နောင်တချိန် လွယ်ကူစွာ လေ့လာနိုင်ကြပါစေရန် တရားပုံများ၏ comment တွင် တရားစာများပါ ထဲ့ပေးထားပါသည်။






သူတော်ကောင်းတရားများ လွယ်ကူစွာ လေ့လာနိုင်ရန် ဤအ၀ိုင်းလေးများ အတွင်းမှာ တရားစာများ တရားပုံများကို သွပ်သွင်းထားပါတယ် သင်တို့ စိတ်တိုင်းကြ ကူးယူဖြတ်တောက် လွတ်လပ်စွာ အသုံးပြုနိုင်ပါတယ်။


Friday, January 23, 2009

သတ္တဝါ လေးမျိုး


သတ္တဝါ လေးမျိုး

သာရိပုတြာ သတ္တဝါတို့သည် လေးမျိုးတို့တည်း။

အဘယ် လေးမျိုးတို့နည်းဟူမူ-

ဥ၌ ဖြစ်သော သတ္တဝါ၊
သားအိမ်၌ ဖြစ်သော သတ္တဝါ၊
အညှိ၌ ဖြစ်သော သတ္တဝါ၊
ကိုယ်ထင်ရှား ဖြစ်ပေါ်သော သတ္တဝါတို့ တည်း။

သာရိပုတြာ ဥ၌ ဖြစ်သော သတ္တဝါ ဟူသည် အဘယ်နည်း။
သာရိပုတြာ ဥခွံကို ခွဲထွက်၍ ဖြစ်ပေါ် လာသော ဤသတ္တဝါကို ဥ၌ ဖြစ်သော သတ္တဝါ ဟူ၍ ဆိုရ၏။

သာရိပုတြာ သားအိမ်၌ ဖြစ်သော သတ္တဝါ ဟူသည် အဘယ်နည်း။
သာရိပုတြာ သားအိမ်ကို ခွဲထွက်၍ ဖြစ်ပေါ်လာသော သတ္တဝါကို သားအိမ်၌ ဖြစ်သော သတ္တဝါ ဟူ၍ ဆိုရ၏။

သာရိပုတြာ အညှိ၌ ဖြစ်သော သတ္တဝါ ဟူသည် အဘယ်နည်း။
သာရိပုတြာ ငါးပုပ် အသေကောင်ပုပ် မုယောမုန့်ပုပ် အညစ်အကြေး စွန့်ပစ်ရာ အရပ် အညစ်အကြေး စီးဆင်းရာ အရပ်တို့၌ ဖြစ်ပေါ်လာသော သတ္တဝါကို အညှိ၌ ဖြစ်သော သတ္တဝါ ဟူ၍ ဆိုရ၏။

သာရိပုတြာ ကိုယ်ထင်ရှား ဖြစ်သော သတ္တဝါ ဟူသည် အဘယ်နည်း။
နတ် ငရဲသား အချို့သောလူ အချို့သော ဝိနိပါတိက အသူရာကို ကိုယ်ထင်ရှား ဖြစ်သော သတ္တဝါ ဟူ၍ ဆိုရ၏။

သာရိပုတြာ သတ္တဝါတို့သည် ဤလေးမျိုးတို့တည်း။

သာရိပုတြာ ဤသို့ သိမြင်သော ငါ့ကို ''ရဟန်း ဂေါတမအား လူတို့၏ (ကုသိုလ် ကမ္မပထ) တရား ဆယ်ပါးထက် သာလွန်သော အရိယာဖြစ်ရန် စွမ်းနိုင်သော ဉာဏ် အမြင်ထူး မရှိ၊ ရဟန်း ဂေါတမသည် ကြံစည် ယူဆလျက် စူးစမ်း လေ့လာကာ အလိုလို ထင်မြင်လာသော တရားကို ဟောကြား၏'' ဟု ပြောဆိုသော သူသည် ထိုစကားကို မပယ်သော် ထိုစိတ်ထားကို မပယ်သော် ထိုအယူကို မစွန့်သော် ဆောင်ယူလာသော ဝန်ထုပ်ကို ပစ်ချလိုက် သကဲ့သို့ ငရဲ၌ အချခံရ လတ္တံ့။

သာရိပုတြာ သီလ သမာဓိ ပညာနှင့် ပြည့်စုံသော (အရဟတ္တ မဂ္ဂဋ္ဌ) ရဟန်းသည် ယခု ဘဝ၌ပင် အရဟတ္တဖိုလ်သို့ ရောက်ရာ သကဲ့သို့၊ ဤအတူပင် ထိုစကားကို မပယ်သော် ထိုစိတ်ထားကို မပယ်သော် ထိုအယူကို မစွန့်သော် ဆောင်ယူလာ သော ဝန်ထုပ်ကို ပစ်ချလိုက် သကဲ့သို့ ငရဲ၌ အချခံရ လတ္တံ့ ဟူသော ဤဥပမာကို ငါ ဟော၏။

သတ္တဝါ လေးမျိုး၊ သီဟနာဒဝဂ်၊ မူလပဏ္ဏာသပါဠိတော်။