ ထိုင်နေသော အဘယမင်းသားကို နာဋ၏သား နိဂဏ္ဌသည်- {{မင်းသား လာလော့၊ သင်သည် ရဟန်းဂေါတမကို အပြစ်တင် ချေလော့၊ ဤသို့ အပြစ်တင်သော် {အဘယမင်းသားသည် ဤသို့ တန်ခိုး အာနုဘော်ကြီးသော ရဟန်းဂေါတမကို အပြစ်တင် နိုင်ပေ၏} ဟု သင်၏ ကောင်းသော ကျော်စော သတင်းသည် ပျံ့နှံ့၍ ထွက်လတ္တံ့}} ဟု ပြောဆို၏။

အသျှင် အကျွန်ုပ်သည် ဤသို့ တန်ခိုး အာနုဘော်ကြီးသော ရဟန်းဂေါတမကို အဘယ်သို့ အပြစ်တင်ရပါ အံ့နည်း ဟု (လျှောက်၏)။ မင်းသား လာလော့၊ သင်သည် ရဟန်းဂေါတမထံသို့ ချဉ်းကပ်၍ {{အသျှင်ဘုရား မြတ်စွာဘုရားသည် သူတစ်ပါး မနှစ်သက်ဖွယ် မနှစ်ခြိုက်ဖွယ် ဖြစ်သော စကားမျိုးကို ပြောဆိုရာ ၏}}ဟု ဤသို့ ပြောဆိုလော့။

သင် ဤသို့ မေးသော် ရဟန်းဂေါတမသည် {{မင်းသား မြတ်စွာဘုရားသည် သူတစ်ပါး မနှစ်သက်ဖွယ် မနှစ်ခြိုက်ဖွယ် ဖြစ်သော စကားမျိုးကို ပြောဆိုရာ၏}} ဟု ဤသို့ အကယ်၍ ပြောဆိုငြားအံ့ ထိုရဟန်းဂေါတမကို {{အသျှင်ဘုရား ထိုသို့ ဖြစ်လျှင် ပုထုဇဉ်နှင့် အသျှင်ဘုရား၏ ခြားနားမှုသည် အဘယ်မှာ ရှိပါအံ့နည်း။ မှန်ပါ၏၊ ပုထုဇဉ်သည်လည်း သူတစ်ပါး မနှစ်သက်ဖွယ် မနှစ်ခြိုက်ဖွယ် ဖြစ်သော စကားမျိုးကို ပြောဆိုရာပါ၏}}ဟု သင် ပြောလော့၊ သင် ဤသို့ မေးသော် ရဟန်းဂေါတမသည် {{မင်းသား မြတ်စွာဘုရားသည် သူတစ်ပါး မနှစ်သက်ဖွယ် မနှစ်ခြိုက်ဖွယ် ဖြစ်သော စကားမျိုးကို မပြောဆိုရာ}} ဟု ဤသို့ အကယ်၍ ပြောဆိုငြားအံ့။

ထိုရဟန်းဂေါတမကို {{အသျှင်ဘုရား ထိုသို့ ဖြစ်လျှင် အဘယ့်ကြောင့် အသျှင် ဘုရားသည် ဒေ၀ဒတ်ကို {ဒေ၀ဒတ်သည် အပါယ်သို့ လားမည့်သူတည်း၊ ဒေ၀ဒတ် သည် ငရဲသို့ ကျမည့် သူတည်း၊ ဒေ၀ဒတ်သည် ငရဲ၌ တစ်ကမ္ဘာလုံး တည်မည့် သူတည်း၊ ဒေ၀ဒတ်သည် ကုစား၍ မရနိုင်သော သူတည်း} ဟု ဆိုပါသနည်း၊ အသျှင်ဘုရား၏ ထိုစကားကြောင့် ဒေ၀ဒတ်သည် အမျက်ထွက်ခြင်း နှလုံး မသာယာခြင်း ဖြစ်ရ၏}}ဟု သင် ပြောလော့။

မင်းသား ရဟန်းဂေါတမသည် နှစ်ဖက်သော အစွန်းရှိသော ဤပြဿနာကို သင် မေးသည် ရှိသော် နှစ်ဖက် အစွန်း လွတ်အောင် မဖြေနိုင်ရာ၊ အပြစ် ကင်းအောင် မပြောပြ နိုင်ရာ၊

ဥပမာသော်ကား ယောက်ျား၏ လည်မျို၌ ကပ်ငြိ၍ နေသော သံဆူးခွကို ထို ယောက်ျားသည် ထွေးအန်ခြင်းငှါလည်း မတတ်နိုင်၊ မျိုခြင်းငှါလည်း မတတ်နိုင် သကဲ့သို့၊ မင်းသား ဤအတူသာလျှင် နှစ်ဖက်သော အစွန်းရှိသော ဤပြဿနာကို သင် မေးသည် ရှိသော် ရဟန်းဂေါတမသည် နှစ်ဖက် အစွန်းလွတ်အောင် မဖြေ နိုင်ရာ၊ အပြစ် ကင်းအောင် မပြောပြနိုင်ရာ ဟု (ဆို၏)။

{{အသျှင် ကောင်းပါပြီ}}ဟု အဘယမင်းသားသည် နာဋ၏သား နိဂဏ္ဌ၏ စကား ကို ၀န်ခံ၍ နေရာမှ ထပြီးလျှင် နာဋ၏သား နိဂဏ္ဌကို ရိုသေစွာ ရှိခိုး၍ အရိုအသေ ပြုပြီးသော် မြတ်စွာဘုရားထံသို့ ချဉ်းကပ်၍ မြတ်စွာဘုရားကို ရှိခိုးပြီးလျှင် တစ်ခု သော နေရာ၌ ထိုင်နေ၏။

တစ်ခုသော နေရာ၌ ထိုင်နေသော အဘယမင်းသားအား နေကို မော့ကြည့်၍ {{ယနေ့ မြတ်စွာဘုရားကို အပြစ် တင်ဆိုခြင်းငှါ အခါမဟုတ်တော့ပြီ၊ နက်ဖြန် မိမိအိမ်၌သာ ငါသည် မြတ်စွာဘုရားကို အပြစ် တင်တော့အံ့}} ဟု အကြံ ဖြစ်၏။ အကြံ ဖြစ်ပြီးလျှင် {{အသျှင်ဘုရား မြတ်စွာဘုရားသည် နက်ဖြန် နံနက်အတွက် တပည့်တော်၏ ဆွမ်းကို မိမိလျှင် လေးပါးမြောက် ဖြစ်၍ လက်ခံတော်မူပါ}} ဟု လျှောက်၏။

မြတ်စွာဘုရားသည် ဆိတ်ဆိတ် နေခြင်းဖြင့် လက်ခံတော် မူ၏။

ထိုအခါ အဘယမင်းသားသည် မြတ်စွာဘုရား၏ လက်ခံတော် မူခြင်းကို သိ၍ နေရာမှ ထကာ မြတ်စွာဘုရားကို ရှိခိုး၍ အရိုအသေ ပြုပြီးလျှင် ဖဲလေ၏။ ထို့နောက် မြတ်စွာဘုရားသည် ထိုညဥ့်လွန်သဖြင့် နံနက် အချိန်၌ သင်္ကန်းကို ပြင်ဝတ်တော်မူ၍ သပိတ် သင်္ကန်းကို ယူလျက် အဘယမင်းသား၏ အိမ်သို့ ချဉ်းကပ်တော်မူပြီးလျှင် ပြင်ထားသော နေရာ၌ ထိုင်နေတော် မူ၏။ ထိုအခါ အဘယမင်းသားသည် မြတ်စွာဘုရားကို မွန်မြတ်သော ခဲဖွယ် ဘောဇဉ်ဖြင့် ရောင့်ရဲသည့် တိုင်အောင် တားမြစ်သည့် တိုင်အောင် မိမိကိုယ်တိုင် လုပ်ကျွေး၏၊ မြတ်စွာဘုရား ဆွမ်းဘုဉ်း ပေးပြီး၍ သပိတ်မှ လက်တော်ကို ဖယ်ပြီးသောအခါ အဘယ မင်းသားသည် နိမ့်သော ထိုင်စရာ တစ်ခုကိုယူ၍ သင့်လျော်ရာ၌ ထိုင်နေ၏။

သင့်လျော်ရာ၌ ထိုင်နေသော အဘယမင်းသားသည် မြတ်စွာဘုရားကို {{အသျှင် ဘုရား မြတ်စွာဘုရားသည် သူတစ်ပါး မနှစ်သက်ဖွယ် မနှစ်ခြိုက်ဖွယ် ဖြစ်သော စကားမျိုးကို ပြောဆိုရာပါ သလော}} ဟု လျှောက်ထား၏။

{{မင်းသား ဤစကားမျိုးတို့၌ တထစ်ချအားဖြင့် မဖြေကြားနိုင်}} ဟု
(မိန့်တော်မူ၏)။

အသျှင်ဘုရား ဤပြဿနာမေးမှု၌ နိဂဏ္ဌတို့သည် ပျက်စီးကြလေကုန်ပြီ ဟု (လျှောက်၏)။ {{မင်းသား အဘယ်ကြောင့် သင်သည် {ဤပြဿနာ မေးမှု၌ နိဂဏ္ဌတို့သည် ပျက်စီးကြ လေကုန်ပြီ}ဟု ဆိုရဘိ သနည်း}} ဟု (မေးတော်မူ၏)။
အသျှင်ဘုရား အကျွန်ုပ်သည် နာဋ၏သား နိဂဏ္ဌထံသို့ ချဉ်းကပ်၍ နာဋ၏သား နိဂဏ္ဌကို ရိုသေစွာ ရှိခိုးပြီးလျှင် သင့်လျော် ရာ၌ ထိုင်နေပါ၏၊ အသျှင်ဘုရား သင့်လျော်ရာ၌ ထိုင်နေသော အကျွန်ုပ်ကို နာဋ၏သား နိဂဏ္ဌသည် မင်းသား လာလော့၊ သင်သည် ရဟန်းဂေါတမကို အပြစ်တင် ချေလော့၊ ဤသို့ အပြစ်တင်သော် {{အဘယမင်းသားသည် ဤသို့ တန်ခိုး အာနုဘော်ကြီးသော ရဟန်းဂေါတမကို အပြစ်တင် နိုင်ပေ၏}} ဟု သင်၏ ကောင်းသော ကျော်စော သတင်းသည် ပျံ့နှံ့၍ ထွက်လတ္တံ့ ဟု ပြောဆိုပါ၏။

အသျှင်ဘုရား ဤသို့ ပြောဆိုသော် အကျွန်ုပ်သည် နာဋ၏သား နိဂဏ္ဌကို {{အသျှင် အကျွန်ုပ်သည် ဤသို့ တန်ခိုး အာနုဘော်ကြီးသော ရဟန်းဂေါတမကို အဘယ်သို့ အပြစ် တင်ရပါအံ့နည်း}} ဟု ဤသို့ ပြောဆိုခဲ့ပါ၏။ မင်းသား လာလော့၊ သင်သည် ရဟန်းဂေါတမထံသို့ ချဉ်းကပ်၍ ရဟန်းဂေါတမကို {{အသျှင်ဘုရား မြတ်စွာဘုရားသည် သူတစ်ပါး မနှစ်သက်ဖွယ် မနှစ်ခြိုက်ဖွယ် ဖြစ်သော စကားမျိုးကို ပြောဆိုရာပါ သလော}}ဟု ဤသို့ ပြောဆိုလော့။ သင် ဤသို့ မေးသော် ရဟန်းဂေါတမသည် {{မင်းသား မြတ်စွာဘုရားသည် သူတစ်ပါး မနှစ်သက်ဖွယ် မနှစ်ခြိုက်ဖွယ် ဖြစ်သော စကားမျိုးကို ပြောဆိုရာ၏}} ဟု ဤသို့ အကယ်၍ ပြောဆိုငြားအံ့။

ထိုရဟန်းဂေါတမကို {{အသျှင်ဘုရား ထိုသို့ ဖြစ်လျှင် ပုထုဇဉ်နှင့် အသျှင်ဘုရား ခြားနားမှုသည် အဘယ်မှာ ရှိပါအံ့နည်း၊ မှန်ပါ၏၊ ပုထုဇဉ်သည်လည်း သူတစ်ပါး မနှစ်သက်ဖွယ် မနှစ်ခြိုက်ဖွယ် ဖြစ်သော စကားမျိုးကို ပြောဆို ရာပါ၏}}ဟု သင်ပြောလော့။ သင် ဤသို့ မေးသော် ရဟန်းဂေါတမသည် {{မင်းသား မြတ်စွာ ဘုရားသည် သူတစ်ပါး မနှစ်သက်ဖွယ် မနှစ်ခြိုက်ဖွယ် ဖြစ်သော စကားမျိုးကို မပြောဆိုရာ}} ဟု ဤသို့ အကယ်၍ ပြောဆိုငြားအံ။

ထိုရဟန်းဂေါတမကို {{အသျှင်ဘုရား ထိုသို့ ဖြစ်လျှင် အဘယ့်ကြောင့် အသျှင် ဘုရားသည် ဒေ၀ဒတ်ကို {ဒေ၀ဒတ်သည် အပါယ်သို့ လားမည့် သူတည်း၊ ဒေ၀ဒတ်သည် ငရဲသို့ ကျမည့် သူတည်း၊ ဒေ၀ဒတ်သည် ငရဲ၌ တစ်ကမ္ဘာလုံး တည်မည့် သူတည်း၊ ဒေ၀ဒတ်သည် ကုစား၍ မရနိုင်သော သူတည်း} ဟု ဆိုပါ သနည်း၊ အသျှင်ဘုရား၏ ထိုစကားကြောင့် ဒေ၀ဒတ်သည် အမျက်ထွက်ခြင်း နှလုံး မသာယာခြင်း ဖြစ်ရ၏}} ဟု သင် ပြောလော့။

မင်းသား ရဟန်းဂေါတမသည် နှစ်ဖက် အစွန်းရှိသော ဤပြဿနာကို သင် မေးသည် ရှိသော် နှစ်ဖက် အစွန်း လွတ်အောင် မဖြေနိုင်ရာ၊ အပြစ် ကင်းအောင် မပြောပြ နိုင်ရာ၊ ဥပမာ သော်ကား ယောက်ျား၏ လည်မျို၌ ကပ်ငြိ၍ နေသော သံဆူးခွကို ထိုယောက်ျားသည် ထွေးအန်ခြင်း ငှါလည်း မတတ်နိုင်၊ မျိုခြင်း ငှါလည်း မတတ်နိုင် သကဲ့သို့၊ မင်းသား ဤအတူ သာလျှင် နှစ်ဖက် အစွန်း ရှိသော
ဤပြဿနာကို သင် မေးသည် ရှိသော် ရဟန်းဂေါတမသည် နှစ်ဖက်အစွန်း လွတ်အောင် မဖြေနိုင်ရာ၊ အပြစ် ကင်းအောင် မပြောပြနိုင်ရာ ဟု (ပြောဆိုပါ၏ ဟု လျှောက်၏)။

ထိုအခါ၌ ကလေးသူငယ် လူမမယ် ပက်လက် အိပ်တတ်သော အရွယ်သည် အဘယ မင်းသား၏ ပေါင်ပေါ်၌ နေ၏။ ထိုအခါ မြတ်စွာဘုရားသည် အဘယ မင်းသားကို {{မင်းသား ထိုစကားကို သင် အဘယ်သို့ မှတ်ထင်သနည်း၊ ဤ ကလေးငယ်သည် သင်၏ မေ့လျော့ခြင်းကို အစွဲပြု၍ လည်းကောင်း၊ အထိန်း၏ မေ့လျော့ခြင်းကို အစွဲပြု၍ လည်းကောင်း၊ သစ်သားတို သစ်သားစကို ဖြစ်စေ၊ ကျောက်စရစ် အိုးခြမ်းကွဲကို ဖြစ်စေ အကယ်၍ ခံတွင်း၌ ထည့်သွင်းလေ ငြားအံ့၊ ထိုကလေးသူငယ်ကို အဘယ်သို့လျှင် ပြုလုပ်ရာ သနည်း}} ဟု မေးတော်မူ၏။

အသျှင်ဘုရား ထိုကလေးငယ်၏ ပါးစပ်တွင်းရှိ အရာကို အကျွန်ုပ်သည် ထုတ်ဆောင်ရာ ပါ၏။ အသျှင်ဘုရား အကယ်၍ အစကပင် ထုတ်ဆောင်ခြင်းငှါ မတတ်နိုင်ငြားအံ့၊ လက်ဝဲလက်ဖြင့် ဦးခေါင်းကို သိမ်းပိုက်၍ လက်ယာလက်ဖြင့် လက်ချောင်းကို ကောက်ကွေး၍ သွေးထွက်ငြားသော်လည်း ထုတ်ရပါတော့အံ့၊ အဘယ့်ကြောင့်ဟူမူ- အသျှင်ဘုရား အကျွန်ုပ်သည် သူငယ်အား အစဉ်သနားခြင်း ရှိသောကြောင့် ပါတည်း ဟု (လျှောက်၏)။

စကား ခြောက်ခွန်း....

မင်းသား ဤအတူပင် မဟုတ်မမှန်၊
အကျိုး စီးပွါးနှင့်လည်း မစပ်၊
သူတစ်ပါးတို့လည်း မနှစ်သက် မနှစ်ခြိုက်၊
ထိုစကားမျိုးကို မြတ်စွာဘုရားသည် မပြောမဆို။ (၁)

ဟုတ်မှန်၏၊
အကျိုး စီးပွါးနှင့်ကား မစပ်၊
သူတစ်ပါးတို့လည်း မနှစ်သက် မနှစ်ခြိုက်၊
ထိုစကားမျိုးကို မြတ်စွာဘုရားသည် မပြောမဆို။ (၂)

ဟုတ်မှန်၏၊
အကျိုး စီးပွါးနှင့်လည်း စပ်၏၊
သူတစ်ပါးတို့ကား မနှစ်သက် မနှစ်ခြိုက်၊
ထိုစကားမျိုး၌ မြတ်စွာဘုရားသည် အခါအားလျော်စွာ ပြောဆို၏။ (၃)

မဟုတ်မမှန်၊
အကျိုး စီးပွါးနှင့် မစပ်၊
သူတစ်ပါးတို့ကား နှစ်သက်၏ နှစ်ခြိုက်၏၊
ထိုစကားမျိုးကို
လည်း မြတ်စွာဘုရားသည် မပြောမဆို။ (၄)

ဟုတ်မှန်၏၊
အကျိုး စီးပွါးနှင့် မစပ်၊
သူတစ်ပါးတို့ကား နှစ်သက်၏ နှစ်ခြိုက်၏၊
ထိုစကားမျိုးကိုလည်း မြတ်စွာဘုရားသည် မပြောမဆို။ (၅)

ဟုတ်မှန်၏၊
အကျိုး စီးပွါးနှင့်လည်း စပ်၏၊
သူတစ်ပါးတို့လည်း နှစ်သက်၏ နှစ်ခြိုက်၏၊
ထိုစကားမျိုး၌ မြတ်စွာဘုရားသည် အခါအားလျော်စွာ ပြောဆို၏။ (၆)

ထိုသို့ ဖြစ်ခြင်းသည် အဘယ့်ကြောင့်နည်း၊ မင်းသား မြတ်စွာဘုရားအား သတ္တ၀ါ တို့ကို အစဉ်သနားခြင်း ရှိသောကြောင့်တည်း ဟု (မိန့်တော်မူ၏)။

အသျှင်ဘုရား ပညာရှိ မင်းတို့သည် လည်းကောင်း၊ ပညာရှိ ပုဏ္ဏားတို့သည် လည်းကောင်း၊ ပညာရှိ သူကြွယ်တို့သည် လည်းကောင်း၊ ပညာရှိ ရဟန်းတို့သည် လည်းကောင်း ပြဿနာကို စီစဉ်ကုန်၍ မြတ်စွာဘုရားထံသို့ ချဉ်းကပ်ကြကာ မေးမြန်းကြကုန်၏။
{{အသျှင်ဘုရား အကြင်သူတို့သည် ငါ့ထံသို့ ချဉ်းကပ်၍ ဤသို့ မေးကုန် လတ္တံ့၊ ငါသည် ထိုသူတို့အား ဤသို့မေးသော် ဤသို့ ဖြေကြားအံ့}}ဟု မြတ်စွာဘုရားအား ရှေးဦး မဆွကပင်လျှင် စိတ်ကူး ကြံစည်ထားခြင်း ရှိပါသလော၊ သို့မဟုတ် တစ်ခဏချင်းဖြင့်ပင် ထိုပြဿနာ၏ အဖြေသည် မြတ်စွာဘုရား၏ ဉာဏ်ထဲမှာ ထင်မြင်၍ လာပါ သလောဟု (လျှောက်၏)။

မင်းသား ထိုသို့ ဖြစ်လျှင် ဤအရာ၌ သင် မင်းသားကို သာလျှင် ပြန်မေးအံ့၊
သင် မင်းသား နှစ်သက်သည့်အတိုင်း ဖြေကြားလော့။

မင်းသား ထိုစကားကို သင် အဘယ်သို့ မှတ်ထင်သနည်း၊ သင်သည် ရထား၏ အစိတ်အပိုင်း အင်္ဂါကြီးငယ်တို့၌ ကျွမ်းကျင်၏လော ဟု (မေးတော်မူ၏)။ အသျှင် ဘုရား မှန်ပါ၏၊ အကျွန်ုပ်သည် ရထား၏ အစိတ်အပိုင်း အင်္ဂါကြီးငယ်တို့၌ ကျွမ်းကျင်ပါ၏ ဟု (လျှောက်၏)။

မင်းသား ထိုစကားကို သင်အဘယ်သို့ မှတ်ထင်သနည်း၊ အကြင် သူတို့သည် အသင်မင်းသားသို့ ချဉ်းကပ်ကြကုန်၍ {ရထား၏ အင်္ဂါကြီးငယ် အစိတ်အပိုင်းသည် အဘယ်အမည် ရှိပါသနည်း} ဟု ဤသို့ မေးမြန်း ကြကုန်ရာ၏၊ အကြင်သူတို့ သည် ငါ့ထံသို့ ချဉ်းကပ်၍ ဤသို့ မေးကုန် လတ္တံ့၊ ငါသည် ထိုသူတို့အား ဤသို့မေး သော် ဤသို့ဖြေအံ့ဟု သင့်မှာ ရှေးဦးမဆွကပင်လျှင် စိတ်ကူးကြံစည် ထားခြင်း ရှိပါသလော၊ သို့မဟုတ် တစ်ခဏချင်းဖြင့်ပင် ထိုပြဿနာ၏ အဖြေသည် သင်၏ ဉာဏ်ထဲမှာ ထင်မြင်၍ လာရာသလော ဟု (မေးတော်မူ၏)။

အသျှင်ဘုရား တပည့်တော်သည် ရထားအတတ် တတ်ပါ၏၊ နားလည်ပါ၏၊ ရထား၏ အင်္ဂါကြီးငယ် အစိတ်အပိုင်းတို့၌ ကျွမ်းကျင်ပါ၏၊ တပည့်တော်သည် ရထား၏ အလုံးစုံသော အင်္ဂါကြီးငယ် အစိတ်အပိုင်းတို့ကို ကောင်းစွာ သိထားပါ၏၊ တစ်ခဏချင်းဖြင့်ပင် ထိုပြဿနာ၏ အဖြေသည် အကျွန်ုပ်၏ဉာဏ်ထဲမှာ ထင်မြင်၍ လာရာပါ၏ ဟု (လျှောက်၏)။

မင်းသား ဤအတူပင် ပညာရှိ မင်းတို့သည် လည်းကောင်း၊ ပညာရှိ ပုဏ္ဏားတို့သည် လည်းကောင်း၊ ပညာရှိ သူကြွယ်တို့သည် လည်းကောင်း၊ ပညာရှိ ရဟန်းတို့သည် လည်းကောင်း ပြဿနာ စီစဉ်ကုန်၍ မြတ်စွာဘုရားထံသို့ ချဉ်းကပ်ကြကာ မေးမြန်းကြကုန်၏။ တစ်ခဏချင်းဖြင့်ပင် ထိုပြဿနာ၏ အဖြေသည် မြတ်စွာ ဘုရား၏ ဉာဏ်ထဲမှာ ထင်မြင်၍လာ၏။

ထိုသို့ ဖြစ်ခြင်းသည် အဘယ့်ကြောင့်နည်း၊ မင်းသား မြတ်စွာဘုရားသည် ဓမ္မဓာတ် (သဗ္ဗညုတဉာဏ်) ကို ထိုးထွင်း၍ သိထား၏၊ ယင်းဓမ္မဓာတ် (သဗ္ဗညုတဉာဏ်) ကို ထိုးထွင်း၍ သိထားသောကြောင့် တစ်ခဏချင်းဖြင့်ပင် ထိုပြဿနာ၏ အဖြေသည် မြတ်စွာဘုရား၏ ဉာဏ်ထဲမှာ ထင်မြင်၍ လာ၏ ဟု (မိန့်တော်မူ၏)။

အဘယမင်းသားသည် မြတ်စွာဘုရားကို .....
အသျှင်ဘုရား (တရားတော်သည်) အလွန် နှစ်သက်ဖွယ် ရှိပါပေစွ၊
အသျှင်ဘုရား (တရားတော်သည်) အလွန် နှစ်သက်ဖွယ် ရှိပါပေစွ၊
အသျှင်ဘုရား (တရားတော် သည်) အလွန် နှစ်သက်ဖွယ် ရှိပါပေစွ။
အကျွန်ုပ်ကို ယနေ့မှ အစပြု၍ အသက်ထက်ဆုံး (ရတနာသုံးပါးကို) ကိုးကွယ် ဆည်းကပ် တတ်သော ဥပါသကာ ဟူ၍ မှတ်တော်မူပါ ဟု (လျှောက်၏)။

ဂ - အဘယရာဇကုမာရသုတ်၊ ဂဟပတိဝဂ်၊ မဇ္ဈိမပဏ္ဏာသပါဠိတော်။

ရာဟုလသုတ်-

ရာဟုလသုတ်-

(၁)
ချစ်သားရာဟုလာ သင်သည် မပြတ် ပေါင်းသင်းဆက်ဆံမှုကြောင့် ပညာရှိကို မထီမဲ့မြင် မပြုဘဲရှိပါ၏လော၊ လူတို့အား ဉာဏ်ဆီမီးကို ထွန်းပေးတတ်သော ပညာရှိပုဂ္ဂိုလ်ကို သင်သည် ပူဇော်ပါ၏လော။

(၂)
မြတ်စွာဘုရား တပည့်တော်သည် မပြတ်ပေါင်းသင်းဆက်ဆံမှုကြောင့် ပညာရှိကို မထီမဲ့မြင် မပြုပါ၊ လူတို့ အား ဉာဏ်ဆီမီးကို ထွန်းပေးတတ်သော ပညာရှိပုဂ္ဂိုလ်ကို တပည့်တော်သည် ပူဇော်ပါ၏။

(၃)
ချစ်သားရာဟုလာ သင်သည် ချစ်အပ်သာယာအပ်သော သဘောရှိကုန်သော နှလုံး မွေ့လျော်ဖွယ် ရှိကုန်သော ကာမဂုဏ် ငါးပါးတို့ကို စွန့်ပယ်၍ သဒ္ဓါတရားဖြင့် အိမ်မှ ထွက်ပြီးလျှင်ဆင်းရဲ၏ အဆုံးကို ပြုသူဖြစ်ပါလေလော့။

(၄)
ချစ်သားရာဟုလာ သင်သည် အဆွေခင်ပွန်းကောင်းတို့ကို ဆည်းကပ်ပါလေလော့၊ ဝေးသော ဆိတ်ငြိမ်သော ကြွေးကြော်သံကင်းသော ကျောင်းအိပ်ရာနေရာသို့ ချဉ်းကပ်လေလော့၊ စားဖွယ်ဘောဇဉ်၌ အတိုင်းအရှည်ကို သိသူ ဖြစ်ပါလေလော့။

(၅)
ချစ်သားရာဟုလာ သင်သည် သင်္ကန်း၌ လည်းကောင်း၊ ဆွမ်း၌ လည်းကောင်း၊ ဆေးပစ္စည်း၌ လည်းကောင်း၊ ကျောင်းအိပ်ရာနေရာ၌ လည်းကောင်း၊ ဤလေးပါး တို့၌ တပ်မက်မှု {တဏှာ} ကို မပြုပါလေလင့်၊ ဤလောကသို့ တစ်ဖန် ပြန်မလာ လိုပါလင့်။

(၆)
ချစ်သားရာဟုလာ သင်သည် ပါတိမောက္ခသီလ၌ လည်းကောင်း၊ ဣနြေ္ဒငါးပါးတို့၌ လည်းကောင်း စောင့်စည်းသူ ဖြစ်ပါလေလော့၊ သင့်အား ကာယဂတာသတိ ဖြစ်ပါ စေလော့၊ သံသရာ၌ ငြီးငွေ့ ဆန့်ကျင်မှု များသူ ဖြစ်ပါလေလော့။

(၇)
ရာဂနှင့် စပ်ယှဉ်သော လှပတင့်တယ်၏ ဟူသော အမှတ်နိမိတ်ကို ရှောင်ကြဉ်ပါ လေလော့၊ အသုဘဘာဝနာ အကျိုးငှါ အာရုံတစ်ခုတည်းရှိသော ကောင်းစွာ တည်ကြည်သော စိတ်ကို ပွါးများ ပါလေလော့။

(၈)
နိစ္စနိမိတ်မှ ကင်းသော အနိမိတ္တ၀ိပဿနာကိုလည်း ပွါးများပါလေလော့၊ မာနာ နုသယကိုလည်း ပယ်စွန့်ပါလေလော့၊ ထိုမာနကို ပယ်စွန့်နိုင်ခြင်းကြောင့် ငြိမ်းအေးလျက် နေရလတ္တံ့။

ဤသို့လျှင် မြတ်စွာဘုရားသည်
အသျှင်ရာဟုလာကို ဤဂါထာတို့ဖြင့် မပြတ် ဆုံးမတော်မူ၏။

၁၁ - ရာဟုလသုတ်၊ စူဠ၀ဂ်၊ သုတ္တနိပါတ်။

Wednesday, September 17, 2008

(၁) အောက်ပိုင်း သံယောဇဉ် ငါးပါး

(၁) အောက်ပိုင်း သံယောဇဉ် ငါးပါး

အဘယ်တို့သည် ...
အောက်မဂ်ဖြင့် ပယ်အပ်သော အဖို့ရှိသော သံယောဇဉ်ငါးပါးတို့ မည်သနည်း။

၁။ ပရမတ္ထအားဖြင့် ထင်ရှားရှိသော (ခန္ဓာငါးပါး) အပေါင်း၌ အမြင်မှားမှု
{သက္ကာယဒိဋ္ဌိ}၊
၂။ တွေးတော ယုံမှားမှု {၀ိစိကိစ္ဆာ}၊
၃။ နွား ခွေးစသည်တို့၏ အလေ့အကျင့်၌ မှားသောသုံးသပ်မှု
{သီလဗ္ဗတပရာမာသ}၊
၎။ လိုချင်တောင့်တမှု {ကာမစ္ဆန္ဒ}၊
၅။ ပြစ်မှားဖျက်ဆီးမှု {ဗျာပါဒ}သည် ရှိ၏။

ဤသည်တို့သည်
အောက်မဂ်ဖြင့် ပယ်အပ်သော အဖို့ရှိသော သံယောဇဉ် ငါးပါးတို့တည်း။

၅ - ပဉ္စကနိဒ္ဒေသ၊ ခုဒ္ဒက၀တ္ထု၊ ၀ိဘင်္ဂ။

(၂) အထက်ပိုင်း သံယောဇဉ် ငါးပါး

(၂) အထက်ပိုင်း သံယောဇဉ် ငါးပါး

အဘယ်တို့သည် ...
အထက်မဂ်ဖြင့် ပယ်အပ်သော အဖို့ရှိသော သံယောဇဉ်ငါးပါးတို့ မည်သနည်း။

၁။ ရူပဘုံ၌ တပ်မက်မှု {ရူပရာဂ}၊
၂။ အရူပဘုံ၌ တပ်မက်မှု {အရူပရာဂ}၊
၃။ ထောင်လွှားမှု {မာန}၊
၎။ ပျံ့လွင့်မှု {ဥဒ္ဓစ္စ}၊
၅။ မသိမှု {အ၀ိဇ္ဇာ}သည် ရှိ၏။

ဤသည်တို့သည်
အထက်မဂ်ဖြင့် ပယ်အပ်သော အဖို့ရှိသော သံယောဇဉ် ငါးပါးတို့တည်း။

၅ - ပဉ္စကနိဒ္ဒေသ၊ ခုဒ္ဒက၀တ္ထု၊ ၀ိဘင်္ဂပါဠိတော်။

(၃) ၀န်တိုခြင်း မစ္ဆရိယ ငါးမျိုး

(၃) ၀န်တိုခြင်း မစ္ဆရိယ ငါးမျိုး

အဘယ်တို့သည် ၀န်တိုမှု {{မစ္ဆရိယ}}ငါးပါးတို့ မည်သနည်း။

၁။ နေရာကျောင်းကန်၌ ၀န်တိုမှု၊
၂။ အမျိုး (ဒါယကာ)၌ ၀န်တိုမှု၊
၃။ လာဘ်လာဘ၌ ၀န်တိုမှု၊
၎။ အဆင်း၌ ၀န်တိုမှု၊
၅။ တရား၌ ၀န်တိုမှုသည် ရှိ၏။

ဤသည်တို့သည် ၀န်တိုမှု {မစ္ဆရိယ} ငါးပါးတို့တည်း။

၅ - ပဉ္စကနိဒ္ဒေသ၊ ခုဒ္ဒက၀တ္ထု၊ ၀ိဘင်္ဂ။

(၄) ကပ်ငြိခြင်း ငါးပါး

(၄) ကပ်ငြိခြင်း ငါးပါး

အဘယ်တို့သည် ကပ်ငြိမှု {သင်္ဂ} ငါးပါးတို့ မည်သနည်း။

၁။ တပ်မက်ခြင်းဟူသော ကပ်ငြိမှု {ရာဂသင်္ဂ}၊
၂။ ပြစ်မှားခြင်းဟူသော ကပ်ငြိမှု {ဒေါသသင်္ဂ}၊
၃။ တွေဝေခြင်း ဟူသော ကပ်ငြိမှု {မောဟသင်္ဂ}၊
၎။ ထောင်လွှားခြင်းဟူသော ကပ်ငြိမှု {မာနသင်္ဂ}၊
၅။ အယူမှားခြင်းဟူသော ကပ်ငြိမှု {ဒိဋ္ဌိသင်္ဂ}သည် ရှိ၏။

ဤသည်တို့သည် ကပ်ငြိမှု {သင်္ဂ} ငါးပါးတို့တည်း။

၅ - ပဉ္စကနိဒ္ဒေသ၊ ခုဒ္ဒက၀တ္ထု၊ ၀ိဘင်္ဂ။

(၅) မြား ငါးပါး

(၅) မြား ငါးပါး

ထိုတွင် အဘယ်တို့သည် မြားငါးပါးတို့ မည်သနည်း။

၁။ တပ်မက်မှု ဟူသောမြား {ရာဂသလ္လ}၊
၂။ ပြစ်မှားမှု ဟူသောမြား {ဒေါသသလ္လ}၊
၃။ တွေဝေမှု ဟူသောမြား {မောဟသလ္လ}၊
၎။ ထောင်လွှားမှု ဟူသောမြား {မာနသလ္လ}၊
၅။ အယူမှားမှု ဟူသောမြား {ဒိဋ္ဌိသလ္လ}သည် ရှိ၏။

ဤသည်တို့သည် မြားငါးပါးတို့တည်း။

၅ - ပဉ္စကနိဒ္ဒေသ၊ ခုဒ္ဒက၀တ္ထု၊ ၀ိဘင်္ဂ။

(၆) ဆူး ငါးပါး

(၆) ဆူး ငါးပါး

အဘယ်တို့သည် စိတ်ကို စူးဝင်တတ်သော ဆူးငါးပါးတို့ မည်သနည်း။

၁။ ဘုရား၌ ယုံမှား၏၊ တွေးတော၏၊ မဆုံးဖြတ်နိုင်၊ မကြည်လင်နိုင်။
၂။ တရား၌ ယုံမှား၏၊ တွေးတော၏၊ မဆုံးဖြတ်နိုင်၊ မကြည်လင်နိုင်။
၃။ သံဃာ၌ ယုံမှား၏၊ တွေးတော၏၊ မဆုံးဖြတ်နိုင်၊ မကြည်လင်နိုင်။
၎။ ကျင့်ဝတ် (သိက္ခာ)၌ ယုံမှား၏၊ တွေးတော၏၊ မဆုံးဖြတ်နိုင်၊ မကြည်လင်နိုင်။
၅။ သီတင်း သုံးဖေါ်တို့၌ အမျက်ထွက်၏၊ နှလုံးမသာယာ၊
ထိပါးပုတ်ခတ်လိုသော စိတ်ရှိ၏၊ ဆူးကဲ့သို့ဖြစ်၏။

ဤသည်တို့သည် စိတ်ကို စူးဝင်တတ်သော ဆူးငါးပါးတို့တည်း။

၅ - ပဉ္စကနိဒ္ဒေသ၊ ခုဒ္ဒက၀တ္ထု၊ ၀ိဘင်္ဂ။

(၇) စိတ်အနှောင်အဖွဲ့ ငါးပါး

(၇) စိတ်အနှောင်အဖွဲ့ ငါးပါး

အဘယ်တို့သည် စိတ်အနှောင်အဖွဲ့ ငါးပါးတို့ မည်သနည်း။

၁။ ကာမဂုဏ်တို့၌ မကင်းသော စွဲမက်မှု ၊ မကင်းသော လိုချင်မှု ၊ မကင်းသော ချစ်ခင်မှု ၊ မကင်းသောမွတ်သိပ်မှု ၊ မကင်းသော ပူလောင်မှု ၊ မကင်းသော တပ်မက်မှု ရှိ၏။
၂။ ကိုယ်၌ မကင်းသောစွဲမက်မှု ။ပ။ ရှိ၏။
၃။ ရုပ်၌ မကင်းသော စွဲမက်မှု ။ပ။ ရှိ၏။
၎။ အလိုရှိတိုင်း ၀မ်းပြည့်အောင် စား၍ အိပ်မှုချမ်းသာ၊ လျောင်းမှုချမ်းသာ၊ ငိုက်မြည်းမှု ချမ်းသာကို အားထုတ်လျက် နေ၏။
၅။ အမှတ်မထား တစ်ပါးပါးသော နတ်ပြည်ကို တောင့်တ၍ အကျင့်မြတ်ကို ကျင့်၏- {{ငါသည် ဤသီလဖြင့် လည်းကောင်း၊ ဤဓုတင် အကျင့်ဖြင့် လည်း ကောင်း၊ ဤကျင့်ဝတ်ဖြင့် လည်းကောင်း၊ ဤအကျင့်မြတ်ဖြင့် လည်းကောင်း၊ တန်ခိုးကြီးသော နတ်သော် လည်းကောင်း၊ တစ်မျိုးမျိုးသော နတ်သော် လည်းကောင်း ဖြစ်ရအံ့}} ဟု (တောင့်တ၍)ကျင့်၏။

ဤသည်တို့သည် စိတ်အနှောင်အဖွဲ့ ငါးပါးတို့တည်း။

၅ - ပဉ္စကနိဒ္ဒေသ၊ ခုဒ္ဒက၀တ္ထု၊ ၀ိဘင်္ဂ။